Pokka Cafe (荃灣千色匯II)

营业中

休息中

Pokka cafe呢個鐵板肉眼牛扒餐真係唔錯好耐無食過鐵板餐了😍啖啖肉 加左燒汁醬超惹味另外仲升級左做套餐 有得揀餐湯/沙律🥗 白飯/意粉/薯條 仲有飲品添‼️.肉眼牛扒好軟腍 肉汁爆棚 超juicy!!!自制左肉醬意粉🍝大食人士(我)一定唔會唔夠飽🥲套餐好抵讚 可以mix and match 唔想食麵/飯既可以選擇薯菜喔～咖啡朱古力超好味 仲有棉花糖係面頭😋底下見到杯邊有朱古力醬🍫呢個特飲不得了 邪惡之選🤤

成日聽人講五窮六絕，個市道會好差，怪唔知得周圍啲商場、食肆，都搞推廣、搞優惠啦。唔趁呢個機會出擊點對得住自己呀!今晚走咗嚟荃灣最旺場之一的千色匯，滿載以歸之後，就去咗呢間副有日式風格的西餐鋸扒。呢度搞緊推廣，做緊牛扒餐大優惠，有來自紐西蘭、美國及澳洲的牛扒供應，平平地紐西蘭牛扒餐平到$86就有交易，一於試試佢先。餐廳很窩心，餐檯面放定啲日版搓手液，供客人使用。今晚我哋叫咗一份肉眼和一份西冷，加$39升級，享用了餐飲、沙律/餐湯、白飯/薯條。鐵板上的牛扒，加入蒜蓉汁/黑椒汁，渣渣淋，香氣四散。聽職員講，牛扒在廚房是先煎至五成熟，上到鐵板之後，客人就可以自己再控制最後的熟成度。兩份牛扒都係200克，份量足。西冷相對肉眼為厚，所以食落更有質感。而肉眼雖然較西冷薄身一點，但口感又感較腍滑一點。至於肉味，兩者都是一樣豐富，喜歡吃牛的人士一定鍾意。配餐的沙律非常新鮮，吃起來很清爽。炸薯條好脆口。粟米粒、豆角配搭唔錯。白飯加黑椒汁超正!餐湯是南瓜蟹柳湯，南瓜味很出，加咗蟹柳，味道都很夾。呢度因為樓底很高，一點都唔嘈，所以，歏完牛扒再歏餐飲，咖啡、凍檸茶，喺度hea多陣都好爽。

難得放假，緊係要瞓晏d，然後再約朋友high過tea。朋友話近來行過呢間cafe，有個二人tea set，好吸引，佢話不如食呢間。呢間cafe tea time都幾多人喎，空間夠大，職員安排我哋坐窗口位，座位寬闊，坐得好舒服。Tea set果個menu已經夠吸引，無諗過叫其他。黎到見到覺得佢好靚，想食但又唔捨得，呢度分左三層。頂層：松葉蟹肉牛油果蕃茄沙律 - 松葉蟹肉鹹鹹地，夾埋牛油果一齊食，有層次感。底層沙律醬酸酸甜甜，有啲蕃茄啫喱同埋奇亞籽，食落有口感。中層：黑毛豬火腿配蜜瓜 - 風乾咗嘅黑毛腿味道鹹鹹香香，油脂豐富，配蜜瓜食冇咁漏。鵝肝醬多士 - 鵝肝醬口感細滑，味道濃。多士細細塊，脆口。日式芝麻雞翼 - 雞翼外皮脆，芝麻香，調味不錯。迷你雞肉漢堡牛角包 - 雞肉漢堡咬落軟熟，唔會散收收。牛角包牛油味香，小小脆。夾埋番茄同火箭菜一齊食，整體味道好夾。底層：日式紅豆綠茶慕斯 - 紅豆甜甜地，入口好綿，慕斯細密，唔太甜，幾好。士多啤梨慕斯牛奶布甸 - 士多啤梨酸酸地，牛奶布丁似豆腐口感，好滑。鮮果吉士撻 - 有藍莓同士多啤梨味，吉士甜得嚟又唔漏，一口一啖，都幾滿足。日式焦糖拖肥芝士卷

難得放假，去咗千色匯行吓，見到pokka cafe星期一至五有供應tea set，好似幾靚，價錢幾抵，就去嘆番個下午茶放鬆吓。Tea Set $268/2位，由沙律、鹹點到甜點都有齊，包埋兩杯嘢飲。松葉蟹肉牛油果蕃茄沙律賣相幾精緻，玻璃小杯底部裝住蕃茄粒沙律，清甜可口；上面有爽脆嘅沙律菜，配上creamy牛油果蓉，鮮味蟹肉同埋黑魚子，好好食。黑毛豬火腿配蜜瓜呢個配搭係不敗嘅，清甜爽脆蜜瓜配上甘香鹹香嘅巴馬臣火腿，我最愛嘅前菜小食之一。鵝肝醬多士多士脆脆的，配上滿滿的鵝肝醬，分量幾慷慨，creamy甘香；加埋黑魚子，更加矜貴，而且好滋味。日式芝麻雞翼雞翼炸得金黃香脆，皮脆肉嫩，鋪面嘅芝麻簡直係錦上添花，令到雞翼更加香口惹味。迷你雞肉漢堡牛角包呢個超級好食，牛角包係熱辣辣焗好嘅，金黃香脆，有牛油香，餡料仲有厚厚嘅雞肉漢堡扒、蕃茄、清新沙律菜。漢堡扒肉質Juicy加上雞軟骨顆粒，口感豐富。鮮果吉士撻有四件，兩種口味，藍莓同埋士多啤梨，牛油撻載着綿綿嘅吉士，加上清新酸甜嘅生果，簡單又美味。日式焦糖拖肥芝士卷焦糖加上拖肥，食落又唔係好甜喎，配上濕潤綿滑嘅芝士蛋糕卷，超級好味，但超級邪惡，不過感覺

放工係荃灣諗住去 Bxxxx 食個西餐慰勞下自己，路過見到Pokka Cafe 鐵板牛做 promotion，入去試下，心諗唔係靚牛都食下，因為好想食。鐵板黎到，賣相好ok, 但食完一口，再接一口，都係唔知自己食緊乜。無牛味都算，但連基本肉味都無，淨係食緊牛肉質感既物體..... 個體驗真係好惡劣，茶餐廳食梳打牛都有味過佢， 究竟點樣做到的？真係嚇怕我。其他食物好一般，個樣ok，但質素同味道真係非常有待改善，但我應該唔會等待，太過份。

開業己有廿多年的咖啡店，水準都能保持，亦經得起疫情，這間日式西餐廳價錢不算貴，價格合理，喜歡飲咖啡的朋友，一定喜歡。這個焗豬扒飯，需時焗制，豬扒嫩口，芝士加菠蘿，紅蘿蔔，灑上肉碎粒，香口。細細個鐵板燒帶子配上青芥末沙律醬，帶子好鮮甜。加多件芝士蛋糕，完美晚飯。重有一個意粉，可惜忘記拍照。

之前在青衣店食過，食物不錯。今次在荃灣也選去這店吃，不過我發現這店食物的種類比青衣店少，牛扒又只有西冷。把餐牌翻來翻去都未能找到合意食品，最後叫了下面兩個餐。紅酒燴牛尾定食，有沙律菜，蕃茄片，大根，麵豉湯，珍珠飯，主菜牛尾大大份，肉質嫩滑，骨與肉的部位容易切開，牛尾炆得夠透，醬汁也做得很好，鹹甜合度，醬汁內又有紅蘿蔔和脆肉瓜，色彩豐富。有點肥又不會過膩，牛尾有很多肉可食。沙律菜口感清爽，酸酸甜甜，令胃口大開。麵豉湯內有豆腐粒和昆布，湯是微溫，如果熱些更好飲。是日精選晚餐是燒汁銀雪魚，免費送沙律或餐湯及餐飲，上檯時看到其他配菜與紅酒燴牛尾定食的一樣。主食銀雪魚是長長一大件，魚身較薄，整件魚的上面都鋪滿了燒汁，魚肉入口軟滑，魚皮位置有點焦脆，平常我不喜歡吃魚皮，覺得腥，但今次這個魚皮做得很香口，所以我也連同魚肉一齊吃，燒汁味道很好，魚骨又少，用來送飯十分適合。餐飲叫了一杯預級希達姆咖啡，這些精品咖啡，我不加糖和奶飲用，一口一口慢慢品嚐，味覺清澈，甘甜微苦，餐後喝一杯確是不錯。食品的價錢屬於中上級，今次兩個餐都好味，算是對得上這個價位了。

經常去荃灣千色店嘅Pokka Cafe，今日非常失望，中午點了個豬扒香煎豬梅花肉配無花果燒汁、羅宋湯、凍檸樂，上菜速度奇快，好似快餐店一早煮定，飲完個好酸嘅羅宋湯，豬梅花肉有陣怪味，個無花果汁無味，同經理講個豬有怪味，立即俾餐牌我轉餐，於是我改點了輕煎三文魚扒配菠菜忌廉汁，三文魚煎得太乾兼無味，明顯兩個餐嘅食材都唔新鮮亦無調味，係我喺Pokka Cafe食過最差嘅一餐，呢個午餐＄196.9一d都唔值。

週六相約男友荃灣下午茶，點知有人遲遲未到，一個人無所事事，去左千色店地下嘅pokka cafe食個tea。餐廳安排了窗口四人座位給我，望住窗外人來人往，我卻獨自望著餐牌點餐，愁緒倍增，唯有點款豐富下午茶令心情開心番晒。鮮蝦芒果沙沙及牛油果温泉蛋三文治 $78一款係麵包舖滿芒果沙沙醬加4片開邊大蝦，口味清新，兩款多士都好好食。另一款係麵包舖滿牛油果及牛油果醬，切開温泉蛋，蛋汁滲入麵包內。兩款多士都好好食，另外還有幼薯條，可惜我始終比較喜歡粗薯的口感，薯條份量幾多，還是二人分享會更好，另加18蚊可配精選咖啡。

下午茶同小朋友去左pokka cafe 入座算快 係人手比較少 我叫左個韓式雞扒小食拼盤 講下份量先 份量以女仔黎講 算岩岩好裡面有咩呢： 雞扒 、薯餅（但係因為無貨而轉左薯條）麻醬沙律🥗、煙肉豬肉腸、茄汁焗豆味道方面： 雞扒算juicy 其他就無咩太特別 配左個凍檸茶 小朋友叫左個腸仔茄汁意粉🍝份量就比較大份 賣相就普通 腸仔係魚肉腸 小朋友唔多岩口味坐位近門口 因為枱偏高同櫈有d距離 唔算好舒服整體普通

今日(27-7-2020 Mon)同老公 work from home,到食晏時間,就同老公落街食,原本唔想落荃灣,但廣發冇開,咁落荃灣啦,老公話嚟呢間.OK.我哋去到有兩組客人等,但唔知係咪太少員工,所以都要等好耐,到我哋喇,職員開頸俾個啱啱好嘅二人枱我哋,但佢見我哋好似有好多嘢咁,就主動話俾張大啲嘅枱我哋,真好.睇完menu,老公要$118.00嘅本格牛肉烏冬,我要$168.00嘅香燒雞肉意大利煎飯.要沙律同餐湯各一.沙律係麻醬田園沙律,麻醬份量啱啱好,沙律菜新鮮.味道:3分餐湯係忌廉湯,原本以為冇乜料,原來唔係,有蝦肉,蛋絲同疑似蔬菜粒,鹹淡適中,口感亦啱啱好,唔錯.味道:5分老公嘅本格牛肉烏冬到嚟,我試吓,扁扁地嘅烏冬尚算彈牙,而佢啖湯都幾好味,可惜老公加咗七味粉,我唔可以再飲.味道:4.5分我嘅香燒雞肉意大利煎飯呢? 厚雞肉煎得香脆但仍juicy,濕潤嘅意大利煎飯有著淡淡嘅芝士同黑松露味,重要裡面有翠玉瓜粒同菇.呢個都OK 嘅.味道:4分最後餐飲要凍檸水,呢個正常冇問題.服務:唔錯,會主動斟水.環境:坐得舒服,但冷氣有時唔夠,所以俾4.7分上次食評: https://www.

整體感覺不錯，環境舒適。食物都達水準，海鮮天使麵面底夠哂幼滑，海鮮醬汁和海鲜配料配合得好好味～朱古力雪糕班戟是我們最愛，班戟香口軟腍，新鮮香蕉可口，朱古力雪糕凉浸浸又甜蜜又夠消暑，值得和女友一起品嚐～最重要服務態度好好，呢個係我地開心食嘢嘅最重要因素，主動安排我地坐舒服啲位置，上食物又快，更唔會比左錢後先叫我地自行清潔執手尾、事前又唔講聲果種咁no service lor。服務真的好好，食得開心，抵讚，再幫襯～

要黎千色店買啲野，所以黎試下呢個cafe，原來星期六都有lunch set。將個餐湯升級咗做酥皮海鮮湯，個酥皮好脆，海鮮湯都足料，好味！叫咗虎蝦豬柳，豬柳略嫌有小小un，同埋有啲細塊，不過味道都ok，可接受。叫咗西冷牛扒，5成熟，肉質唔錯。最後仲飲咗杯凍嘅水果茶，略嫌有啲甜。整體黎講，性價比唔算高，但都過得去，可接受。疫情期間，餐廳防疫措施都做得足，感覺都乾淨整潔嘅，同埋啲店員態度良好。如果想搵個舒服環境食下野飲下野都係一個幾好嘅選擇。

I was impressed with the coffee and how it was served. It is unique how they decorate the coffee. Even you can top up to have more coffee. I had to wait a while to get a table. Service as usual. Coffee price was diffidently worth it. Spaghetti bolognese and soup are usual. If I compare it with service, decoration, and quality, the price seems to be a little expensive. I am not sure it is worth it well. However, I certainly like to visit this place again for coffee. Anyone like to enjoy a good co

今日和外母往荃灣Pokka cafe食晚餐, 我們點了紅酒燴牛尾飯定食, 什扒套餐、凍朱古力咖啡和煎鵝肝。紅酒燴牛尾飯定食有紅酒燴牛尾飯外, 還有前菜, 沙律和味噌湯。紅酒燴牛尾食落有紅酒香味, 牛尾肉質入口即熔, 飯食落軟綿香滑, 前菜黃蔔食落開胃；沙律新鮮爽口和味噌湯鹹度適中；什扒套餐賣相吸引, 有煎和牛漢堡, 雞扒、香腸和焗薯, 煎和牛漢堡肉質香濃, 配上牛油食落惹味, 雞扒煎得香脆, 肉質鮮嫩；香腸食落香脆爽口和焗薯食落軟腍, 前菜胡麻醬蕃茄食落開胃, 整份什扒套餐材料豐富, 味道十足；凍朱古力咖啡朱古力甜度適中, 配上棉花糖口感豐富, 咖啡味道香濃；最後煎鵝肝是餐廳限定, 鵝肝配上石面上煎, 食落有油花, 口感十足。餐廳座位闊落, 食物美味高質晚餐, 適合情侶,三五知己或家庭聚會好地方。