影片
南区特色会所，邻近海洋公园 。一定系揸车入去比较方便。运动、康乐设施齐备。泳池旁的 Poolside restaurant , outdoor 空气清新。但为了保护会所空气，所以为非吸烟区。快餐形式，厨房柜台落单，自己攞食物(Self-serve)。食物质素ok，餐牌价钱合理，西式同港式任君选择 ，照顾一家大细、小朋友餐都有。 而今晚我就拣咗 special 每日精选，竟然有惊喜。 鱼块香脆丶新鲜芦笋丶蘑菇配蕃茄汁，同埋杯咖啡，一如以往地好饮。另外想健康啲都有特色Juices 。Menu 以英文为主，除咗港式大排档菜式有中文。帐篷挡风，又可以遮太阳，不过夜晚带多件褛，冬天的时候会开暖炉。
继续阅读
876 浏览
周日早上因大肥爸爸要入去香港乡村俱乐部办理事情，肥肥家族就决定索性喺𠮶度食埋午餐。可能阴天o既关系，外出天气都几冻吓，会所各餐厅o既室内座位早已爆满，四口子唯有喺冇乜人o既「Poolside」度食快餐医肚。顾名思义，「Poolside」位于泳池旁，散座全为室外座，重重o既铁造枱櫈均有沙滩遮保护，虽则当日落著雨粉，环境却仍能保持企理干净，加上四周都开住暖炉，可谓尽显高级会所o既雅气。餐厅属快餐形式经营，简易处理o既多国菜式都列于两页餐牌内，当中包括汉堡包、热狗、咖哩、汤面等等。除此之外，黑板上亦写上每日精选项目。今期仲有日本清酒及港式奶茶饮添。会员于厨房柜台落好单后，就要排队等攞食物，不过好多需时煮制o既餐饮都会有部震震机通知贵客食物已准备好，流程简单易明，内外o既服务生又极之友善客套，用餐前真系全面满分架！食物终于续一准备好啦！炸鱼皮（$26）：睇住师傅备菜方才知悉炸鱼皮原来并非即叫即炸，而系独立包装货式；翻阅餐牌，人地真系冇写「即炸」㖞。炸鱼皮无论系质感同味道都劲似薯片，系就系好薄同几脆，但就欠缺咗份松化惹味。上海菜肉饺（$40）：全场只有一款o既上汤底唔油腻，无奈饮落劲似味精水。合共有七只o既上海菜肉饺皮层滑就够滑，可惜过于厚实，菜肉馅料再嫩脆亦瑜不掩瑕。港式奶茶（$24）：真系估唔到咁洋化o既会所池边餐店居然可以调出如丝般幼滑，且香浓无比o既港式奶茶，就连色泽都咁坚，掂呀！属私人会所o既香港乡村俱乐部除咗具备多项娱乐设施之外，其实亦设有多间餐厅提供各国美食。肥肥家族一向唔好户外活动，而且最怕冇冷气o既地方要喂蚊，所以绝少喺池边用餐，上个周末都系因为成个会所爆场，迫于无奈先会喺度食晏。室外餐室黎讲，「Poolside」环境绝对高雅洁净，服务亦属一流，只系快餐食品质素麻麻，幸好有杯惊喜「港式奶茶」搭救，价钱又唔算过份，成功令细佬原定想俾「喊脸」o既食评都改为「OK」。
继续阅读