R.T. 泰國美食 2

营业中

休息中

返教會前搵食，喺對面街見到RT，睇埋門口menu，入面又有位，就入咗去，坐咗一半人，晚市a la carte,叫咗泰式生蝦（$89），好新鮮，都好多隻，不過辣椒🌶️唔辣，叫埋芒果糯米飯🍚，飯熱辣辣，甜Q，芒果🥭多又甜。overall抵食

嗌咗個海南雞飯有異味唔新鮮仲要呢係冇其他飲品選擇50蚊都覺得佢好貴啲飯又硬又冇油香味冇椰香味大不幸之選,仲要啲員工態度極差講收工講你走一粒飯都未食就話要趕你走!!??廚房好dirty 唔知以為去左地盤食野!!果碟野其到唔知食唔食得 for the Hainanese chicken, the meat is not all cooked, so it is difficult to bite off, so I don’t want to think about the meat, so let’s bury the Hainan chicken Is there any oily aroma? I eat more like a white chicken. The rice is completely rotten. seems not cooked

之前行過呢間泰式小店，見佢嘢食價錢都幾抵，今日就嚟試試佢！🤩鹹魚炒通菜唔會太鹹，有小小甜甜地，咁大碟都係五十幾蚊，幾抵食！😋😋泰式燒牛肉，燒得夠晒香，係有幾舊有筋所以有啲韌，其餘都算腍！🤪佢仲要有埋新鮮菠蘿，食落酸酸甜甜啱晒解膩，夾埋食就唔怕食滯！🥳🍍海鮮炒河主要係魷魚，仲有青口同蝦，大大碟，唔會好鹹，味道帶微辣，2個人都差啲食唔晒！🦐🐙🦞🦑嘢飲方面，芒果沙冰質地似芒果漿，太杰身…🫣但珍多冰就好香椰汁味，呢杯就推薦！🥥🥰

次次經過呢間泰國嘢都坐滿咁滯，之前經過佢係差館里既小食分店都聞到好香，今日終於嚟呢到一試週日大約七點嚟到，都係坐滿既，而人手唔多，員工忙住做外賣，雖然我地只係兩個人，同埋排第二，都等咗差唔多半個鐘先入得，大家嚟食嘢要留意下一開始叫咗一客串燒拼盤（$89），叫咗雞牛豬各二，串燒係烤得好香既，而且都十分juicy，特別鍾意食佢個牛肉，一啲都唔韌，香味濃郁不過就有少少鹹，加埋佢個甜甜的沙嗲醬，配搭會好啲另外叫咗一客菠蘿海鮮炒飯（$65），份量十分之大，炒飯頗有鑊氣，肉鬆同提子乾都比得好闊佬海鮮有蝦、魷魚等，正常發揮，食完十分滿足最後嗌咗一杯芒果沙冰（$30）因為店內唔算好涼，飲返杯凍嘢就正合適，芒果味香甜，又大大杯，都好抵飲整體嚟講，呢到啲嘢份量大，又多選擇，想食泰國嘢都會再嚟幫襯的！

此店位於何文田地鉄出口附近，雖然如此，但人流不算太多，可是經過時見它仍有不少顧客光顧。午餐大部分都是泰式碟頭飯、炒河、炒粉絲、湯河都有，有成13款任選。除湯河平$5，其他都是$50。送的是汽水或龍眼冰。試咗泰式炒雞肉金邊粉，頗大碟，有蛋碎、雞肉塊、大量芽菜、花生碎等，而金邊粉亦多，擠些青檸汁後，吃起來鹽甜酸都有，而且很協調，令你很開胃，金邊粉軟中帶靱性，所以大大碟都吃很完。龍眼冰，唔算太濃，稀稀地，一般ok啦！

疫情之下, 想不到一間由泰國人主理的巷仔小店竟逆市開分店. 這分店的餐牌跟本店大同小異, 係多左D小食咁. 食物的口味正宗, 比較辣一點.泰式雞肉炒河($55) - 碟頭大, 味道重, 落左頗多辣椒絲, 所以都幾辣下, 同埋油左少少. 配料除左雞肉, 仲有秀珍菇同豆角.肉碎生菜包($55) - 肉碎炒得好香, 香茅跟其他香料味濃, 跟清新爽脆的生菜很匹配. 肉碎份量亦很多, 包完8大片生菜都有好多剩. 隔日要黎炒飯或炒菜都好正.

原本佢地起差館里買開外賣的，佢地起蕪湖街開堂食店，好彩趕上晚飯前限制令堂食，很喜歡他的咖哩軟殼蟹，泰式通菜ok，蒜容飽都唔錯，每人叫杯椰汁冰，3個人都係3佰幾好抵食。