Rabbitland Cafe

营业中

休息中

想去好耐呢間好耐，因為好少見兔仔既cafe❤️佢有套餐同單點揀不過主要輕食為主，餵兔兔先係重點😛我叫Combo set A野食正常，包埋杯野飲有埋兔兔飼料，無限制時間～～有飼料先係王道🤣 店員會放兔兔出黎有飼料佢地就會過黎～～可以近距離接觸好開心呀😍😍😍😍我捕捉到兔兔食到成個頭入落飼杯到既一刻🤣如果中意兔兔既朋友仔或者有小朋友帶佢黎呢間都係一間不錯既選擇❤️貓cafe就去得多，兔仔cafe呢間真係第一間❤️會再去😛😛😛

咁岩平日夜晚去得我同男朋友一枱，所以可以盡情同兔仔玩，入到去雖然環境不大但因為少人所以對我地無影響，建議可以選擇平日時間去。野食方面，唔算特別好食但可以接受，畢竟佢賣點係可以同兔仔玩。店員都好放心放左幾隻兔仔出黎同我地玩同餵草，見我地想同兔仔影相店員仲主動幫我地影合照添 ，兔兔有時便便左係地下店員都有主動盡量去掃走👍🏻兔仔都慣左同人玩，仲好胃食添好可愛。第一次同兔仔玩，係個開心難忘的回憶😊

兔兔那麼可愛🐰，怎麼可以吃兔兔🥺！放心放心，我地同兔兔玩啫~機緣巧合下去咗一間黃店兔兔cafe，可以休閒嘆吓小食同飲品，又可以同可愛兔仔互動，好療癒☺️！今次揀左Combo Set A ($98)可以無限任坐，包一杯飲品、一份$48或以下食物同一份兔仔小食。正所謂有兔仔草就係金主🤑，兔仔見到就勁興奮，食嘢時嘴邊肉郁郁下好得意。兔仔店長「麵包」會周圍跳嚟跳去同客人玩，不過一食完你嘅草就跳走🤣，我地笑佢係負心漢。食物方面都ok喎，芝士鹹牛肉飛碟表面烘到酥脆，熱辣辣既鹹牛肉同芝士味道好夾🧀，榛子咖啡同焦糖朱古力都幾濃郁。不過要小心踩到地下既兔仔便便💩，同埋食完嘢要帶返口罩，同兔仔玩之餘都要保持社交距離呀。去唔到日本奈良餵鹿仔💓，不如嚟Rabbitland餵下兔仔啦~————————————————🌟注意：餐廳只收現金，同兔仔玩要遵守餐廳守則，4歲以下小童恕不招待，必須穿襪————————————————為食大眼妹💛自家製及黃店日常🐷

好久之前已經想來到好幾年前終於來了 但遇上包場🤣🤣🤣今日想去探兔兔 終於實行到😛小動物的Cafe衛生算好唔錯而且進場的時候店員要求我們脫鞋子及消毒雙手👍🏻👍🏻兔兔店長 麵包 毛超滑超好摸店員好好 比左生菜我餵佢地☺️感覺到兔兔都係開心的 覺得佢地一定係被照顧得好好!! 因為之後會去食晚飯 所以只點了飲品味道不錯呀下次會再來探兔兔🐰

店員盡責，有為客人量體溫。佢有提醒我地兔仔唔可以抱，但可以摸同埋影相。唔好用閃光燈。一入門就覺得店內柔和嘅燈光好舒服。店內有 8 成座位係好似日本嘅 tatami。近窗嘅位置有兩張正常高度嘅餐檯。我同一個朋友去果度食晚餐。我地 8:15 PM 先到，好彩 last order 時間係 8:30 PM。計埋我地兩個，成間店得四個客人咋！所以我地可以同好多唔同嘅兔仔玩又唔使擔心太逼人或撞倒人。我叫左一個芝麻醬冷烏冬。朋友叫左一份大薯條。我飲熱朱古力，朋友亦都叫左熱飲，但我唔記得係咩。熱飲杯嘅設計睇得又實用。佢個蓋可以同時間保持飲品嘅溫度同埋放好一隻匙羹。我同朋友都無帶散紙。埋單個陣，店員容許我地逐個比錢。店員態度有禮。一個人 $98 包一份 $48 嘅野食，一杯飲品，同埋一杯餵兔仔嘅食物。另外，廁所都乾淨。

好好嘅經歷🐰首先門口有文宣 同道中人會光顧得舒暢啲☺️不過其實係黃店前我都嚟過 今次係第二次。佢有兩種set，一種係有限時嘅餐(好似個半鐘)，另一種就無限時。我揀左a2餐 有機花茶+兔仔小食+無限時同兔兔玩🐰兔兔會放出嚟係地下走動 可以同兔兔進行接觸☺️佢地攰會有得返籠休息 好似返shift咁😂感覺唔會太chur兔仔 相信職員們都錫兔仔有愛心嘅，唔係當佢地廉價勞工🤣最後，真係好抵玩 我玩左成日💓兔仔好可愛🐰💖推薦🥳🥳❤️薰衣草有機花茶很香 但對我來說味道有點太強烈了。喜歡薰衣草的 可以點，但我打算下次點較清香的花茶。

聖誕節期間大食妺同朋友仔去銅鑼灣唱k唱完之後見離下場仲有啲時間, 就睇下附近有乜嘢cafe可以坐下, 然後就揾到呢間兔仔cafe, 打算去逗兔hea下時間呢間Rabbitland嘅兔仔種類都唔少~<麪包店長>呢隻啡色嘅兔兔係麪包店長, 個性活潑, 跳得好快毛色好似焦焦嘅麪包色, 中等身材, 但好鍾意食野同大食妹一樣呢<兔兔栗子>栗子嘅size比起其他兔兔細, 好似個小朋友咁~摸下摸下, 佢就舒服到變左舊栗子饅頭, 好可愛<其他兔兔>在場都有其他兔兔, 大食妹就唔逐－介紹啦至於收費方面, 每人90分鐘連－杯飲品, 收50蚊, 都幾抵雖然飲品味道普普, 但cafe黎講係可以接受

網上意外發現的兔子餐廳，而且是全港唯一一間兔子餐廳。我們沒有訂座，下午12點半到達，當時只有兩台客人。首先，餐廳有兩種套餐，一個是有限一小時，一個是沒有限時。因為我們想盡情跟兔子互動，所以選了沒有限時的套餐。之後餐廳員工會要我們先消毒雙手，然後講兔子只可以摸，不可以抱，不能大叫，會嚇親兔子等規則。一坐下，員工會送上兩瓶草，用來喂食兔子，兔子很可愛，精伶活潑，在咀嚼草的時候十分可愛，我第一次摸兔子的毛，竟意外地十分柔軟。而且整個場地沒有異味或者動物的臭味，為了可以跟兔子有近距離接觸，座位是在地上的，我們坐落期間有兔子跑來跪去，都會經過我們的雙腳，十分好趣。食物方面也不馬虎，日式照燒雞扒配稻庭烏冬很好味，烏冬也十分彈牙，飲品才不錯。因為免子實在太可愛，我會想繼續過來。

之前有來過這兔仔cafe,感覺店主店員也很親切，而且很多可愛的兔仔，環境也舒適，所以就再來了！今日有好多小朋友！而且店主也有小朋友在！大家都同兔仔玩得好開心！店主輪流放不同的兔仔岀來，有幾隻更主動到我地枱底討吃，勁得意！雖然坐地下耐有點腳累，不過可以有兔仔過來玩一會，看著他們不斷吃，真的很治癒☺️☺️在銅鑼灣有這個地方，而且收費不貴（只需點一個set），而且這麼多兔仔陪伴，真的很不錯👍🏻值得一讚是全店很多兔仔，也有兔仔屎（因為他們會邊走邊去，但只係一粒粒圓形的），但沒有味道，所以應該是很勤清潔我之前勁喜歡的「眼線」兔兔還在！而且大隻左好多！但仍超可愛，店主有放他岀來走走跳跳！其他兔兔也還是很可愛他很貪吃！走過來我們這邊討吃，但太可愛了這天很熱，我們都點了乳酸，味道不錯。面頭煎香左嘅煙肉好香！意粉都唔錯，太肚餓好快食晒！個雞扒冷烏冬都好味！雞翼個汁幾特別。

今日突然諗起想去好耐但未有機會去嘅Rabbitland Cafe，為左見兔仔所以即刻仆過去。🐰去到cafe見到有地蓆同座椅位。為左同兔仔親密接觸，我揀左坐地蓆櫈。🐇坐低除左睇兔仔，第二件事就係叫野食。😂 我叫左個$138餐：包兔糧草一杯; 人食嘅主菜一款，飲品一杯，再揀餐湯或薯條。主菜我揀左大食拼盤：有餃子3隻，炸得個皮好脆，但又唔會覺得硬，咬落去啲饀都熱辣辣; 雞翼3隻，煎到咬落雞皮有少少雞油滲出嚟，唔會覺得又乾又硬，係雞翼最佳狀態 ☺️魚手指皮脆肉滑，點茄汁食就最搭! 😍麥麥雞，好食過老麥，可能因為新鮮炸出嚟，咬落香啲有多啲肉味，皮唔厚又夠脆。😏跟餐嘅薯條大大兜，但炸得唔hea，皮貌肉滑重薯味，一食就知係新鮮炸起。食完野緊係要飲野。天時熱我叫左杯凍朱古力，大大隻玻璃杯，夠美觀兼份量夠。😘 美中不足係朱古力味可以再濃少少。🤔成個大食拼盤+大大兜薯條+飲品，下午茶嚟講都好夠食，飽飽滿足! 人食完野就到餵兔仔食野。場入面嘅兔仔大大隻肥肥白白好生猛，毛毛軟滑好摸，鍾意跑跑跳跳，仲好親人，間唔中仲會錫我兩啖! 😝😝可惜食完有事趕住走，如果唔係好想坐多一陣同兔仔玩。

今日第一次上去兔子cafe.屋企人一直唔比養，但兔仔好可愛，都好想上去睇下。去之前亦睇過關於cafe一些評論，自己亦有關注到動物權益的問題，但畢竟自己無親身去過，若只憑網上評論而判斷，似乎唔係咁公平。於是今日就想去睇下！首先，我本人同意環境的確比想像中細。可以想像如果滿座，的確會令兔仔同客人覺得逼。於是去之前都有特登問店主咩時段會最少人，店主就話5-6點。我自己去嘅時候係兩點半，一去嘅時候計埋我都有10個人。留到五點半，五點開始的確少人，計埋我在內得三個。所以都建議大家可以選擇呢個時間去，或者去前wts店主問最佳時間，相信會令大家更加舒服！其實對於動物cafe黎講，對食物並無太高期望，旨在睇動物。而我點左雞排珍珠飯（唔好意思，原本無打算打食評所以無咩影相。）味道上其實都不過不失，但我能夠理解點解話貴，但套餐黎計系可以任坐而我坐左三個鐘，有食物有嘢飲有兔仔草$138，我覺得好可以接受.對養兔仔好感興趣嘅我問左店主好多問題，原來兔仔放係籠嘅配對，係佢地經過觀察先放埋一齊，預防佢地打架。而咁多兔仔(8隻，如果無記錯）一d臭味都無，原來係因為店主日日放工之後都會拖地，掃乾淨。而確保佢地安全，店

香港少有既兔仔cafe, 可以餵兔仔,同兔仔一齊食野，一齊玩。雖然沒有想像中甘寛闊，兔仔並不多，但係佢地都幾得意，係一個可以鬆一鬆既地方食物方面選擇唔多，今次選了雞翼，飲品選了檸檬梳打，味道中規中矩，不過不失。價錢方面略嫌少少偏貴，一個套餐連餵兔仔一杯草糧大慨$100Cafe 位置上較難找到，在地鐵站落車都需要走一段路再在店鋪中間上樓，要行樓梯，沒有載客𨋢，熱天感覺不太良好，行到上cafe 之後就舒緩了，因為冷氣到了

小朋友好想養兔仔，但擔心又要照顧多隻兔仔，堅決唔想養兔仔。就帶他們試吓玩兔仔。擔心今日紅假冇位，所以一早每人要交$50留位費。來到已有人係度進食，因為座位又不是太舒適，所以坐一個鐘就夠了。兔仔也很膽小，周圍亂竄。覺得牠們其實也很可憐。隻隻也肥胖胖，不停餵食。有些坐成日的人一路玩card game ，一路叫囂。如何不嚇怕兔子？我想來一次便足夠了，為了兔子。

很開心來這裡下午茶，兼同很多可愛的兔子玩。店主很用心打理這些動物，每一隻都有其特色。這裡環境乾淨，完全沒有氣味。餐牌上亦有不少食物和飲品可供選擇，價錢合理，味道不錯，我點的雞翼小吃，煎得熱香脆美味，友人點的套餐包湯、雞扒、芝麻醬麵條和一杯飲品，也都十分美味，看得出店主很用心經營。很欣賞店主並不hardsell和嚕嗦，任我們隨意跟兔子玩和吃東西，過了一個十分寫意的下午，回家途中很掛念兔子呢！註：記得先打電話預約

There r not too many rabbits tat they allow them to walk aroundMaybe one or two at the same timeN they r peeing n pooing everywhereTherefore the place is not entirely cleanSmall space with many peopleStrict rules on time participation too !