Route 83 (廣福道)

营业中

休息中

岩岩出完trip落機，唔想煮飯，就去試下呢間漢堡喇，裝飾簡單得黎都有少少格調當日係平日所以冇咩人，唔洗等，2個人叫左2款野試豬手好脆，男友覺得好好食，我本身少食熱氣野，都覺得幾香口，一d都唔油，份量都幾多下另外叫左呢度推介既溶岩芝士醬牛肉漢堡，味道唔錯，但冇我想像中咁多芝士反而薯仔幾好味，加埋芝士好正，不過就係芝士唔夠多總結：2個人食左二百幾蚊到，份量都算幾多，同埋食唔哂，仲有其他款式想試，大家可以成班人去會試多d款

行過好多次都想試既小店，雖然門口唔起眼不過次次行過都見到好多人食，夜夜地經過一於試下佢，小店形式經營，食既都係街方，價錢都幾公道。店內有好多特別既裝飾，最得意係有幅中式既對聯貼住左，同埋有好多色彩豐富既風景畫，仲有好多放大版既啤酒蓋。晚餐有跟餐湯，羅宋湯都幾濃，而料都好豐富，啖啖都食到湯料。前菜我地揀左《白酒藍青口》($58)，呢個價錢食到真係好抵，藍青口唔算好大隻不過份量真係好足，白酒陣味再濃少少就更好食。晚餐有得揀《溫泉蛋黑松露卡邦尼意粉》($88)，又係超大份吉穿個溫泉蛋蛋汁流哂出黎，驚喜係個汁好香好濃唔會稀到水咁，配上埋黑松露好惹味。見枱枱都叫《德國咸豬手》($158)，無理由唔食既，酸菜有三種，薯蓉打得超幼滑同好香牛油味，點埋附餐既醬汁更好食。豬手勁大份量，一咬個皮勁脆卜卜聲，肉質唔靭咸香味十足，兩個食完勁飽。餐飲加錢叫左《朱古力脆脆沙冰》，沙冰打得好細唔會食到一舊大大舊既冰，朱古力味都好濃，加上忌廉更幼滑。店名：Route 83地址：大埔廣福道83號地舖即刻入去Like & Share埋我地既其他頻道喇餐牌:

只要你住過大埔，就會發覺呢到真係一個好地方😍至少我未聽過人地話唔鍾意大埔先呀😂😂其實單係一個新街市，已經夠令人回味❤️好似東記豬扒麵、欽記魚蛋粉、林記排骨飯、三小姐...要講真係有排講🙈不過今次我並唔係想介紹呢啲老牌名店，而係想講係廣福道新開嘅呢間西餐🏠佢地有一系列Dinner Set，不過如果想食Burger 就要單點啦餐廳入面有好多巨型啤型蓋，簡簡單單但好有feel 佢地呢個溶岩芝士醬牛肉漢堡配大啡菇，真心唔錯👍🏻牛肉漢堡肉味夠濃，食落厚實多汁，配埋蕃茄生菜大啡堡呢啲配料一齊食，口感勁豐富😝雖然佢啲芝士無我想像中咁溶岩🌋不過其實份量都唔少❗️對於係大埔呢啲小社區嚟講，整體叫好唔錯㗎啦😂😂😂另外仲叫咗呢個黑松露雜菌手作薄餅，餅底薄薄一層，食落好香脆配埋面層滿滿嘅雜菌同黑松露，唔錯！又pizza 又 burger , 無理由唔叫番枝啤酒襯番我呢枝係熱情果味手工啤酒，酒味唔會好重，飲落甜甜地，而且仲好香熱情果味，幾啱女仔飲

Route83 門口有好多人排隊架～不過驚俾人鬧，就唔好咁張揚影佢地個樣啦餐牌試過甘多家同類型既多國菜，呢家系甘多間當中ＣＰ值最高的，好似其他一客意粉要成１００～２００左右，但呢到幾十蚊就食到，價錢平其他店既一半有多，質素更出眾超群。全無虛席，外面仲排哂隊，歐美風格既設計，牆上美式既氣水瓶，不過中國式既對聯特別搶眼。白酒炒藍青口＄５８，吾好以為平野冇好野，呢個可謂價廉物美，青口數目不少，白酒煮帶出鮮甜味，青口肉質飽滿而且無沙，真心推介！Ｑ趣脆芝士流心純牛肉漢堡包＄８８，一口咬吾住成個包，麵包鬆化，軟煙肉不會太肥膩且帶香濃煙薰味，牛肉鮮嫩不帶血水，當然仲有佢既賣點流心芝士（係入面），搭配香脆薯條。招牌脆皮德國咸豬手＄１５８，一入門口留意到每抬都有一份豬手，一定系必試啦！物超所值，份量十足，外皮脆口不硬，肉質嫩口，多款酸菜去濟膩感。薯蓉方面用左焗薯，仲有一粒粒既焗薯粒係薯蓉入面，薯蓉香甜，口感豐富。上面有咁多頁既野飲，梗係介紹埋啦芒果冰沙$35，飲落唔似芒果汁製造，而且仲有一粒粒既芒果係面，好FRESH!咖啡雪糕特飲$35，飲呢杯既時候要小心，因為咖啡裝到好滿，好易會倒出黎但咖啡溝雲呢拿雪

This is my family's go to place when we want to eat American food....there isn't a better place in Hong Kong at those prices! hamburgers juicy cheesy and tasty, in a fantastic bun. pizzas are thin and a bit off, but still better than other local options. German pork platter and chicken dishes also must-tries. Onion rings cannot be equalled in Hong Kong.

今日屋企冇煮飯 同老公二人世界去撐枱腳 老公想食西餐 所以就去左間有牛扒食嘅餐廳 一入到去 已經見到有dinner set 所以一人就叫左一個黎食 老公叫左個燒汁肉眼牛扒配芝士煙肉焗薯 而我就叫左個巴里燒雞配芝士煙肉焗薯 個肉眼牛扒雖然有少少韌 但應該係叫左7成熟嘅關係 基本上都幾滿意 我個燒雞幾surprise 因為真係好大份差唔多有成3隻全翼 份量十足 一個女仔一定食唔哂 好彩我老公大食 冇浪費到食物 另外個餐湯係蘑菇煙肉粟米 都幾香濃

今日收左工之後約左一個朋友去食晚飯 大家番工都番得好攰 諗住求其係附近搵間餐廳就算啦 之前都食過 覺得都算係傾計好地方😂***我地叫左個美國安格斯肉眼扒配芝士煙肉焗薯 都幾大塊 叫左5成熟 肉質唔會話好韌幾香嫩 個薯仔好大 同d cheese一齊食好滋味 真心兩個女仔食都夠食 因為仲有餐湯同野飲送埋 我地仲upgrade埋叫左一壼rose tea 幾清香 我同朋友都好中意 若果唔夠食可以好似我地咁叫多個炸魚薯條 薯條炸得香脆 雖然個魚可能有少少膩 但都幾可口

又係唔知食乜好既情況下，行行下黎到呢間，發覺原來係一間好有特色既餐廳。牆上面好美式既鐵牌、書架等等，令到呢個餐廳好有格調。叫左個漢堡餐，個漢堡好厚好大個，個包面好貼心分開放，因為怕放係頂就好快比d芝士同汁整溶，於是個包keep到好脆口。佢個份量好大，個漢堡夠厚，加上有炸得香脆既薯條，所以食得超飽。至於呢個扁意粉，我好欣賞佢個厚度，咬落好有質感。不過可能係蕃茄醬為主，所以成碟食物都比蕃茄搶晒味，結果食落個味道無乜層次，好似食極都係用一隻味同一個感覺咁。所以都係漢堡高質d！另外，呢度環境幾舒服，值得一讚。

去到大埔堂然找野食，今次見到有間漢堡包幾特別又有雜誌介紹就入去試下，我地2個食2個主菜加飲品和沙律，每人$155吾貴仲要最後仲要食吾晒添……份量3個人就應該剛好。巴馬火腿忌簾意粉$68……巴馬火腿有2大片有驚喜味道好味，白汁煮得剛好，配菜菇入晒味而且份量不少，意粉有口感而且份量多，但我覺得少一些油會更好味。凱撒沙律配煙三文魚 $68……菜夠脆口而煙三文魚份量都多，沙律油都清新幾開胃。bbq 趣脆芝士流心純牛肉漢堡加大烤菇 $ 108 ……黎到冇諗住咁大舊喎……表面用煙肉包住，切開堅有少許流心效果的圓形漢堡。食落去有肉汁，麵包有燒汁和輕微烤幾香口，烤大菇保留左菇香和汁味道吾錯，而且薯條份量都吾少，食完堅飽肚。泡沫咖啡 $30……泡沫超多又夠滑，咖啡味道易飲吾算濃，適合剛飲咖啡的朋友。潤蜜茶, 紅棗桂圓 $28……沒想到都幾足料而有蜜糖香，味道都幾清潤。

我是新界人，多數去大埔食野，今次去了較新的Route 83，cafe形式，主打西餐。Dinner set 選擇都幾多栗米忌廉湯夠熱忌廉不會太膩，剛剛好。洋蔥煙肉焗大菇牛肉芝士漢堡 $78薯條炸的香脆，好味。而麵包超大個牛肉juice多汁，誘人的芝士，啡菇減低肉的油膩，整體味道很不錯。香脆包糠蕃菇焗豬胺扒配芝士煙肉焗薯 $148賣相好吸引，而且香噴噴上檯。麵包糠包著豬胺扒造法幾特別~~豬胺扒肉腍juicy，不過有點鹹，而個蕃茄汁夠酸好開胃，正。

今晚七點半來到大埔晚膳餐廳的牆身佈置有格調地方乾淨整齊明亮餐牌花多眼亂每樣都好吸引好不容易才選好想點的食物沙律賣相不錯淋上開胃醬汁表面有煙肉脆脆和麵包粒蜂蜜雪梨甜而不膩杯底有雪梨渣既香又甜洛神甜梅有機花茶有梅味奈何味道還是比較淡小吃是墨西哥芝士夾餅餅薄身中間芝士又多又濃厚主菜點了菜單推薦的BBQ趣脆流心芝士純牛肉漢堡漢堡有生菜蕃茄作配料牛肉表面有煙肉包住咬開芝士徐徐流出配上脆脆薯條八十八元的確抵食飽肚另點了香脆包糠蕃茄汁焗豬鞍扒配芝士煙肉焗薯豬鞍扒肉嫩配上絕對意料之外好食嘅蕃茄汁再加上麵包糠增強口感芝士煙肉焗薯很美味配上神秘醬汁味道很匹配比坊間大部分焗薯都做得出色美味的食物有你相伴此時此情此刻此景一切無價

老豆贏咗比賽就同佢食餐好嘅慶祝下。不過爹哋就唔鍾意去太遠食晚飯，所以就同佢去呢間餐廳試吓，而且近近地食完重可以散步返屋企添。餐廳門面唔算大，但原來入到去裝修都幾有特色，配合埋燈光係好舒適嘅酒吧餐廳格局。菜式選擇都幾多，套餐都有10幾個。同爹哋就一人叫咗一個套餐，而我就跟沙律，爹哋就跟是日餐湯蕃茄雜菜湯。沙律幾新鮮，醬汁都夠多。加左煙肉脆口又夠香，唔錯。爹哋話佢個雜菜湯都幾足料，而且味道唔假！先上我既12oz 美國安格斯肉眼扒～分量十足而且擺盤好靚仔！叫個三成，做得好完美！牛扒嘅脂肪唔算好多不過肉味濃，火喉準肉質軟嫩，性價比相當高！旁邊嘅芝士煙肉焗薯，用mozzarella cheese,芝士煙靭有口感，拉起一絲絲包住薯仔嚟食，香口到不得了，好邪惡啊！之後爹哋嘅脆皮德國鹹豬手配薯蓉就到，又係好大一碟！睇到啲肉就知道非常對板，脆皮脂肪同肉嘅分布好清晰！一咬落去皮脆到好似薯片咁！正！中間嘅脂肪唔會食到一口油反而係充滿骨膠原嘅感覺，而肉亦咸香不死實！配旁邊嘅傳統德國酸菜更加開胃。　食豬手最好就配啤酒啦！酒類選擇都有成四五頁…花多眼亂所以就叫侍應推介一下。佢就推介大象啤delirium trem

難得平日放假，趁少人同男朋友去左大埔踩單車，晚夜番大埔搵食，聽朋友講，廣福道附近都幾野食，有d本土既小店餐廳，而今晚揀左呢間Route 83試下。係門口經過見到d dinner set都幾抵食，對比前一晚係元朗見到既西餐，平大約3成，雖然唔知味道點，但見咁抵就入去試下。入到d位唔算最闊落，但都唔會逼，waiter好快比左meun我地睇，都幾多選擇，飲唔meun仲整得好靚好吸引。我地每一叫左一個set，本身都幾想試德國豬手，因為見到隔離點超大份好香脆咁，但男朋友唔太鐘意食豬，所以我地最後點左一份10安士肉眼扒配芝士煙肉焗薯、一份巴里烤雞焗薯、同一個白酒炒青口小食。每個Set Dinner都配沙律或者湯，同飲品，special drink 都係加$8-$15蚊，仲有手工啤酒可以order！男朋友話想食d開胃前菜，所以我地一個叫左湯一個叫左沙律。沙律係迷你凱薩沙律，好開胃，雖然細細碗，但好足料。 而個湯係我最愛既蘑菇忌廉湯，用新鮮蘑菇打碎加忌廉，食到粒粒蘑菇口感，勁香濃同creamy，一定要試！之後到小食白酒炒青口，呢道菜不過不失，都幾多青口，可能白酒蒸發左，唔會有酒味，揸車都食得。之後到重

大埔唔愁無好餐廳食野，廣福道都有好多馳名的餐廳，今次就揀左呢間餐廳Dinner Set都咁大份，有餐湯跟！加左$15一份炸薯條，仲熱辣辣粗身薯條口感唔錯。招牌脆皮德國咸豬手份豬手好大份啊！而且伴碟仲有酸菜tim ar！有我最鐘意食既紅菜頭，酸maymay，好開胃。巴里燒雞，肉質嫩滑，咬落去仲鎖住肉質。炸魷魚圈由於一開始食左薯條，食埋呢個都唔覺得熱氣！再叫左杯榛子朱古力，唔會太甜，飲落仲有d粒粒嘴嚼，味道有層次。幾抵食，兩個人真係托住個肚離開餐廳。其實呢到既漢堡都好想試下，得兩個人食唔到咁多。下次會再來試

同男友黎食 最驚喜係個pizza 原本以為$70 應該係mini版 但正常size之餘好好食！ 意粉配搭好好 都唔錯 芝士薯條芝士就 ok 但薯條略嫌太淋 一叉起就斷 好似薯蓉咁 漢堡有待改善野飲叫左雜莓梳打 唔錯 但會諗起藥水味 如果好驚就唔好試了 但幾好飲 埋單340 算係平價之中既極品服務態度唔係差 但舖頭得幾枱人 叫左好多次先過黎 可能聽唔到