Route 99 (已結業)

翩滙坊多左好多間餐廳，而且仲好有質素，今次同個朋友同佢隻狗一齊食lunch ，去試下Route 99,環境好大，裝修好fancy ,帶點美式風，有間房有大卡位，好像以前荷里活電影片場，而其餘open area 全是pet friendly, 見pet menu 都好多選擇。選了近窗口位，望住開揚的街外，望見周的狗朋友，好可愛。先叫個Steak Dinner Prime級西冷牛扒 $268 來自美國出產的USDA西冷，肉質夠嫩，牛味好香，配了薯蓉和雜菜。因open area 座位給寵物，所以裝食物的器皿全是紙造，應該係對寵物較安全的理由。這個餐已包兩樣side dishes ,叫了粟米湯同沙律。另一個叫了Classic US Burger ，漢堡好大個，有新鮮蕃茄、芝士、菜和洋蔥，漢堡牛肉好Juicy，勁香牛肉味，好厚身，配了薯條，份量超多，香脆。Set lunch 還包了湯，選了蘑菇湯。加了$28 叫了杯特飲，係以橙汁檸檬為主，一解膩口感。食飽可以到中間有個kiosks,有寵物食品賣。咁捨意的環境，真係可以同狗朋友享受一個下午。

行過將軍澳海傍見到呢間餐廳好光猛勁eye catching，行埋去睇下原來係間pet friendly既餐廳~睇下menu有dinner set叫，包湯、沙律同主菜，加$28仲有特飲~價錢唔錯於是就入去試下la~入到去店員問我地想坐出面可以有狗狗一齊既AREA定坐入面唔可以帶狗仔既area，呢個舉動好貼心，因為有D人真係會怕狗狗但又想黎餐廳食飯~咁分開兩個AREA就唔怕la~今日因為想同朋友靜靜傾下計所以揀左冇狗狗既AREA坐~入到去覺得裝修好靚座位好闊落~我地兩個人可以坐卡位超大超舒服~睇下MENU我地就叫左兩個DINNER SET~首先黎左soup of the day同沙律先~今日係忌廉菠菜湯~份量好多~味道唔係罐頭湯既味~咸咸地好香菠菜味，又食到菠菜既口感~一流!而salad就係椰菜沙律~鍾意佢醬汁唔多但又唔會好似食草咁dry~Immune booster juice、 Not so sour apple juice兩杯飲品我地都叫左juice，但佢唔同平時飲既果汁，而係幾種材料榨出黎既~Immune booster juice有橙、檸檬、薑同蘋果~飲落微酸，好fresh好開胃

在夜幕低垂、萬家燈火的環境，於這城市家家戶戶閃爍燈光的映照下，顯得這間寵物友善餐廳格外的亮眼。這裡裝修以美國公路快餐店Diner為藍本，7000呎廣闊面積讓人和寵物坐得舒服地用餐。每個角落都有打卡位，例如入口嘅signature大鞦韆、復古電單車和路牌、與寵物有關的message霓虹燈、配合埋地道美式餐飲，令人如置身於荷理活電影場景中咁過癮！今次我味哋一班人提早嚟食聖誕大餐感受節日氣氛：Steak Dinner USDA Sirloin Steak, +$28 with our choice of mash potato & creamy corn >5成熟西冷牛扒肉質豐厚牛味濃郁，係美國USDA天然飼養的牛肉，牛魔王朋友話正！配菜嘅牛油栗米香甜好食，薯蓉亦做得好creamyCrispy Fish BennyHalibut wrapped in crispy potato & 63° slow cooked egg, topped with XO hollandaise, caviar and spring onion>我最鍾意食呢款，中間的比目魚柳厚身口感嫩滑，外層炸

之前網上見到呢間餐廳已經好想去，因為裝修太有特色，充滿美國電影風，每個角落都係打卡位。加上就快聖誕節，餐廳已經添上聖誕裝飾。而餐廳重係寵物友善餐廳，提供多款狗狗都食得的餐點，和寵物美容服務，所以可以見到好多🐶可愛小狗。.Lunch special (11am -6pm🍴包湯、主菜、餐飲).🫕Soup忌廉粟米湯入邊有好多粟米，口感好creamy。.🐟Crispy Fish Benny $148份量十足，魚柳新鮮炸起熱辣辣，而且炸皮還包了薯絲炸，非常香脆又有層次。伴碟還有沙律菜和薯蓉，沙律菜好新鮮，而薯蓉口感綿密。.🐮Philly Cheesestake $138熱狗入面包住滿滿的牛肉，牛肉味濃又juicy，上面還配有香濃惹味的芝士醬汁。而薯條係幼身，炸得好香脆，如果係粗薯條就更完美。.🍹 跟餐加$28可轉其他飲品✨Vanilla Milkshake雲呢拿味香濃，甜度適中，口感好滑。✨Pink lemonade 漸變顏色好靚，味道酸酸地，幾醒胃。.🥬Caesar Salad $88食得甘heavy，都係叫返個沙律菜平衡下。沙律菜好新鮮，味道酸酸甜甜好醒胃。

再次經過呢間餐廳而且又見到好多狗隻，所以入去玩下食下野!因為我地本身冇帶狗所以會坐係類似包廂入面隔開狗仔同食客，裝修真係好有heart色彩繽紛，食飯心情都好D!放晚會有dinner set，我地嗌咗burger同埋燒雞!Burger比想像中更好食，因為佢都係即制所以漢堡扒同埋包都係熱辣辣，加埋熱溶芝士，整體真係拍得住傳統美式餐廳! 薯條係幼身而且份量都幾多，食落都係熱辣辣，薯味十足!燒雞係用慢煮方法煮，雞肉好嫩滑而且雞味濃郁，加上佢既醬汁一齊食好夾又健康!另外仲嗌咗個Nachos，真係正宗有牛油果醬同埋sour cream，食落夠熱而且味道岩岩好!飲品方面我地加咗錢要鮮果汁，分別係Immune Booster同埋Not so sour apple juice。兩款都好fresh同埋果香味極重，飲落好解渴又好飲!最後就食個Walnut Brownie，雪糕加埋熱既brownie一齊食味道好夾，朱古力味濃，好滿足!

“Dinner Special : All Day Breadfast”($158)“Steak Dinner”($268)“Strawberry Milkshake”(+$28)將軍澳海濱開咗間寵物有善餐廳🐶🐱大部分位置都可以俾毛孩同主人一齊進餐最特別係餐廳仲劃分咗一個用餐區比冇寵物嘅人入面裝修超有美式快餐店風格,打卡一流😍晚市時段有提供set menu,包咗湯,沙律,主食,飲品我地叫咗一個set+一份單點主食落單後先上餐湯同沙律餐湯係超濃超多料嘅羅宋湯🍅而沙律係美式餐廳成日會食到嘅coleslaw🥗主食方面揀咗All day breadfast入面有薯餅,煙肉🥓,香腸,熱香餅/窩夫🧇蛋就揀咗要太陽蛋🍳薯餅係喺美國食到一絲絲嗰種🥔😍好懷念🥺窩夫仲會配上楓糖漿同牛油🧈☺單點嘅主食係Steak Dinner即係美國西冷配2款配菜🐮🥩西冷扒大大塊唔算太薄☺叫咗5成熟岩岩好😋肉質都算腍,唔會太多筋太韌😚配菜揀咗薯蓉同雜菜,食完夠哂飽😛飲品方面加$28要咗士多啤梨奶昔🍓入面真係有好多士多啤梨肉粒😍而且唔會太甜太溜,幾好飲🥰

相信人寵共融係好多飼主嘅心聲帶住寶貝出街首選可以帶狗狗餐廳今次潮聖最近成為飼主熱點嘅餐廳Route99 環境以美式風格為主地方濶落方便飼主放手推車大細狗狗活動都唔會逼( 仲有個空間係唔比狗狗入，打卡影相一流 ）食物方面當然都係美式招牌嘅美式德州漢堡有手打漢堡扒、煙肉、芝士炒洋蔥、新鮮沙律菜配薯條配埋杯香甜滑溜嘅雲里拿奶昔不！得！了！減肥都係留返聽日先開始😂甜品點左Chocolate Walnut Brownie Brownie 脆脆地朱古力味濃郁配埋忌廉雲里拿雪糕簡直係晚餐嘅完美結局另外點左狗狗Burger 比寶貝佢話正到不得了秒清😂Burger 完全不合澱粉質由無激素雞肉、鱷魚肉、牛肉及各種蔬菜混合製成賣相靚、好味之餘仲好健康

地址－Route 99將軍澳唐俊街21號翩滙坊地下19號舖有朋友同我傾開，覺得平時出去吃喝玩樂而唔帶佢隻小狗(其實都唔小)，心裏突然有種有揮之不去的怯疚，所以想帶埋佢一齊食咁話，原來都唔多餐廳可以帶埋寵物去食，而呢間就係少數餐廳之一，好，即去，一去到我見到佢環境都幾寬敞，枱椅都有經過心思去挑選，唔怕寵物整花，而同場都有唔少零食可供選購，所以都吸引唔少食客帶埋寵物去，佢地仲有一個貼心之處，會另闢一個空間去FOR唔帶寵物的客人入去食，另外我見職員都好勤力拎住部吸塵機去吸毛，所以都唔見好多毛再空氣中飄浮，幾好。講返食物先，我地就叫左 2個 SET DINNER，佢包左一個湯同沙律同埋西湯，加 $28就可以叫特飲，再加$28就可以有個甜品，個沙律方面似K記炸雞店的沙律味道，但佢醬汁就少好多，幾乾身，不過都好好食，幾清新，個湯就幾好飲，忌廉味都幾重。💋德州漢堡，佢個漢堡好大份，芝士係半溶狀態，滲晒落漢堡牛肉上，勁香芝士味，漢堡牛肉煎得唔會太熟，幾JUICE，佢煙肉又煎得幾脆身，口感好豐富，加埋面層的菜菜同洋蔥，可以中和油膩感，唔錯，佢配的薯條都幾多下，所以一個餐都好夠鮑，爭D食唔晒。💋大蝦羅勒青

翩滙坊很多間之前也吃過，一直也想試過間Cafe，充滿美式風格，更是寵物友善餐廳，很多食客帶了小可愛😍晚市套餐好划算，包前菜、湯和飲品，更有優惠價錢加配甜品，或升級奶昔。頭盤沙律 冰凍又爽口的沙律醬拌椰菜絲好開胃。西湯 香草甘筍湯好濃稠綿密，略有些甘筍肉絲。Steak Dinner Prime級西冷牛扒 - $288 美國出產的USDA西冷純天然養飼，脂肪較少不會有膩感，幼嫩帶點咬口，牛味好重，更有點黑胡椒香。可選兩款配菜，胃口較大人士可選香草飯。個人更喜歡綿密的薯蓉和雜菜。 All Day Breakfast全日早餐 - $158 有三隻以63度慢煮的流心蛋，半凝固的蛋白好嫩滑，蛋黃一破流出；薯餅多士以一條條薯仔絲煎香製成，爽中帶脆；還有香腸和煙肉增添油香；窩夫好酥軟，有牛油和楓糖醬好邪惡。 Strawberry Milkshake +$28 綿滑的奶昔好甜蜜，士多啤梨不死甜好濃郁，更帶點奶香味。Chocolate Milkshake +$28 朱古力不算太甜或太苦，剛好適中，不夠甜可拌勻忌廉。

充滿奇待之心去試呢間餐廳環境真係無令人失望真係好美式又好欣賞佢地有咁大個area俾寵物星期六lunch去竟然無乜人我地叫左個all day breakfast and mushroom omelette, 加多杯strawberry milkshake賣相係幾好不過食物質素就好一般All day breakfast 個底有塊類似薯餅既食物，燶曬🙈Strawberry milkshake就得樣但無乜味Mushroom omelette 就最正常不過價錢都唔平一杯milkshake 要大約$60～去一次就夠嚕🙈

今日係將軍澳海濱行下，係附近一間pet friendly既餐廳食野，如果平時帶狗狗嚟散步就岩哂。呢間route 99係一間美式餐廳，主要係食burger 飲奶昔嘅，不過位置上佢就唔算好近地鐵站。-The classic US burger $138好似美式餐廳咁，份量好大份，漢堡唔錯，肉質juicy!-Crispy fish Benny$148份量都係好大份，配菜有沙律同薯容，夠哂飽肚，魚柳外面係一層炸過既薯仔絲，外脆內軟，口感特別，幾好食。-Vanilla / strawberry milkshake 各$66兩款奶昔都唔錯，味道有啲甜。-Red velvet cake $78好大件蛋糕，Cream 有少少飽，建議share食。呢間係一間食物唔錯、坐得舒服既美式餐廳，值得推介比有寵物嘅朋友。

一路都知道將軍澳開咗一間寵物友善餐廳趁放假專誠帶狗狗過黎試下餐廳主要分左兩大區域，包括寵物區同非寵物區有好多打卡位，包括電單車，店員也非常鐘意寵物仲有請零食比佢食！晚市套餐， 包括沙律、餐湯、主食、野飲Salad 同 餐湯新鮮又好食叫左份小食，蜜糖芥末雞翼炸到金黃色的，咬落外皮好脆，咬開入面仲好嫩滑好香蜜糖味Texas Burger 麵包烘過都脆口，手打牛肉好juicy另外仲有煙肉、芝士炒洋蔥、沙律菜同蕃茄食起黎唔會太油膩配上幼薯條，份量多大蝦羅勒青醬意粉羅勒青醬味道唔錯，而且意粉掛汁大蝦都有唔少隻，都幾爽口同彈牙松子又增加唔少口感荔枝紅茶，味道清爽寵物都有專屬餐牌叫左份漢堡飽入面有冇激素雞肉、甘筍、南瓜、鱷魚肉、鱷魚粉、生菜、乳酸菌芝士、西冷牛狗仔食得滿足又開心呀！

今次帶埋朋友隻狗仔去到將軍澳既Route 99 開餐☺️ 除左pet friendly🐶 餐廳每個角落都係打卡位，食物又好好食，主人定狗仔都超級滿意😎💯Dinner Special (salad & soup + main course) Texas Burger $168勁足料既burger🍔🍔 除左勁juicy勁厚既手打漢堡牛肉，仲有煙肉、芝士炒洋蔥、墨西哥辣椒🌶️ 配上半溶既芝士🧀 一啖根本食唔曬咁多層🤣 麵包好鬆軟，一啲都唔會乾同硬👍 值得一提🍟🍟 好有驚喜，幼身薯條真係特別好食😋Pesto Shrimp Pasta $168估唔到好少食Pesto Pasta既我，會搶食依個大蝦羅勒青醬意粉🤣 一定係因為有我至愛既🦐🦐 意粉軟硬適中，每條都沾滿香濃既青醬，正呀‼️Dinner Special +$28 Milkshake/ Juice 🍓 Milkshake無我想像中咁甜，口感幼滑好好飲👍 Kale Kickstarter係冷壓果汁，有羽衣甘藍、甘筍、士多啤梨、香蕉、橙🥕🍓🍊🍌超足料，無添加糖，健康💯最後仲嗌左Chocolate Brownie🍫 Dinner set加$28就有得食

今次去左位於係將軍澳「Route 99」! 室內設計好有美國電影場景感覺！係度食嘢影相好似拍緊戲咁！呢間係寵物友善餐廳，有分兩個區域比客人享用餐點。非寵物用餐區主人+寵物用餐區講返食物，今次我地一行人試左幾款【All day Breakfast】香腸、煙肉、三眼蛋、窩夫。味道中規中矩，無驚喜。但用黎打卡影相，又幾好😂【松籽青醬大蝦意粉】青醬好好味，加埋松籽好香口，大蝦都爽，咸香味重，好食！【紅蘿蔔蛋糕】以紅蘿蔔🥕製作嘅蛋糕，咬落好有紅蘿蔔口咬，少少咬口，整體都好甜，岩哂女仔食！🔴最重要都係佢全新裝修，影相直頭好似假場景咁靚！🟥間條梳化睇落好硬，其實係軟梳化卡位，坐落好舒適。不過超巨型，我坐左落去又變左兒童咁。呢度位置相當入，係將軍澳地鐵站行過去都要10-15分鐘，預返少少時間啦！

將軍澳呢度真係多咗好多pet friendly嘅餐廳其中route 99 比較出名 因為地方大 好多可以同毛孩一齊打卡嘅位置 除咗係餐廳之外佢哋亦都有提供寵物美容嘅服務 可以一邊食 一邊等 平日下午嚟較少人 店內所有地方都可以比毛孩坐仲有狗Menu做得好得意啊而我哋食嘅主要係美式食物例如熱狗，nachos 等等 最吸引係個 milkshake 仲要一提嘅係呢度有個好可愛嘅店主rice 超級可愛活潑 喺呢度嘅生招牌 周圍同人地玩 狗狗們可以喺呢個室內嘅地方玩同食真係好爽皮 呢度所有嘅 staff 都係愛寵物人士 會不時同啲寵物玩呢個場用嚟開寵物生日派對一流係有得book 㗎 highly recommended!