RUD燒肉 (逸峰廣場)

营业中

休息中

又話人齊先可以入座，8位黎得4個就比枱佢地，仲要20分鐘後先再黎2個，我拎4人座位（D飛），3人座位（C 飛）唔夠5分鐘連叫兩張C飛入座，但個位置係可以坐4人，都唔明點安排，對上叫D飛係半個小時前，最終等左50分鐘都未入得，所以走得😤

以前去食 d人既服務態度都無咁差，依家愈做愈差，2個中年帶眼鏡既最差態度，恃老賣老咁，已經冇人排隊，仲要我拎飛，點解要咁嘥紙呢？換網要$2/個，我都係換到第4次先有個女同我講換網要$2/個，果2個4眼中年女人一句都冇講過/提過換網要比錢，食過燒肉like都知 唔洗比錢換網，又好態度。仲有，我食食下見到牛肉上面有隻識郁既昆蟲！出去斟水整濕咗隻手，去隔離攞張紙巾抹手，佢即刻衝過嚟問我「做乜嘢喺嗰度攞紙巾，櫃桶冇咩？」態度嚴重惡劣，好過份。不可一，不可再！難怪而家啲人鍾意上大陸食嘢！服務態度真係好重要！呢間態度又差，又有昆蟲！

呢間野有冇腦？叫你換網你同我講第二次換網開始每次要收兩蚊個網唔燒到黑都唔叫你換啦，喂大佬一陣燒到我隻手咁點算？間間燒肉都吾洗收錢得你呢間要？聽到呆曬 以後都吾黎食

而家越黎越多一人燒肉，但呢間燒肉店已經幫襯過幾次😆佢仲有好多款套餐選擇，最平竟然$48就可以食到🤤而今次就揀左‘牛小排•牛胸腹‘’套餐200g🐮 ($128)送到上黎竟然有兩盤肉🤤🥓🥩啱晒我呢啲食肉獸🤭牛肉方面都唔錯，好香牛味同油脂分佈都好平均，食落都唔會好油😆套餐仲包括一碗飯 (滿滿紫菜都係+$6)、沙律同埋麵豉湯添佢而家仲有季節限定嘅野食，例如有安格斯牛板腱同埋廣島蠔添呀☺️😋枱側邊仲放左不同醬料俾你落，除左一定有嘅燒肉汁外，佢仲有柚子蒜蓉汁同埋比較特別嘅辛辣檸檬薑汁添😚😚啲汁我除左用黎點肉外，我仲用黎撈飯真係好好送飯🍚整體黎講，大家想平平地又想食到好食嘅肉真係幾推介黎呢到😃😃#hkfood #foodie #香港美食 #香港 #香港餐廳 #food #急凍食品 #eeeeeats #FoodPhotography #FoodPorn #EatingForTheInsta #InstaFood #food #平價美食 #美食推薦 #中菜 #chinesefood #RUD #一人燒肉 #大埔美食 #燒肉 #bbq #粉嶺美食 #beef

越做越唔老實，個星期一優惠又經常行入嚟先話賣晒，初時夜晚九點後話加一蚊有碟牛肉仔，之後又變成加$10，到而家直頭話優惠不能重複使用，出面廣告又冇寫明，個加$10蛋紫菜飯隻蛋又成日縮水，本身街坊生意都唔同你計較咁多，但係做生意咁唔老實就冇下次。仲要落晒單先至搵個靚妹仔過嚟同我講話優惠不能重複使用，但係明明可以落到單而且已經落埋，都夠膽行埋嚟口頭講，梗係知自己理虧啦，出邊張poster又冇寫明，依家內容失實，我就唔想難為你個小朋友員工，可能間鋪要報海關先識驚啦？不過正如上文話齋，冇下次。

之前聽啲鄰居講，成日Lunch去呢間燒肉店食，話好食又抵食，終於有機會試！Lunch有好多套餐選擇，有燒肉定食，又有丼飯。最尾揀咗 #牛之盛合 ，貪佢有幾款牛，有 #牛小排、 #牛胸腹 同 #Karubi牛肉片 ，可以試吓唔同款嘅牛，食肉獸嘅我哋仲叫咗300g嗰個set $158🤭 嚟個肉肉大滿足🤭 食完一盤下面原來仲有盤 ，份量好足👍👍 個飯上面鋪滿紫菜，咸咸哋，即刻食多咗飯😂😂～另外仲叫咗 #親子丼飯 ，份量都幾大，而且幾好食喎，個蛋幾滑，啲餸又多又入味，仲要跟埋湯同沙律都係$48 😳套餐+$22 有杯青蘋果檸檬梳打，大大杯，唔甜唔錯。叫咗兩個小食，一個 #雞皮餃子 同 #日式一口甜薯 ，個雞皮餃子幾得意，不過有啲難燒，會痴住個網嘅😂😂整體好滿意，呢個價錢好抵食，味道又唔錯，可以再encore~

今天放工和老婆想吃餐好比較好又不太貴，於是上網看到這間RUD燒肉，不知道是不是新開的，還有很多分店，索性一試。入到店舖，環境舒適寬敞，衛生做得不錯，店員亦都待人有禮，感覺良好。餐桌上有不同調味料提供，調味料的味道比其他燒肉店特別，個人比較推薦檸檬薑汁和柚子蒜蓉汁。餐牌上都有很多選擇，我們二人各點一個餐，另外我們亦加購了兩款小食，分別是鮑魚同年糕。每款定食已經包括了日式海苔味噌湯、日式時菜、飯一個，亦可以升級紫菜珍珠飯或者紫菜玉子飯。我們分別點了珍珠飯和玉子飯。紫菜含量很足夠，珍珠米也煮得剛剛好。首先，第一個定食是豚腩肉和雞髀肉（280g）豚腩肉有很香和足夠的油脂分布，雞髀肉就算燒久了也很滑。第二個定食是牛之盛合（300g）個人比較推薦牛小排和牛空腹，入口充滿油脂和牛味。小食方面，海苔年糕就屬於一般水平，至於鮑魚因為本身已經有足夠的調味，不需要再自行配搭調味料，輕輕燒過後，口感已經剛剛好夠彈牙，可以一試。整體來說，這間燒肉店比想像中好，大家經過分店不妨一試。比較晚吃晚餐的朋友們，可以選擇晚上九點宵夜時段，價錢更加優惠。

餐廳只有4人檯及bar檯，排隊系統分A(1人)B(2人)C(3人)D(4人)E(5人或以上)。我哋5人排隊，等咗40分鐘以上，E隊都冇郁過，只係不斷見侍應俾A-D嘅入坐。最後問侍應，佢竟然答返只會俾4人檯我哋，態度仲要好差，完全覺得排隊system冇問題，咁點解我哋唔一開始排4人隊？

之前有一日夜晚，八點幾想吃燒肉，之後到了這間燒肉店打算取票，怎料那時已經停止取票，一直心心念念要吃到。今日下午終於把心一橫，抽空分鐘來到，一行餐牌，發覺售價很親民。我就點了牛胸腹牛舌餐（$72）來試試，我亦毫不猶豫加了$10換紫菜玉子飯。餐來到時，亦覺得賣相不錯。店舖提供的醬料也很多，包括有柚子蒜蓉汁、燒肉汁、辛辣檸檬薑汁。接下來我便迫不及待燒肉，但吃下去牛胸腹及牛舌都教難咀嚼，要返一點牙力咬下去。而且肉片得很薄，整餐吃下去都不太滿足，只靠一碗飯才有飽肚的感覺。至於餐廳整體，都很整潔，客人離開後，會有職員主動清潔枱面。如果你真的很想食燒肉，或許有其他更好嘅選擇。

以我所知粉嶺應該得呢間燒肉店？開咗一段日子，住在附近都冇試過，上星期的起心肝去試試。 一入到去，有很多一人一爐的位置，也有些是二人四人一爐。 我就兩個人，店員安排了一人一個爐的吧枱位置 最平的餐$48 就有， 是豚肉。套餐種類算多，雞牛豬普通至高級$200 幾蚊都有。 手機落單，我加了$6 要紫菜飯（同牛角相差好遠，飯也不是煮得很好，但可接受） 餐不包嘢飲 ，我加$12 加了飲品（白桃烏龍）我叫了一個牛肋肉，一落單五分鐘內就有機械人送到。味道中等，勝在抵食。

位於粉嶺聯和墟新商場逸峰廣場，開咗呢間日式連鎖燒肉店，RUD下午茶餐只需要$30至$50 ，有三款定食揀。當中有一個一人燒肉set，包豬肉同牛肉合併，連埋前菜仲有麵豉湯都只係$48，CP值超高😋😋😋豬同牛肉多各有四片，豬肉用左豬腩肉，牛肉就用咗牛胸腹，2款都肉味夠，新鮮，唔會太肥膩，太雪藏👍🏻👍🏻👍🏻仲叫左200g 牛胸腹燒肉set ($82), 肉質唔錯，有牛味，雖然係薄切，不過總共有16片，好滿足配埋枱上面提供唔同嘅醬汁，推薦辛辣薑汁，有辣味，又有薑味，絶配👍🏻👍🏻加咗$12加配荔枝玫瑰冷泡茶， 茶味香有淡淡的玫瑰味不過荔枝欠奉，配埋燒肉，可以解油膩，減輕罪惡感👍🏻

今晚早食晚飯，趁唔使排隊攞飛，就搵咗呢間燒肉店試吓。坐低後就用自助手機點餐，點咗牛之盛合150g、加錢點咗玫瑰荔枝茶、白飯轉紫菜珍珠飯，等咗唔耐食物就到，可以開爐開餐食。牛肉質素普通一般、牛肉唔算太薄，限時食60分鐘，如果唔介意快點快食快走，可以一試。

近期日式燒肉當紅🥩，約朋友到逸峯商場新開的RUD朝聖。餐廳不算大，但樓底高，所以通風不錯。因為下雨天💦💦💦，所以餐廳顧客不多。2人位有2個燒爐，可各自享受自己的時光，又可以互相分享。隔離亞哥的燒牛肉味撲鼻而來，搞到我地口水都流。快快點了2個燒肉定食 300G 牛🐂之盛合餐 、日式一口甜薯🍠、白桃烏龍茶🍵和玫瑰花茶🌹。飲品全部密封包裝，乾淨衛生。醬汁有3款選擇，我最愛 ～燒肉汁。店員很快送上食物，3款牛肉份量足夠，肉顏色都是鮮紅色。牛小排，薄薄一片，油脂平均，易燒又好食🤗😋。牛胸腹比較厚身，比較肥膩，不是我杯茶。😵‍💫KARUBI牛肉是牛助骨間的肉，油脂平均而牛味濃郁。跟餐有白飯、🥣面豉湯和椰菜🥗沙律，我把白飯轉了🍙🍚紫菜飯，提高了今餐的營養。。爐仔細細，方便企理，自助燒烤。👍👍👍🍠🍠我的最愛，香甜美味，正💋💋現在燒肉大行其道，外出食飯必然之選，所以以平民價食到有質素日式燒肉，真是爽🌹❣️

叫你囉完飛，幾個服務員傾計唔叫飛，由你自己問同吹幾時入得，過左號就話自己睇，咁要接待員把鬼，咁多人排隊，傾計多過做野，仲話新開，態度差到咁，D牛肉燒完硬，只係一陣，同沙田個間差好遠

首先 打著新開旗號 望落格局會想試首先座位因為新開 好乾淨 一個人黎講算闊落唔會阻到隔離而位上係設計過可以放到一日餐既 座位底有籃可以放包包 但可惜太大放唔落我係12點鐘準時到 岩岩好開門人唔多唔洗排隊 位任你選 我地兩個人食叫左一個大盛112$ 有牛胸 雞 同豚肉 另一個叫左牛karubi牛胸108$ 份量直望好似一個人都ok夠 加埋碗飯 同湯 好似岩岩好不過我地都追加左玉子15$同玄米茶12$野食到左 惡夢正式開始首先 玉子真係如圖一樣 4件超迷理版 講堅日本玉子成條都唔洗30$ 佢粒野 同厚度簡直只值3$仲要係無味既不過有一樣成篇文我絕對要讚爆既係 玄米茶個茶包非常好味 夠凍 不過我相信唔關餐廳事 唔會自制 只係訂貨叻好 日本燒肉餐配個飯一定係絕配惡夢最強第一發 個飯係爛食到你真係因為餓先食到半碗 個飯乾得黎粒米係好爛 絕對似係隔野飯倒落去再煲咁 粒粒唔係分明 係粒粒一patpat一淡燒肉一淡飯 果淡飯完全食唔到落口 好難食然後因為燒肉其實係一個鐘既 佢d支豆都係要曬下你時間 同埋懶 完全係凍俾你 同埋0配料 連鹽都無 本來諗住熱熱地 有鹽 食落口好似居酒屋咁 可惜唔係到主題啦