影片
更多
2025-01-08
81 浏览
眾所周知，我嘅專業係wine。而對sake，我基本上係小學生。不過嚟到尖沙咀嘅Sake Bar MURA，就連我都獲益良多。何謂Sake Bar？就係可以喺一個舒服嘅環境之下，唔使擔心要飲成支Sake，而係可以逐杯叫、逐杯飲嘅地方。就算逐杯叫，呢度每杯Sake嘅價錢只係$78-128。而更重要嘅係，店員會好耐心講解每支酒嘅來源、產地以至歷史。基本上嚟都係可以學到好多清酒嘅知識。除此以外，呢度嘅嘢食亦都有好多種類，由串燒到炸物、甚至關東煮都有。呢度嘅店員亦都會因應食客叫嘅嘢食，襯返適合佢嘅清酒。所以食客可以無拘無束，好舒適咁渡過一晚。今晚飲咗個清酒有:Wakaze red wine Barrel $98Wakaze whiskey Barrel $98光榮菊 幾望 無慮過生原酒 $108三千盛純米大吟釀 $80群馬泉超特撰純米 $88當中，Wazake兩種酒嘅味道好唔同。Red wine明顯係有berry味，而whiskey明顯係甜嘅。光榮菊 幾望係我今晚最鍾意嘅酒，果米兼備，順滑自然。三千盛就明顯以米味為主，俗酒嚟講算好有風味。群馬泉雖然冇乜果味，但反而最適合襯日本嘅鮮味嘢食，包括關東
何謂Sake Bar？
就係可以喺一個舒服嘅環境之下，唔使擔心要飲成支Sake，而係可以逐杯叫、逐杯飲嘅地方。就算逐杯叫，呢度每杯Sake嘅價錢只係$78-128。而更重要嘅係，店員會好耐心講解每支酒嘅來源、產地以至歷史。基本上嚟都係可以學到好多清酒嘅知識。
除此以外，呢度嘅嘢食亦都有好多種類，由串燒到炸物、甚至關東煮都有。呢度嘅店員亦都會因應食客叫嘅嘢食，襯返適合佢嘅清酒。所以食客可以無拘無束，好舒適咁渡過一晚。
今晚飲咗個清酒有:
Wakaze red wine Barrel $98
Wakaze whiskey Barrel $98
光榮菊 幾望 無慮過生原酒 $108
三千盛純米大吟釀 $80
群馬泉超特撰純米 $88
當中，Wazake兩種酒嘅味道好唔同。Red wine明顯係有berry味，而whiskey明顯係甜嘅。光榮菊 幾望係我今晚最鍾意嘅酒，果米兼備，順滑自然。三千盛就明顯以米味為主，俗酒嚟講算好有風味。群馬泉雖然冇乜果味，但反而最適合襯日本嘅鮮味嘢食，包括關東煮。
而今晚叫咗個嘢食有:
酒盜芝士 $48
燒明太子配青瓜 $108
秋葵八爪魚 $78
燒白飯魚乾 $48
雞腎 $38
熟成阿波尾雞翼 $48
雞胸軟骨 $45
雞肝 $38
燒雞頸肉 $48
牛油粟米 $38
燒蘆筍 $38
芝士年糕 $38
牛小排 $138
關東煮 $98
好明顯呢啲嘢食都係經過精心挑選，好適合作為清酒嘅陪襯食品。而且價錢唔貴，就算叫多多都唔會好肉痛。
當中我會覺得酒盜芝麻、燒白飯魚乾同秋葵八爪魚比較有特色，出邊亦比較少見。另外關東煮、雞翼同芝士年糕嘅味道亦好好。特別係關東煮，同米味為主嘅清酒郡馬泉好夾。
嚟到呢度，就係清酒樂園，或者叫清酒學園。嚟到呢度嘅食客，談笑風生之餘，亦相當信賴呢度嘅唎酒師，好專心咁聽唎酒師講每支清酒嘅故事同歷史。果然係一個清酒愛好者嘅天堂！
张贴
