School Food (已結業)

每次來到school food,必定會點烏卒卒卷，廚師卡邦尼年糕同埋泡菜太陽蛋鐵鍋飯，之前都試過order 新野，但真的中伏了，所以保留左次次必點的這三樣，所以好安全，冇失望過。烏卒卒卷，系用紫菜包住墨魚汁飯同魷魚粒既壽司，精緻好味，一啖一粒。泡菜太陽蛋鐵鍋飯，現在改左名叫韓絲熱捧鐵鍋飯，其實野食系一樣的，只是名字不同左。新鮮滾熱辣，芝士好香口。廚師卡邦尼年糕，有少少辣，粉絲同年糕好夾，好有韓國特色。

The overall experience was average. Ordered the spicy ramen noodles, and the bibimpab pork with rice. For starters we ordered the mozzarella mari which was really tasty. The service however was the biggest letdown. Moody millennials stood around with no eye contact, no confirmation of your order to what you ordered with an attitude to match. Paying the bill I practically get my visa card thrown at me with a filthy look. Absolutely disgusting behaviour. I won't go back to this branch ever again p

今晚約咗人係新世紀廣場交收~ 如果唔係，平時都好少會行過黎呢邊。交收之後，就同老婆係商場搵食。花郎卷 $68 - 餐牌寫住係新菜色，於是叫黎試試。花卷有10件，賣相好靚。餡料有紅卜卜嘅紅椰菜、牛肉、蟹柳、生菜，仲有營養豐富嘅牛蒡，感覺好健康，口感亦相當豐富。牛牛鐵鍋飯 $82 - 飯用鐵鍋盛載，上枱時熱辣辣，但味道就比較遜色。雞蛋好薄，而且有點老，飯入面除咗牛肉，仲有佢哋特製嘅醬菜。但撈左飯食，都覺得好咸。烤牛肉脆飛碟 $88 - 唔知點解叫飛碟，明明係一個薄餅。薄餅上舖咗牛肩肉同芝士，牛肩肉份量都算多，薄餅烤得好脆，幾惹味。

新年新開始，過了整個星期的中菜後，今天約了友人食韓式料理。對上一次食school food 係一年前，印象一般，冇乜意欲再來。一年後再試下，感覺依然一般先來左兩杯含酒精飲品，小妹叫嘅係蜜妮歌飲落有啲似蜜桃果汁沙冰⋯一啲酒味都無,仲好甜友人叫嘅係「酷蘿利」，試飲幾啖，唔甜，但似藥水味，同樣feel 唔到有酒⋯叫左一個火山梳乎蛋，比個名吸引左～不過呢個幾好味，熱辣辣，有煙肉同飛魚子，份量幾多，應該有幾隻蛋，味道也ok呢個叫花郎卷，有牛肉，玉子，椰菜，蟹柳，襯個牛蒡酸酸地，幾好不過個卷有少少乾⋯個芝士肉醬年糕幾濃味，友人很喜歡吃，但小妹覺得年糕份量偏少，太多汁，不過整體也不錯呢個紳士卷好味用蛋皮同芝士做個卷嘅外皮，趁熱食幾好呢日做梗promotion,download 個app仲要係免費送的整體黎講，保持一貫作風，平平實實，冇乜驚喜，除左免費送卷食物質素一般，還可以

約朋友出街食飯，私人地揀位於旺角東火車站上蓋嘅Moko，行入School Food時職員remind 90分鐘交枱，都不是第一次來，所以明白的，始終晚市人地起碼一張枱做幾轉嘛。水冷麵（HKD72)當食冷盤的水冷麵以一個很深的圓型碼銹鋼碗裝著，好像冰鎮一樣，除了水，還有碎冰確保吃到最尾一口都是冷的。麵質很爽，切片醃白蘿蔔，青瓜各一點，味道微酸，好開胃。辣皇炸豬扒炒年糕（HKD70)見到鮮紅的顏色，就知是typical韓式料理辣醬炒年糕，年糕口感香Q，辣度可以接受，不是吃一口即刻要飲水降溫那種。亮點竟然是蓋面的芝士，拉絲芝士令到年糕更香更好味，豬扒一咬便可，只是裹上一層薄薄的炸皮，有齊脆脆的口感，tender的肉質，過癮的韓式辣+好玩好味拉絲芝士。脆味樂園(HKD108)好豐富的拼盆！滿滿的現炸薯條，豬仔骨輕輕一咬全離骨，醬汁超入味，盤中間百搭芝士醬(Sorry本人實在太鐘意食芝士)係點咩都咁正，Li個拼盤我覺得有4個人一齊食已經可以必叫。火山疏孚蛋 （HKD68）首先：佢係呃Like的-成座火山咁，一切開爆出嘅LAVA係會令你嘩嘩聲的，芝士+茄汁+蛋層次感非常豐富，好soft，切開會標煙

閒日下午茶時段人不多, 不用等位便在窗邊位坐下，景色很開揚看着心情也很好點了下午茶餐, 飲品先來要讚熱檸茶，茶底醇厚，而且端上時檸檬放上，可以自己調節口味食物：蛋味很香，韓式午餐肉不像港式般油膩一口一個，熱烘烘的天氣越冷，越想吃辣或者冷麵韓式水冷麵的麵質比較咽韌，很幼，有點吃不習慣湯很清，有冰塊保冷偶然想吃清一點的話，這是不錯的選擇小記：薩摩奇獵食系列#3店面頗大, 但就很難靠招手引起侍應注意很寧靜的下午原來韓國菜不一定heavy多肉

火山梳乎蛋呢個呢～叫果陣侍應已經同我地講會有小小燶味，黎到都真係，我地就快快手將佢分出黎 食落口就唔太燶，不過聞到陣燶味好濃～🙈拼盤🤦🏻‍♀️真係咩都忘記晒～搞什麼～炸野好吃～但果個尤魚圈既炸粉好硬⋯雞翼同排骨都唔錯既～😅（可能係我自己太愛雞翼）啊～差d唔記得，個底重有薯條既～🤣最好食係中間個汁⋯囉～🤣松露咩咩咩意😂食完竟然失左憶🤦🏻‍♀️🤣不過唔知係咪我食得重口味呢～我覺得淡左小小～但松露就好香既～同埋入面有d韓式年糕一齊，都幾特別⋯⋯😳西瓜汁唔算好甜！都減到少少油利～

次次諗唔到想食d咩既入味韓國菜，都會第一個諗起school food🇰🇷🇰🇷咁啱係新世紀廣場睇完與神同行，就係度搵嘢食。呢間School Food位於4樓，係扶手電梯旁。今日係平日，入面唔係好爆，所以一嚟就有位，可以叫嘢食😍我哋叫咗個叻叻豬鐵鍋炒飯(豬頸肉)(HK$82)、紳士先生(卷物)(HK$65)、廚師卡邦尼年糕(HK$68)，加兩杯韓式飲品廚師卡邦尼年糕:呢款係入面仲有粉條既微辣版(仲有一款叫做卡邦尼年糕，就係唔辣既，但就無咗d粉條)，忌廉味好濃郁，年糕煮得好軟身，啱哂我胃口，配埋洋蔥&煙肉，回味無窮但要留意係，忌廉一凍咗就變得好稠，要快d食哂佢叻叻豬鐵鍋炒飯：叫得叻叻豬，梗係用豬做主菜，佢用咗豬頸肉、珍珠米，加埋塊裝芝士同埋太陽蛋做配襯，視覺感豐富。但本以為芝士會完全溶落d飯到，但最後仲係好大塊，口感一般加上炒得比較乾身，食完仲係好口乾，希望下次可以濕炒。紳士先生：呢度每一款紫菜包飯都有獨特既名稱，而呢款就係以芝士做主打，中間包住餐肉既做法D芝士入口都仲係流心既，米與米之間唔會太痴粒粒，好快就食到飽！呢三款既份量可以提供到3個人既分餐😂😂😂題外：最近school food推出

一向鍾情於韓國食物，但係我又從來都唔食辣，都真係幾矛盾架。邊個話韓國嘢一定要辣先好食？韓國食物裏面我就最鍾意人蔘雞湯。呢度嘅人蔘雞湯不過不失，我唔會話係正宗，因為佢嘅人蔘未唔係太重，但係雞味都算濃郁。作為一個湯來講，呢度嘅性價比都唔錯嘅。而且食到最咪仲有軟林林嘅雞肉，好容易就切得開，個重點係佢已經吸收晒湯嘅精華，好入味。雞肉入面仲有主煮到好林嘅糯米飯、紅棗同人蔘等等嘅食材，整體來講都真係幾豐富架，我同朋友都好鍾意呀！

難得放平日，諗住自己行下街食下飯！點知老公怕我一個人悶，就一早將工作提早完成！可以來陪我食飯，行街！勁開心！見他前兩日話想食schoolfood，今日見他咁好！就陪他食下先！可能過左午飯時間，所以不用等位！入到去，店員帶我們坐窗邊位置！都好好可以睇下景感覺舒服的！我們叫左兩個午餐，跟餐可以選擇小食，甜薯沙律或者炸餃子！而我們就點左兩份炸餃子！炸餃子,好像是泡菜餡，好好味，有少許辣的，又唔太油！之後叫飛天豬卡邦尼，個汁好味唔太膩，入面仲有煙肉，蘑菇，年糕，意粉！阿豬媽炒拉麵，有點辣，呢個就麻麻地，太乾身！

今晚難得地約左姨媽喺旺角食晚餐，佢對食既要求唔高，只求夠飽就好，咁我諗不如俾啲新意佢，帶佢去食時下年輕人愛食既韓國菜啦要照顧長輩既喜好一點也不易，首先係等位不能等太耐，好彩今次school food無人龍，去到就入得其次就要食得飽喇，咁可能要叫啲芝士類既野先得咁一於叫卡邦尼年糕俾姨媽啦！芝味濃郁香滑，甜味適中；年糕好煙靱，粉絲同火腿索哂芝士味，食完都幾飽架至於我碗拉麵呢，先說明一下，喺韓國所謂既拉麵其實即係公仔麵；味道方面偏辣，辣到蓋過哂所謂既芝味（其實得一塊芝士咁大把），而餃子縮哂水但食落正常，總體不過不失不過見姨媽食得幾滿意，或者下次會再黎既

真係未試過因為野食太難食而特登為佢寫篇食評 一開始對呢間嘢既食物都幾期待 menu d相睇落唔錯 但係由落單個下已經開始心知不妙 員工態度差到好似差佢錢咁 黑口黑面佢地既好心情好態度只限於同其他同事企埋一邊傾計既時候 我食足咁耐佢地就傾足咁耐 野食到嗰時就咁噠落張台度 一句嘢都無講過 好啦算 撇除員工態度 諗住都係食餐飯姐 點知個豬排冷麵d麵真係韌過我條命 咬幾十下都唔斷個種 唔知佢係未熟定本身麵質係咁 食左一啖完全無曬食慾 勉強食左半碗之後個胃都唔知係咪心理作用 隱隱作痛 另外個卡邦尼意粉就甜得濟 兩樣都好難食 總而言之 無論係食物定員工態度方面 都足以令我唔再去呢間舖食嘢

食物味道可以，但係服務態度真係有啲差... 去到餐廳門口攞位，見到員工就同佢講唔該兩位，見佢唔應叫多兩次唔該先抬頭唔係好耐煩咁叫我等等，嗰時先知佢講緊電話... 係我唔啱...?入到去點完餐嚟咗兩杯"特飲"，飲落去完全冇味就問待應(真係淡到好似水咁，仲要另加$10去飲杯"水")，佢哋好快就話幫我換過杯，點知之後水吧小姐送嘢飲過嚟就係咁怒睥我，好似係我唔啱咁... 其實我唔介意佢哋自己黑口黑面做嘢，但係 at least 都做返自己本份...

真係好麻麻囉，啊！唔係。係完全唔得啊。野食我都唔想講，廢事講。講野食要講色香味，而佢樣樣無 講都晒氣下午三點去食，果啲店員唔知攰定點啦，塊面就好似個阿媽見家長果陣咁，非常嚴肅叫佢落單，一行埋黎正常係咪都應該問下個客想食啲咩啦下話，黎到又唔出聲。okay 你唔講野咪我講囉，指住個餐牌話要啲咩，又唔應，我又怕你唔用紙寫低會漏單，等左幾秒佢又無反應，想點？全程黑面，好似爭佢幾百萬咁真係忍唔住申請個account上黎講寫呢篇野果陣我仲食緊呢個野個等於白飯既拌飯Bye

今晚同朋友去Nike shopping, 然後行咗過隔離食school food, 又真係抵食又好食喎!如果你即場follow 佢，仲可以送一個紳士飯卷添!但個豬扒年羔太辣喇! 鐵板芝士豬仔骨就好好味喎! 2個人食咗170幾蚊咋! 服務又好，環境都好舒適。值得去試喎!