School Food (已結業)

星期六難得放假就選擇咗平時經常要排隊既school food食吓，咁啱唔洗等位非常高興，兩個人叫咗三樣野食剛剛好夠飽。相中黑媽媽既係叫烏卒卒，唔好睇佢咁黑，三樣食物我認為係最好味的，Pizza尚算可以不過個皮比較簿，一撕出來食果時上面啲餸會跌晒出去，另外炸雞，我等得最耐，等咗成35分鐘先有得食，食落比較個人覺得麥當當的雞好食得多，今次試住呢三樣先，下次唔洗等位的話會試埋其他食物。今次因爲時間關係無叫到飲品，下次一定要試埋。

waiter冇哂影，連漏兩次單，我要行去搵人，野食味道還可以，但食物量奇少，而且賣相好唔掂，所謂生果杯係笑話黎，不如唔好送我仲開心，食緊果時只想快d走，完全唔想繼續留係果到

The BGM is too NOIZY!Waiter's and waitress' are not educated!Lowest level restaurant that never seen.Why don't they use their head?Don't know how to serve the customer?These bad staff made the restaurant image very very bad. Never go back.

同朋友慶祝生日飯，佢近沙田所以咪係沙田食，仲有行街，買了少少野食再行到8點左右開始肚餓要搵食, 星期六的沙田好多人間間餐廳好多人囉，預咗要等位…….原本唔係食呢間嘅，因為嗰間太多人呀！好快決定食School food。因為佢有用餐時間限制, 每枱75MINS, 我地3條友等了30mins就入去, 比想像中快..烏卒卒 $78少少辣魷魚好入味 價錢是有少少偏貴，不過其他地方又食吾到呢🤭紳士先生飯卷 $65卷埋左既餐蛋飯 加啲辣蘿白 唔算好特別拉絲芝士香草辣雞亦$88熱鍋熱著芝士，來有拉絲效果定必要馬上享用，把芝士包圍著只雞亦，實在太好味道了，雞亦不算很嫩口，不過不緊要芝士加滿了分！另一例牌是肉醬年糕是我最喜歡食的年糕唔會硬，有時食其他餸會沾下肉醬汁食~😻🙆🏻火爆雞肉鐵鍋飯整體都唔錯嘅，不過有啲辣。食物：8/10環境：8/10服務：5/10價錢：6/10推介指數：70/100

在沙田新城市廣場，眾多餐廳選擇下。特意一試韓國食店- School Food. 知道分店眾多，又開了一段長時間。相信有一定水準!同行人雖不建議，似是曾經中伏。但我希望給他一個平反的機會。先來兩個午市套餐, 墨魚汁飯卷平平無奇。就是沒味道可言。然後光坐了好久... 一直看到職員在說笑玩樂。終於忍不住問一下，原來漏單了.又再久等一場，出來的時候。看到很似美味，一試而知。非常鹹。整餐飯，就似吃過前菜離場。非常失望。也對新城市廣場選擇的商户失望！

今日同JJ去沙田行完街 就係新城市搵野食星期六gea新城市果然係超級多人間間餐廳出面都好多人排隊最後我同JJ揀左School food食而家school food做緊promotion凡係download個app就送兩份卷物我地叫左4樣野:-濃香松露韓意-水冷麵-紳士先生(試食版)-青檸凍荔枝艾菲雖然成年冇食school food 但味道依然咁好味得閒一定會再去！整體評分: 7/10

今日去食個lunch,叫左個紫菜卷麻麻地、卡邦尼年糕都麻麻地、但個開心樂園真係一啲都唔開心、油到不得了、啲薯條真係油到油浸咁、完全好難入到口、成碟格硬食左兩三條、咁就多謝108蚊、個開心樂園仲有啲雞啲魷魚圈同啲t骨、但都唔太好食、啲薯條真係好油🤢相機影唔到真實既油淋淋、已經影得比真實乾身、真實既樣真係睇見啲薯條好似濕淋淋咁、唔會再去食！

沙田一如以往咁多人～想揾食都唔係咁容易～唔排隊冇可能～餓起上黎都幾麻煩～就得依間韓國野唔洗排隊～就試下囉2人行叫咗2個午餐包小食、主菜、飲品小食簡咗餃子同甜薯沙律～2隻餃子仔炸到皮有D硬同乾唔好食！甜薯沙律得一啖～配上紫菜還可以飲品簡咗school food特飲同熱檸茶～特飲半杯冰得個甜字冇咩味飛天豬卡拜尼係白汁磨菇長通粉～汁多洋蔥多～加熱辣辣炸豬扒阿豬媽抄拉麵用豬肉加泡菜配公仔麵～紫菜碎加隻煎蛋～又係韓式辣醬炒唔太辣～可惜全部撈一齊之後味道麻麻仲要水果杯都冇～玩野呀得6/7枱但服務都一般～

行完街影完相，差不多九點，避開最多人等位的時間，即刻有得入座。環境不錯，但枱與枱距離很近，不太適合談心講秘密沙冷希肉 $82冷盤，名字有趣，應該係韓文「我愛你」諧音。肉嫩配上特色醬汁，味道不錯，而且有沙律菜，很清新～火山梳乎蛋 $68有驚喜，但謹緊唔好掛住影相，要盡快用湯匙將蛋同個鍋邊分離，唔係好快濃。蛋的口感真的像梳乎里般鬆軟，蛋的份量很多，沒有太多調味，能吃出濃濃蛋味～海怪水冷麵 $72夏日開胃消暑之選，海怪即係魷魚，湯酸酸的很開胃，用冰浸住麵，保持麵不會變淋。紳士先生於餐桌上見到推廣，裝app成為會員送的。飯卷小小的，一口一粒，外有蛋皮芝士包紫菜，中間有午餐肉，味道不錯。整體感覺不錯，下次再試其他～

School food 就好似7仔咁 總有一間係附近😂已經食過無數次 但今次想試下新野點了韓風牛仔鐵鍋飯 $138牛仔骨份量唔算好多🐄 但肉質都唔錯能保持牛肉的鮮味 食落都有唔少肉汁一湧而出😋唯一失望的就是全鍋飯都係無汁的😥再配埋粟米🌽薯角🍟極為乾身真係乾到難以進食😣😣😥最後我地忍唔住向侍應表示要加汁侍應拎左一細碗汁黎 酸酸地 有d醋味雖然個汁其實都唔太好食但都好過乾爭爭食d飯😥😥😥下次都係食返泡菜牛肉飯好d😐草莓艾菲 $98一大jar都可以飲到好多杯但入面冰數量略嫌多左d 😂飲落可以食到少少士多啤梨粒🍓味道酸酸甜甜都幾開胃😊

這食店叫School Food，一直不太明白，食物又不是適合學生的平價? 為何叫School Food?食完之後終於明白，是有學生時代的氣氛。首先環境舒適輕鬆，店員平均看來也很有活力，而且食物也好食，份量又充足，適合分享食，正有學生時喜歡互相分享零食的感覺。大蔥脆脆炸雞 $88好好食，外脆內軟，又不會太油或太濃，非某快餐店的炸雞可比。烏卒卒 $35最愛的墨魚，味道香濃，分成多件細件容易一口吃濃香松露韓意 $72松露香配意粉，味道清香可口五胡四海燴飯 $78五胡四海大概是指醬汁似是多國的風味混合? 味道好，醬汁濃而特別好食的SCHOOL FOOD，值得再食

係沙田呢區住左咁耐，聽左school food咁耐但經常一大堆人龍等，冇機會食到，今日星期日特登揀4點呢個非繁忙時間博下，果然冇乜人等即刻有位入得每張枱都有d圖案好靚入面環境好舒服，背景會不停播住一d k-pop歌，好有韓風style🇰🇷 第一次尼既可以試下廚師推介 👨‍🍳 佢d餐牌好細心，每道野食下面都會有個小圖案代表住佢果道菜有咩成份🍳🌶🧀🥒怕辣既客人可以睇住道菜個辣招指數有幾高先叫🌶🌶🌶🌶呢個烏卒卒飯卷真係唔可以唔試雖然個樣黑嗎嗎，但味道超好味，每舊入面都有好滿魷魚🦑，加埋少少沙律醬係絕配😋廚師卡邦尼年糕呢個個汁好正，有好微微既辣，拌埋炒香左既煙肉同粉絲好正叻叻豬炒飯記得趁個鐵板熱辣辣既時候將d芝士同蛋拌匀🤤啖啖都有芝士同紫菜味2個人叫3樣野已經好夠飽好滿足😋

服務令人發指😡😡😡我同朋友去食野佢要我地坐某個位個時5.30全間野冇人佢都要強迫我地，仲有服務員大大力擺杯水濺到我，佢地講野既語氣極差，態度令人不能接受，搞到我唔舒服到喊出黎，我未試過一間餐廳咁差😡😡😡😡😡😡😡😡😡😡😡😡😡

店鋪都大，但等位時間比較耐坐位舒服適合一班朋友聯誼既地方今次同朋友一齊叫了廚師卡邦尼年糕個汁好好味，裹面唔單只有年糕重有粉絲👍🏻👍🏻👍🏻👍🏻👍🏻😋另外重叫了紳士先生有蛋包住飯既壽司，裹面重有午餐肉好香口重叫了韓風牛仔鐡鍋飯牛仔肉就比較韌好難咬，飯也比較少🙈

記得之前同家人去首爾旅行時，去過一間連鎖韓食店，入面啲野食好好味👍🏻，而且仲有高大靚仔侍應生😍所以一食完就即刻拎張食店既咭片放入銀包做留念～🤣好啦好啦～ 某年某月某日，同朋友喺香港食韓餐，打開個menu，似曾相識......係呀！就係呢間！原來係School Food! 香港宜家愈開愈多間👍🏻👍🏻👍🏻 香港School Food冇韓國既咁多菜式選擇，而且價錢貴啲，但係味道仍然一流！今次已經第N次喺沙田新城市廣場既School Food開餐～ 4個人叫左6個菜式，500元有找。呢個叫「烏卒卒」嘅壽司都幾好味喎！分量少少，用來做前菜啱啱好😊「廚師卡邦尼年糕」，呢個係我覺得全晚最好味嘅👍🏻👍🏻👍🏻 呢個執汁一啲都唔漏喉，唔會食一兩啖就唔想食。鍾意食卡邦尼汁嘅朋友就梗加唔會失望「大蔥脆脆炸雞」，熱辣辣，香口，一啲都唔油，雞肉嫩滑。「濃香松露韓意」—— 呢個餸菜同卡邦尼年糕好味道好相似，所以都係好味道，而且仲有松露嘅香味添！輪到呢個「五湖四海繪飯」～嘩！估唔到咁辣～本身佢個番茄醬味道唔錯架，可怕太過辣了，有啲浪費🙄最後，叫多個壽司埋尾 ——「紳士先生」。相比「烏卒卒」，呢個冇咁啱我口味，因為我覺