影片
早于20/2晚打去订六人在28/2(星期四)海鲜BBQ，要我比$200订金，已经火都嚟！订过咁多次食肄，都未试过有边间叫我比钱落订，对我嚟讲，梗系閙硬佢啦，痴线！我去六星级酒店book buffet都唔洗啦！何况系Ｄ无食牌嘅楼上铺？无谓嘢就唔多讲，令我从未谂过要出手发表，真系要系度＜表扬＞下"SENSE"！四个16寸盘食物如下（记住我地有6个人仲有佢系包饮品㖞）＜好多任食BBQ平日都系几拾蚊，都有1支水连两个drink啦！）：4条土炮番薯；4包黑椒但系无调味嘅金菇；1盘内有鱼旦,牛丸,狮子狗,龙虾丸,薄切红肠,贡丸,鸡翼(每人唔多过4只)＆鸡肉肠(每人2-3条)；1盘有青口,多春鱼,虾毛嘅海鲜(好似营养不良);饮品方面....两JAR唔知咩草莓什饮(连纸包饮品甚至蒸馏水都无得供应)！开始时，明明Ｄ员工讲有咩要补充就揾佢地，当Ｄ鸡翼同鸡肉肠唔够食时，就打比佢地order（我地系天台），点知feedback系：份量已经预足比你地喇，无得加㖞！ 哗！ 咩叫做足呢？ 一人得2-3条肠，4只鸡翼，连番薯同金菇包都唔够分，就叫预足够比我地？洗唔洗食水咁深呀！！！我地系好食客，唔会同佢计，既然佢地已经觉得收得呢个价钱系比足我地的话，咪由佢啰！ 无返转头之嘛！真系好天真！ 仲以为楼上铺会用食物质数同特色吸引Ｄ食客，今次一行，发现佢地真系有一手，绝对可以称得上"冧巴ONE" --- CHEAP！！！
继续阅读
港铁旺角站 A2 出口, 步行约2分钟
继续阅读
电话号码
26259900
开饭介绍
餐厅提供包场服务，设有电视让人客可看球赛，亦提供地方供人客与好友聚首。食品种类多元化。在餐厅的下一层有一间是同一集团开设的茶座。
继续阅读
营业时间
今日营业
15:00 - 02:00
星期一至日
15:00 - 02:00
以上资料只供参考，请与餐厅确认详情