Simplylife Bakery Cafe

营业中

休息中

星期一放工等朋友收工到8點，諗緊唔知食咩，就見到呢到唔多人等位，就揀咗呢間。一坐低落完單，職員就送上麵包配牛油。外脆內軟好味，如果暖暖哋應該會再好味啲。其中一個餐加咗頭盤和紅酒🍷呢個沙律🥗嘅醬汁令人開胃。再加上少少黑胡椒和炸蒜頭調味，感覺幾香口。主菜方面，烤蘑菇忌廉汁手製闊麵配上香草燒雞胸和醋漬野菌的搭配都幾特別。面條有著濃郁的忌廉汁與蘑菇的香氣，雞肉都算嫩滑，配上野菌的微酸味道，我個人比較喜歡個濶麵夠al dente嘅質感。而燒美國安格斯肉眼扒配上鼠尾草炸薯條和燒蘆筍都唔錯。肉質鮮嫩多汁，薯條炸得恰到好處，蘆筍則十分清爽。伯納西醬汁的酸甜味道更是為整道菜增添了層次感。

一覺醒來， 肚空空，咁就去"SimplyLife"吃早餐。 一向有買佢既麵包, 雖然少貴, 但比一般"空氣麵包"優勝. 前天吃咗佢既BAGEL ， 咁今天就堂食吃"Sourdough Toast"。 揀咗煙肉蘑茹芝士奄列. Sourdough Toast, 跟咖啡. 雖然今日是閒日, 但可能這店在沙田新城市廣場內, 近民居,車站, 辦公室, 所以到逹時都巳有不少客人, 好彩舖面都大, 不是太噪, 環境舒服. 安安静静咁嘆個早餐, 奄列夠滑, 煙肉蘑茹都多，但個 Sourdough Toast 凍咗，有啲硬， 失色了!

亞女今個星期測驗放早，所以周圍搵早餐食，順便等放學。呢度正好7:30am開門，簡單買一份黑松露炒蛋三文治🥪、嘆返一杯熱Mocha咖啡☕️，已經好滿足☺️😌《 Simply life 》

同屋企人去食下午茶嘅好去處！去到門口已經見到好多人，最後等咗半個鐘左右！見到食物後即刻開心返，好適合打卡！我嗌咗車打芝士牛肉堡，屋企人嗌雞堡，d薯條真係好好味🤤店員都好有禮貌，值得推！！

舊同學聚會 係新城市地下個層兜左一圈呢間等一張飛就入得🤩拎左飛 眨吓眼就已經入得🛎️餐廳用餐時限75分鐘晚餐餐牌只有一張紙 14款晚餐 有輕盈既沙律🥗 有豐富既all day breakfasts 🍳 亦有濃味既肉眼扒都幾好唔同既選擇💲價錢由$125至$278 不等➕3️⃣0️⃣有餐湯/沙律 配 汽水🥤➕4️⃣5️⃣有餐湯/沙律 配 紅/白酒🥂🍴餐包麵包偏乾身 可以搽多少少牛油🧈🍴是日餐湯🎃南瓜湯🎃杰身 南瓜味夠濃 唔錯🍴烤蘑菇忌廉汁手製闊條麵 •香草燒雞胸 •醋漬野菌係特濃烤磨菇忌廉汁🤤🤤每條麵都吸哂 菇菇🍄既味道 雞胸唔會鞋口 👍🏻面頭幾舊醋漬野菌 帶有少少酸味 幾特別🍴燒黑鱈魚 •薯蓉 •燒意大利黃瓜 •酸豆橄欖醬鱈魚都幾大塊 調味剛剛好 唔會太咸配上一大堆薯蓉 夠哂飽肚 🍹本季限定冰茶酸酸甜甜 帶有少少熱情果既味道 開胃消滯食左超過75分鐘都無被趕走🫣🫢食完仲可以吹多陣水先

沙田間simply不至有lunch set 還有麵包還有精美的甜品，今日去坐，我覺得環境舒服，舖面夠闊，而且還有精美的甜品，今日叫了藍莓丹麥酥食到最中間最層果位還有少量吉事及芝士,中和了之間件餅的甜味，另外我和朋友叫了個烤雞意粉及煎罏魚加上忌廉的味道，魚會很清爽而不油膩。

晚餐時間又到啦，諗緊食咩之際，睇到呢間餐廳出面門口好多人，但多人原因原來係買麵包，不過唔緊要，試吓又無妨，入面氣氛環境都幾好，晚餐有唔同類型，例如有沙律,飯,burger,扒類,全日早餐等，最後點咗羊膝同burger，好快就有食物到，先到係麵包、跟住是日例湯南瓜子南瓜湯，再嚟係羊膝唔羶，肉質軟腍，而burger就配有牛油果蓉，食到好滿足，不過杯本季限定冰茶石榴伯爵就較為失望，冰多又過甜，似飲糖茶多啲，最後要攞杯熱水飲，唔知係個杯清洗問題定佢哋個熱水壺問題，杯中有沉物，呢方面要留意吓。

Simplylife性價比真係幾高$143有餐湯，飲品，主菜。（今日得brunch menu貴咗🥲)好彩份量都唔少！今日食呢個-紅菜頭醃三文魚班尼迪蛋三文魚厚身，都好多跟湯的包，如果係微温會更好，原本都幾好食，好新鮮，只係差啲温度😢食物水平ok平日不用等位可以慢慢食坐在旁邊的位置仲有日光照入嚟，好舒服😌

那天晚上，我與男友預先透過手機app 「the point」訂位，故在現場不用十分鐘即到我們的籌號。進入餐廳後，我們被安排坐在陳列品館旁邊，餐廳氣氛一如既往的優雅，顧客談話的聲浪不大，讓我們可以舒服的聲線及音量聊聊天，不用拼命拉扯喉嚨。食物方面，我點了哥達芝士大蘑菇雞肉漢堡（Chicken burger - Brioche bun, Portobello, Gouda cheese ）（$118），有超長薯條等配料，新鮮炸出香噴噴，惜漢堡對我們而言有點乾。男友點了加拿大天然豬鞍架（Canadian Natural Pork Rack)($218)。我們另加兩杯季節限定水果茶（$30）（價錢包餐湯 / 沙律），每一次的水果茶也不一樣，是小驚喜。整體而言，simply life 的食物水準保持一貫水準。如果食客志在聊天及美食，simply life 是一個性價比高的連鎖餐廳。

Burger was a bit small so we ordered extra sourdough toast. However, toasted bread was cold and soft. Felt like it was leftover from yesterday.May as well call it cold bread on the menu.Also the waiter was holding the cup rim with all his fingers. Doesn’t feel hygienic at all.

Simplylife Bakery Cafe (沙田)今日同朋友去沙田，就搵餐廳食晚飯，晚餐時間四圍好多人！就攞了飛四圍行，都好快有！餐廳會俾餐包你食住先🥖配有牛油🧈慢煲肉碎手制闊條麵呢個煮得好好食，唔會太濃味，面頭有一大片芝士，闊條麵質地煮得剛剛好唔會太淋！配埋肉碎食，好滿足🍝另加$45 可有湯/沙律 + 飲品飲品仲可以叫紅酒😊岩哂我，鍾意食飯時飲返杯😋佢今日餐湯係蘑菇湯，好飲，但忘了影相🤤沙田沙田正街18號新城市廣場1期L1層129號舖

被它的顏值吸引，第一次來試食，味道吾錯，果杯焦糖咖啡都好好味😋，抵食。環境幾好，約朋友吹下水都幾好🤭原本想試吓吞拿魚包，點知來到已售馨🤣🤣。唯有下次早啲再過來😃

今日又同朋友一齊入沙田行街，咁就順便去Simple Life食返個Dinner先走啦！店裡裝潢以簡約風格為主，座位寬敞，環境舒適，服務好。一入到去就聞到新鮮手製的歐陸式麵包、烘焙品及簡餐，沒有花多眼亂嘅選擇，重點以簡約餐款為主。麵包真係好香軟熟，好好味，吃完仲想再叫，而且亦可以叫賣外拎走，配埋湯食，一流！肉眼扒七成熟，唔會老，岩岩好，一樣都鮮嫩多汁，可口滋味。薯條香脆，外脆內軟，漢堡飽都好好吃，好足料，食到好滿足。個泰式燴飯，真係好開胃，唔同款的米煮埋一齊，口感十足，微辣可口桌

朋友介紹這間下午茶好吃，難得有時間，和幾個朋友專登到沙田食下午茶。當時大約三點左右，到達餐廳後見到有很多人在門外排隊，嚇我一跳！我們沒有訂位 (應該是這餐廳不提供訂位)，但朋友想試，結果我們等了足足50分鐘，差不多四點才能入座。由於我們不是太肚餓，沒有點他們的下午茶餐，因為見到MENU不是漢堡便是薄餅什麼的，吃不了。我們入餐廳前見到門口玻璃櫃放了很多麵包糕點，樣子很精美，決定點那些麵包試試。另外，我們又點了咖啡和Hot Chocolate嘆一下！幾款麵包看樣子真的很精美，朋友們都覺得不錯。而我自己點了栗子酥，甜度適中，麵包少少脆，很快已經吃完。朋友說朱古力牛角酥較甜，但可接受。咖啡不錯，朋友說Hot Chocolate較甜。

🕜週末下午12:45，先用新鴻基app取票，15分鐘就入得。💲週末的餐牌與平日大同小異，差不多的食物，不一樣的標價。設加一🍴🍴🍴🍴🍴🍴🍴🍴<甘筍忌廉湯 配 餐包>沒有甘筍的草青味，而是少少蕃茄的酸甜和南瓜的厚醇。餐包是一大段穀物法包，新鮮烤製，外脆內軟，配以鮮牛油，都幾體面，令人滿足的。😌<白酒煮蜆辣肉腸手製扁意粉 $143>6隻蜆連殼墊在意粉的下面，應該係白酒煮過，係幾清香。但相當失望的是，連續吃了3隻都有沙，仲要係多沙，急失望🤢所以唔想再嘗試了。至於意粉，是辣肉腸忌廉汁，今次就又辣又鹹，失準左少少。<車打芝士牛肉漢堡配煙肉 $143>自家製牛肉burger，幾香牛味，因為燒的關係，令肉質乾左少少。紅洋蔥絲就有用醋煮過，咸咸酸酸的幾開胃。調味薯條份量都好足夠，鮮炸的，好熱好脆。食晒全部都好飽下。<水果茶 (凍)>跟餐飮品 一杯走冰便是常溫。自家製的水果紅茶，每次嚟都唔同味。餐飲亦可跟配紅酒一杯<熱鮮奶咖啡 加配$15>套餐加配只需$15一杯鮮奶幾香，不是深焙咖啡的燶味，而家我每次set lunch都有加😂