Simplylife Bakery Cafe

营业中

休息中

終於開咗，睇住佢裝修等佢，Simplylife本身其他分店，食嘢都好有質素，所以我都好期待觀塘APM開方便去，新開一間環境都係好舒服，餐廳好闊落，座位舒適，一入門口就會係買麵包同埋蛋糕咖啡嘅位置，再入嚟就係餐廳食嘢嘅地方～今次我同好朋友嚟食嘢，個羊架做得好出色，有本身羊嘅味道唔會過分酥，肉質口感好，厚切～蕃茄扭紋粉，蕃茄味香濃，好掛汁，而且份量都足夠，今日嗰個南瓜湯好Creamy，入口順滑細緻，好好味，另外佢嗰啲麵包更加唔使講係好有質素，外脆內軟好好味～

知道呢到開咗分店想試好耐, 但新開時LUNCH超多人排隊, 今日12:45去咗攞位, 竟然唔多人等位, 等左15分鐘左右就可以入座, 午餐餐牌都有好多選擇, PIZZA真係好抵食, 但中途PIZZA發生咗一段小插曲, 朋友食PIZZA發現火箭菜上面有隻黑色郁緊既小動物類似蝸牛, 初頭不以為言, 後來發現會郁既立即叫經理嚟, 好彩朋友冇食落口, 經理都好快處理件事, 攞返入去比廚房睇, 又官方口敏解釋返我地知, 即時換過一款午餐(當然揀款熟食既), 最後又送咗兩件甜品比我地, 但我朋友係驚到唔敢食沙律菜一排燒雞胸配烤薯 - 賣相真係一般, 雖然雞胸肉唔太差煙三文魚紅洋蔥火箭菜薄餅 - 薄餅餅底同面層配料煙三文魚係分開處理, 好明顯焗完餅底先放料, 感覺唔係太好食茄汁牛豬肉腸手製闊條麵 - 味道可以, 闊條麵份量都好多無花果蛋糕 - 外層忌廉好厚, 但味道不差士多啤梨千層酥 - 賣相可以, 千層酥都好脆口總結 : 坦白講今次既驚喜都會影響到仲有冇下次既, 的確冇乜嘢想再返去試食, 加上價錢又唔係平

之前試過九龍灣的分店，今次得知APM新開，便來試試。星期日午餐時段不需要等位，沒有限時，午餐很多選擇，他們的麪包一直很好食，食物也能保持一貫水準，服務員態度亦不錯

11時營業，早食避免過量的人流，食個週末早午餐，蕃茄蟹肉手工螺絲粉，真蟹肉，好食無懸念，套餐包冰茶（凍西柚紅茶？）及餐湯（或沙律），是日例湯，忌廉磨菇湯，含微粒磨菇，菇味濃，配有餐包，亦可優惠價加購這品牌的西餅，我點了伯爵茶佛手柑海棉蛋糕，伯爵茶的忌廉配酸甜味的果凍夾心，作飯後甜品加配飲冰茶，中午陽光經玻璃天幕打落餐枱，是Apm中唯一充足採用天然光設計的餐廳，又因有商場空調，坐落該區被陽光曬落的位置，不用流汗，來食個餐，充下電，心情靚晒。之前已食過同餐廳的晚餐-煎鱸魚，都係好食。今次也不失望。

一入坐，已經覺得個環境唔錯，黄燈營造個氣氛好舒服，坐位唔會枱貼枱咁，有空間感。牛扒煎得好香，格仔紋好靚，好似廣告相咁，拎埋黎已經食指大動。叫咗5成熟，食落果然唔錯，唔太生唔太熟，牛扒肉質厚實而軟嫩，油花分佈平均，牛味濃郁。:薯條係麥當勞薯圈嗰隻調味，香脆而不油膩。意粉係咪手製就唔識分喇，但就好食有口感，鱸魚煎咗個面，入面仲好juicey，有魚味。餐湯係煙肉薯仔湯，口感好rich，好有薯仔味。餐飲揀咗冰茶，茶味橙味均等，好味。沙律新鮮爽脆，帶子煎香咗個面，入面軟嫩多汁，真係好好味。

喺觀塘放工同朋友食飯，見好耐都冇食過simplylife， 就去apm試下。以前都好鍾意食佢哋嘅麵包同cake仔， 今次在買麵包，都冇令我失望。晚餐都幾多嘢揀，有飯、有意粉、有漢堡包仲 有扒類... 另外湯、前菜同甜品可以加錢自己拼過set出嚟滿足下個肚。佢個餐包都好食，最欣賞佢個野菌黑松露手制寬條麵， 好重黑松露味同好creamy😋整體員工服務都好好， 環境都好好坐得好舒服， 但係啲嘢食唔係太熱如果熱啲就perfect！

因為落雨天唔想搵車位，所以走入商場食呢間，食物好一般，服務都真係更一般，有一半員工可以用無禮貌可言，上食物混亂，枱細，照隊晒落嚟理得你死，茶記作風，12點入座限時1小時，準時55分提你埋單，但我已經喺5分鐘前叫咗埋單只係無人理。沙律凍梗係正常，連麵包都係凍同沙律襯到絕，burger 揀咗7成熟舊肉都係鞋底咁鞋。杯latte 同杯當日冰飲唔錯，可惜叫咗3次等咗20分鐘先拎嚟。300蚊食兩個咁既午餐應該有更多其他選擇。

Happy Friday 係時候要放縱一下，食完飯走左去Simplylife睇下有咩飯後甜品，門口面包部放滿各式各樣面包，牛角酥，批........ 花多眼亂都唔知揀咩好，經過幾分掙扎，最後揀左個手掌咁大嘅香印吉士牛角酥，牛角酥上灑左糖粉增添美觀，中間夾住切開左一半嘅香印提子，吉士醬加左藍莓果醬，最重要個牛角酥好酥脆，仲要隔左幾個鐘食仍然酥脆可口😋另外佢地嘅包裝紙好靚😍

今天假日來放空吃lunch，比起其他分店更大，環境開揚，蛋糕，牛角酥，麵包多款式，只差沒有九龍塘分店那些千層蛋糕😂2款lunch set 配上甘筍湯,麵包和白酒~Egg Florentine👉👉同其他分店的食材一樣，味道ok，但卻縮小又扁平，兼且擺放很hea，吃不到豐盛口感，沒有昔日在其間分店能吃到的那種滿足感😒好失望囉!~French Toast 👉👉三塊厚方飽用上蛋液煎香狀似西多，吃下有蛋香且入口軟綿，每塊飽用上1塊bacon上下分隔開，配上兩小塊薄切的焦糖香蕉，加上一口cream，整體味道不錯，bacon煎得剛好，上枱時造型相當吸睛。🤣👉👉甘筍湯，白麵包，白酒一般試過多間分店，仍是覺得無論食物質素，服務態度，還是金鐘分店能保持水準。🤩

仲未有機會食主食，今次係食Bakery 嗰邊嘅香蕉批🍌第一次simply life 體驗就比左呢個外賣香蕉批香蕉批整體唔算甜，但係食晒成個一定會好滯批上面嘅朱古力片唔甜，食落似70%朱古力👍🏻餅底應該係牛油+消化餅整成，冇乜味，食晒係好漏😖而中間嘅夾心係香蕉,朱古力mousse, 忌廉同煉奶整成，但係唔知點解我會食到有陣拖肥味呢？😅我見糕點櫃仲有好多精緻嘅麵包同蛋糕，下次經過APM再買黎試試先😁

🥨焦糖吉士酥 Caramel Custard Danish $23🌟🌟🌟🌟🌟第一啖口感超似焦糖爆谷 外皮超級酥脆香甜再咬多幾啖就會食到軟綿嘅蛋糕同吉士醬吉士醬再多啲嘅話會更好食😋🍞榛子丹麥酥 Hazelnut Danish $23🌟🌟🌟面層雖有灑上糖粉 但整體嚟講一啲都唔甜 適合少甜人士選擇🌰中層cream有淡淡的榛子味 外皮雖酥但不脆🥖藍莓白朱古力丹麥酥 $23Blueberry & White Chocolate Danish🌟🌟🌟🌟酥脆富有層次口感嘅丹麥酥加上新鮮香甜嘅藍莓🫐簡直就係錦上添花好難得可以係甜品上食到唔酸嘅藍莓🤣🥐香提吉士牛角酥 $28Grape and Custard Croissant 🌟🌟🌟🌟超大隻牛角包 有手掌咁大🖐🏻中間夾住切開咗一半嘅香印青提同吉士藍莓醬

以前經常食的餐廳。2個因素，很久沒有幫襯了。第一燒春雞不再是以前要用手套食的那種。第二感到幾款菜式的味道遜色了。最近知道觀塘開咗新的分店，放工後來試試。我哋叫了，1、燒春雞，$218肉質鮮嫩，但味道方面，始終沒有從前原隻的那麽野味。改了去骨上之後的燒鷄，風味已欠奉。2、煙三文魚凱撒沙律：$148沙律加了羽衣甘藍，還有牛油果，些少nuts…等。食材新鮮👌。兩個dishes 都各加$38改套餐。可選湯或沙律，及配一杯凍果茶，合共$76。我哋都選擇湯，今期係蘑菇湯。這湯係用鮮蘑菇磨成，上餐夠熱，保持水準，不錯👍推介點菜前會送自家製麵包。皮比以往的硬，上時也不像從前暖暖的。2個人份$486整體以CP值而言，偏貴。再不是久了便想去的餐廳。

finally arrive at festival walk🤍❕白酒煮蜆辣肉腸手製闊條麵＄138推薦度：食得出蜆好新鮮，但係白酒味略淡.反而手製闊條麵有驚喜，彈牙得黎又有煙靭口感，辣肉腸鹹香味都好出，不過就同蜆唔係好夾，但整體食落鮮味強所以都幾好食嘅..每南瓜湯＋餐飲＄30推薦度：南瓜湯比想像中有驚喜，煮得好濃稠唔會好稀好似飲緊水咁，而且食到粒粒南瓜粒，加上份量都多，點住餐包食又有另一種風味，性價比好高

Simplylife Bakery Cafe， 食過幾間分店，今次到觀塘apm。 餐廳開揚，環境舒適，午餐🍴 ～ 全日早餐$105、煙肉忌廉蛋汁手製闊條麵$105、 湯$10、沙律$10、Cappuccino $21、 Mocha $21。 🔸湯🥣 ～ 餐湯夠熱，味道偏淡。 🔸沙律🥗 ～ 沙律菜新鮮。 🔸全日早餐🥙 ～ 有腸仔、煙肉、菇類、蛋、茄汁豆、蕃茄和多士， 整體正常發揮，最好味是蕃茄，很鮮甜。 🔸煙肉忌廉蛋汁手製闊條麵🍝 ～ 闊條麵味道偏淡， 有進步空間。 🔸Cappuccino ＆ Mocha☕ ～ 兩款味道幾好，咖啡香濃。整體食物質素普通， 咖啡唔錯， 環境舒適。🏷️溫馨提示～ 整個用餐體驗均屬個人分享意見， 只作參考😊。

好耐之前食過其他分店都叫普通，今次食呢間分店直情中伏我係食晚餐既，叫左羊架第一，d麵包又凍又硬，可以掟傷人同咬崩牙既硬度第二，牛油係酸既，話加左佛手柑，仲話自家制，難食到唔會查第三，我叫左羊架，個waiter 無問我幾成熟，黎到血淋淋，原來佢幫我點左5成熟，問經理，佢話落左5成，幫我整返熟d,但問題黎了，我咬過個塊羊架，肉個邊唔見左，得返骨，但同一件，照上返隻碟比返我呢間野價錢就真係好高級，我呢碟麵成3百幾蚊但服務，食物質素就真係好低級