Simplylife Bakery Cafe

营业中

休息中

午市時間就餐限制為一個鐘，入座後等朋友等左差唔多半個鐘，等佢黎到坐定定剩低半個鐘。落完order上菜都算快，出品ok。我地兩個快快手咁食，啱啱好夠一個鐘果陣差唔多食曬。咁個帶眼鏡嘅waiter就走過黎話鉤鐘啦，我地都係爭幾條面未食曬，各自有小半杯冰茶，都好明顯睇得出好快食曬噶啦。我地就話好快啦，結果個男嘅黑口黑面行左去，過左一分鐘又再行過黎話我地夠鐘，唔單止咁，佢仲要用成個餐廳都聽到嘅音量黎講「兩位夠鐘啦！」，態度之惡劣令人歎為觀止。佢前前後後行過黎三次趕我地走，一次比一次更加唔耐煩，次次啲音量都勁大，搞到隔離檯啲全部係度睇。其實唔係超時好耐，見到個客就黎食曬，點解要咁樣趕人？用餐體驗極差，環境又好吵，都聽唔到檯對面嘅人講咩，下次唔會再幫襯。

今日8號風球，突然就有半日假，但打風都要食飯嫁。。於是同同事去左呢間美心集團下既食肆食。一去到，勁多人排隊，我都排左成20分鐘有多，期間帶位既職員出黎問人數，但真心覺得個帶位職員無咩禮貌，有d好似呼喝人既感覺，不過算啦，都明白香港人壓力好大既！坐低之後我叫左個All Day Breakfast配南瓜湯，同事叫左個牛肉漢堡。。同事好細食，所以我食左佢3分1既漢堡同薯條，講真牛肉漢堡都唔錯既幾juicy，薯條係我鍾意食果款，但份量少左d!至於我個All Day Breakfast。。無特別，份量足夠，最後大家都飲果茶，感覺都係無味水😅😅

好鍾意食 simplylife 嘅麵包，因為佢有自家嘅 bakery, 而且從資料會知道，佢賣緊麵包嘅成分都算天然 (應該係，otherwise ....) 所以一直都有信心去食而且味道真係唔好唔錯。我又外賣咗 Banana and Chocolate loaf (半份)呢一個香蕉朱古力包的外觀好靚，拎起上嚟都好重手，而且係真正用香蕉做嘅，因為見得到有香蕉喺面頭，內裏都食得出有香蕉肉，麵包嘅質地好鬆軟，麵粉味都好香，食落又唔會覺得乾爭爭咁樣，味道天然純正，好好味呀。用嚟做早餐一流。

一直都好鐘意Simplylife，因為覺得以$100~$200黎講，呢度既環境同食物質素都係物超所值。我尤其愛佢既Fish burger($118)，魚肉夠曬厚身啖啖肉，粉醬又薄又脆，他他醬非常滋味，麵包仲要係自家製日日新鮮出爐既添，配埋香脆薯條成個餐真係無得輸！餐前麵包加$45跟餐仲可以有沙律或是日餐湯+紅/白酒

今次就到去金鐘搵好野食，朋友介紹下就去左試下呢間simply life❗️身為食肉獸的我，都係黎番碟肉眼扒🤤🤤+$30 就有湯有野飲上圖呢杯就係佢杯homemade ice tea好fresh 好清新，好岩夏天飲，出乎意料地好飲今日餐湯係蕃茄湯，呢個絕對係最出色的一環，湯好濃好傑，好濃的蕃茄味，好似成粒蕃茄咁落左去咁，值得一試跟住到主食出場❗️薯條好足料好重薯味，又唔會炸得過火左，配合茄汁同芥末一流個扒本身就好厚好重肉味，又唔多筋位，唯一美中不足係其實原本叫左medium rare，但就熟左少少，但由於肉本身都算高質，又唔算太差❗️金鐘本身物價貴d，去開附近想平平地咁食，simply life 係你的選擇

今日嚟到金鐘食午餐 午餐時間周圍都要等位 我哋三個人都喺Simplylife等左大半個鐘先有得入座睇下個Menu先幾個月來食一次個Menu都係一樣嘅牛油果醬牛肉漢堡呢一個漢堡set呢就有炸薯條 仲有一啲嘅酸洋蔥個牛油果🥑牛肉漢堡都幾大份㗎 塊牛肉好厚身 好juicy 但係牛油果就比較少 另外仲有pickles 番茄同埋生菜 另外重點左一個燒海鱸魚同牛油果牛肉漢堡相比 呢一個燒海爐魚嘅份量就比較細 除此之外呢佢仲有兩舊燒薯同埋兩舊青椒 海鱸魚都幾「唸身」 塊魚皮燒到啱啱好 唯一不足就係覺得太油整體而言 食物質素👌🏻 服務態度👌🏻 上菜速度好快 不過我點杯coke light 入面有檸檬肉碎 懷疑係個杯洗唔乾淨 同個職員講佢只係望下隻杯就攞走🤷🏻‍♀️ 如果衛生有改善會比好評 ...

今日同事請食下午荼, 問我地想食西餅定包點, 我地一致決定去simplylife買, yeah!平時只吃開藍莓同草莓丹麥酥的我, 今日想試下其他口味, 在眾多口味中，我㨂左一個大大個，而且唔甜的丹麥酥. 呢個丹麥酥比起藍莓同草莓都大個, 平時食開甜的, 覺得吉士總是有點膩同都好飽肚, 但今次呢個冇吉士, 一點油膩都冇，而且仲要好鬆脆，非常美味。此外，我仲食左一啖肉桂丹麥酥，都好好味，好香的肉桂味，鐘意食肉桂的朋友，可以一試呀！

難得塊扒真係medium冇 overcooked；好似米田共既橄欖醬加落魚皮煎得香脆肉質細滑既黑鱈魚度風味大增；蟹肉沙律轉左黑醋汁好開胃，雖然蟹肉唔多但新鮮有彈性。______________________________🏠 simplylife 星美樂📍 Shop B05-06, Queensway Plaza, 93 Queensway, Admiralty💸 HKD 170🕴️ 10%💳 hangseng enjoy card 10% off ‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

Unfortunately this was the worst Simplylife lunch experience amonst all the other branches I have ever had.All of you may know, they bascially serve the same lunch and dinner meun. To me, I only order their Mushroom pasta in cream sauce (I dont exactly remember the name of it, but there's only one mushroom pasta dish) dish everytime I come.When the dish was placed on my table, it. looked utterly dry, so I asked the waiter if I could have more cream sauce, and instantly he gave me a weird look..

去到金鐘唔知食咩好所以就揀咗呢一間日式西餐廳呢度環境裝修都幾靚同埋都坐得幾舒服今日就叫咗個牛肉漢堡都好多大嘅份量食唔晒牛肉略嫌乾左少少如果濕啲會好多餐湯都幾好飲今日係南瓜餐湯

There are 13 choices of main dish for lunch set which includes homemade iced tea or soft drink. If you want soup / salad, simple add $10.The salad tasted fresh and the portion is not small. Today’s soup was pumpkin soup - tasty! No matter you order soup or salad, it comes with a piece of sourdough which was crispy outside and soft inside. Really good! The Egg Florentine was made of poached eggs, spinach, avocado, quinoa, English muffin and the hollandaise sauce. This dish tasted really good!!The

傍晚時份，同幾位友人經過，諗住話坐低飲杯野食件cake咁啦，點知一入到去無人招呼不特止，仲好奇特嘅眼光望住你，一副狗眼看人低嘅眼光。算，你唔招呼我咪自己搵位坐。坐低之後一位欵似經理(同其他waiters唔同衫)嘅人士走過來用好差嘅語氣問我哋係咪食晚餐，我地話唔係，諗住坐低飲野。點知條友即刻黑哂面，又話窗口位係reserve俾人晚餐，叫我地坐返出去，我話我地行入來完全無人打算招呼我地先自己搵位坐，都算了。之後我地坐返入去，條友仲好大聲語氣勁差呼喝我地半個鐘要交返張枱俾佢，之後menu又唔攞來，自己就咁走左去。由於態度實在太差，我地忍唔住走左去，寧願去麥當勞，也不想留喺呢個咁差的地方，臨走前我實在忍唔住，指住他話 : 我都未見過咁差的態度，唔想做咪返屋企，無必要攞啲客來出氣，我來俾錢食野，唔係聽你惡言相向和睇你面色嘅！實在太令人憤怒，奉勸大家入去前請三思

記得小時候第一次吃simplylife就是在金鐘這間，所以一直對它有一種情懷，一直覺得這間分店是眾多中最好吃的。這次久違地來到金鐘，當然要來懷念一下。🍽 Seared Barramundi這次我選擇了Seared Barramundi。這間分店果然燒得比較好吃。除了魚本身比較厚，不會只有薄薄一片之外，我覺得它的調味也比較濃，吃下去更加鮮美🤤🍽Chicken Mushroom Burger媽媽👩選擇了Chicken Burger。我發覺它好像變了menu，這次的chicken burger配上洋蔥汁和蘑菇，那個甜味配上chicken patty非常惹味。而且Chicken patty也不會煮得過老，仍然保持鮮嫩👍🏻當然side dish的薯條炸得香脆，配上調味料令人停不了口🤤🤤

同事last day 派嘅散水 blueberry danish😍一般人都係派散水餅多，第一次收到danish 做散水餅，真係好特別！Simplylife 出品係品質嘅保證，食落唔會有好油嘅感覺，上面鋪左大大粒好juicy 嘅blueberries ，加上香香甜甜嘅custard 係上面，下面係酥酥嘅danish，雖然冇好脆脆 crunchy 嘅感覺，但係成個組合好夾好好味🤩 yummy !!多謝同事既散水danish ❤️

年年母親節都去飲茶， 今年搞搞新意思， 約咗阿媽去金鐘食西餐。 今日去到餐廳嗰陣， 人龍唔算特別長。星期日冇做午餐，只得 Brunch。前菜可以揀沙律/湯伴麵包， 主菜有16款選擇， 另外仲包一杯飲品 (果茶/ 汽水 /酒)， 全部劃一價$138再加一。今日我同阿媽心靈相通呀， 揀啲嘢都一樣！前菜我哋要咗沙律， 材料包括有青蘋果，雜菜同埋橙， 材料新鮮好爽口， 醬汁用醋， 酸酸甜甜好開胃！主菜係美國春雞配辣肉腸， 雖然只係半隻春雞，但係啖啖肉， 肉質嫩滑，唔會林bet bet！伴菜用咗菠菜仔，車厘茄同埋西班牙甜椒，再加咗幾片辣肉腸， 配埋個creamy汁，結果大家差唔多連骨都食埋。我鍾意金鐘呢間simplylife， 特別係佢個果茶。 試過去其他店，有啲只用糖水開稀當果茶。但金鐘呢間就用淡紅茶再加真生果， 有時用橙，有時用西柚， 好飲好多！！！金鐘呢間嘅水準從來冇令人失望過，希望繼續保持!母親大人對呢個 Brunch 好滿意， 總算 part 1合格過關！