Smile Yogurt & Dessert Bar

营业中

休息中

以前係街食親乳酪雪糕都係偏酸，搞到對乳酪雪糕印象麻麻，同女朋友行街經過，佢話好好食，咁就試下啦叫左autumn treats，但係我發現原來Menu係冇呢樣野🤔可能係新出Autumn Treats ($62)上層有杏仁脆片同埋朱古力糯米糍，中間個層有栗子果肉，最底個層係芒果。呢杯野真係一路食一路有驚喜，首先佢嘅配料好好食，杏仁片好脆又香，仲要好大塊，好足料，加埋芒果醬同朱古力糯米糍又幾夾，最驚喜係食到下層有栗子同芒果肉，覺得好fresh，係估唔到呢兩樣野係可以咁夾，好特別好好食😋差D漏左重點，就係佢嘅乳酪雪糕一D都唔酸，同埋D配料一齊食簡直係Perfect match，望住杯雪糕相又想食🤤

之前旺角top個間執左以為冇得食，可能佢知我鐘意食，係沙田開左分店(仲要係火車站上面)，好感動。今次都係食我嘅最愛:Banana Split同埋試Mango Fever (朋友話好食)Banana Split ($52)仲係咁好食，本人表示感動，佢上面最外層係朱古力脆皮，仲有大大粒士多啤梨同蝴蝶酥，底層係士多啤梨果肉，食過咁多次都覺得D生果好甜同新鮮(要讚呢間鋪識揀生果)，乳酪雪糕唔會太甜，又唔酸，成杯嘅甜度balance得好好。Mango Fever ($68)之前未食過，食完覺得佢贏左Banana Split，最上層係芒果冰(雪葩)同棉花糖，中間係芒果布甸，最底係芒果果肉。佢嘅棉花糖同布甸好好食，所有配料都好夾，Banana Split會食到少少少少酸味，但呢杯係甜得啱啱好。我覺得雖然佢貴，但佢值呢個價位嘅。惟一唔好係佢冇得堂食，之前top都有幾張枱比人企/座住食。Overall好唔好食? 好食會唔會再幫襯?會，想試哂所有味

食yogurt雪糕最鍾意就係食原味道，所以不會選擇餐牌的topic, 只是選一款topping，而咖啡脆粒配上酸酸的乳酪雪糕真係完美配搭！很解膩的感覺，乳酪不會過甜，質地又實在，真是很喜歡這家乳酪雪糕！

沙田近期新開咗間乳酪雪糕店🥰🍦Smile Yogurt呢個名相信大家都唔陌生😜佢喺沙田新開咗間分店而且水準仍然保持😚店入面提供多款選擇可以加任何嘅配料😋如果想食雪糕但又唔想太肥可以選擇依家🤣今次叫咗個咖啡口味嘅乳酪雪糕佢入面有咖啡啫喱咖啡粉咖啡曲奇等等😋身為咖啡愛好者對於呢個雪糕無法抗拒🤩🥹但如果唔鍾意咖啡嘅可能會覺得佢偏苦🥲乳酪雪糕嘅酸甜完美中和咖啡嘅苦澀😍美中不足係咖啡啫喱唔太夾乳酪雪糕🥲🥲但整體嚟講份量都夠兩個人分而且價錢唔貴😚性價比都幾高 可以encore🤙🏻🤣😍

經過沙田依間乳酪店，忍唔住買左一杯乳酪杯試下，試左smile coffee, 乳酪雪糕食落好香，入面仲有咖啡脆粒同咖啡啫喱，對住咖啡控黎講，下午茶唔飲咖啡，而食一個咖啡味既乳酪雪糕，都係一個好滿足既享受！

本身好鍾意食yogurt 但好少呢啲既專門店知道沙田連城新開左既有得食yogurt 所以係沙田行街順便就去左試試位置非常方便，一上電梯後就見到店舖。我買左最新推廣既款product $70（唔記得咩名）Yogurt味好重😋😋而且分量好多 兩個人share 就岩岩好，但個人認為呢款新推廣既配料就無咩特別。除咗新推廣既款式，我見仲有好多其他款既選擇、下次會再試試😋😋

有次經過Smile Yogurt & Dessert Bar已被佢吸引住，心諗如果生日有佢既Birthday Cake慶祝就好啦，好姊妹果然心靈相通 ~~ Thank you Sisters😘❤Love Garden荔枝蕃石榴黑糖蛋糕❤吾只睇得仲食得，賣相豐富，有馬卡龍同小鮮花點綴，小花仲染上不同顏色，更有層次感，味道吾太甜剛好適中，幾個知己嘆下Tea過左個愉快既下午，出面落大雨都無影响心情Have a Good Day☺😚

Smile Yogurt & Dessert Bar 🍦📍 沙田車站圍1號連城廣場零售層23號舖♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎話說係好多年前， 間唔中都會食呢間smile 😆, 記得以前返工lunch 既時候又會食， 放工又會食下😂，小編覺得食完一杯之後，已經好飽，完全唔洗食飯😽。咁岩比我見到沙田開左分店啦，以後可以間唔中都食下先😌，真係超好味呀😋。🌟 Mango Fever $68材料包括有：乳酪雪糕、芒果、芒果雪葩、芒果布甸、自家製脆粒 同埋 芒果熱情果棉花糖。材料相當之豐富，整體都唔錯😋， 但我最唔鐘意就係最頂既芒果雪葩😂，勁凍。🌟 Mr Earl Grey $68材料包括有：乳酪雪糕、蜜糖脆脆、天然橙片乾、雲呢拿汁、伯爵茶吉士、黑糖水晶果凍 同埋 伯爵茶脆粒。 我最唔鐘意就係個橙片😂， 其他都ok 😋。整體推介指數：❤️❤️❤️❤️🤍♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

好鍾意食依間既乳酪雪糕🍨，沙田citylink竟然開咗分店好開心。趁週末下午食完飯就買兩杯一齊share食😋雖然依間分店好似貴過其他分店？其他分店classic好似$48一杯，但都keep到幾大杯👍🏻乳酪雪糕冇冰沙，好滑🅰 ​ 🅅🄰🄽🄸🄻🄻🄰 ​ 🅂🄺🅈 $50 (4.5/5)上面嘅杏仁脆片好大塊、好脆😍好好食👍🏻配雲呢拿汁，吾會太甜但都無咩雲呢拿味🤣中間有好多芒果🥭係新鮮芒果仲食到有一絲絲既果肉底部有啊六至七粒藍莓🫐，都偏酸酸地。🅳 🅅🄴🅁🅈 ​ 🄷🄴🄰🄻🅃🄷🅈 ​ 🄼🄸🅇 (4/5)純粹因為想食穀物脆粒所以叫左依個，就係早餐食既granola😂我鍾意，下面仲有香蕉🍌但上面嘅蜜糖配埋落去有啲過甜🙈🙈🙈❌唯一覺得要改進嘅地方係舖頭入面一張凳都冇比顧客可以坐下來食☹️我廚房係開放式，職員工作嘅地方好大，反而顧客排隊同等候既地方相比起窄好多，大家攞住杯雪糕都係企喺門口食，感覺不太好😞

今日買蛋糕，不嬲有食開yogurt 所以都覺得有信心保證。埋到櫃台冇其他客人，我亦冇左揀右揀，唔洗5分鐘已經決定好要邊個蛋糕，同店員講時職員入盒時冇比過蛋糕我望一次（我任何店鋪買蛋糕都未試過冇睇），咁都唔緊要，然後收錢果陣又冇乜表情又唔太客氣，收完錢比返張單我就咁攝喺蛋糕盒底。當然200 幾蚊一個蛋糕唔係咩貴嘢，唔應該講咩服務，但基本禮貌應該唔係針對客定職員。但公道講句，蛋糕係好食嘅，唔太甜，唔會漏，細細個size 但絕對值得衣個價錢，員工質素唔會影響蛋糕味道，但會影響聲譽。

沙田新開左smile yogurt 🍦 見無咩人排隊就買杯試下啦 yogurt 無令人失望 同其他分店一樣都咁好食 但係服務員態度就有待改善 講嘢無頭無尾 仲要好唔耐煩咁 ☹️☹️☹️

一開始見間鋪冇人就打算入去買杯雪糕食同時有兩台客同我一齊入去店入邊排隊買雪糕。計埋我總共只係要整3杯野 ，點知等左15分鐘先有得攞。整雪糕個店員等到我落埋單先喺個雪櫃攞啲乳酪出嚟倒入雪糕機。然後慢慢執枱同其他同事傾偈。等左15分鐘，等唔落去，行去問可唔可以退 因為等太耐。個店員（睇落唔似普通crew, 唔係著制服maybe高級D）問我 「你個杯係咪整緊啦？」我真係一頭問號 我點知你哋係咪整緊我個杯野啫 佢行左去整雪糕個邊再行返過嚟話「整緊啦喎」，然後即刻比杯雪糕我。文字表達唔到佢個種令我心情更加唔好既語氣態度 。但係麻煩店員可唔可以有啲禮貌，同講返句「唔好意思，要你等甘耐」之類個D 表面客氣說話 杯雪糕雖然溶得快，但真係幾好食。不過體驗左呢一次經歷，我唔會再幫襯。（反正少左一個客對佢地冇乜大影響

咁多年都係咁好食，每次經過都忍唔住想食個froyo好味，加咩topping都得，crumbs同啲froyo好夾！開多啲分店千祈唔好執笠呀！hahahahahahahahahahahaha

𝕂𝕆ℝℝ𝔼𝕊  𝕩 𝕊𝕞𝕚𝕝𝕖 𝕐𝕠𝕘𝕦𝕣𝕥又合作啦💕～炎炎夏日，想吃健康一點，又想點甜點?! 不如試試這杯期間限定的 「 希臘夏日美肌乳酪杯🍦」啦!健康的希臘乳酪雪糕🇬🇷，配上天然蝶豆花果凍、自家製脆粒、菠蘿乾片、藍白朱古力片等等，不但有希臘色彩，而且味道也好好😍，香甜適中，口感豐富。你知道嗎🤔?! 希臘乳酪可以吃，亦可以用來作為護膚產品主要成份😳。𝕂𝕆ℝℝ𝔼𝕊乳酪益菌潔面乳登場啦!!!產品有助在3 天內能控制長痘痘和面部油光的問題呀。如果你想食乳酪又想免費試用𝕂𝕆ℝℝ𝔼𝕊希臘乳酪護膚品，要留意囉～ 1.即日起至9月15日，凡購買1杯希臘夏日美肌乳酪杯，即送KORRES乳酪益菌護膚體驗裝一套(價值高達$230)。 2.即日起至9月15日，在𝕊𝕞𝕚𝕝𝕖 𝕐𝕠𝕘𝕦𝕣𝕥沙田店打卡和完成任務，即有機會獲得𝕂𝕆ℝℝ𝔼𝕊希臘乳酪皇牌護膚產品4件(總值$1165)，名額有10名。 3.在萬寧購買𝕂𝕆ℝℝ𝔼𝕊希臘乳酪系列滿$500，ᴡʜᴀᴛsᴀᴘᴘ 6689 8916登記即送希臘夏日美肌乳酪杯1杯和𝕂𝕆ℝℝ𝔼𝕊乳酪益菌護膚體驗裝1套(價值高達$300)。

💙🤍💙乳酪雪糕好味🍦但好快溶夏日熱辣辣，雪糕可以歸類為每日必食🤣啱啱經過沙田見到Smile Yogurt新開張，又咁多人排隊，湊下熱鬧先😛因為人流有啲多，所以等候時間都真係有啲耐🍦不過拎上手見到賣相咁靚，都好滿意😌同Display差好遠😂明顯睇得岀實物雖然冇明顯嘅層次，但雪糕份量 賣相都贏佢😆💙希臘夏日美肌乳酪杯💙 $70除咗主角希臘乳酪雪糕，佢嘅配料有菠蘿乾片、芒果粒、天然蝶豆花果凍、自家製脆粒、棉花糖😚希臘乳酪雪糕好軟滑，甜度偏低好清新🍦不過影完相唔建議hold太耐，因為好易溶😂菠蘿乾片雖然大大塊，但有啲硬🤣菠蘿乾中間🍍嘅位置就咬唔到🥺on top藍色嗰啲應該係白朱古力片，冇咩特別味，不過真心靚！食到中間會有粒粒芒果🥭酸酸甜甜好啱夏天食✨天然蝶豆花果凍，涼浸浸口味清新有口感🍃自家製脆粒集中於頂層同底層，有啲似木糠布甸嗰啲碎碎🍪以整體嚟講，佢質素都算係乎合返價位！不過買佢除咗係為咗食杯雪糕🍦仲想拎埋佢嘅體驗裝返屋企try try 😂所以$70又食又拎都OK嘅！📍Smile Yogurt & Dessert Bar📍沙田車站圍1號連城廣場零售層23號舖