Smile Yogurt & Dessert Bar

营业中

休息中

星期六下午去，都等了一位兒才有位！我們點了Mango Fever 同 Chocolate lover! 兩個都很美味！我比較喜歡Mango Fever, 因為比較清新, 芒果超甜，又有濃濃yogurt味！而chocolate fever就有香濃朱古力toppings! 外表及味道都不錯！希望希多點位置不用等太久！

Smile呢間乳酪雪糕一直都有食開，平時去開係旺角嗰一間，開喺一間新嘅商場，但係好耐之前發現佢已經執咗笠，所以一直都冇機會再食呢一間乳酪雪糕。今次嚟到呢銅鑼灣，行開附近，覺得有啲攰，想搵個地方坐吓，發現咗有呢一間雪糕，即刻坐低就叫啦，平時都係食開一個叫做Summer嘅雪糕，但係今次就想試吓呢一款多芒果嘅款。其實見到好多客人都有叫佢嘅自選系列，好似都唔錯，下次可以試吓。今次食呢個呢就個味道都係一如以往咁好食，佢一層係梳打餅碎，一層係芒果，以頂頂就有一個芒果雪芭 ，好好食

🔍 Smile Yogurt📍 軒尼詩道500號希慎廣場5樓511B號舖📝 ★★★★★ 👍【 Smile Coffee 】 $56朱古力片﹑朱古力爆炸棒棒﹑咖啡脆粒﹑咖啡果凍﹑咖啡曲奇🍦裝飾既朱古力棒加爆炸糖 有啲驚喜 有創意🤯👍🏻 咖啡味都唔錯 不過都係鐘情朱古力味🍫【 Mango Fever 】 $70芒果雪葩﹑自家製脆粒﹑芒果熱情果棉花糖﹑芒果布甸﹑芒果🥭芒果味雖然唔太酸 但係都係唔及朱古力味🍫總結朱古力味世一🥇完！

天氣實在太熱，經過呢間yogurt都忍唔住同朋友仔叫咗兩杯share今次試咗🩷🍓The Garden🥭Mango Fever酸酸甜甜嘅Yogurt真係非常之開胃，加上每一層都有唔同嘅配料，令到個口感非常豐富，而我最鍾意裏面係有加新鮮嘅水果同埋果凍😋

香港依家越嚟越少乳酪雪糕好彩仲有Smile 而且仲有唔同分店～～～而且價錢唔算好貴又多配料無論夏天冬天都想食返杯～～～不過佢位置比較少好多時要外賣拎走食～～～有機會再試吓佢嘅蛋糕啲人話幾好食

Smile yogurt乳酪好食又夠配料，買卷又可以抵少少，唯獨唔好溶得比較快左少少🤣今次揀左The Garden 夏日炎炎食夠清新，仲有我鐘意食既馬卡龍做配料，其實都係好抵食出面買一粒馬卡龍平極都15蚊左右😀😀😀味道乳酪甜酸到恰到好處，唔會過酸👍👍配料今次食The Gardens配料夠多，有馬卡龍，自家制百力支，威化餅碎，荔枝醬汁，仲有士多啤梨蛋白脆，有唔同層次口感環境有點細少，枱有7至8張枱咁岩去食飯午餐時間，人流較少容易有枱坐份量都算大杯，自己一個食好飽肚，所以2人分享食就岩岩好我個人認為溶解度有少少快溶，所以打完卡影相要快快享受食用感受：整體都算好夠消暑，又能享受美味乳酪😀😀😀

之前鍾意食Mango Fever （$70），最近轉左食Banana Split （$56），因為平好多。佢啲Yogurt真係好香好滑，唔同材料配搭得好好，香蕉乾脆卜卜，香蕉果蓉酸酸地配合Yogurt 好夾，連淋喺上面嘅朱古力都食得出係靚嘢，中間仲有啲餅碎，最底下層有啲生果粒（蘋果、蜜瓜等等），層次豐富，回味無窮。地方雖然唔係好大，但有太陽光照射，好舒服，我通常下午茶時間嚟，冇乜人，可以慢慢食，慢慢坐，真係日日都想黎。

屋企人生日，特登過嚟買個細細地嘅生日蛋糕，口味迎合返香港人，唔會太甜，而且又好多款式、味道。上次買咗個抹茶黑芝麻味，細細個，幾好食，幾個人分啱啱好，價錢又唔會貴，唔錯。

話說呢排每個星期都搵一日去幫襯，開首份量真係好滿足，見到個賣相就想哇一聲尖叫⋯ 琴日一心放工開開心心衝去食，換來係極度失望，份量比之前少咗起碼一半，尤其係yogurt份量⋯ 平時可以食到好飽，琴日食完完全無飽肚嘅感覺⋯ $70一杯真係一啲都唔平呀，點解換來嘅係唔相應嘅份量⋯本來忍唔住想即時反映，但剛巧聽到有媒體邀請佢哋做訪問所以算⋯ 琴日都有留意到黃昏時間人手轉左，唔係平日見到嗰啲姐姐⋯ 希望相關人士見到可以盡快改善，提升返啲質素⋯

-呢間係我中學回憶之一🫢 中學去補習前後有時會同friend去食下frozen yogurt ☺️ 呢間嘅fro yo 嘅default set 好靚好吸引，所以次次去都會揀呢啲味反而未試過食自選😛🥭🍨Mango fever ($70)Frozen yogurt 好軟滑，yougurt嘅酸味香濃、甜味balance得幾好，材料幾豐富多樣，最上面嘅係芒果雪葩，仲有芒果熱情果棉花糖、芒果布甸🍮同芒果粒，同fro yo一齊食好fresh 😋 其他味都食過都好味㗎😍除咗出名frozen yogurt之外，都有啲蛋糕🎂 全部都幾靚同有細細個3”嘅岩哂少人啲慶祝🍾️🥳

係銅鑼灣食完晚飯都已經九點幾，食完飯就緊係去食甜品，最後見到Smile Yogurt未收就衝入去食😂.乳酪可以自由配搭，亦都可以揀鋪頭配搭好既Menu。.Chocolate Lover黎呢間我每次都係必叫朱古力😂因為唔太鐘意食生果類(´▽｀)乳酪雪糕唔會太酸亦唔會太甜，味道剛剛好。面頭有朱古力冰皮卷、Brownies、朱古力豆同朱古力百力滋。中間有oero餅乾，而底層係餅碎，口感有層次仲唔會太甜，輕鬆食哂成杯.Mango Fever雪糕頂部有個芒果雪葩，個雪葩好易跌😂入面有自家製脆粒、芒果熱情棉花糖，而中間放咗一層芒果布甸，底部就放咗芒果，口感豐富！鐘意芒果就要叫呢一款

一直有食開既 雖然唔平，等的又耐，服務又零，但都一直幫寸緊，但今日，好失望 ，$70一杯，入面中空好大，我來食yogurt ，卻是食空氣？？ 好離譜，求求其其擠一d, 下面是oreal cookie , 非常唔掂！

-//位於銅鑼灣•主打皇牌乳酪雪糕同埋蛋糕🎂香港總共有7間分店🍦每杯雪糕都好多配料賣相好吸引，其實兩個人share食一杯都得大約有13款不同口味配料，七彩繽紛好靚啊📍Floral Recharge 乳酪雪糕 $70呢款係期間限定推出嘅☺️唔係每間分店都有配料菠蘿脆片、芒果醬汁、紫脆粒、馬卡龍芒果熱情果棉花糖、蝶豆花檸檬啫喱、藍莓顏色都幾夢幻👍🏻唔單止乳酪味重，仲好好食小朋友一定會鐘意食🔥酸酸甜甜特別滋味啊聽講係加入希臘乳酪製作，雪糕係超級滑身

話說我係希慎廣場5/F掙扎左好耐，究竟揀珍珠奶茶定乳酪雪糕好呢，左左右右，最後我係揀左「Smile」🙂Smile yogurt雪糕真係好吸引，由A-L 12款唔同配搭卑你揀，款款都咁吸引，款款都好想食🤤，又係望左個menu好耐，最後揀左Wild Summer☺️Wild Summer呢杯以tropical fruits為主，係yogurt 上面插上一片菠蘿脆片，淋上紅桑莓汁，再放了荔枝、食食下就會食到芒果，最底既有自家製脆粒，本身yogurt都有酸，再加埋生果酸甜，整杯配搭都好fresh無食咁耐Smile都係一樣咁好食，大大杯，配搭又多又好味，兩個人share食我覺得係最perfect

今日去咗Smile Yogurt & Dessert Bar，呢間嘅乳酪雪糕真係正到爆燈，揀咗杯Evolcare，仲有得同閨蜜share，真係太正喇👭！乳酪嘅自然酸味同微微甜意，係咁滑入口，簡直係refresh晒。入面嘅食材配搭好豐富，藍莓同士多啤梨混埋朱古力片嘅香甜，加埋荔枝果凍嘅Q彈，簡直係口感play乜都有🎉。馬卡龍雖然有啲甜，但喺乳酪嘅清新中添咗點綴，底部嘅脆粒仲加咗層次感，讚嘞！再講下The Garden，呢杯曬都撼極嘅清爽感受，啲雪糕嘅清香啱晒夏天，不過要手快啲，因為佢比較易溶。千層酥跟玫瑰荔枝汁嘅搭配真係幾出彩，食嗰陣眼都要瞇埋嚟享受🌸，不過底層餅乾碎同乳酪雪糕嘅組合我係覺得可以再改良吓。總結，Smile係一間價錢公道、食物令人滿足嘅乳酪專門店，下次仲會黎試其他款式，推薦比想搵款新鮮感受嘅你！👌🍓🌱