Sodam Chicken (已結業)

呢間韓式炸雞店朋友之前食過話好味，約埋我再去食多次！一入餐廳侍應妹妹就好親切咁招呼我地，安排入座時仲問我地想坐邊，服務態度一流，我地揀左靠窗梳化位，舒舒服服咁開始睇餐牌！我地好快決定食餐廳全新推出的太陽芝士雞鍋（$228），炸雞+焗雞有4款口味加埋12件，可以試多d唔同味又有芝士窩，食呢個set仲有飲品買一送一優惠，我地同樣揀左蘋果雞尾酒（$78）！聽住K pop music好快就有野飲，蘋果雞尾酒係Apple cider加西柚梳打，幾好飲，勝在冇加好多冰但都夠凍，而且好大杯，岩晒食炸雞易口乾唔會好快就飲晒！買一送一好抵！然後芝士雞窩到了！同餐牌張相一模一樣架，侍應教我地等芝士溶就食得，共有四款無骨雞口味，韓式炸雞好香脆，炸到鬆脆的雞皮沾上芝士真係好難抗拒；而我最喜歡炭燒煙燻焗雞，煙燻味好香之餘又食到雞肉的鮮甜味。無論炸/焗雞肉都好滑，又保留到肉汁，唔會好乾同鞋。餐廳裡面裝左幾部電視都播緊K POP，睇住韓國女團MV，飲野食炸雞，食得好爽的一餐！最近餐廳做緊 *晚上8點半後78折* 優惠，有興趣可以留意下啊！

講到食韓式炸雞，我一定係直接諗到「Sodam Chicken」唔單止香港出名，餐廳原來係韓國已經擁有70間分店咁多！呢排佢地出咗個Semi buffet，直接同FD搵日Lunch過嚟拆餐勁★★★★★韓式炸雞半自助午餐 $118(小童$68)主菜可選炸雞/焗雞/芝士泡菜炒飯/辣炒年糕/韓式涼拌水冷麵/牛肉炒粉絲今次我地２個雞肉控叫咗個全雞宴😹😹蜜糖芥末炸雞炸雞外層炸得夠鬆脆，但內裡雞肉仍然仲keep到勁嫩滑口感，咬落勁juicy！蜜糖嘅味道十分濃厚，淨係聞都覺得甜蜜蜜💕食落蜜糖嘅香甜同雞肉嘅鮮甜，襯到一絕👍🏻👍🏻多返D芥末味就更加惹味perfect池啦~雙重芝士焗雞呢款焗雞就偏芝士鹹香，一樣咁正以雙重芝士烤焗再灑上可可脆片做裝飾脆卜卜嘅外皮配上濃郁芝士香嘅鮮雞，超級lamlam脷焗雞size比炸雞更大件，好在佢地d雞係冇骨不過用手套大食特食同樣過癮！自助沙律吧+薄餅+飲品自助吧比想像中更豐富，淨係沙律都有好幾款菜任君選擇仲有特別D嘅韓式粉絲﹑蘋果吞拿魚螺絲粉等等當然仲有最多人爭食嘅薄餅，皮薄酥香得嚟仲有極邪惡拉絲芝士😍真係會令人忍唔住食多幾塊......飽晒🤤🤤Sodam Chicken

相信好多朋友仔都吃過這間韓國🇰🇷炸雞店Sodam🍗晚市的炸雞我都吃過，之前就試了店方的韓式半自助午餐，大人每位$118！主食有七款選擇，包括Signature的炸雞、焗雞、炸雞漢堡、經典的韓式拌飯、水冷麵、辣炒年糕及炒粉絲。我和朋友點了焗雞和韓式拌飯。焗雞可以選口味，我們就選了蜜糖蒜香味，果然是水準之上，外脆內嫩😋😋自助餐就有多款沙律及前菜選擇，我就特別推介蘋果吞拿魚螺絲粉沙律、泡菜伴魷魚。另外還有紫菜拌飯及pizza，建議必試後者，皮脆薄、芝士香👍🏻👍🏻

上網睇到sodam chicken岀咗呢個太陽芝士炸雞，太吸引第2日即刻去食🤣叫咗枝soju先～ 甜甜地好好飲太陽芝士炸雞 ($228) 加$1仲有多一舊雞！好抵食！慢慢煮溶中間既芝士先，一路煮已經聞到好香🤩 有4款雞件，分別有韓式炸雞，雙重芝士炸雞，炭燒煙燻焗雞，香辣焗雞。自己最鐘意香辣焗雞，焗雞好香，食落好嫩滑，加埋芝士食好正另外經openrice 訂位仲有個拼盤送，有餃子，有年糕等等，可以用黎點芝士食😆

在韓國回來三個月，開始想念韓國食物，於是找到了這間食炸雞很有名的店，幸好我們一早訂了座，所以不用排隊等候。這間餐廳的特別之處是除了炸雞，還有焗雞，因為我和朋友有點怕熱氣，所以選了焗雞。我們點了蜜糖蒜香焗雞，雖然說是焗雞，但賣相和炸雞一樣，口感亦一樣香脆，感覺餐廳一點也沒有省蜜糖的份量，邊食還會邊滴蜜糖，但又不會太甜，食了幾件也不會覺得膩，反而想一食再食。十分推薦想食炸雞又怕熱氣的人點焗雞。另外點了牛肉部隊鍋，部隊鍋的材料十分多（牛肉、腸仔、午餐肉、魚糕、韓式餃子、年糕、拉麵等等）。雖然整個鍋的顏色都很紅，但食起來又不算辣，我平時食小辣也可以接受到。另外餐廳員工都很貼心，見我們食到一半，湯底愈來愈少的時候，會過來幫我們加湯和提醒我們關細火。

今日同朋友慶祝生日，因為朋友仔仔好鍾意食芝士，又同我一樣係芝士愛好者，所以就黎試下呢間個好多芝士既 - 太陽芝士炸雞 - 勁愛多芝士既愛好者一定會愛上，因為真係勁多勁香濃既芝士，仲要唔會怕好快就會乾添，炸雞肉好嫩口，仲好香脆，一咬落啲雞到，好多汁唧哂出黎，仲要係芝辣辣既芝士配熱辣辣既雞，沾住芝士食真係另一個風味。墨魚仔辣炒年糕 - 墨魚仔炒得好香，配上煙煙韌韌既年糕。提子特飲 - 好特別，仲有凍冰冰既雪條食，有得飲有得食，好正既感覺。

係銅鑼灣睇完戲，試左個韓式炸雞半自助午餐🍗@Sodam chicken，可以揀炸雞或焗雞，味道款式都好多決定試一試😋主菜七選一，炸雞、焗雞、炸雞漢堡、韓式伴飯、辣炒年糕、韓式涼拌水冷麵、牛肉炒粉絲我地揀左每人加$20 升級太陽芝士炸雞拉絲芝士🧀多到滿瀉！！配上新鮮炸起既無骨雞件，啖啖肉好滿足🥰農夫包外脆內軟，芝士都多到食唔哂呢Buffet 方面~沙律🥙Sushi🍣 pizza 🍕都可以任食不過款式唔算好多另外飲品都有任飲🥤可以揀凍檸茶、柚子蜜，熱薑蜜

朋友話想食再Sodam Chicken，因為佢個<太陽芝士炸雞>好好味我都食過幾次… <蜜糖芥末香蔥炸雞> 同 <太陽芝士炸雞>都出色如是者… 我地又約左假期lunch去食我book左1:30 去到餐聽 入面都幾多人 好彩仲有2張枱-我地今次試新野 <太陽芝士雞鍋 $288> (變奏版太陽芝士炸雞)鍋入面裝住滿滿的芝士 旁邊有4款雞，分別係: 原味炸雞、芝士味炸雞、BBQ味焗雞、辣味焗雞淨係賣相已經可以俘虜一眾鐘意打卡的朋友呀把雞蘸上香濃Creamy的芝士 一起手就輕鬆拉絲 真係好邪惡好肥 但絕對「芝」味無窮！食完保証充滿滿的幸福感如果你係芝士腔的話 相信我 呢款絕對是必食之一呀-雖然焗雞感覺上健康過炸雞… 但我地都覺得炸雞好味過焗雞炸雞個皮非常香脆 一咬落去會發出卡滋卡滋的聲音 -這個2至3人份量吧~ 我們2個女生只吃剩一點點想讚既係… d雞係冇骨架 食起上黎超方便

今天約了兩位很久沒見的朋友，決定找一間環境舒適的地方好好聊天。餐牌有很多選澤，當中尤以這個太陽芝士雞鍋最吸引，有4款雞，可以一次過試炸雞和焗雞，還有很邪惡的芝士呢！芝士真材實料，做到拉絲效果。個人比較喜歡焗雞，特別是煙薰焗雞，惹味得來又不會太熱氣，焗得外皮香脆而同時保持了肉汁和肉質的鮮嫩，真的很不錯！每張桌上都有濕紙巾和無限的即棄手套，很貼心。另外我們還叫了一個小食拼盤，有幾款炸物和香腸，三個人分享吃剛剛好。

放假日嚟到銅鑼灣行街街，原來時代附近有幾條食街！喺時代打完卡再去餐廳食嘢🤪自助沙律吧+主菜+薄餅+飲品=$118自助沙律吧有大量韓式拌菜😍勁正啊！推介勁入味嘅菠菜，荳芽同茄子🥰泡菜味道唔喺太辣，好開胃😁飲品有熱薑蜜，暖笠笠又唔會太薑啱哂我😆薄餅有2款：熱帶風情薄餅同千島加勒比海薄餅，特濃芝士味而且餅底勁脆卜卜😙黃金鹹蛋焗雞 外層仲喺脆卜卜😍面頭喺鹹蛋黃味，鹹鹹哋好香口，友人話食到唔停口🤤焗雞咬落去肉質好juicy！會見到啲雞汁慢慢流出嚟😳焗雞仲會有碟醃蘿蔔！食完焗雞可以清清口腔👍🏻雖然得4件，份量都好足2個人食啊！韓式涼拌水冷麵水冷麵太長，店員好好人咁幫手剪開☺️麵質彈力十足！涼涼哋嘅啱哂啲熱底人士😌配料喺青瓜紅蘿蔔絲泡菜同隻蛋，如果有埋辣醬更加完美！放耐咗少少啲麵吸哂湯汁，如果多啲湯就好啦～樓下派傳單姐姐，原來餐廳有炸雞焗雞買一送一優惠！下次叫多啲fd子嚟開大餐先得😄

太陽芝士雞鍋連小食拼盤 💲228⚠餐廳另外做緊晚上8點半後78折優惠⚠有興趣嘅朋友記得試試✅ 雞鍋有炸雞同焗雞各兩款🐤🐥 share食唔怕熱氣😋✅ 芝士係用幾款唔同既芝士鋪滿鐵鍋🧀🧀 所以味道濃郁唔會單調😎 溫馨提示🎀 ：芝士煮得越耐就越拉絲 但太耐會出油 記得及時熄火🌡️👅Taste：3.75/5💰CP值：3.5/5🙋🏻‍♀Service：3.25/5👁‍🗨Stylishness：3.25/5

🐽韓式炸雞半自助午餐 $118每位可以揀一款主菜，今次分別揀左蜜糖蒜香焗雞同芝士泡菜炒飯，焗雞好香蜜糖味，但蒜香味就唔係幾夠，全部焗雞都非常滑，外脆內軟，而芝士泡菜炒飯就好邪惡，有好多芝士，但唔係拉絲個隻，而啲泡菜食食下都幾辣，整體味道都正常出面啲拌菜、沙律同薄餅味道都唔錯，尤其係個pizza、泡菜、螺絲粉同個螺肉冷麵，另外仲有幾款飲品比你斟，例如橙汁、柚子蜜，一定會食得飽🤣

久違的去左銅鑼灣Sodam Chicken😎😎 去到見到新menu太陽芝士雞鍋🐥 有4款味道嘅炸雞、焗雞，仲有芝士點黎食🤩 小妹覺得很吸引😆，所以叫左個，另再加個小食拼盤💁🏻‍♀️ 小食拼盤有炸魷魚鬚、炸墨魚咀、雞軟骨餃子、炸年糕，好豐富～ 下面重點講下個鍋😉太陽芝士雞鍋真係一次過滿足晒3個願望🌟🌟🌟 有炸雞有焗雞仲有芝士，真係無得輸👏🏻 成個presentation已經好澎湃，十二件雞圍住，每款味道有3件；中間啲芝士就更吸引，見到用咗幾款唔同嘅芝士，一大堆在中間，開火後芝士開始慢慢融化，望住已經好治癒喇！之前黎食係食炸雞，今次係我第一次食佢嘅焗雞。雞肉好滑，有肉汁唔會乾。芝士味好香，甜甜地👍🏻 個人覺得炸雞配芝士夾啲～ 整體好邪惡好正😆12件雞2個人食超級飽！呢個份量真係可以3-4人食再額外加野都可以！而且餐廳做緊加$1多1件雞(5/10件)，叫左個鍋飲品仲買一送一，真係好抵好啱多人黎食呀！ 另外仲發現依家晚市8:30後做緊78折，啱晒夜鬼們去搵食啦😆😆

#191121.雞 全部都係雞🐣半自助午餐均一價$118☺️.<#蜜糖蒜香焗雞 $118>首先嚐招牌蜜糖蒜香😛蜜糖焗熱後更可口香甜👍🏿拌碟的醃蘿蔔酸酸的挺開胃🥗份量也不少呢🥰面頭有脆脆玉米片裝飾😆雞件厚身啖啖肉😚焗香有脆皮🤩裏面濕潤juicy☺️蒜味拌上蜜糖甜挺易入口☺️蜜味主導讓人有點點幸福之感🤤❤️.<#黃金鹹蛋焗雞 $118>超級惹味🌟雞件上沾滿粒粒起沙的金黃鹹蛋黃粒❤️雞件仍然不失水準👍🏿不會過鹹但充滿鹹蛋黃香🤤.自助吧比想像豐富🤘🏿💜有幾款較impressive:韓式：泡菜魷魚🤤辣生菜🥬芝麻菠菜💞涼拌茄子🍆涼拌大豆芽☺️.西式：柚子醋大蝦沙律🥗🍤芝士烤南瓜沙律🎃.還有夏威夷pizza/千島海鮮pizza👅新鮮出爐熱辣辣脆卜卜😍還有超多芝士😆🤤.飲品吧有熱薑蜜/凍柚子蜜/果汁👻不太甜挺解渴的😽.性價比高的半自助午餐真是超級大滿足😚🧡..📍#SodamChicken (銅鑼灣)銅鑼灣耀華街3號百樂中心7樓

Sodam Chicken 系一家著名既韓國連鎖式炸雞店，其提供多個口味既炸雞/焗雞，今次卡比就去食左佢地既半自助午餐，成人每位＄ 118而且食得好飽。每人可以選擇一款主菜，而其他則系任食所以叫半自助式。另外留意到餐廳有做緊炸雞/焗雞買一送一既優惠，好岩一班人開party或者分享美食啊。🔷雙重芝士味焗雞  💙78/100餐廳有提供手套所以食果時可以用手食好方便，份量方面有大半隻雞，另外焗雞既雞肉好滑而且仲keep到好多肉汁系入邊之餘，估吾到個外皮都咁香脆。雙重芝士味個芝士粉好出色，係偏甜味既芝士粉，遍佈雞件既成個外皮，附送埋既酸羅白好開胃而且自助吧都有提供。🔷韓式涼拌水冷麵  💙78/100水冷面有泡菜粒、蛋、羅白絲同青瓜絲等，撈埋一齊食系微酸帶點辣，冷麵十分Q彈而且越浸會越韌，食到覺得十分正宗，另外卡比仲有拎左D泡菜粒加左入冷麵到食，有個自助吧真系方便幾多。🔷自助沙律吧＋薄餅＋飲品 💙75/100沙律吧既選擇繁多，自助調味既有，預先調好既亦有。重點講下個凱撒沙律，芝士粉份量都吾隨便所以食得好有味，沙律菜新鮮；蘋果吞拿魚螺絲粉沙律都幾特別；墨西哥粟米沙律一睇就知會大受歡迎；另外仲有烤南