影片
港铁上环站 E1 出口, 步行约5分钟; 余仁生對正街口, 生果檔側巷仔入
继续阅读
开饭介绍
菜式根據香港素食學會指引的五色蔬菜飲食法來設計，每日只供應一款套餐，但主菜已包含多種口味，雪糕也是無蛋無奶自己製造的。
继续阅读
营业时间
星期一至五
12:00 - 15:00
星期六至日
全日休息
以上资料只供参考，请与餐厅确认详情
第一次寫食評，哩間穩世的良心餐廳真的值得推推，介紹比更多人知👍🏻由於餐廳只做平日午市，我唔係附近返工，所以無機會幫襯到。某天機會來了！咁啱有事向公司請左假，我提早兩日就book 定位，終於有機會去到餐廳食個lunch! 餐廳位置確實隱蔽，如果唔係老闆娘WhatsApp 帶路，你唔會肯定哩條後巷就係入口👀。沿途好似探秘咁，直至見到門口名牌。噢！就係哩度！推開門一刻好似入咗第二個世界咁，跟外面的冷清形成強烈對比，餐廳入面已經幾乎滿座，全是熟客。我坐低後老闆娘兼廚娘知道我係新客，隨即提示我可以出去裝湯飲。好彩黎之前都有爬下其他食評，都知規矩，係你入去之前，老闆娘已經為你準備午餐，你入去之後就自己‘知訂’ 埋去拎湯及飲品，之後我一坐返底，老闆娘隨即就為你遞已預備好的午餐。完全唔洗等。直至哩刻，我先知道我午飯係食咩。由於餐廳裏無餐牌，你唔知道餐廳有咩選項，亦唔知你當日會食咩，我會形容哩個形式完全係素食有營Omakase。無論午餐係咩，你都會好安心，對廚師好信任，因為你知道老闆娘一定係以最有營，最新鮮，最健康嘅烹煮方法用心咁為你預備午餐。而且價錢非常良心價。彷彿老闆娘的經營理念就只想為一眾中環努力打拼的打工仔，為佢地煮一頓有營養又健康的好飯，讓他們充滿能量繼續餘下的工作。當日老闆娘為我預備的主菜係海南素雞飯，飯是黃薑飯，完全食得到黃薑味又不太重。素雞淋上酸酸甜甜的柚子汁，非常開胃好味！碟邊配上其他新鮮蔬菜，我完全食到蔬菜應有的蔬菜味！非常新鮮！邊食邊飲一啖新鮮菜湯，再來一杯清清甜甜的果昔，美滿！之後老闆娘問我需唔需要甜品。當然要啦！難得到來，除了主菜都想一嘗甜品！於是老闆娘推介了這個黑杞子 Raw Cake。不得了，非常creamy, 淡淡的甜香。（有機會要試！ ），再order 了一杯紅棗熱飲為這頓飯作結。非常滿足😌😌如果我係中環打工一族，Soland 絕對係我嘅飯堂😌😌 大家有機會都去幫襯下！
继续阅读
自己大比例食生（raw vegan)幾個月，感覺想試下出面餐廳食raw vegan food. Soland is the one.最好先在whatsapp留位（10am前或前一日）叫左份食生餐$75（不經高溫保持營養酵素食物）大碟又豐富，慢慢食，慢慢享受. 食完好精神.另外叫左件開心果熱情果批$65 外賣（我用了自備盒），好易入口，喜歡生果的天然甜味. 價錢十分超值食素、食生的朋友請身體力行支持Soland. Thanks!☺️
继续阅读
係openrice d食評見到想去食就一定要whatsapp預定，所以我早一晚就訂左一位。當日用膳前15分鐘有朋友想join,於是我whatsapp餐廳想加多一位，餐廳亦cater到係半自助式既lunch,一入門口就自己拎飲品同湯。我好鐘意個紅菜頭飲品，好足料好多紅菜頭果肉🤣個湯都係真材實料！主食方面亦好豐富，但我最鐘意係個薑黃飯😍😍成餐飯只係人均$75！其實如果餐廳個套票唔係2個月內咁短時間要食曬，我真係會買套票！
继续阅读
今次踏進嘅這家餐廳, 實不相瞞，我對素食一向無咩大期望，但攞命！這裡嘅菜式真係顛覆咗我對素食嘅所有認知。開胃嗰碗甘筍忌廉湯嘅滑溜口感同清甜味道簡直令人心曠神怡🥕。主菜選擇咗沙律同意粉，個沙律鮮嫩多汁嘅綠葉，加上那些火箭菜同星型椒嘅色彩搭配，真係賞心悅目；意粉彈牙得嚟又唔會過於分心，有股好自然嘅麥香。講到飲品，我喝咗一杯薑味黑豆漿，溫暖又踏實，個黑豆味濃郁但係又唔會太過搶鏡🥤。食完之後，用山楂茶嚟個完美收尾，個甜酸感覺恰到好處，ㅤ令整個飯局嘅滋味更加圓滿。要話形容，這家餐廳嘅純素食真係好有層次感，令人食指大動之餘，心情都跟住愉快起嚟。正宗推介！🍃
继续阅读
兜兜轉轉終於找到這個有機素食的隱秘好地方，一踏進店鋪，城市的喧囂頓時遠去，仿佛進入一個放鬆的綠洲，燈光柔和，香熏飄渺。今天來只能選擇湯底，不過那紅薯番茄醬真係得意，新鮮滴蔬菜配上飯仲有各種色彩，食落去又甜又滋味，對於個人咁中意甜菜根醬嘅我來講，真係一大享受🌱。朋友揀咗番茄湯底，都唔錯，不過同我嘅紅薯番茄醬就未必咁夾。湯頭部分，嗰碗海帶湯氣味十足，有種設定氣氛嘅感覺。對我來講可能有啲過重，但絕對是一場冒險旅程。至於黑豆漿加咗少少薑味，齊齊飲好過癮，仲有助於中和一下膳食嘅豐富感覺。服務團隊好親切，位都足夠（我哋選咗非繁忙時間），下次仲要試下其他醬汁呀！🍅🍠
继续阅读