SONAMU Korean Restaurant

营业中

休息中

留意左呢間新開喺好兆年行地庫既韓國菜開左兩個星期，每次行過都唔見有客，只會懷疑佢點可以生存，呢個死位，之前嗰間都開唔夠幾個月就摺左，呢日終於忍唔住，同老婆做下試伏器。落到去，全店一個客都無，我地包場。新開張，D套餐做新張優惠，好抵食，2人餐只係400，4人餐都係1000，兩個人就叫左個媽媽套餐1，一個湯，再揀兩個主菜，仲有十幾個前菜。咁我地就揀左醬油蝦同豬肶，仲有大醬湯。先上個南瓜粥，原來只係一個南瓜湯，但係就加左幾片紅棗，幾粒脆米，同有幾粒大腰豆。共等左十幾分鐘，終於上菜，竟然係成個枱面推過嚟，真係好大陣象。大鄉里出城，未食過醬油蝦，梗係試左先啦。共四隻蝦，好乜大隻，平時出街都好少食咁大隻蝦，個頭一啜，勁甜，蝦身就好似食緊牡丹蝦咁，仲要調好味喎。每人兩隻，好滿足。另一個主菜就係韓式豬蹄，係要好似生菜包咁食，要加啲特製醬汁，夾埋生蒜片同辣椒片一齊食，好腍好入味，有生菜包住無咁漏。不過個鍋就差左啲，大醬湯，料都幾多，諗住試下啲地道韓食，點知太鹹，即刻同老闆反映左。過一個星期再食已經無左大醬湯呢個套餐最特別係有十二碟前菜，有和風柚子芝麻醬豆腐，好開胃，仲有一整條明太子，夠鹹送飯一流，仲有仲

好臨時既星期五晚聚會好彩仲可以𝑜𝓃𝓁𝒾𝓃𝑒 𝒷𝑜𝑜𝓀位ฅ●ω●ฅ 星期五晚都幾爆 𝔀𝓪𝓵𝓴-𝓲𝓷 都唔知等唔等到位我地𝟛個女仔 叫左𝟚人餐 $𝟝𝟞𝟘再加泡菜煎餅 $𝟡𝟘 (՞⸝⸝o̴̶̷̥᷅ ̫ o̴̶̷᷄⸝⸝՞) 上菜 好震撼 一張擺滿食物既枱𝒸𝑜𝓋𝑒𝓇我地原先空白無物既枱✺◟(∗❛ัᴗ❛ั∗)◞✺ 粥 𝟚份南瓜杞子粥 ૮ o̴̶̷᷄ ·̫ o̴̶̷̥᷅ ა 如果份量多啲就好啦小菜 𝟙𝟚碟大泡菜 紫菜 滷水蛋 豆腐 小魚乾 薯仔 炒粉絲 小泡菜 芽菜 明太子 菠菜 沙律通粉每份都好好食 ๑╹∀╹๑唔驚唔會飽𝟞選𝟙 揀左泡菜湯有肥豬肉 豆腐 泡菜 朋友覺得個泡菜有啲酸 但我覺得好好食 撈飯好正 ·͜･ᐝ 𝟛選𝟙揀左燉豬肋骨個豬肋骨係軟身 ૮ ˃̵ ֊ ˂̵ ა 不過湯入面個南瓜好硬𝟙𝟚選𝟚揀左辣炒章魚 韓式豬蹄辣炒章魚 ˃̵͈̑ᴗ˂̵͈̑ 好大碟 啲章魚混合埋泡菜 巧巧吃韓式豬蹄 有生菜伴豬蹄 可以好似生菜包錦配埋泡菜 辣醬 蒜頭 辣椒包黎食 不過啲味道唔啱我口味 ⌯'Ⱉ'⌯ 我覺得可以更好食泡菜煎餅 一開始黎有啲脆脆地 不過我覺得入邊既料可以多啲 ⸝⸝⸝ ╸▵╺⸝⸝

呢到可以揀散嗌/套餐，但見枱枱基本上都係嗌套餐。套餐有分2/3/4人，而2人都有分兩款。我地就揀左姨媽套餐1($420), 入面包左12碟小菜+粥+飯🫡首先湯要3揀1，我地就揀左泡菜湯，然後主菜就揀左燉牛排骨+烤牛肉。我地兩個眼闊肚窄嘅女人以為咁樣會唔夠飽，就再加多左份泡菜餅同辣炒年糕😅佢第一樣嚟嘅係粥，佢同我地平時食開嘅唔同，佢入面係冇米粒，飲落就好似南瓜湯咁🤣美中不足嘅係，我地嫌個泡菜餅有啲冧，但其他主菜都好好食😋

今次一家人嚟咗依間尖沙咀嘅韓國菜，佢就咁一個餐已經好多嘢食。而且餐廳老闆都係韓國人，煮出嚟嘅嘢都好有韓國本地嘅味道。每日嘅食物都有佢哋發辦上菜嘅時候就會一架車一次過車上枱，呢個非常之有儀式感。食物質素中上，每一樣嘢嘅調味都適中。同埋夠晒飽如果想一大班friend食韓國餐廳嘅話，非常推薦呢一間。好似大家坐埋一齊食一餐家常便飯咁。而且店員都非常之友善，加上佢哋韓國人，非常之有去咗韓國餐廳食飯嘅感覺。。

Sonamu價錢💲: $1000好味程度😋: 3.7/5服務🍴: 3.7/5環境🗾: 3.7/5性價比🥢: 4.4/5回頭率😚: 3.7/5-係社交平台見到介紹成枱以的韓國菜好震撼，都去左試試。佢個位置介乎佐敦尖沙咀同紅磡之間，係一棟大廈側邊落去的舖頭，好容易會miss左。佢哋有唔同人數的set，價錢抵食，仲要唔加一。一叫完，好快就會成張枱抬過來。上面好多韓式小菜，個體驗都幾特別。-✅小菜。款式超過十款，最有記憶點係粉絲、通心粉沙律、腸仔😂沙律醬偏甜的！其餘菠菜、豆腐、魚糕等都正常。泡菜幾好食，甜甜辣辣，仍然爽脆，係新鮮醃製的感覺！仲有個2啖的南瓜湯，原汁原味綿密的南瓜蓉咁🎃-✅燉牛肋骨。個日個煲牛肋骨係炆得夠淋既，肉質鬆化唔鞋，一咬已經可以骨肉分離😬仲有少少紅/白蘿蔔，醬汁會油膩但味道幾好撈飯。-✅醬油蝦🆗醬油蟹。醬油蝦雖然得2隻，但幾好食！肉質新鮮黏黏地的，又入味😋 醬油蟹就一般d，膏唔太多，唔係好肥美，同埋最主要有啲腥😳但個醬油係唔會太鹹，吱啲肉出來就咁食都可以接受🫡-✅✅泡菜湯。湯好飲！好入味，泡菜的酸酸辣辣夠曬味，仲有d肉香😎-🆗烤鯖魚。呢個好鹹🤐 肉質好實。-✅辣炒豬肉。五

讚-抵食度真係一流 每人兩舊半 尖沙咀佐敦都搵唔到再平啲既-未有酒牌 酒水可以自己買-泡菜相當多元化 明太子算係少見-黃花魚燒得幾好噃 皮脆肉香無泥味彈-味道好單一 泡菜湯又好 牛肋骨又好 都係好單調既味道 就好似韓國快餐店食到果種

食物水準好，有韓國地道風味！醬油蟹新鮮，醬油甜味！不太鹹，非常美味！燉排骨嫰滑，煎蔥餅美味可口！各款小菜比在韓國的款式更多，尤其那款新鮮製的泡菜，非常爽脆清甜，辣度適中值得推介！其他的還有其他地方少見魚子的做小菜！咸咸甜甜的花生，韓式粉絲，煎小小的魚餅…….. 非常美味！環境簡潔，寬敞！十分適合三五知己一起聚餐！家庭聚會也是好地方！價格合理，2人套餐分量十足，足夠一家三口分享！抵食。 服務員態度非常親切友善！

叫左二人套餐$500 不用加一 有自助飲水吧 環境都企理闊落只係餐廳嘅位置比較難搵要穿過大廈嘅電梯大堂再推門行返出去外面才找到餐廳的位置因為喺社交平台上看到呢間餐廳係以木板上菜嘅 覺得幾特別就特登過去食 都幾有新鮮感同一次過可以食到12款韓國小菜 都幾開心整體偏鹹，但係泡菜非常好食新鮮爽口我自己都食咗三份二章魚魚餅煎香放涼後依然幾好食粉絲有驚喜 味道偏甜泡菜湯好辣，亦都非常鹹，送飯一流建議不食辣的人選擇雞湯泡菜豬肉唔錯係正常發揮燉牛肉都唔錯 店主建議要趁熱食 煎鯖魚好味唔腥，又唔會太乾，明顯有夾走過魚骨

香港嘅韓國菜都真係有幾多唔同類型款式呢種韓式客飯全席好似真係第一次見🤣比佢個上菜方式吸引咗 推塊木板埋嚟一次過就上齊菜了食物嘅選擇我覺得唔算太多 多數人都係試個套餐🤍姨媽套餐2($500 for 2) | Rating: 7/10嗌咗個二人餐 套餐1同2嘅分別在於2可以有兩個主菜其他就包括牛肋骨/醬油蝦揀一 湯品揀一 同已經包括嘅南瓜粥x2 白飯x2 小菜x12我哋揀咗牛肋骨 豆腐海鮮湯 豬腳 同加錢嘅醬油蟹($180/2)整體嚟講要揀嘅主菜我都覺得普通 冇飛去韓國嘅感覺🫡好大嘅問題係温度唔夠熱 除咗個開住爐嘅湯醬油蟹雖然加$180就有兩隻 我覺得價錢算好合理但質素都真係好普通 蟹膏唔算特別香 蟹肉太鹹鹹到我覺得已經蓋過咗佢本身應該有嘅鮮味但入口就唔會話覺得係唔新鮮嘅最值得讚嘅應該就係小菜 款式算多 有啲幾好食 又比較特別最印象深刻係醃明太子 辣豆乾 同一個鹹辣嘅蝦米泡菜都幾特別 唔係平時食嗰種入曬味 個辣醬比較喺表面但泡菜嘅口感就爽口好多 好易分到一塊塊總結係成個體驗幾得意 可以試一次咁大把 食物質素就真係有待提升 會比分6.5/10🥱上面有0.5係打卡得意分😙

用心經營 ，有創意，創新嘅上菜方式，性價比高，會再次回來～醬油蟹新鮮，醬油不會過咸，甜度適中～牛助骨好味推推，海鮮豆腐煲辣度合適，二人份量 加兩隻醬油蟹先$680. 人均$340. 在尖沙咀地區值得一去，韓國人主理

有朋友話想食韓國嘢，佢竟然喺毫無廣告宣傳之下，搵到呢間新開主打細細碟韓國小菜餐廳。我哋光顧嘅時候係7月頭，當日佢哋係連酒牌都未有，好似做緊新店開張試食優惠，所以我哋三個女仔係唔太肚餓嘅情況之下，粗粗地叫咗個2人餐，份量還算充足，非常之抵👍🏻味道方面，普遍一般般不過不失，冇俾到我哋咩驚喜，不過如果未試過嘅，都可以嚟食一次，可以同塊食物板打張卡，咁都值嘅😬全部細細碟，好啱我哋班女仔咩都想試晒想食，係約姊妹好去處😋

啱啱去完韓國返黎，見到呢度新開，係韓國人主理，仲要好開心可以成板上，即刻約埋屋企人去食！online book位有埋菜單睇呢點幾好，唯獨online預約左張bb櫈，點知去到原來係冇嘅，不過好彩屋企人有帶，所以online呢個information就要改返～$1000/四人餐免加一南瓜湯裏面有薏米蓉，飲落去個味唔夠甜，但幾特別～前菜有泡菜（係自己醃，食得出係新泡菜，唔係放咗好耐，如果放耐少少會更加入味，有時喺韓國街買泡菜都係呢種味）另外前菜炒粉絲係最好食嘅，仲有一個前菜係蛋包住午餐肉，呢個都比較少食到豬手，燉牛肉，醬油蟹同醬油蝦係set好左， 豬手可以再juicy啲，燉牛肉我覺得最好食，好大舊，好好肉，而且夠淋，裡面D冬菇好入味，醬油蝦得兩隻，四個人分有啲尷尬，可以考慮加錢畀人加多兩隻，但係個蝦好味又大隻，我覺得仲好食過醬油蟹～ 醬油蟹都新鮮，唔會太鹹！另外有三個菜係可以自己揀嘅，我哋揀咗八爪魚，海鮮豆腐湯，燒鯖魚， 八爪魚份量唔算太多，味道正常，未係好出色， 豆腐湯好好飲， 一路飲湯食曬成碗飯， 燒鯖魚好食，燒得唔會太乾，又大條！雖然 book枱時寫明只可以坐一個半小時， 但因為我哋八

睇左太多social media 嘅宣傳，好想試下呢間韓國嘢，點知真係好一般，期望越大，失望越大。真心其實價錢係吾貴嘅，4人餐有醬油蟹同蝦各2隻，但味道真係好一般，基本上所有小菜都係吾好味，最失望係個牛肋骨，肉又乾又無咩味，入面有件白蘿蔔都可以。個湯係清水咁，最先上嘅一個南瓜吾知係咪湯定汁，感覺差過用水開粉嘅即食湯。總括就係中伏。另外，餐廳位置好奇怪，係大廈電梯旁邊有個門口，要出返去後面條街。餐廳待應非常忙，要叫好多次先有人理你。飲品好少選擇，亦無甜品叫，生日蛋糕要收100蚊切餅費。

本身朋友上網見到成張枱咁推啲野食上菜幾得意就打算試吓，餐廳位置有少少隔涉，7點15去到以為唔需要等位。點知去到全場滿晒，因為企個個位等太熱🤣所以老闆俾咗張飛我地叫我地去行下，8點就有枱。主食三款都好好味，但略嫌份量比較少。但每樣食物都煮得好入味同好林😋😋小菜花多眼亂 兩個人12碟都差啲食唔哂～餐廳位置闊落亦都坐得好舒服，會再想食👍🏻👍🏻韓國老闆都好好人 服務態度唔錯不過主食選擇不多，希望可以有多唔同既麵或者飯加😋

網上廣告及宣傳下與朋友興高采烈相約試食餐廳，叫了一個4 人餐所有前菜都沒有一個是好吃的，泡菜偏甜，其他都是一些冷門前菜，有一個沙律醬粟米通心粉有點驚訝，薯仔絲是麻油撈一撈，韓式粉絲份量挺多，有個粟米餅的東西也是很奇怪，有個明太子用來送飯主菜份量少～ 醬油蟹亦不是很新鮮，有啲腥，醬油蝦味道不錯，爽口彈牙其他主菜溫度偏冷，豬蹄，非常一般烤靖魚，正常雞湯，唔錯韓式烤牛肉，正常當日餐廳不是滿座，但是店員邀請我們90分鐘後必須要離開，感覺服務態度不是很好