SOYmart by 豆乳狂人

营业中

休息中

今日好想食甜品，見到好多人係外賣平台10幾個咁買，相信有保證所以買咗幾個甜品同屋企人分享每個都超級足料，一個人絕對食唔晒，啱晒分享叫咗以下三款甜品：堅果芋泥豆乳豆花多芒楊枝甘露芋薯之選甜品有好多唔同款式，花多眼亂，一定揀到一款啱自己嘅見到有熱食，都忍唔住叫咗，粢飯超正，即叫即整，熱辣辣✨吉列豬扒粢蛋飯個飯好煙靭，而入邊個豬扒仲好脆，仲有蛋，肉鬆，榨菜，油炸鬼，值得推介SOYmart by 豆乳狂人 (沙田)沙田大涌橋路20-30號河畔花園地下28號舖

今日到親友屋企食飯， 經過沙田河畔花園見到有間豆乳狂人，之前都聽朋友講呢間甜品店啲野好食，今日一於買啲上親友屋企一齊試下。本來諗住淨係買甜品但係見到粢飯吸引， 所以買咗個牛油果吉列蝦青瓜絲粢飯：大大隻好足料食半個已經好飽肚，即點即包，拎上手嘅時候仲熱辣辣，吉列蝦香脆加上青新嘅青瓜絲，減卻左吉列蝦嘅油膩感。多芒楊枝甘露：楊枝甘露好足料好豐富，芒果清甜新鮮椰奶順滑，加上西米同柚子簡直係完美配搭。抹茶紅豆小丸子： 抹茶濃郁香氣恰到好處咁襯托出紅豆甜嘅味，甜而不腻。Oreo奶蓋珍珠布丁：入面有厚厚綿密嘅奶蓋，底層有q彈嘅珍珠同柔滑布丁， 面層有oreo碎屑， 每一口都充滿層次咁。

🌸多芒西米🌟🌟🌟🌟🌟滿滿一大杯，材料非常豐富，超級多鮮甜芒果，粒粒分明晶凝通透西米。🌸多芒楊枝甘露🌟🌟🌟🌟🌟材料非常十足滿滿一大杯，芒果非常甜，非常多西柚，鮮甜芒果汁配搭椰汁非常好味，還有軟糯晶瑩的西米。🌸 Oreo奶蓋布丁珍珠🌟🌟🌟🌟🌟Oreo碎碎非常香脆，奶蓋帶點鹹鹹香香嘅味道，布甸滑捋捋，珍珠非常煙靭，還有一塊完整的Oreo餅乾。🌸薑汁麻糬芋薯糖水🌟🌟🌟🌟🌟超級爆薑啊，滿滿拉絲麻糬滑捋捋，有大大嚿超綿芋頭，大大嚿超甜番薯及大大嚿紫薯，配搭超濃郁薑汁糖水。

最近同事推介咗位於沙田河畔花園嘅「豆乳狂人」，話佢哋嘅粢飯好食，大家聽後決定試一試。首先係吉列豬扒粢飯外脆內嫩，豬扒炸得恰到好處，咬落去嘅瞬間，香味四溢。牛油果大蝦粢飯蝦肉鮮嫩爽口，搭配滑溜的牛油果，真係絕配。牛油果鰻魚玉子粢飯玉子燒甜味十足，加上濃郁嘅鰻魚非常惹味，份量雖然唔少，但好味到個個真係食哂。甜品方面都同樣出色，梗係要順帶幾款返公司分享。楊枝甘露清新可口，完美解膩；抹茶紅豆小丸子特別啱抹茶控，味道濃郁，口感柔軟；多杧仙草清涼消暑，無論任何時候食都合適；而芋薯之選同多杧小丸子更係甜品界嘅佼佼者，各有特色，令人意猶未盡。

Soymart間中就會推出下新menu。見佢最近又推出咗個芋薯系列，忍唔住又想試試下午2點左右去到，已經無曬火炙焦糖麻薯紅薯要買趁早。最後叫咗一個 煙韌之選 $45同埋一個新出嘅 芋薯之選 $58呢個時間唔多人，好快就有。講咗煙韌之選先。呢個係我每次都會叫。裡面有三色芋圓、珍珠、豆腐花。如果大家唔係即刻食，放咗係雪櫃先。我建議大家拎出黎時，放返半個鐘左右室溫，無咁凍先食。雪耐咗啲芋圓同珍珠會硬咗唔太好食。即食當然係最好味同煙韌！份量絕無偷工減料，好多粒芋圓同珍珠Staff裝到滿一滿。最抵讚係佢個膠盒，擰開個蓋之後仲有一層膠蓋封住液體，無咁易倒瀉我自己會留返呢啲膠盒重用，帶啲湯返工都方便。因為太滿，鍾意每樣餡料平均食嘅我撩得好小心先食到最底嘅豆腐花甜度正常，好rich嘅豆乳味，亦都好滑。一兜其實都好飽，想當飯後甜品食嘅人，正餐份量最好減半。之後就係登登登登 芋薯之選🍠Menu寫裡面有三色芋薯、拉絲鮮奶麻糬、三色芋圓、小丸子。打開後亦的確一個不少！超級滿！我係拎返屋企雪咗陣先拎出黎食。但啲麻糬依然咁軟淋！食真啲真係會食到奶味🍼最令我驚喜係啲三色芋薯，係用薑汁煮過！甜甜辣辣嘅薑汁味係我最愛😍

「SOYmart by 豆乳狂人」主打豆乳、豆花、豆乳雪糕、粢飯、木棉豆腐、MINI豆卜、炸脆雞等咸甜小食，短短兩年幾已經發展得好快，喺荃灣、樂富、沙田、黃大仙、將軍澳都有分店，人氣勁旺，特別受年輕人歡迎。佢哋用咗日本熟漿蒸煮技術，將黃豆打碎後，連埋豆渣一齊煮，之後先至過濾。咁樣可以保留到更多黃豆精華，令豆乳更加濃郁，豆味更突出，飲落口感更豐富。今次踩完單車，當然要去沙田河畔花園分店掃街醫肚啦！黃金脆脆豆乳茶 ($50)呢杯豆乳茶係用烏龍茶加豆乳，味道香濃，而且仲有珍珠、芋圓、小丸子，口感超豐富！再加埋流心奶蓋，超Creamy，頂層仲鋪滿咸蛋黃脆脆，邪惡到不得了～奶蓋布丁燒仙草 ($38)以濃濃豆乳做底，加上咸香奶蓋，再配埋滑溜溜嘅仙草同布丁，清涼又好味，特別啱夏天飲！椒鹽炸豆腐 ($28)即叫即炸，拎上手仲熱辣辣！自家出品嘅綿滑絹豆腐切粒再炸，外皮金黃香脆，內裡嫩滑，撒上椒鹽，一啖一粒，香脆惹味，忍唔住一粒接一粒！海苔肉鬆炸豆腐 ($38) 炸豆腐外脆內嫩，加上海苔肉鬆，咸甜夾雜，一口一粒，好邪惡！和風七味炸脆雞 ($40)炸雞夠香脆，但又唔會太油膩，灑上七味粉，帶少少微辣，口感更香

呢日喺呢間有小食又有甜品嘅小食店買咗啲粢飯同埋甜品做午餐🤣$46「牛油果鰻魚玉子粢飯」：有鰻魚有牛油果有雞蛋有青瓜條有肉鬆仲好似有油炸鬼🤣，粢飯軟熟兼少少煙靭，非常大件，一個人食晒會好飽🤩$40「和風七味炸脆雞」：係單骨雞中翼，用脆醬包住炸過，外邊再灑七味粉，外皮脆脆哋食落非常香口🤩$38「吉列豬扒粢蛋飯」：有豬扒有雞蛋有榨菜有肉鬆等，都係非常大件，一個人食晒會勁飽🤩$45「多芒楊枝甘露」：材料包括 鮮芒果+ 芒果汁+西米+金柚 +特調椰奶🤩，材料真係幾豐富，童叟無欺好大兜🤩

情人節當然要品嚐甜品，為浪漫加分！多芒小丸子香甜可口，芒果味濃郁，小丸子口感Q彈，配上新鮮的芒果，真係一絕 🥭🍡。三色芋圓豆花，三色芋圓口感滑嫩Q彈，豆花細滑香甜🍮，每一口都驚喜。豆豆仙草，豆腐花令本身淡味的仙草，變得更香甜圓滑，甜度適中，不二之選 🍃。我哋仲試咗胚芽麥麥豆乳，豆乳嘅香味濃郁，配上胚芽，味道獨特，健康又美味 🥛🌾。以上幾款甜品, 真係值得一試, 但其實呢度的選擇好多,  我下次會再來品嚐呢!

SOYmart by 豆乳狂人😘😘😘專上豆乳製食沙田河畔花園、老牌屋苑、隱藏專用黃豆、製作食品小店、款式多蘿蘿、早餐豆乳飲料、中午飯後甜品、更有豆乳配搭「粢飯」📣📣✨多芒楊枝甘露$45又大又多粒芒果肉🥭、煙靭彈牙西米、晶瑩剔透、清爽甜中帶微酸西抽粒、撈埋椰香豆乳、層次豐富、不太甜剛好、飯后甜品、超滿足😌✨狂人粢飯$28軟糯米香、軟綿綿、包卷着鬆脆牛炸鬼、榨菜絲、肉鬆、咬一口、先軟、脆卜卜、味蕾口感豐富！層次分明、飽肚🈵足✨抹茶紅豆小丸子$48入口、極濃豆乳香味樸鼻、creamy細滑軟緻、高密度、配抹茶、不澀口、淡淡清香抹茶、味道好夾😃、十勝紅豆🫘、夠軟腍、有嚼口小丸子、色彩斑斕、賣相吸睛！✨牛油果鰻魚玉子粢飯$46軟綿糯米、包卷豐富材料、🈶肉鬆、油炸鬼、榨菜絲、玉子（蛋）、肉質彈牙鰻魚、牛油果片🥑、配搭新穎、夠清新、夠fresh、口感層次分明、味道好夾😘SOYmart by 豆乳狂人沙田大涌橋路20-30號河畔花園地下28號舖港鐵沙田圍站C出口、步行約10分鐘

❣️多芒楊枝甘露芒果四款製法 我哋揀咗呢一款較濃郁嘅 芒果香甜大顆 而且配搭楊枝甘露嘅酸甜味 酸酸甜甜好開胃 而且飲落唔會好甜 作為飯後甜品就一流啦🔥-❣️薑汁麻糬芋薯糖水番薯糖水嘅進化版 好適合而家呢啲天氣凍凍地 薑汁味好突出 濃郁之餘 配搭麻糬嘅煙靭同番薯嘅軟糯 飲完真係好想再encore😍❣️牛油果吉列蝦青瓜粢飯呢一款口感比較清爽唔油膩 牛油果同吉列蝦味道好夾 香脆之餘 牛油果味濃郁 份量十足 裏面配搭咗有肉鬆同榨菜 糯米飯不會太黏口 怪唔之得每一個過到去都必點啦😍-❣️超煙韌豆花店員推介必點 豆花食落濃郁入味 而且配搭咗麻糬嘅煙靭 整體嚟講非常之夾～

今日去大表姐屋企團拜！佢樓下有間豆乳狂人，特地買了八個甜品當飯後甜點，好正！每個人食完都讚不絕口，特別係阿姨，佢好鍾意意頭野，話八個甜品又發又甜，甜蜜蜜，開心到送我封回禮大利是。豆乳狂人越來越多分店，品質有保證，真係值得一試！我特別鍾意佢哋嘅拉絲麻薯芋圓豆花，麻薯拉絲得好勁，搭配滑滑嘅豆花，口感真係好豐富。多芒楊枝甘露，芒果味濃郁，搭配椰漿，清新又開胃，完美解膩！再講講芋薯之選，煙煙韌韌，咬落去滿口香甜，真係唔錯！多芒小丸子細細粒，食一口就滿足，帶來一陣甜蜜，完全適合團拜時分享。仲有粒粒仙草、超正嘅多芒西米、多芒仙草，口感滑順，每一口都令人開心。再加上抺茶紅豆小丸子，抺茶味濃郁，紅豆香甜，味道配搭好好。總之，豆乳狂人嘅甜品唔止好味，仲係開心的象徵，推介大家試下，絕對唔會失望！

牛油果鳗鱼玉子烧饭团：第一口就被惊艳到了！牛油果的绵密和鳗鱼的鲜甜完美融合，玉子烧软嫩到入口即化，米饭粒粒分明，裹着特制酱汁，每一口都是味蕾的极致享受！✨ 牛油果的清新完美中和了鳗鱼的油脂，吃起来一点都不会腻，反而越吃越上瘾！ 黄金脆脆豆乳茶：这杯豆乳茶也太会了吧！豆乳香浓不腻，茶底清新回甘，顶部的脆脆简直是点睛之笔，喝一口就停不下来！💛 建议人手一杯，幸福感爆棚！ 炸脆鸡：外酥里嫩，汁水四溢，金黄酥脆的外皮下是鲜嫩多汁的鸡肉，蘸上特制酱料，绝绝子！🥹 一口下去，整个人都被治愈了！

舊同學沙田聚會，我負責甜品，網上搜尋到河畔花園有豆乳狂人，一於去買外賣比大家品嚐。選擇了幾個甜品，抹茶紅豆小丸子、Oreo奶蓋珍珠布丁、蕨餅丸子、芋芋之選，當然唔少得我最愛的芒果系列多芒楊枝甘露、多芒仙草、多芒小丸子。抹茶紅豆小丸子茶味濃郁，紅豆香甜，小丸子煙煙靭靭，配搭很好。Oreo奶蓋珍珠布丁有原塊夾心餅乾加入Q彈珍珠同滑溜布丁好美味。多芒芒果系列全部都有大大粒芒果，非常香甜，沒有一點酸味分別配搭仙草、金柚同小丸子都非常之出色。牛油果鰻魚玉子粢飯係朋友指定，充滿牛油果、肉鬆、玉子同鰻魚好豐富，好大件足夠幾個朋友分享。豆乳狂人甜品的確真材實料，大家都食得開心又滿意，下次仲有機會再試其他美食！

SOYmart by 豆乳狂人 (沙田)沙田大涌橋路20-30號河畔花園地下28號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：三色芋圓豆花 $30，多芒小丸子 $45，多芒楊枝甘露 $45，桃膠芋泥小丸子 $45三色芋圓豆花：豆花滑嫩，入口即化，帶有淡淡的豆香，三色芋圓色彩繽紛，紫色、黃色及白色的芋圓與潔白的豆花形成鮮明對比，咬落彈牙，視覺上亦十分誘人！😄😄😄多芒小丸子：小丸子外層柔軟，內餡彈牙，新鮮的芒果切成一小塊，果肉香甜多汁，帶來濃郁的果香，與小丸子搭配相得益彰！👍👍👍多芒楊枝甘露：色彩鮮艷，金黃色的芒果與白色的椰漿形成對比，椰漿的香濃與芒果的清甜相互融合，增添了滑順的口感，西米冰涼彈牙，增添了甜品的層次感！😍😍😍桃膠芋泥小丸子：桃膠質地柔軟，富有彈性，口感滑嫩，帶有淡淡的甜味，有潤膚的功效，芋泥香濃滑順，帶有自然的甜味，與桃膠搭配相得益彰，加埋小丸子，令人滿足！😋😋😋

踏入寒冬，最幸福嘅莫過於嚟一碗滋潤嘅糖水！今次帶大家嚟到 SOYmart by 豆乳狂人，一試佢哋嘅冬日限定糖水同埋人氣小食，絕對係滋潤之選！ ❤️薑汁麻薯芋薯糖水一打開已經聞到濃濃嘅薑汁香氣，瞬間驅走寒意！糖水甜度適中，薑汁味道濃郁但唔會嗆喉，飲完成個人暖笠笠！ 主角麻薯同芋薯更加係亮點！ 薑汁白玉煙韌彈牙，帶有淡淡薑味； 拉絲鮮奶麻糬軟糯綿密，拉絲效果一流，奶香濃郁； 三色芋薯分別係紫薯、芋頭同蕃薯，每一款都香甜軟糯，口感豐富！ 🧡滋潤之選三色芋圓呢款糖水相對清爽，適合鍾意食芋圓嘅朋友！三色芋圓分別係紫薯、芋頭同地瓜，每一粒都煙煙韌韌，咬落去好有口感！糖水配上桃膠超級滋潤。💛多芒小丸子芒果控必試！呢款糖水用料十足，滿滿嘅芒果肉香甜多汁，小丸子煙韌彈牙，仲有西米增加口感，整體味道清新，食完唔會覺得膩！ 💚牛油果吉列蝦青瓜絲粢飯食完糖水，當然要試埋佢哋嘅鹹點！粢飯即叫即製，熱辣辣！牛油果熟成度剛好，口感creamy；吉列蝦炸得香脆可口；青瓜絲清爽解膩，整體配搭非常出色！