Springtime (已搬遷) 新店位置

地方細，坐位正常，午飯時間多人，枱之間距離唔大，服務員態度有禮貌，服務正常手打黑松露牛肉漢堡濃濃既黑松露混入牛肉當中，其他配料生菜同蕃茄都好新鮮，🥯十分鬆軟，整體黎講，正！😋半隻法式燒春雞伴黑松露薯條用焗既方法去煮，可以保持到雞肉既嫩滑同皮脆，這𥚃做到肉嫩，皮就唔夠脆。薯條上面有好多黑松露又夠脆。如果係粗🍟就完美喇。😂是日🎃忌廉餐湯，淡淡地，無咩特別。總括嚟講CP值高，價錢唔貴，唔洗加錢有即磨咖啡☕。午餐黎講幾抵食。

可以打電話訂位，否則去到未必有位，午餐時段有很多顧客，食物好味只可惜等了很長時間食物才上枱，要很快吃完馬上趕回公司，可能是員工人手不足，如要準時上班者建議非煩忙時段去。

柴灣呢個地方，選擇少，難得有間良心小店，一定要來支持。喺地鐵站附近嘅工業大廈3樓，其實都唔難搵嘅。兩點幾先去到依然好多人，睇嚟早啲嘅話一定要book定位。Lunch Menu大約70幾蚊，老實講喺柴灣來講算貴，但質素同價錢成正比。嗌咗兩個set，一個黑松露牛肉漢堡配薯條，另一個野菜牛肉飯。先來餐湯，係紅菜頭羅宋湯，好足料好多蘿蔔好多菜頭，正。黑松露牛肉漢堡絕對拍得住出面嘅burger專門店，漢堡入邊包左生菜洋蔥仲有蕃茄，手打牛肉好香牛味，食落又有咬口，配上好香嘅黑松露醬，好滿足好好味😋野菜牛肉飯好多唔同種類嘅菜，有西蘭花、蘿蔔、翠玉瓜等等，仲有隻溫泉蛋，飯底係珍珠米，仲有濃濃嘅牛肉汁，好味過吉X家多多聲。小店1111-1114都罷左工，係有開嘅日子一定要大大力懲罰啊💛💛💛

柴灣區的cafe不多，要好食既更係少之又少，今次黎到Springtime，環境舒服之餘，仲要性價比高🤤黎餐廳之前最好Book位或者上網睇下餐廳是否開業，因為有幾次想食都撞正餐廳唔開😖－－－－－－菜式1. 黑松露薯條 4.5/5👍🏻2. 龍蝦汁海鮮意大利飯配香煎鱸魚柳 4.5/5👍🏻薯條係即叫即炸，香脆之餘又唔油膩，每條都金黃色，黑松露不吝嗇放上面，食到最後都仲有黑松露🤣$38以小食黎講係幾抵食原先以為淨係龍蝦汁配鱸魚，點知上菜先發現有埋海鮮，有蝦魷魚等等，蝦爽口魷魚唔韌好食，每一啖飯都配有香濃既龍蝦汁，魚亦煮得恰到好處，真係唔錯😋⭐️菜式由下單到有得食過程好快，每道菜都係熱騰騰，雖然一到7點幾餐廳開始多人，但服務員都有繼續幫客人fill水，唔需要主動提出，服務不錯🙈

食咗個溫泉蛋素食意粉 (因為想清啲)。食得出好有心機整。入面放在好多姑同菜(但唔會太多)，包括本姑。估唔到柴灣有咁好食既意粉。餐飲揀咗蜂蜜紅茶，味道剛剛好!我見好多人叫漢堡包(配薯條)，個樣好好食。下次一定會試。環境方面係非常舒適，用咗木枱，座位間保侍一定距離，唔會有壓迫感。而家亦有唔少擺設。門口附近亦有書刊供閱讀。侍應服務態度亦都係超水準，而且殷勤、年輕、有活力! (絕對唔係啲喺食幾百蚊一餐既餐廳見到、唔太presentable，老到唔好意思叫佢做嘢、或者插隻手指入個碗到嗰啲)如果想約朋友傾計，或者想去上吓網hea吓，springtime 啱哂!

#hoijunCafe篇今次介紹位於柴灣工廈既cafe比大家💁🏻‍♀️💁🏻‍♀️又係一間好有feel既cafe🥰🥰有種唔想走既感覺呀🥺🥺最近先知原來柴灣都好多小店餐廳大家都要多多支持小店呀💪🏼💪🏼#hoijun黃店推薦-#雜菌南瓜田園沙律伴糖心蛋牛油果多士 $78👉🏻可選餐湯/餐飲☕️呢個餐絕對係健康又飽肚呀🥗🥑重點係有我愛既雜菌同牛油果🤤🤤所以諗都無諗就落左order啦😌不過略厭多士size太細👉🏻👈🏻但係佢個咖啡菇真心正呀❣️❣️～～～～～～～～～～～～～～～～～～～～～～～～📍Springtime (柴灣)🕴🏻柴灣吉勝街8號吉勝大廈3樓D室

係呢d時世，有表態支持港人嘅店舖實在唔多，而呢間柴灣人必食嘅Springtime就係其中一間，作為街坊今日就要拎錢嚟嚴懲下佢🥁🥁🥁🥁.中午基本上係full~ 打電話嚟bk位會好d！叫左一份素食通粉，包餐湯的。食齋嘅媽咪好滿意！通粉係粗管型，特別掛汁的，overall d 雜菇同菜都係用料新鮮，味道亦不過咸，好食！個湯係紅菜頭雜菜湯，好健康嘅味道😈.手撕豬肉菠蘿burger($78)🍔🍔 好大個！手撕豬肉超多，一d都唔肥膩，加上菠蘿同番茄食，成個包好濕潤好豐富🥗.半只燒春雞配黑松露薯條🍟🍟 春雞肉嫩多汁，份量都幾多下！薯條脆卜卜^^.特製橙麥茶🍊🍊 清新解渴 跟餐都咁高質😍😍

這間位於工廠大廈來的小店，如果唔係朋友介紹，根本就唔會知道佢嘅存在。食完之後第一個感覺，價錢平。可能因為地點位於工廠大廈來，租金偏平，性價比真的很高。豬肋排，燒得醬汁豐富，骨肉分離。芝士大啡菇，我相信佢用咗多種唔同嘅芝士去做，除了能夠做出拉絲嘅效果之外口感亦非常豐富，菇內仍然裏面係充滿水份，不如一般其他店舖一樣燒得個乾影響口感。薯條就屬於正常嘢，但係個醬汁都做得唔錯。最後重點要睇，就係佢個墨汁意粉，出面好多墨汁意粉會做得偏甜嘅，效果坦白講一啲都唔正宗亦唔好食，但係呢個係做得口感豐富，味道濃郁，值得推介。最後如果店舖嘅負責人見到我好想俾佢知道⋯⋯⋯加油加油我哋一齊加油！

在工廈中搵了又搵, 終於搵到呢間餐廳主打西式, 裝修簡樸, 比人輕鬆嘅感覺叫左個手撕豬肉菠蘿漢堡配黑松露薯條, 午餐送飲品/沙律黑松露薯條香脆, 黑松露散發淡淡香氣, 令人食指大動漢堡有一大塊菠蘿,生菜,蕃茄同洋蔥, 非常清新, 手撕豬肉多汁美味唯一對男士而言份量可以再大一點

早幾天知道這間小店，一班女生上去試食，有素食、西餐、小食。我們叫了大啡菇意粉、杏鮑菇南瓜牛油果沙律、燒春雞配黑松露醬薯條及牛排各配南瓜湯。首先來到的南瓜湯好滑及濃郁，大啡菇好香配的意粉好夾。素沙律好豐富，其他食物也不錯。大家可以在小店暢所欲言非常開心。

今日天氣好好，係陽光普照環境下，搵左一間我自己認為比到好舒服感覺，同埋好休閒ge餐廳歎下午餐先。一如以往午膳時間餐廳都已經坐滿人，咁岩我今日得自己一個人，就可以唔洗等位坐窗口吧枱位，雖然座位櫈很高，但當你望住出面有陽光環境感覺都心情愉快啲(雖然得對面大廈同馬路一條)。** 我建議2位以上都最好訂左位先喇！今日就揀左忌廉雞肉長通粉，紅菜頭湯，仲叫左杯好清新ge檸檬薏米水。紅菜頭湯飲落好似雜菜湯咁幾好飲忌廉雞肉長通粉有驚喜熱辣辣咁送埋黎我面前，味到濃郁，而雞肉份量都多，仲有雜菌同紅蘿蔔一齊煮，味道好好食呀檸檬薏米水加入左無花果乾，飲落好清甜最欣賞小店對食物質素要求，同埋餐牌都會定期推出新菜色，期待下次再去試新野。

中午十二點趕時間嚟到柴灣springtime 快食午餐, 自助落單 lunch set包餐湯主菜飲品 再另外加錢, 嗌咗個菠蘿手撕豬漢堡配黑松露薯條(+$10)。餐湯 意式雜菜湯 用料足夠有紅菜頭西芹蘿蔔 所以味道都很好。主菜漢堡登場賣相一般 手撕豬肉非常多汁很嫰但配做漢堡餡,就真係一個失敗, 用手輕輕攞起個包就已經搞到成手都係汁, 咬落去手撕豬肉已經跌咗大半出嚟仲要搞到碟上面嘅薯條濕曬 破壞咗原本係呢個餐比較出色嘅薯條。 撇除進食 嘅難度 豬肉嘅調味係唔錯嘅,菠蘿亦都好有心思輕輕炸過一下,但真係好難進食。紫薯條方面咋得啱啱好仲熱辣辣 用十蚊家嘅黑松露醬就略嫌少咗啲 但真係幾好食幾香, 凍咖啡味道亦都合格。強烈建議大家如果要食呢個包就一定要攞多隻碟。

好耐無食漢堡包，今日lunch time同同事去到柴灣工廠區一間隱世cafe。雖然話係隱世cafe，不過已經好多人識， 所以 一點去到已經全部畀人訂曬位， 好彩我哋等咗15分鐘有人走所以有位。裝修簡潔帶點北歐工業風， 座位闊落環境舒適。 特別要讚嘅係餐枱很大， 一點都不侷促非常relax。我點了手撕豬肉烤菠蘿漢堡餐，豬肉非常juicy, 再配埋菠蘿，非常清新。漢堡包亦煎香才夾餡料，所以熱辣辣非常美味。 另外還條亦都是即叫即炸非常脆口， 如果你喜歡黑松露的話，可以加10蚊配黑松露薯條。同事叫了手打黑松露牛肉漢堡餐， 牛肉味香濃， 份量充足， 如果想食大分啲可以加25蚊升級做雙層牛肉漢堡。餐茶我們點了凍水果麥茶， 於炎炎夏日底下喝真是非常解渴。

星期六,原本想食附近既魚柳包,但因為太熱,放棄jor!搵到依間餐廳,環境幾舒服,個啲人聲回音有少少嘈,好多工廈都遇到既問題-,-'講返正題,湯果方面,不過不失,幾鐘意佢既器皿,幾特別亦有少少薯仔食烤雞配黑松露薯條個雞胸肉又乾又硬,個感覺似白洽完拎去烤幾分鐘既感覺......薯條即炸,不錯,但黑松露非常少牛肉漢堡配沙拉牛肉入口,勁juice, 食返出啲蕃茄好新鮮感受到係有用 heart去整 ,洋䓤唔會搶左牛肉味,成件事好夾,好好味沙律正常,但啲醋放太多,食到最後有少少醋浸菜咁最後值得一讚係,佢啲冰係搵茶黎整,飲到最後都唔會變淡,好彩無叫少冰p. s我有懷疑入面員工係老闆之一 ,啲餐具好認真咁抺,haha

約了朋友聚舊，想搵間好坐啲嘅餐廳。 但朋友不想去太遠， 只好係佢返工附近搵食。 在openrice搜尋一番後， 原來呢區都有工厦餐廳， 食評也不錯， 所以選擇咗springtime。餐廳的地點很近地鐵站， 而且都唔太難揾。 始終都是柴灣區， 工厦夜晚很少人， 實在不太喜歡獨自搭貨𨋢餐廳採取半自助形式， 在counter選取所需的餐點後， 會有職員送餐到我的座位。Set dinner的價錢有百幾蚊至到200蚊不等,實際幾多錢已經不太記得兩個set 埋單大約350蚊左右.餐湯蘑菇雜菌湯, 濃沃嘅菇菌味， 配搭脆脆的蒜蓉包， 十分開胃。 可惜餐湯不夠熱， 或許是用玻璃杯散熱比較快， 保持唔到溫度主菜係紐西蘭西冷扒配牛肝菌汁。 這個真的麻麻地。 雖然擺盤非常精美， 但實際上肉質非常韌 ，難以咀嚼。 整塊牛扒大部分都是根位 可以吃的部分不到三分一加上提供的餐刀不鋒利， 要用盡氣力才可以切開牛扒。所以不建議大家在此選擇牛扒。野雞卷配長通粉，雞卷嫩滑入味， 長通粉煙韌有咬口自家製橙茶， 只有很淡的橙味。完全不能與果味十足的simplylife橙茶比較。