影片
港铁旺角站 B3 出口, 步行约3分钟
继续阅读
电话号码
28800086
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
有关奖赏计划
最近搵到旺角有間餐廳「Steamy Manor」以女僕餐廳風格招徠，很特別，真係忍唔住要同朋友過嚟觀摩下。餐廳大約可以坐到廿幾卅十人。點菜下單都要提起枱上面的鈴鐺搖響招女僕過來下單。首先送飲品來，女僕說要施展魔法咒語，挺可愛的。另外，佢有個直筆套餐，其實即係即影即有相，再係相上面寫字。Lunch set照燒汁雞扒蛋飯 $58雞扒香口嫩滑，太陽蛋我將佢放在飯上弄散，與飯拌勻，很好食😋檸檬水 (跟餐 +$20)檸檬片有三、四片，好足料特別套餐set B $168沙律🥗新鮮小食：薯條、炸魚炸魚很脆，很大件，切成小塊沾上蛋黃醬好正。薯條很好食煙三文魚波菜意粉煙三文魚好夠咸，意粉軟硬適中，配上的意粉汁都好好味😋士多啤梨乳酸益加多味較濃，但都飲到淡淡士多啤梨味。女僕為我們施展魔法咒語，咒語要跟住佢講㗎！都幾特別嘅體驗。牛角包窩夫 $78牛角包好脆好香口，配上朱古力雪糕，一熱一凍豐富口感👍🏻。美女女僕還為我們設計朱古力醬圖案，好可愛呢🤩
继续阅读
其實一直都好想去日本女僕cafe體驗下🤵♀️，不過一直都未有咁嘅機會。早排有朋友講開呢個話題，佢話最近旺角都開咗間新嘅女僕cafe，咁我就唔錯過呢個機會，過去體驗下女僕cafe究竟係點嘅呢？ 當我哋一步入cafe門口，女僕會敲鐘🛎，然後通知其他女僕一齊用超萌日式招呼語嚟歡迎我哋。 呢間餐廳以蒸氣朋克做主題，而女僕嘅衣著都配合番個主題，客人仿如走進時空之旅一樣。 餐廳會有1日限定女僕，大家可以事前上佢哋個社交平台瀏覽下有邊位女僕，過嚟支持下。 呢度嘅用餐小時係90分鐘，如果想續鐘就要消費滿78蚊， 係呢90分鐘入面，女僕會主動走過嚟同你傾下偈，當然你可以選擇自己靜靜地食下嘢啦或者玩下board game🎲。 另外， 仲可以額外買女僕嘅相或者表演💃，如果$50有直筆，女僕會簡簡單單喺張相畫啲圖案；而$65買宿題， 呢一款女僕會畫得比較多少少嘢係喺張相上面；如果$80 就可以睇表演例如唱歌跳舞等。 今次我哋揀咗兩個set dinner， 跟餐有沙律🥗、一個主食、兩款小食同埋一杯飲品。 主食方面揀咗蛋包飯同埋漢堡飯，而小食方面就揀咗雞翼、香腸、炸花枝丸同鹽酥雞。飲品就揀咗荔枝紅茶同芒果梳打🥭。 當啲食物送到嘅時候，女僕會帶領處我哋一齊唸萌萌美味咒語🧝♀️，變到啲食物更加好味😋😋。 之後女僕就幫我哋切開隻蛋，切開嘅蛋好流心，好嫩滑濕潤，配埋茄汁，非常美味。 女僕仲會喺蛋包飯上面畫公仔添，咁啱佢孭住咗個傻鴨袋，所以就畫隻傻鴨，雖然唔係好似，不過都幾搞笑。漢堡飯味道都唔錯，漢堡扒上有一隻煎蛋，配合埋紅酒汁，整體都幾好味。 小食都好夠熱，炸得好香口，特別一提係個鹽酥雞，份量夠多又炸得香脆，雞肉嫩滑多汁，超讚！👍
继续阅读
因為食lunch及我地早到了，所以剛剛開門。整體環境乾淨，食物及飲品質素嚟講屬於好味(因為太肚餓原因，冇影食物相)，值得嚟試一試。另外，女僕招呼周到，下次會揀夜晚再來。
继续阅读
格調一流，令人放鬆，是個好地方！女僕比一般侍應更殷勤，可以玩遊戲聽音樂。食物很美味今日的限定女僕又親切又可愛，難得聽到表演餐十分開心！楽しい 一定推介的女僕餐廳！
继续阅读
Steamy Manor的環境佈置充滿了優雅的氛圍，華麗的吧台與餐具，營造出一種輕鬆愉悅的氛圍。 女僕的態度親切，服務周到。 食物價錢也十分划算。非常適合同朋友一齊聚會食個lunch跟下午茶!
继续阅读