影片
港铁铜锣湾站 E 出口, 步行约4分钟
继续阅读
营业时间
星期一至日
11:00 - 06:00
以上资料只供参考，请与餐厅确认详情
好耐未唱過K咁啱有同事生日就試吓呢間Sugar K，我哋有10個人佢哋俾咗間10至15人嘅大房我哋，最低消費$3980包括$450房費可以唱六個鐘頭，另外如果要咪套仲要自己加$20買😓間房唔係太大，不過每間房都有獨立廁所，呢度嘅音響音色唔錯，所以唱出嚟嘅歌都專業啲，佢哋可以直接響屏幕點歌或者用微信點歌。佢哋嘅晚餐選擇唔係太多得，我哋叫咗晚餐應該連飲品同埋餐湯，但係走嘅時候先發現佢哋冇比餐湯我哋…同埋佢哋啲嘢食全部都唔夠熱，只係暖暖哋同埋每間房只得兩支米，要另外問佢攞先至比多一支服務麻麻哋！如果要呢個價錢可以有更好嘅選擇。
继续阅读
第一次黎呢間，諗住提早幾日book位安全啲，接電話嘅有啲搞笑，話「閒日一般都有位嘅」，咁到底想唔想我book呢？😂資料問齊又打過黎問多次，唔緊要啦，反正講埋價錢。我地5個人，因為閒日，所以低消880，房費200，再加一，Total 1188（最少）。$880係拎黎叫野飲野食，真係好易爆，一個炒飯/炒河就100以上，小食80up，野飲酒偏多，有fd叫左2枝藍妹，諗住68一枝係大嘅，點知係細枝，而且每次叫一樣野都要收服務費，真係笑左。再講野食，我地叫小食多，基本上都好難食，明白係k房食野唔會好食得去點邊，但估唔到係難食😥韓式炸雞個醬似甜醬多啲，炸白飯魚得幾條，炸墨魚咀有浸鹼水味，齋魷魚圈非常鹹，招牌雞翼正常，但個汁非常奇怪，似士拉差溝醋，炸餃子係最正常嘅🥲再度房間音響設備，因為係大陸系統，歌冇得升降Key，點播順序冇得打亂，但歌多，整體感覺都OK
继续阅读
好多謝一班好朋友幫我搞左個生日party ，真係好surprise ! 起初都唔知道原來糖街開番間K房，食物好多選擇，幾好食，房間好大，音響又正玩左成晚，d服務員好nice ，好熱情點左幾份晚餐，賣相同味道都好好，有位女員工仲介紹最優惠的方案比我們，推蛋糕比我時，原來sugar K 仲有香檳送比生日的朋友，當日真係好開心好耐都無試過係K房玩得咁開心，雖然食物的價錢有點點貴，但都正常的，唱K 環境，音響都好靚，最重要係好大個螢幕同小舞台，下次可以再黎
继续阅读
我們事先預訂了這家店，一開始招待處表示我們是1080套餐加人頭費。我們因為看到海報每人還贈送2杯飲品，所以我們又詢問同事「意粉」是否每人還包括2杯贈送的飲料，該條意粉回答說有包括2杯贈送飲品，並給我們提供了贈飲餐牌供參考。然而，在付款的時候卻改口說沒有告訴我們包括2杯飲品，而且態度非常差，前台肥妹囂張，地中海大叔更表示他們的同事不會說錯，把責任推給客人要客人承擔。整件事情非常荒謬，把客人當韭菜之餘態度還那麼差。食物非常貴，一杯茶餐廳塑膠杯可樂喝完還有半杯冰塊的要收費48元，麥克風只有2支，房間也非常小，系統只支援簡體字，繁體字完全搜尋不到任何歌曲。我希望大家看到這篇驚世文後能避免光顧這家K房。Please 鄰近灣仔有家Neway CEO比這家好一百倍，起碼不會胡亂收費，食物份量多而且明碼實價
继续阅读
一入門就見到大大隻簡體字觀感已經好差大陸系統 一間房得兩枝咪仲要冇得加咪 但呢度係openrice 就講翻食物先質素對唔住佢嘅價格 今日同朋友係食賀年午餐 得五個選擇，最平係128嘅羅漢上素湯麵，最貴係288嘅烤特級西冷。我點咗肉醬意粉，麵底偏乾，肉醬好乾，總括而言唔太夠味 朋友點咗齋麵，同出面40蚊食到嘅差唔多，當價錢剩翻係交房錢用咁諗可能好D送嘅中湯味道正常，飲品味道正常，只能話不過不失不過總結而言，無論係作為K房定餐廳都係唔值得再去一次嘅水平PS 房內地板好滑，行路要小心
继续阅读