Sweet Craft

营业中

休息中

上網見到好多人介紹又排晒隊特登由天水圍搭車出去紅磡食 去到門口見到咁多人排隊諗住冇死啦排埋一份啦 叫咗杯胡麻沙冰，黑芝麻係一種本身幾好食嘅野，但佢溝埋啲冰沙再加cream成件事變得難食，加上食咗冇兩分鐘已經溶晒，好似飲緊cream溝水咁，未試過原來黑芝麻嘅甜品都可以咁難食，四十幾蚊當買個教訓 仲有嗰杯焦糖 明明係冰嚟嘅點知去到1分鐘都冇出到去門口已經變晒水 都算啦杯底入邊嘅慕絲變咗一舊發霉豆腐咁樣 耦園之後真係勁想嘔 大家以後唔好睇到圖就即刻去排隊

已經食過好多次，但係今日見到有新口味「朱古力」同埋有另外一隻「黑糖」所以立刻試新嘢。朱古力味比起之前沒有那麼香濃比不上朱古力香蕉好味。黑糖口味上面鋪咗兩舊油炸好似多士嘅物體但係有油益味，問過店員她說正常的。走之前再問店員她說這是正常的多士沾上黑糖。問店員多士是不是即日新鮮做的？之後店員檢查個存放多士的食物盒多士是昨天做的，但是油益味太重了，不是我預期的，吐了真的接受不了。個人認為兩款新口味都可以不試，之前好味10倍而且之前那些好像奶油的東西亦都比較香濃而唔漏，現在的比較厚實沒有那麼清爽。近排差了，希望保持到以前水準啦😢

店員服務態度差，排隊安排混亂，粉雪冰非常一般，性價比低。排隊時冇說明外賣原來可以優先，排了25分鐘，終於排到，但店內冇位， 店員呢個時候竟然走到較後位置大聲詢問有沒有人係外賣， 跟住帶咗幾個人上前， 其實我都係外賣。。。非常不解，一開始唔講清楚外賣可以上前買先，跟住帶人上來打尖，好有趣。 我仲見到有兩位客人其中一個入去坐低咗， 另一個打算去買 ，最終畀佢趕咗出鋪頭，唔憂做？應該要快D摺埋囉，D出品又唔係傳說中咁正，無下次。

焦糖海鹽粉雪冰 $50♥︎♥︎♥︎♥︎♥︎絶對會去食多次!! D冰好軟綿綿入口即溶🤤配埋焦糖醬同濃郁嘅芝士奶蓋 真係無得彈😆除左冰之外 仲會有埋焦糖脆脆同埋焦糖爆谷 令到成杯雪冰好重焦糖味而最驚喜嘅係 當你食到最底 會發現仲有布甸係度添㗎🤤🤤💗抹茶雪花 $34♥︎♥︎♥︎♡︎♡︎杯抹茶雪花真係靚到我唔捨得食呀🥺食落去會食到好濃嘅茶香味 而唔係我平時抹茶雪糕嘅奶香味~中意茶味雪糕嘅朋友都可以去試吓! 雪糕底仲有一粒粒嘅米通添😆

Have been here twice And this time went here with my friends Ordered four items The best thing for me would be the black sesame ice cream The favouring is natural and it’s strong Which really satisfy my desire And for the ice The green tea favour is the best As it’s not too sweet for me

粉雪冰真係第一次食，估唔到會咁soft❄️同一般出面食得到嘅雪花冰完全唔同，保證你一定會有驚喜❄️-▪️ 焦糖海鹽 $50呢個top 1 pick好正👍🏻面頭有超級crispy嘅焦糖脆脆同埋爆谷🍿️、鹹鹹甜甜焦糖海鹽忌廉完全唔會覺得太肥膩👍🏻底部mix埋creamy嘅雞蛋布丁，以及中間焦糖醬同牛奶醬淋係綿綿冰上面🤤推薦推薦⭕-▪️果蜜白桃 $52上面面頭係白桃肉，空氣乾十足嘅蜜桃乾，呢個配搭埋鹹鹹地嘅cream cheese嘅忌廉真係超級豐富！mix埋白桃醬係雪花冰入面好夾❄️呢個底部係蜜桃味布丁🍮▪️紅豆抹茶 $52⭕️推薦推薦⭕️呢個係我最鍾意果一款口味🥹綠茶平時都唔係我first pick但呢個真係好出色👍🏻煙韌嘅綠茶蕨餅配合飽滿嘅紅豆🫘，最尾出色莫過於係底部超級濃郁綿滑嘅牛奶布丁🍮-▪️香蕉可可 $48呢個我就覺得相對比較無咁夾🫠面頭係鋪滿灑滿可可粉嘅香蕉脆脆同香蕉肉🍌底部係好唔match嘅朱古力粟米片片🌽▪️豆乳軟雪糕 $34豆乳味有少少似豆漿味，配合個底有唔少脆卜卜嘅雙色米通，估唔到神奇地夾！完全估估唔到雪糕同米通會咁夾，口感好豐富👍🏻-▪️胡麻軟雪糕 $32呢個芝麻味雪糕超級好香濃好綿滑，超級濃

黃埔呢間冰品都開咗一段時間 雖然款式唔多而且大多固定 但一直幾受歡迎 最近終於一試！🧊焦糖海鹽粉雪冰💰HKD50（Rating：7/10）好適合而家熱熱地嘅天氣食 大概可分成三部份：最頂有1/3honeycomb 1/3甜爆谷 1/3海鹽芝士奶蓋 主體牛奶雪花冰 最後底部焦糖燉蛋✨甜爆谷夠脆 奶蓋入口輕盈 帶微鹹唔錯😌honeycomb 幾鬆脆唔會太硬 但本質上好甜 個人覺得分量可減少 再加粒丸子/蕨餅可能更好！冰入口質感似韓式bingsu 正正常常 底部焦糖燉蛋就傳統法式creme brulee味道 都係偏甜 一食完成同朋友不約而同 第一時間攞起自己樽茶飲茶🤣toppings分量同冰個平衡可拿捏得好啲 整體唔錯 不過size偏細 加上對比發現 鮮芋仙個麻薯牛奶冰只係貴$8但大幾倍+更加好食😳所以同樣價錢我應該會去食台灣冰😂呢間屬於一試無妨 唔失望但回頭率不高🧐

🍵【紅豆抹茶粉雪冰】$52✨推薦✨材料超豐富嘅甜品!!! 大滿足😋冰超級幼細 入口即溶～ 但比較淡味表面嘅芝士奶蓋鹹鹹地 令成個甜品唔會太甜蕨餅唔錯 紅豆唔會太甜～底層仲有抹茶布甸 &清香嘅綠茶味～兩個口味個人比較鍾意呢個~ -☕️【焦糖海鹽】$50呢個都好好味！焦糖脆脆酥脆 唔會好硬底層有雞蛋布丁 蛋味幾出 yum yum😋-✨推薦指數：8/10

2022年5月9日下午3:00當值嘅女收銀員態度好差！我行入去霸位佢鬧我要排隊先，我話我個fd排緊隊，佢就話咁你都冇掃針卡，全程態度惡劣，應該係好好生意唔憂做！既然你要求啲客一入門口就要嘟哂安心出行同針卡，點解你唔請多個人企門口招呼啲客，要喺俾錢嗰個位鬧啲客？我見你間野設計同food court買嘢食一樣，唔expect一行入間舖頭就俾人鬧兩次，啲店員嫌唔夠人多野做唔好將啲情緒發洩落個客身上，啲店員態度咁垃圾，呢間野請我食都唔會再去！

黃埔周邊有不少環境舒適的食店，今次試吃日式粉雪冰。1）果蜜白桃：表面鋪上鮮🍑的肉及桃乾，很香甜！另外, 有一個一個的cream，原本以為是甜甜的，但原來是鹹的，味道有點像奶蓋。接著就是主角粉雪冰，冰如其名，真的是粉粉棉棉的，非常幼細。最底一層則是桃味的奶凍。整個配搭十分匹配，也是十分適合夏日的甜品。2）香蕉可可：最面的也是鹹鹹的cream加上朱古力醬及香蕉，香蕉配朱古力是常見的配搭，不過只吃這2種食物可能過甜，現配上粉雪冰則平衡了味道。最底層是粟米片脆脆的，整個甜品有軟有硬、有鹹有甜，非常特別。3）豆乳軟雪糕：軟雪糕表面加了黃豆粉，整個雪糕豆味濃郁，配上米通，很有口感！😀

聽好多人介紹依間嘢心諗刨冰有乜咁特別啊然後今日一食 不得了難怪瘋魔萬千男女老幼😂我地叫咗二杯粉雪冰🍧🍧左邊係焦粒海鹽粉雪冰🍨💘右邊係果香百桃粉雪冰🍨💖我就係食左邊嗰杯嘅一尼到首先個樣係靚嘅有海鹽奶蓋 焦糖脆脆同爆谷 舖滿哂係面 下面係粉冰然後側邊有焦糖醬就咁食個冰係冇味嘅但一撈埋一齊食就不得了💕💕佢上面嘅topping係好出色不得不提個海鹽奶蓋啲奶蓋溶落啲粉冰度係好好味嘅雪糕咁 一啲都唔漏仲有小小芝士味連埋脆脆食 嗰種咸甜交接不得了真係好好食 會再返尼啊❤

家天氣咁熱，如果有啲凍冰冰嘅嘢食就好啦。經過黃埔，第一個比佢哋個招牌吸引左，甜品舖提供各式各樣嘅冰沙同埋飲品。店舖燈光充足明亮，行簡約風格，門口亦都有一張小枱，如果有養寵物嘅朋友都可以坐門口。焦糖海鹽粉雪冰 🧊（Best seller)💰HKD 50淨係睇個賣相已經10分吸引，見到都即刻打咗卡先。上層焦糖海鹽忌廉加上焦糖脆脆同埋爆谷，中層係雪花冰，入口即化有淡淡奶味，最底層係雞蛋布丁。建議食嘅時候三層一齊食，就會感受到雪花冰好似空氣嘅觸感又大一點。豆乳軟雪糕 🍦💰HKD 34淡淡的豆乳味，上面有少少黃豆粉，雪糕質感幼滑，賣相亦都好治癒，即刻稍為清淡嘅豆味食完甜野，決定在要多個凍飲清一清喉嚨。店舖亦提供各種嘅氣泡飲FIZZ。橙香檸蜜🍊🍋💰HKD 26淡淡的橙味加埋氣泡，唔會太甜。杯內亦都有新鮮嘅檸檬片，帶一點酸味。好適合飲完甜嘢之後再refresh一下

之前見過人介紹～～一直都好想試咁啱呢日經過紅磡，即刻買嚟試下·🥇《焦糖海盬粉雪冰》$50 人͓̽氣͓̽✨呢款係佢哋最受歡迎嘅粉雪冰💗最頂層嘅配料有焦糖脆脆，焦糖爆谷仲有海鹽芝士cream😗鹹鹹地嘅cream配焦糖好夾，唔會得個甜字😋不過啲爆谷就有啲淋。而下層就係冰配焦糖醬❤️佢個冰刨得好正！棉密幼細，真係好似雪嘅feel，入口即溶。唔似沙冰刨冰咁硬。最後佢最底層仲有個牛奶奶凍，超香滑💗成個配搭好好✨食晒成杯都唔會話甜到漏（通常啲焦糖甜品都勁甜🤣）呢間下次經過會再試‼️很出色💕推介指數:9/10

全日的第一餐天氣開始熱啦又見很耐無食甜食決定試試未去到門口都見好似好多人我同朋友去到都要等4,5桌 peach ice每一層都會帶出不同層次甘先有咸咸地的cream桃子甜乾果無什麼特別中間全是冰一點甜都不覺最底是一層布甸建議cream可以同冰一起吃有另一種不同風味sesame softcream胡麻味道濃沃底層配上米通有些乾果比較硬p.s. 如要外賣就不用排隊排隊的都是等待有位可以入坐前才下單服務生只負責水吧及抹桌其他的都是自助

今天去揾兒甥仔睇戲，睇戲前食完飯佢地提議去食雪花冰，話好多人食嘅，入到去簡約feel, 約有6張小枱面2張櫈咁，店舖外有兩個位，現時好多cafe 咁裝修，出面放下狗咁，好relax feel。我去果時入面得3枱仲有幾張吉枱（沒有影到內在裝橫）。點了兩個味三個人share，一杯香蕉朱古力，一杯焦糖海鹽。我集中食焦糖海鹽，波波面係cream cheese,下一層係牛奶雪花冰，雪花冰幾幼細，不過奶味唔重，其實都食唔到咩味，不過配上面果層咸的cream cheese 係啱啱好嘅。而焦糖海鹽呢就係杯邊黃色果啲，焦糖海鹽來講係夠味都唔錯。最低層係布甸，咪道無咩特別。Topping 有焦糖爆谷，唔突出，另外有糖，果個我好鐘意食，不過唔係好多。成杯咁講口味係偏清淡，唔太甜。一杯50蚊我自己覺得貴，不過而家物價係咁上下。但係我諗無咩吸引到我再好想食。