Swig

营业中

休息中

今日行經K11附近，見到呢間以運動主題嘅酒吧，酒吧嚟講都乾乾淨淨，幾好氣氛，有飛鏢機玩，而且座位之間又唔太迫。飲品酒類好多款揀而且有幾款都幾特別未見過，亦都有非酒精嘅揀，少少意見係唔駛太多冰；食物種類比較少，以送酒嘅小食嚟講好大路，今晚揀咗德國腸拼盤都幾好食，尤其係黑色墨魚腸幾驚喜好好食，每人酒加小食埋單百幾蚊好抵！成晚都任坐同朋友傾幾耐都得好relax，上飲品同嘢食都好快，唔錯會再約朋友一齊過嚟睇波吹水飲嘢

今日同個朋友慶祝生日,成班落左去尖咀搵間酒吧吹下水,下下行望到間新酒吧啱啱開,成班走左落去試下。落到去環境好舒服 地方都好大 門口放左好多件簽名波衫! 落到去老闆好鬼nice 叫我地隨便參觀 新開張比下意見! 佢介紹左幾個新菜色比我地，我地點左幾樣黎試下, 所有野都幾好食 嗰個青瓜芥末腸本人認為真係要試😂😂 仲有隻燒春雞都好JUICY😋非常有驚喜 值得一試。👍👍老闆同D職員成日過黎吹水招呼好好 佢話平時多D落黎坐下 有間房仔可以 搞下D PARTY 活動! 服務 品質值得一讚 會多啲落去撐撐！

行經尖沙咀，突然經過見到一間新開張既酒吧，見佢門口幾靚，有個大水晶燈，比佢吸引住左，咁就落去睇下咩料，之後就叫左杯酒同野食試下，點知比相像中好食，而且環境好好，好舒服，牆上又掛住啲球星親筆簽名波衫，啲職員又好好人，當我地係朋友咁，又可以影相print返出黎比我地留念，可以推薦比朋友一齊去傾下計，食野，飲杯酒！另外我都見佢有間房可以租比人搞party用！我問老細，如果有興趣都可以幫我地搞個party！