116
54
13
| 餐厅: | Tai O Lookout |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
影片
相片
Set dinner
+1.8K
+110
食家推介
相关文章
是日同老公结婚一周年，book咗大澳酒店住一晚，知道大澳夜晚应该冇嘢好食，所以晚餐一定要喺𠮶度食，价钱唔算好贵，可以接受，侍应服务态度一流。大虾沙律好食，因为住酒店嘅关系系送咗两个小食，一个系大虾沙律，另一个系虾酱鸡翼，好味！牛扒讲咗一份三成熟，另一份五成熟嚟到两的都系八成熟，有啲失望，但系味道OK！庆祝蛋糕上面啲字非常核突🤣🤣，但味道好好食，总括嚟讲所有嘢都OK嘅。但总括嚟讲所有嘢都争少少🤣🤣
继续阅读
今次嚟到位于大澳文物酒店嘅西餐厅✨餐厅环境几写意，空间感大，系度食饭好舒服☺️今次嗌咗Carbonara，炒得都几香，不过忌廉汁较杰，所以食咗三分一就开始腻，除咗烟肉之外，亦有蘑菇同虾仁作为配料。另外嗌咗虾多士配大澳虾酱蛋黄酱🍤虾多士炸得香口，入面嘅虾肉亦饱满弹牙，不过蛋黄酱唔系好食得出虾酱嘅味道，略为失色🥲去亲大澳都会饮紫贝天葵，呢度亦有红树林特饮，系由紫贝天葵，苹果汁同柠檬汁调制而成，饮落酸酸甜甜，十分开胃😆
继续阅读
去左大澳咁多次，第一次去酒店餐厅食饭，有睇过价钱唔算好贵，服务、装修、环境同食物质素，都绝对对得起个价钱😂冷气好凉爽，炎炎夏日黎讲，真系避暑一流，劲refreshing，坐低饮杯野，再借埋充电器，完全系帮个人recharge我个日系食夜晚，餐厅唔算多人，不过夜晚太黑，睇唔到海景，但个人黎讲，本身餐厅都已经打卡able。我地冇嗌set dinner，只系每人单点个主菜，系够饱，人均$170，其实可以接受。侍应态度都好亲切，会帮手斟水，又教我地点样去借充电器，食餐饭帮埋电话充电，我自己就最欣赏呢点。
继续阅读
每次入大澳都想去呢间餐厅叹下午茶，顺便等日落，今日中秋翌日入大澳，要等入夜影花灯，所以就黎下午茶，大约等30分钟就可以入座，今日tea set $328/2 persons，有中秋应节食物及中秋与大澳元素，都好有特色。 另外，见下午茶限定安排晚上的［大澳摇橹夜彩游］，我都唔知系咩，所以上网揾，原来中秋先有，大澳搞嘅活动免费网上登记，不过已经满额，食呢个下午茶就可以参加，都几吸引。 黎紧仲有9月21日，28日 都仲有。讲返食物先，中秋节下午茶有4款咸食，3款甜食，配红树林特饮。下午茶架都几靓，精致卖相靓，仲好chill无限时，慢慢食，休息下，又可以叹下冷气。三层架由底食上去，先食咸再食甜。不过影相打卡都好重要。炸虾酱猪膝多士，猪膝腌得入味，有微微虾酱咸香味，都好夹好惹味。大澳咸鱼和牛汉堡，和牛味道浓郁，唔算好油腻，加咸鱼又唔会太咸，有淡淡咸香味，面包软绵好味。脆香大澳虾酱鸡翼，超正超入味，有浓郁虾酱味，够香口又滋味，每人一只唔够喉。黄金炸软壳蟹，味道都好浓，咸蛋酱满满，包著炸得超脆口软壳蟹，外脆内软，蟹肉好多，正。蜜柚子奶冻，有中秋柚子肉，微酸中和奶冻甜，好浓奶香味，软滑细致奶冻cream好味。紫贝天葵鸡蛋仔，好有大澳特色，紫贝天葵酱酸甜刚好，配香脆鸡蛋仔，味道几好。迷你月饼够哂应节，月饼好奶香，咸蛋味都突出，入口细滑，味道超正。红树林特饮有2层渐变色，好似日落咁靓，搞匀先饮，酸酸甜甜好开胃消腻，而且好大杯，够哂冰冻。差唔多够钟去玩摇橹夜彩游，去完洗手间先走，估唔到餐厅洗手间有冷气，细心位，都好正。由餐厅行返去大街个边（即吉庆街）大约15分钟，玩摇橹夜彩游20分钟，感觉都几特色，好玩。欣赏大澳，欣赏大澳的人和事。
继续阅读
今次去咗大澳酒店打卡，最主要系去依间餐厅食嘢睇风景。有炸鱼薯条配虾酱$138另外有$138套餐薄饼🍕配啤酒🍻职员好好人，有礼亲切。有直得去饮杯嘢饮🧃。只系有啲远🤣
继续阅读