Tea Express Bar by Jrink (已搬遷) 新店位置

本人是奶蓋控，試過好多手調飲品店，有的奶蓋就太淡味，有的奶蓋就太少。終於有日逛k11, 找到我暫時飲過最好的，店位置不太起眼，但感覺很清新！而且剛巧無咩人，就點了一杯，一嚐奶蓋非常濃郁，而且份量不少！奶蓋跟藍莓沙冰非常夾！好像在吃blueberry cheese cake! 欣賞小店用心製作，真材實料！唯一要彈的是杯設計飲奶蓋不太方便。。

這次專程到k11找這家店 位置隱蔽🤭如果乘搭扶手電梯到2樓正前方轉入去 有多間小店 第一間便是了👍🏻🍵抹茶芝士丸丸 HKD$42人手新鮮沖泡抹茶配上北海道3.6牛乳👍🏻預設半糖 抹茶味濃帶回甘🤤芝士奶蓋嵌入了抹茶當中 難以細味品嘗但芝士鹹香濃郁 令飲品多了一種層次丸丸是一般抹茶甜品當中會看見的白玉非常煙韌 有咬口 而且量也不少📌唯獨開口比較大 沒有普通一個插飲管位置 Follow Me : eatwegohk

Book mark 左呢間飲品好耐，因為見到佢成日出special tea都好似好靚咁今次黎揀左佢地no.2 芝士奶蓋士多啤梨外表已經好靚，有一粒士多啤梨係面，好可愛，味道都唔錯，有士多啤梨肉同埋好夾芝士奶蓋，唔太甜又唔酸，不過建議大家食左上面粒士多啤梨先，如果唔係去到最尾會食唔到🙈價錢方面係有點點貴， 4x， 仲見味道方面真係唔錯，應該有用心用料去做，值得一試！朋友仲試了hojicha tea都好話好飲，總括黎講都值得推介！！順帶一題，K11入面d舖頭如果唔係你特登入去搵呢，係好難搵到🙈

等晚飯仍有唔少時間，見K11有地方坐同有枱仲有得差電，索性買埋杯飲品係度hea, search到有呢間就試下啦。門面係咁，201號店，其實唔易搵，因為佢收咗係個凹位度。餐牌，未算好多選擇，但唔平...爭找一論都係買咗。職員都攪咗唔短時間嘅芒果雪葩香橙紅茶，佢仲提我話試下攪散個雪葩飲。我先乜都唔郁就咁飲，個紅茶已經同平時有啲唔同，幾香口亦重茶味。攪散咗雪葩再飲，簡直提升咗幾層咁，超好味。有番甜味，有冰涼感，透心涼。偶有一舊芒果，真係超夾。抵你賣呢個價！同平時出面嘅台式飲品係有少少分別

•Tea Express Bar by Jrink• 係大坑嘅時候已經覺得佢地啲飲品好吸睛👀✨而且餐廳以特選優質茶為概念，強調輕養生，所以我都想試飲好內。今日途經尖沙咀K11，竟然俾我發現原來搬左黎尖沙咀🙈位於尖沙咀K11 2/F Natural ge轉角處。唔算太起眼，但亦都唔算難搵。店面走簡約風。攞飲品嘅附近有個打卡位，可以俾你放杯野飲上去影相📸芝士草莓幫幫 (半糖) $42. (5/10)之前都知呢間飲品店的野係偏少甜，但我無捻過我叫左半糖之後係一啲都唔甜。價值42蚊但係草莓味好淡，你會覺得有偷工減料嘅感覺。沙冰底打得尚可接受。10分裏面嘅5分我全部都係俾係佢個芝士奶蓋，咸香味夠，十分creamy，而且奶蓋有一定厚度。整體感覺好失望，因為我見到都有不少好評，但比我想像中有出入，唔會想再次光顧。

係k11行街，見到eatigo book呢間飲品店有折，仲係50%off!好抵，賣相又吸引，仲有抹茶，所以同朋友都即刻想試下！店鋪走文青路線，裝修帶點小青新簡約風格～選擇唔算好多，但每款都幾吸引🤭✨特選靜岡抹茶lattle $40落單嗰陣如果冇特別要求佢地係會自動半糖，我覺得半糖飲落甜度好適中，帶點抹茶甘苦味，香味亦都幾醇～飲落好順口🤩因為好多人都只鍾意單純抹茶味，唔鐘意佢嘅甘苦，所以建議呢啲朋友加啲糖～✨芝士莓莓幫幫 $42士多啤梨味飲落好清新，應該用左都幾多士多啤梨！冇奇怪嘅水果添加劑味，好足料，芝士奶蓋普通，不過不失～粒士多啤梨都唔夠熟。。有啲硬同酸😣

又一間良心小店。想試好耐，但每次都撞唔啱時間，今次難得過海，又幾早下，終於試到了。嚟到梗係想試下佢每個月都唔同既招牌嘢啦～本身想話抹茶同芒果揀邊個好，結果叫左抹茶芝士丸丸，點知原來賣晒，咁仲好唔洗諗，直接要咗芒果雪葩香橙紅茶，好少見飲品入面有雪葩，呢杯飲品好足料，有芒果粒又有橙片片，店員提過攪匀先飲會好飲啲，但我呢啲唔聽話嘅顧客，梗係食左雪葩先啦，hehe, 好食！！飲落都幾好飲，少少似檸茶，但芒果同味都幾重，好想試埋其他味道。

試咗抹茶芝士丸丸。 抹茶味好香, 唔太甜，芝士味好濃，白玉好煙韌好有咬口， 數量都唔少好足料。紫薯3.6牛奶。北海道3.6牛奶配紫薯蓉，另外再配有一粒軟軟紫薯，同menu一模一樣。點完餐之後要等一陣。店員好有心咁逐款介紹。

本身諗住買喜茶，點知話要等一個鐘，梗係唔等啦，但又好口渴就搵下k11有咩飲品店鋪位置相對較隱蔽，人流都幾少，點左杯推介既 抹茶芝士丸丸$42基本上一兩分鐘已經整好，預設係半糖，味道不錯抹茶香濃，甜度剛好，有細細粒既mochi用飲管都吸到，再加上芝士奶蓋，味道香濃奶滑，其實拍得住喜茶既芝士，由於味道好rich所以唔算太解渴，如果店家有light d既茶飲配芝士就更好。整體幾有驚喜，重點係唔洗等，不過呢個位置人流較少，希望小店能做多的宣傳

人氣個性小店jrink從上年由香港島大坑搬左嚟尖沙咀K11 ，到今日我終於有機會試下佢地嘅特飲啦！而家仲有優惠添👍TOP 1 飲品係主打用日本有機抹茶沖製嘅「抹茶芝士丸丸」。員工喺我面前即席點茶嘅時候已經隱約聞到抹茶嘅香氣😻😻😻 白玉幾煙韌，加埋香滑嘅北海道3.6牛奶，成件事幾夾。最驚喜嘅係佢地個芝士奶蓋非常之正！有咸香，口感濃郁紮實。同甘口嘅抹茶係絕配呀～飲品預設係半糖所以愛甜人士就記住叫全糖。

K 11 開左一間日式茶飲一般時間 好多朋友都叫我試下 由於要去食飯 唔想飲芝士奶蓋類試左培茶latte 培茶味好出 但奶太多 下次剩係試茶再試真d 朋友飲左Rose tea 加彩珠彩珠夠QQ 顏色都好靚值得一試的茶飲店

如果一講K11 入面有飲品店，相信大家第一時間都係諗起台式飲品店，但今次呢間Tea Express Bar by Jrink 係一間好多茶款的茶飲店。今次試左佢個香橙抹荼。首先以外觀黎講，成件事有漸層色，仲有香橙喺面，IG 打卡度絕對滿分。另外，佢係即叫即沖既，用左抹茶粉喺你面前整！入落口非常順滑，抹茶的餘韻完全喺口腔之中久久不散，非常回甘，絕對唔係出面可以飲到既味道。另外加上橙汁中和左抹茶的苦澀，亦加重左夏天Refreshing 既味道。

✨尖沙咀高質茶飲😍5月期間限定飲品!✨外表呃like既野 通常都好驚係伏但呢間飲品又靚又好飲！仲會每個月都推出限定飲品🥰.🍓芝士草莓幫幫($42)喜茶既芝芝莓莓有對手喇！仲正過喜茶 重點係唔洗排隊😌草莓沙冰好fresh 唔會係假甜奶蓋濃郁香滑🤤仲有原粒草莓🍓.✨✨五月限定✨✨🍌蕉早一杯焙茶奶（$48）香蕉x焙茶呢個組合好少見！但又出奇地match 幾特別好濃既香蕉smoothie 再加焙茶既茶香🤤面層仲有焦糖香蕉☺️

Tea Express Bar by Jrink為於K-11，他們主打輕養生，飲品較為低糖，平日買調製飲品都會叫微糖的我就最適合不過了。櫻花麝香葡萄特飲 (HKD48)外觀很夢幻🌸頂層有櫻花花瓣點綴，帶點春天氣色。它是提子味特飲氣泡水，味道酸酸甜甜並帶陣陣花香。PS：櫻花麝香葡萄特飲屬四月期間限定口味，想試的朋友別錯過了！芝士草莓幫幫🧀🍓 (HKD42)草莓味道濃，沙冰味道不會太甜，芝士咸香突出，喜歡這杯！

今次要介紹嘅係位於尖沙咀K11嘅Tea Express Bar By Jrink，我哋去嘅時候時間雖然尚早，但係適逢三八婦女節加一蚊多一杯嘅優惠，可見陸陸續續有客人光顧。Tea Express Bar By Jrink is a tea art specialist located in Tsim Sha Tsui K11. Although we arrived in early time, the promotion of Woman's day attracts lots of customers to order different kinds of drinks.◽️芝士草莓幫幫 (Strawberry Bonbon) $42外觀值得加分，喺草莓沙冰之上鋪滿芝士奶蓋，再加上一顆草莓作點綴，打卡一流。不過重點都係味道上，草莓沙冰味道天然，唔係用糖漿溝出嚟，芝士奶蓋味道濃郁，先淺嚐再混入沙冰更加。平時飲依啲最怕飲到最後淡然無味，但係依杯啲芝士奶蓋味道會持續滲入到沙冰到，就算飲到最後都唔會淡。整體而言，價格偏高，但係飲品質素都好好，惟沙冰冰粒較大，如果再打碎少少則更佳。Cheese