TERA (形點 I)

营业中

休息中

今期流行一定係杜拜朱古力🍫 杜拜巧克力，靈感來自於中東傳統甜點Knafeh，並將其與牛奶巧克力、開心果醬和kataifi（一種細小的麵條狀酥皮）結合，創造出獨特的口感和風味。 迅速爆紅，引發全球熱話，各大品牌相繼類似的產品。 🥞寺 TERA 都推出杜拜朱古力疏乎厘pancake🥞，梗係要潮拜一下😋Lunch set 由$88起包餐湯🫕或沙律🥗可選$42內餐飲☕️或+ $9升級特飲🥤🐟麵豉汁煎比目魚$168魚皮煎得香脆，魚肉厚身啖啖肉。🍝明太子蟹肉扁意粉$128明太子醬鹹香，扁意粉掛汁。食完飯就食甜品，杜拜朱古力疏乎厘$158，質感鬆軟輕盈，充滿空氣感，杜拜朱古力脆脆口感，比利時朱古力香濃幼滑。青提蜜瓜雪糕芭菲$78麥片、青提啫喱、蜜瓜粒、忌廉北海道、牛奶雪糕。阿芙佳朵哈 Affogato 濃縮咖啡+雲呢拿雪糕。黃皮鳳凰單叢淡淡黃皮又飲到茶味。

📍 杜拜朱古力Pancake是日MVP首先個朱古力醬係有好濃郁的可可味而pancake空氣感十足再加埋杜拜朱古力脆脆地咁食落整體口感味道都好豐富😆.📍 明太子蟹肉扁意粉明太子味幾濃醬汁亦好creamy配埋蟹籽蟹肉一齊食係幾惹味同埋扁意粉好掛汁，啖啖都係滿滿的明太子味☺️.📍 麵豉汁燒比目魚比目魚燒到好嫩食落幾鮮而底下d薯菜亦索哂d燒烤味，唔錯💁🏻‍♀️.📍 葡萄梳打📍 芒果咖啡前者清清甜甜咁幾fresh後者比較重咖啡味，表現正常

一向有食佢哋嘅甜品，覺得好出色，見今次出咗新口味即刻嚟試吓😋︎❤︎杜拜朱古力梳乎厘出色….比利時朱古力醬入口好順滑，可可風味深沉濃郁🍫招牌梳乎厘蛋香十足，好似食咗一嚿雲入口甘，軟綿綿好舒服🤤開心果絲真係有開心果味💚脆脆地好有口感︎❤︎限定二人套餐套餐包含二人份餐湯/沙律🐮蒜香一口和牛粒︎甜甜嘅日式燒汁為主要調味，牛肉粒吸滿汁醬好入味，而且炆住得好冧🐟煙三文魚忌廉貓耳朵貓耳朵特別在麵糰有一定厚度，所以食落夠曬煙韌，配上鹹鮮煙三文魚同忌廉汁唔會出錯🤣🦀明太子蟹肉意粉呢個好食到讚不絕口，明太子忌廉汁微辣Creamy，仲要每一啖都係蟹肉絲，好食到秒清碟嘅程度😱 🐚雜錦瑪德蓮蛋糕配雪糕甜品係呢個質素有點驚喜😳瑪德蓮蛋糕外脆內濕潤，四款口味各有千秋，但私心鍾意焙茶

餐廳為簡約日系風，木系裝修配柔和燈光，環境舒服，食物質素不錯。1. 軟殼蟹龍蝦汁意大利飯軟殼蟹炸到脆卜卜，size都夠大隻，龍蝦汁正常水準，飯粒可更煙靭。2. 香辣白酒煮蜆蜆肉肥美冇沙，白酒同蒜香好出，辣度輕輕哋吊味，好開胃！3. 明太子蟹肉扁意粉做到每條意粉都掛滿汁，蟹肉份量都唔少，仲配搭蟹子同紫菜碎，食落更有層次。4. 杜拜朱古力疏乎厘一上枱就聞到濃濃朱古力香，疏乎厘空氣感十足，蛋味濃郁，口感輕盈！朱古力醬甜度剛好，食完好滿足～ 5. 焙茶鮮奶茶味香濃唔苦澀，鮮奶打得夠滑🤎

餐廳由法國藍帶廚師開設，以日式木系裝修為主，環境簡約舒適，當中嘅招牌日式梳乎厘班戟更受大家歡迎，還設有唔同口味，另外亦有提供各式精緻甜品及輕食‼️今次我同呀囡就分別點咗兩個套餐+甜品🥞宜家下午茶餐做緊買三送一優惠如果下次同埋朋友一齊嚟食會更抵食🤭🌟煙三文魚牛油果🥑炒蛋牛角包窩夫伴沙律賣相吸引，份量十足，沙律菜牛油果夠新鮮重點係個炒蛋牛角包窩夫，內𥚃夾住三煙三文魚層次豐富又酥脆，多重味蕾享受😋🌟香煎比目魚配墨魚汁意大利飯比目魚一向係我哋至愛，魚身煎至金黃色，肉質夠鮮滑，火喉掌握恰到好處！配搭墨魚汁味道感覺很特別！意大利飯夠creamy又唔會太硬身，呢個值得推薦👍🌟青提蜜瓜雪糕芭菲炎炎夏日食返杯雪糕芭菲透心涼😋層次感非常重，一層青提一層穀物；一層厚厚鮮忌廉一層蜜瓜🍈再加埋香滑雲呢拿雪糕球，口感夠哂豐富！🌟杜拜朱古力疏乎厘🥞呢個pancake 賣相及味道一流😋餐廳選用比利時朱古力，成碟有朱古力醬、朱古力碎、朱古力cream、鮮士多啤梨同曲奇碎，非常豐富！「招牌pancake」夠鬆軟又有蛋香味，製作認真又有唔同口味選擇，份量兩個人share就啱啱好！🌟蜜糖四花茶吃完甜品飲杯花茶就最好不過🤭個人很

今晚與朋友約會食晚餐，想搵間有氣氛又唔太嘈嘅地方傾計放鬆，最後揀咗元朗呢間帶有濃濃日系風格的西餐廳。一入去已經被木系裝潢吸引，牆身簡潔、有日式小品點綴，整體氛圍溫馨而寧靜，好適合夜晚細味一頓晚餐。香芒大蝦田園沙律主角香煎大蝦煎得香氣十足，蝦肉彈牙鮮甜。香芒熟度適中，香甜多汁，啖啖果香。沙律底配有新鮮田園菜葉，整體口感層次豐富，沙律汁微酸微甜，非常開胃。蒜香一口和牛粒牛粒表面煎得焦香但不過火。入口肉汁豐盈，油脂分布均勻，軟嫩中帶嚼勁。雞扒青醬貓耳朵貓耳朵特別在於耳形設計，可以掛多啲醬汁。呢個青醬煮得夠濃郁，羅勒、橄欖油香氣突出。雞扒份量十足，煎到皮脆肉嫩，好Juicy。味噌醬香烤比目魚魚肉細嫩綿滑，一夾就分離，零骨超方便食。味噌醬面層微焦，味道鹹甜適中，滲入魚肉。配菜有瓜及露筍，健康又襯托主菜味道。芒果楊枝甘露（飲品）飲品以芒果蓉為底，色澤鮮艷自然。中間加入透明西米、柚子肉同椰奶，口感層次豐富。芒果味香甜濃郁，椰奶香氣滑順，特別適合解膩嘅清新之選。豆乳Pancake三件原味梳乎厘又厚又鬆軟，蛋香濃郁又唔會「空氣感」，豆乳醬配埋黃豆粉一齊食，豆香十足，甜度適中。伴碟有黃豆蕨餅、紅豆蓉、白玉

為咗杜拜朱古力Pancake而黎！喺形點TERA Pancake House有杜拜朱古力Pancake，朋友話想試，某日夜晚就去咗！當日大概 7點到，都滿左 7成，唔駛點排隊就入咗！嗌左一個前菜、兩個主菜加一個甜品，埋單約$7xx。#蟹肉牛油果他他 味道清新開胃，牛油果加蟹肉組合好creamy，蟹肉帶少少鮮甜，整體口感豐富唔會太膩。牛油果比例偏多，個香味幾重！#明太子蟹肉扁意粉 上面掛左好多明太子、紫菜同蟹肉絲，整體鹹香同海鮮味幾惹味又唔會太膩。明太子係我近年最多，完全令我更加回憶日本既明太子食物！意粉掛汁一流，整體感覺微辣又開胃！#杜拜朱古力Pancake 成碟朱古力組成好豐富，有朱古力醬、朱古力碎、朱古力cream、士多啤梨同曲奇碎，當然唔少得鬆軟pancake 同杜拜朱古力，甜品控一定好滿足！梳乎厘好鬆軟，配朱古力一流，而杜拜朱古力係唔膩唔太甜，比起以往食開朱古力真係味道係唔同！#香煎美國牛板腱伴薯菜 賣相精緻，牛扒5成熟，肉質係幾嫩滑，不過部份位置有少少筋唔係咁易咬開。但整體肉香肉汁都OK，同碟配菜煮得清爽口感又可以解膩，都唔錯！

前排同朋友去元朗YOHO high tea 🫶🏻 book咗呢間《寺》，見到OpenRice做緊買三送一優惠！平日5點打後仲有7折添！可以達成我食疏乎厘自由啦🤣！入到去乾淨企理！裝修以日本木系和式風格❤️職員主動提供小朋友餐具兒童椅子👍🏻好啱一家大細黎食啊～美食⭐️⭐️⭐️⭐️⭐️🩵青提蜜瓜雪糕芭菲🩵小食拼盤🩵蘋果汁🩵黑松露野菌忌廉扁意粉🩵山茶花桂花椰子水🩵鮮果美滿pancake🩵濃縮咖啡湯力水🩵蒜香一口和牛粒**超值午市／下午茶優惠！堂食買三送一**⭐️日期及時段:2025年5月6日至2025年7月31日(週一至週五) 11:30 至16:45⭐️不適用日期:2025年7月1日⭐️兌換方法penRice 會員經由OpenRice 網上訂座時選擇此訂座優惠。**平日五點打後堂食七折**詳情留意番寺OpenRice及social media為準

免費嘅嘢係最貴⋯⋯佢哋做緊promote分享食評 就送四件蜜糖牛油雞翼而家係咪興半熟雞翼？食物唔熟都算 同員工反映完 佢拎住兜雞翼行返出嚟員工：請問係咪反映雞翼唔熟架？冰鮮雞翼係咁樣 會有少少粉紅色。即刻腦洞大開 成頭問號 係咪當啲人傻？講真你送唔起啲雞翼你就唔好搞呢個promote 唔好搞到自己個朵越嚟越臭Btw 薯條都真係唔錯嘅 個醬都OK。係員工唔掂

星期日下午茶時間，人吾算多有位又吾洗等但侍應就hea 做我點左一份下午茶套餐同埋一份甜品下午茶套餐包一杯嘢飲點餐時沒有留意所以沒有點飲品但是應完全沒有問我飲咩，又無提我食到最後見隔籬枱話下午茶包飲品先再睇餐牌，發現套餐包飲品先叫侍應幫我加返杯嘢飲其實點餐時應該問我點咩飲品我中途要咗兩杯水佢都冇提我，我個餐有飲品飲食業嚟講，佢真係唔合格下午茶份量超小都要$108 最慘係個招牌pancake 居然唔好食吾夠挺身，又太過甜完全吾合格地方又逼又細

呢間梳乎厘已經好多人推薦我黎食～趁返香港短短十天快啲黎試一試😋本身係衝住佢地嘅梳乎厘而黎～冇諗到佢地其他餐點都好食喎😋而且佢地嘅裝修係行一個日系和風⛩️仲有日式塌塌米嘅枱同座位👍🏻非常適合打卡👍🏻🍴炸軟殼蟹牛油果田園沙律炸軟殼蟹香脆好大隻🦀沙律好新鮮而且放左好多牛油果🥑配埋蔬菜非常清爽👍🏻🍴煙三文魚忌廉貓耳朵煙三文魚卷成花花嘅造型，非常適合打卡！意粉形狀好可愛，煮得岩岩好口感軟硬適中👍🏻而且非常掛汁！推薦！🍴帶子大蝦墨魚汁意大利飯墨魚汁非常濃郁！帶子跟大蝦都非常新鮮😋火候掌握得岩岩好，鮮嫩多汁👍🏻🍴炸蜜糖牛油雞翼（5隻）香濃嘅蜜糖！外表炸到好香脆，咸甜咸甜嘅口感令人忍唔住一啖接一啖👍🏻🍴豆乳pancake梳乎厘非常鬆軟，空氣感十足，但同時又充滿蛋香，配上佢地嘅黑糖和豆乳汁，甜度係岩岩好，做到香港人最鐘意嘅唔會太甜嘅甜度😂至於甜品嘅伴碟，有丸子串，紅豆同黃豆蕨餅！煙煙韌韌嘅口感，配上黃豆粉同豆乳汁，真係好完美😋

哇！今日去YOHO行街，見到呢間餐廳有期間限定嘅杜拜朱古力疏乎厘，吸引左我眼球😝好想一試！杜拜朱古力Pancake超濃郁嘅朱古力🍫，好滑好creamy既流心，好好味🤤，仲要佢唔係死甜朱古力，個甜度控制得岩岩好！上面灑上少少綠色碎碎，由開心果醬混合切碎的 Katafil，口感更加豐富。卡邦尼扁意粉濃郁嘅醬配埋煙肉🥓唯一既缺點係份量太小，不過加埋個甜品就好飽！麵豉汁燒比目魚個魚幾滑，麵豉汁嘅鹹香味將魚肉嘅鮮味提升。唔錯👍🏻呢個仲包湯/沙律送，是日係南瓜湯抹茶鮮奶開頭上左培茶鮮奶，唔知係我講錯定係員工聽錯，我本身叫既係抹茶鮮奶，同番員工講，佢都好好咁幫我換🙏🏻

最近帶著小狗到訪 門外店員告知我們 餐廳不再是寵物友善 以往多年一直光顧都是寵物友善的 今天門外店員聲稱不可帶狗狗 透露因為曾經被其他人投訴 大家如果想帶寵物到餐廳就要留意了

餐廳環境休閒舒服，還有日式Tatami坐位。衝著他們人氣梳乎厘來，最近還出了新口味相當吸引，他們的甜品都很出色。平日Lunch set 包餐湯/沙律、飲品。磨菇湯好香濃，沙律菜新鮮。🔶煙三文魚青醬扁意粉Menu原本的貓耳朵因為冇貨所以改了扁意粉。煙三文魚份量多，青醬汁好香又creamy，扁意粉每條都掛滿汁。🔶香煎大蝦帶子龍蝦汁意大利飯帶子鮮甜，大蝦爽彈，每粒飯都吸滿香濃龍蝦汁，食落好香。🔶杜拜朱古力梳乎厘必點甜品！ 近期大熱的杜拜朱古力，好濃郁的朱古力味，梳乎厘蓬鬆空氣感十足，蛋味香濃，口感輕盈入口即溶咁。🔶雜錦瑪德蓮蛋糕伴雪糕四款不同口味的瑪德蓮，每粒都做到外脆內軟，咬落蛋糕濕潤又香，配搭雪糕一齊食更滋味。🔷凍烏龍咖啡🔷Latte 拿鐵烏龍茶+ 咖啡出奇地夾，底下有奇亞籽增加口感。拿鐵味道也不錯。

Tera Pancake House喺香港都有幾間分店，今日我就專程嚟到佢哋位於元朗嘅分店食飯。安格斯芝士牛肉漢堡配薯條依一個餐嘅煮食份量非常之多，漢堡配有蔬菜同埋蕃茄，加埋芝士同牛肉，真係好滋味。香烤比目魚比目魚敲得好香脆，加上經過味噌醬調味，令到魚肉帶有少量鹹味。法色燉蛋疏乎厘班戟呢個班戟由餐廳即時製造，啱啱上碟嘅時候，仲係熱辣辣嘅，班戟入口有香濃嘅雞蛋香味，配上忌廉，吉士等等，令到成道甜品都非常吸引。整體嚟講，餐廳嘅班戟烹調得非常好，除咗正價餐牌，下午茶嘅時候，佢哋亦有下午茶套餐推出。