Thai Thai Food (已結業)

近呢三十日都去左兩三次Lamma Island，頭兩次黎都有食到呢間Thai Thai Food，可能頭兩次都冇o個位金髮小姐掛...第一次黎食，每串$8，第二次黎食，每串$10，well，ok，人怕出名豬怕肥，我明~第三次黎，o個位講廣東話既金髮妹妹仔居然同我講堂食每位加兩蚊......如果我唔係行到身水身汗，唔係鬼死咁累，我一定唔會坐低食！！有冇搞錯！上兩個星期先黎過食，都冇呢支歌仔唱！有咩可能望下我地個樣就話加！我問佢:你想每串加兩蚊定每個加兩蚊啊小姐?!我上兩個星期黎都冇呢條條例wor，佢諗左一陣先講:每位total加兩蚊，你地兩個人...加多$4... 好多時得失d客唔係$$既問題，而係生意手法既問題，我明白而家好多人識得Thai Thai，但係可唔可以唔好做到咁?!$4真係好少好少意思，但係唔應該咁樣做lor!串燒雞翼($10):好正！必食之選！雞翼又滑，沙嗲汁又香又濃，正！同好時沙嗲唔同feel ga，呢度冇左咁多花生味，反而更加香甜，唔漏！串燒雞，豬($10):可能夜左d黎，所以唔係好夠熱，同埋好鞋......水準下降。串燒豬頸肉($10):好好味！佢有一層膏響面，但

一陣冷鋒將本地一股濕氣一掃而空，難得太座有雅興到戶外走走，於是趁今天風和日麗，往南丫島一遊。筆者與太座都很懷念以前响榕樹灣碼頭公廁附近嘅串燒流動攤檔，此檔由泰國人主理，十分有風味。可惜今天重臨舊地，此攤檔卻消失了。離開榕樹灣碼頭大約五百米腳程，有一間泰式串燒地舖，筆者想會唔會係從前的那一檔呢？見門外認真墟冚，大排長龍。一串串嘅串燒陳列在玻璃櫃裡，有雞翼、豬頸肉、魷魚及其他肉類，每串都係一律十蚊。可配數種醬汁，包括沙嗲汁、中辣汁同埋大辣汁。食串燒最重要嘅就係要夠熱，熱騰騰的、醃料配合得宜已經非常惹味。可惜呢度嘅串燒係「整定」嘅，到客人手上已經剩下微溫。食慾大減，尤幸醬汁(沙嗲汁)甜中帶少少辣，也能刺激口水分泌，力挽狂瀾於既倒。整體評分「ok」而已，如果串燒還熱辣辣的話，一定可得到一個「笑面」。

同朋友一次過要左5串選了沙嗲汁,果然好好味呀!!! 原隻炭燒雞翼: 好大隻好肥..加埋個沙嗲汁...惹味得很!! 泰式燒豬頸肉: 肥既部份比正常多..燒完好爽口..好好好好好味!! 香葉串燒雞柳: 太乾身左d..淋左個汁上去都無濟於事 泰式串燒牛肉: 食落覺得好un....下次叫番雞翼同豬頸肉好啦,保險d!!

今日同baby 到lama island行下,行行下聞到好香既bbq味,行過去一睇,就見到係好多好正既串燒,有2個妹妹仔(我估有十幾歲啦)兩個企係櫃度問我地想食咩,我同baby 揀左一串雞肉,一串牛肉, 同埋一串豬頸肉,要左沙嗲汁,先講講牛肉先,唔錯好好味~ 唔會有so味,又唔會整得太"un"但雞肉就比較鞋口,同埋佢唔係整開一粒粒雞肉咁, 而係好似一條雞肉,所以兩個人share一串比較煩,另外豬頸肉真係唔錯,都幾肥,但有d筋,不過已經係3串入面我地覺得最好食既一串~下次會再試下其他~

間店舖唔算難搵叫左一串雞肉一串豬頸肉各樣$10醬汁有沙嗲,中辣和大辣我擇左中辣(其實真係幾辣-_-)拿拿林去買野飲雞肉我覺得麻麻地,可能太鞋唔夠滑相反豬頸肉有驚喜喎食落口其實我覺得似豬腩肉多d肥瘦適中,d肉幾嫩滑,真係值得試下!

相信去過南丫島的人，都可能已經食過呢間店o既串燒我每次都會去買幾串來吃的，價錢不算貴，每串$10而已沙嗲、大/中辣任揀，我個人多數都是吃中辣和沙嗲味如果，你已經經常去九龍城吃泰國串燒，那麼我就不推介你光顧...但如果你不常去九龍城我也還是覺得值得試試

雖十蚊串,但係真的好味.中辣已好勁, 朋友叫了一串雞, 大辣,睇住佢一食即變樣.沙爹略甜.一定要和豬豬女友來一試呢.

2008.11.16(日) 中環乘船往島北，只需約30分鐘，萬里無雲曬到頭暈，以為天氣涼快唔帶傘 ~ 活該 往風力發電站路經此店烤味撲鼻，泰式燒烤 主 & G 哥哥既"飛佛"黎喎，十蚊串雖然唔算平都試下喇，雞翼+牛肉+魷魚，自選辣度，每支串燒用一透明膠袋庄以方便庄串燒及醬汁，看下去醬汁非常吸引 吃下去更甚，熱辣辣雞全翼入味醬汁辣辣地好味，不過邊行邊食都幾論盡，若能斬件吃更方便﹔魷魚本身冇味全靠酸辣醬汁作伴，汁太辣但魷魚都幾滑。主話牛肉都好好味，大家不妨試試看﹔可惜我們朝著島北走而不走回頭路，否則必然再來幾串

搞店了渡假屋的東西後就出去行下搵食遠遠已經聞到好香既燒烤味, 第一站就係這裡!! 原來Thai Thai Food就係Shelly對面買了燒雞翼($10)及豬頸肉串(10) 兩串都要了沙嗲汁, 因為親愛的不吃辣 =P燒雞翼: 沒有什麼特別，雞肉算嫩, 比KFC的蜜蜜雞翼好吃多豬頸肉串: 因為有些肥肉，燒烤過後仍很juicy，不會“鞋口, 爽口 最欣賞就係個沙嗲汁, 精萃所在!! 好惹味香濃得來又不會蓋了食物本身既味道!!!美中不足的是店來既抽風系統不夠強!!由於是開放式廚房, 當整串燒時成店都有油煙味滿佈濃煙, 坐了一會就要”逃生”…如果有Smoke Detector的話神早響哂灑埋水

肉碎炒飯（35元）：老闆娘叫我們加點魚露，味道會更好。果然，肉碎本身已經炒得夠香，特別是當中的basil，更是帶出了整碟飯的神髓，加上魚露的鹹香，吃得人爲之心動！雞肉炒金邊粉（35元）：這個要快吃，涼了，金邊粉會黏在一起，影響口感。鹹魚炒芥蘭（35元）：我們吃到麫豉，是老闆娘已經港化？不過，芥蘭爽脆，鹹魚蒜粒麫豉起的鑊，很香很惹味，卻是真的。炒辣魚（45元）：好好味！份量又可觀，魚塊跟青豆葛粒，效果出衆，撈飯做餸都無得頂！！沙爹串燒雞肉（10元）：仍然係 good，不過今次的沙爹甜味稍重，否則會更合胃口。燒雞翼（10元）：不落任何醬汁，一句到尾。。。好味！！每次來到，都食得開心，特別是吃過那熱辣辣的碳燒雞翼，感覺更是份外滿足！！

今日十一國慶,同老公去咗南丫島一日遊,原來好多人都好似我地咁,一架船350人一陣就坐滿晒,仲有好多人排隊等下架添,幾驚南丫島會沉!好彩去到又唔覺特別多人,先到Thai Thai Food買咗個椰青,$22好大個,大鮮甜,夠凍,椰子肉也很鮮很甜,可惜由於一路行一路飲,所以食唔到啲肉,嘥晒!!飲完繼續向洪聖爺灣出發.

Good. I tried both beef and pork with the spiciest source. $10 for any snack~Ummm~~yummy! Perhaps because I always love spicy food, I can stand it.But do be careful if you wanna try. Your tongue may get burnt. Haha~I will try this whenever I visit Lamma Island for sure.

１號風球入左南丫島，見到ＯＰＥＮＲＩＣＥ的ＣＯＭＭＥＮＴ話ＴＨＡＩ　ＴＨＡＩ　ＦＯＯＤ的辣汁好正就去試！叫了豬頸肉串，個感覺同５花腩一樣咁肥，肥肉多過頸肉都有Ｄ失望，要了沙嗲同中辣汁，個汁好正，辣中有少少酸，如果個肉瘦少少就好８號風之後個２日都冇開，想試下其他都唔得，唯有等下次

同 2 號入到南丫島，天時暑熱，我o地就買o左個椰青解o下渴~~~"椰青": 即開 gei 凍椰青~~~ good ar!!! 2 號話好飲，好清涼但又唔會太過甜~~~ 飲完，我連肉都食埋~~~ 但得支飲管... 食唔到幾多... 如果有支匙羹就好 la...呢間仲有串燒賣 ga，想試但入o黎前食o左 m 記... 食唔落了... 可惜...

來來回回這店子好幾次, 還沒有串燒出售呢～好心急呀!! 晚飯之前, 終於看見了.....可惜, 我們錯過了時間, 很多都已經賣光了, 只剩下司華力腸和燒魷魚, 有點無奈, 吃不到想要的雞、牛、豬呢～但最後都買了一串燒魷魚。我們要了沙爹醬加小辣, 由於燒魷魚不是即燒的, 已經放了一段時間, 變凍了幸好口感還好, 有嚼勁, 不會太韌, 可以接受。重點來了, 他們秘製的沙爹醬果然夠惹味, 辣辣的, 串燒就是這種醬汁了。由於是次選擇只有兩種, 加上不是即燒的(只怪我們錯過了時間.....><)所以只能給OK呢。當然不得不再提的沙爹醬是精華所在啊