The Basic (已結業)

📍The Basic元朗的小店，用料不算複雜，但勝在即叫即制，香味吸引，也是良心小店。🔸經典芝士漢堡🍔＋薯格🍟坐在門口等時被香味吸引到快餓死😱終於到手了，一口下去肉餡很Juice不會乾，薯格也很脆，沒有因為人客太多而隨便炸。🔸松露滑蛋牛角包＋煙肉洋蔥餅應該是有加牛奶所以蛋才會很滑，牛角包當然不能跟麵包店賣的比，但是是另一種的吃法。

意粉有水準！以往食小食店的平價意粉都覺得唔太好食，呢間卡邦尼意粉$37，水準同我在港島食$60感覺差得不遠。同區元朗有些$50+的反而仲冇佢咁好食！加$10就有黑松露炒蛋，都係有水準的，個餐仲有野飲，好抵食。店主用心製作，人多時係要等耐少少。

好想食漢堡包，又唔想幫襯集團，就來到元朗小店試試，於舊B仔向前行少少。之前有詢問過The Basic可唔可以自備器皿購買食物，對方回應「一般係可以既，如果你落單時比埋個盒我地就無問題，不過繁忙時間如你係打電話黎落定單就難啲」。而我都特意揀無咁多人時間去以免製造混亂。買前再詢問多次店員下成功購買。因為沒什麼胃口只買了一個$23經典芝士漢堡(走了茄醬)。唔想浪費店員即叫即整的心機，就選擇了企係堂食唯一bar檯即場鯨吞熱辣辣的漢堡包 (等待位置的話另外有3張凳)。雖然整個包體積不大，但現今香港23元有呢個厚度的漢堡扒真係唔易搵。而且烘過但又不乾內軟的麵包配合融化中的芝士令人很滿足。店細細.包細細.但漢堡厚厚與人情味濃濃下次想試檸檬魚堡!!!

搬咗嚟元朗冇耐，成日都會同老公去尋找一啲良心小店去幫襯。呢一間漢堡店其實喺我哋新居重裝修緊嘅時候我已經食過，佢嘅漢堡包真係好抵食又好味，即時order即時整。老公好鍾意食漢堡包， 想食嘅時候我哋都會幫襯佢，買佢嘅漢堡包餐幾十蚊有漢堡，配薯條/薯格或者煙肉洋蔥圈，再有紙包或者罐裝飲品( 好過食金拱門啦 )。我就最鍾意食佢嘅粗薯條，好香口，好好味薯仔味好重。有時間大家經過都可以幫襯下佢就喺大坑渠旁邊嘅咋❤推薦元朗朋友。

一買即食係勁好食。尤其薯格，係比薯條好食。薯格香脆，很喜歡辣口熱氣嘅感覺，另外又炸得夠脆身。做過實驗，擺一段時間仍然硬身。薯條以淮鹽調味，但唔會太鹹。如果對小食有興趣，不妨再點炸雞翼。是雞翼皮外脆雞肉內嫩。至於漢堡方面，漢堡扒嘅牛食得出用咗靚肉，漢堡扒肉香濃郁。整體調味無落太多漿汁，主要靠牛肉自身嘅肉汁。包兩面有烘過，其他全塊芝士加上菜，就無乜特別。但整體都幾好食同抵食。即比起m記平餐貴少少，但有誠意同塊漢堡靚好多。

屋企附近路過見到，大坑渠邊新開漢堡小店，估佢唔到，幾好食喎，味道不錯個包好鬆軟，而且漢堡有肉汁，唔乾身，因為係即叫即做關係，所以等候時間較長，差唔多20分鐘，因門外只得一張細枱，多數都係外賣多，建議買的話，可叫左先，轉頭再返去拎

鋪子細細，就喺大坑渠側面，門外只得一張細小的枱，所以來到的客人通常都係外賣的，呢間鋪主力係賣漢堡，亦都有意粉，我們晚上九點十五分左右到，都見有食客等緊外賣，今次我們試了檸檬魚堡套餐，再加松露蛋牛角包和特級漢堡，叫餐還有免費汽水選擇，因為是落order完先至立即製作的關係，所以我們也等了二十分鐘左右才攞走外賣，取完外賣由元朗回到屯門才吃，除了松露蛋牛角包變了形之外，其餘的賣相與味道也保持得很好，不過個包size唔大，所以女性吃一個還可以，如果男性就要吃最少兩個,最值得讚的是脆薯格，隔了半個鐘吃還是非常脆，亦都很夠味，非常好吃。下次會想再嚟幫襯，試埋其他款式。

落單後店員即場烘熱麪包、炸魚柳材料簡單，勝在即叫即製，夠新鮮。麵包脆身，魚柳熱辣辣，沙律醬令burger食落唔會乾爭爭到元朗掃街不妨一試鋪面有張小餐枱，可以坐住食。不過當時店員齊齊坐住食雪條消暑吹風扇😅 冬天黎掃街應該會食得滋味啲

呢間係響大水渠邊啲細檔，淨係得兩三個位，不過都算近球場，好天買過去一路睇人抵波一路食都幾chill下。然後主力雖然係漢堡炸物之類嘅西式嘢，但好過癮地佢有雞煲撈麵賣，仲可以揀唔辣，開盒個樣雖然有啲其貌不揚，但食落超出預期，個麵索哂個雞煲汁好重香料味，雖然揀咗唔辣，但係佢依然保留咗麻辣嘅麻，好似以前食雞煲有得揀多麻走辣咁好過癮✨另外都有叫個魚堡食，幾鐘意佢地個包身軟熟然後個底又烘一烘返脆咁，塊魚柳啲肉都幾滑，同埋好鍾意佢個沙律醬好重檸檬汁味反而我哋全部人最期待嘅洋蔥餅就有啲失望，炸到好油係正常，但係佢冇索返啲油個盒亦都冇吸油紙，然後成件事就超級油，再加上佢冇任何醬點，感覺非常膩，呢間一定會翻啅但淨係食麵同包就好😌

個炸薯條唔得，炸得唔夠，好淋，有少少油，啲椒鹽粉唔多，又冇茄汁，其實冇咩味，外賣拎走冇竹簽，總括嚟講，又唔係難食嘅，但16蚊，仲要講到淨做小食我會諗你要做得好專，但薯條都係咁嘅質數我就唔會再試其他嘢

超鐘意食佢地炸雞 。推介佢地個炸雞脾同雞翼雞皮炸到好脆，肉醃得夠味，入面有好多肉汁，連皮食一個字：好正食完唔夠仲叫多個薯條，新鮮炸熱辣辣。即叫即整，平靚正，做下午茶真係一流