The Jockey Bar & Club House (已結業)

七八十圓的jockey's burger 連厚切薯條加沙律，份量十足，絕對物超所值。無論幾小心，每次咬下去時肉汁總是失控地從各方位爆出…

一個風和日麗的週末下午在此吃Lunch,此店位處跑馬地巴士總站旁,正面對馬場,有數張餐設於門外,可來一個午後陽光攸閒午餐! 現場所見"老外"客人佔九成半,有一家大小,有的各自帶同愛犬,大談"狗經",亦有獨自一人看報紙、雜誌,嘆杯beer;當日更有帶同樂器而來的客人在Jam歌,娛人娛己一樂也!總之小店之內,各自各精采,氣氛攸閒得來又帶熱鬧,真有午飯於歐洲廣場中一間小餐館的感覺!說回食物,點了一客Chicken caesar,雖然羅馬生菜及雞肉都略欠新鮮,但homemade 醬汁味道香濃丰富,充滿鯷魚咸香,得回不少分數,水準當然不可與個人認為最佳的Dan Ryan相提並論,但亦算吃得過.Beer 酒當然無間題;配合良好環境與氣氛,舒舒服服hea半個下午,亦算賞心樂事!

陽光普照o既周末, 與友人去左跑馬地閒逛, 仲o係呢間好有英國風味o既pub食左個寫意下午茶. 我要左雜誌推介o既蘋果撻配吉士-- 賣相相當對辦, 熱辣辣鬆脆o既圓型酥皮上有薄薄cooking apple, 配香甜吉士醬, 味道異常地佳, 同行本身猶疑不決, 見我食到好滋味, 都即刻跟風叫多客! 可惜個菲藉男侍應好似成舊飯咁, 淨係望住個電視, 唔得醒水!

跑馬地馬場外,有間英式酒館"The Jockey"剛開不久,開宗明義英國傳統酒館.有露天座位.Happy hour時段來到,露天已坐滿,全部都係老外.啤酒半價,點左支London Pride,麥味濃,泡沫唔多.肚子餓來個Fish & Chips,外觀幾對辦,叫似番個傳統炸魚薯條,脆漿唔厚,很脆,但係在麵粉唔知溝左咩香料,綠色一點點,有點整色整水.魚肉質頗嫩.食落又唔似係例牌鱈魚,一問,原來係Sole.少見.Chips就真係Chips,無花無假.絕非Fish & Co果隻粗身Fries當係Chips之流.可惜,無綠豆茸等配菜,略為失色.整體上還不錯,但在香港吃過最好的Fish & Chips,就係已經關門大吉的S & M.店內播著隔夜的巴塞對車路士,耳邊傳來Oasis同Jamiroquai等音樂.好一個懶洋洋的黃昏.對我呢個依舊迷戀昔日殖民地的美好年華,崇英死士黎講,又多一個"屋企".ps:現加上已關門的S & M 的Fish & Chips,同今次Jockey的相,比大家作個對比.