影片
港铁葵兴站 E 出口, 步行约5分钟
继续阅读
电话号码
36120402
营业时间
今日营业
全日休息
星期一至五
18:00 - 23:00
星期六至日
全日休息
以上资料只供参考，请与餐厅确认详情
疫情嚴峻，很多地区都有確診個案。但在這裏食飯讓我和朋友都食得安心，菜又新鲜好食，像在屋企食飯。京都肉排，南乳粗齋各有特色，上菜又快。服務一流。值得推介。会再帶人朋友來。
继续阅读
呢排天氣凍最啱就係食熱辣辣嘅臘味飯。個飯有潤腸、臘腸、花生同埋冬菇喺裏面，聞落都幾香。雖然呢個飯嘅份量唔係好多，但係因為本身食糯米飯會有啲濟，所以都夠飽。另外叫左個焗豬，堂食都係錫紙盒上，雖然係pre cooked，唔係滾熱辣但可接受。蕃茄汁多到可以撈多個飯，整體好濕。個芝士就成嚿痴左係個蓋🤣，要刮返黎食。豬扒唔係上粉炸果d而且食到大嚿肥膏，味道唔差既，不過我搵唔到焗既要素。
继续阅读
呢間位於工廈嘅私房菜真係冇人介紹都唔識揾，上到去環境舒服寧靜，因為有獨立房間 ，私隱度高。服務人員非常好招呼，每上一度菜式都會有講解，相當專業。呢度嘅大廚係一間五星級酒店嘅廚師，所以菜式做得非常出色，同埋佢地每度菜都好獨特，係其他地方食唔到。客人前幾日可以同菜館商量，預訂自己啱口味嘅菜，廚師就會係採購新鮮嘅食材作準備。💗粉葛赤小豆煲豬𦟌以原裝燉盅煲湯，非常夠熱🔥湯料包括粉葛、粟米、瘦肉同紅蘿蔔，就係煮家湯嘅味道，冇味精，原汁原味材料嘅味道，飲落好舒服🌽💗豉油皇煎虎蝦首先將虎蝦炸脆，然後再用豉油、蔥花同薑粒炒均。豉油味非常香口好惹味，蝦殻脆到可以食，蝦肉鮮味特出，口感非常爽口彈牙，證明係新鮮嘅海蝦🦐💗海膽蒸蛋白滑嫰嫩嘅蒸蛋白加上瑤柱絲同蔥粒蒸熟，非常鮮甜🥚重頭戲當然係舖係蛋面嘅海膽，師傅”豪不留情”咁落重本，啖啖都食到。蒸熟咗嘅海膽入口融化，同蛋白好夾，而且好鮮甜冇腥味。可惜係落得大多薑粒，蓋咗整體嘅鮮味😦💗淮山木耳炆雞將新鮮雞件走油，再加入新鮮淮山同雲耳。雞肉炆完仲係好嫩，而且好入味🐥重點係放入新鮮淮山，因為佢含有高黏度嘅醣蛋白，食用時可以保護胃部黏膜，令消化系統更好，十分健康養生。悲傷小姐好鐘意個茨汁，好濃郁非常惹味😍💗脆皮牛腩首先將牛腩炆冧，外層有薄薄嘅咖理醬調味，然後再用炸漿製成酥脆外皮。食落外脆內軟，脆卜卜嘅外皮包住炆得入口即融嘅牛腩，口感好豐富。牛腩冧到唔洗用牙咬都吞到，好鬆化，再配埋餐廳自製嘅咖理汁，少少辣地更加惹味🌶帶出牛肉嘅香味🐮💗脆米泡海班呢味有d似潮洲泡飯。將新鮮嘅魚肉放入上湯滾熟，然後自己再放脆米落湯到好似食泡飯咁。上湯好清甜，魚肉雪白好新鮮，不過比較多骨食嘅時候要小心🐟脆米放入湯到既食到卜卜脆嘅感覺，又食到吸咗湯汁嘅米粒幾得意，層次好豐富。不過唔太鐘意個湯太濃芫茜同唐芹味😕
继续阅读
約埋成班朋友仔食春茗團年飯， 決定去the kitchen私房菜獨立廂房環境舒適，空間闊落， 食物質素更加係保持水準。 已經係第四次幫襯 令我最驚喜嘅係鴻運當頭乳豬， 做到皮脆肉嫩， 火候同埋乳豬嘅選用都非常講究 其他菜式都非常好味選料新鮮， 下次成班朋友gathering都會想再嚟呀
继续阅读
近期週圍氣氛緊張，選擇呢個地段晚飯比較安全。今次我哋點左半圍餐$2688+10%。 不偏不倚6位，多一位建議按人頭加一位。整體味道可以，比起大部分的酒樓，算中上。環境方面，在工廈入面的裝修，好似間酒樓咁，都唔錯架啦。唯獨份量偏少，所以感覺價錢比較貴。最好食的菜色係個燉湯，乳鴿，同個好夠薑的湯圓。結論：可以一試
继续阅读