The Night Market (ELEMENTS圓方) (已結業)

次次行過都見到排晒隊,難得今日經過冇人排隊決定試一試。 環境幾靚, 裝修新穎, 乾淨舒服。前菜叫咗皮蛋豆腐, 豆腐嫩滑入口即溶, 醬汁甜得黎帶有香濃蒜味, 絕對係愛蒜者既must pick! 花雕醉雞酒味清香, 雞件已一早起骨,食落啖啖嫩肉,夠凍又入味,比想像中好吃。三杯雞與一向見過既不同, 雞肉先炸過再煮, 食落似韓式炸雞多過台式三杯雞,味道偏鹹!!家鄉炒新竹米粉,配料好足夠,唔油膩,亦唔會太乾太濕,味道偏淡襯返之前既三杯雞就味道剛好。食物份量偏細,可以試多幾款野食

Slow cooked pork sauce over rice is a traditional Taiwanese Cuisine which we wont miss. Rice is little bit sticky and thd pork wont be too greasy. Nice!古早魯肉飯是一款傳統台灣菜，這裡的飯有一點黏黏又帶咬勁，魯肉不肥而酥軟。正！

第一次食嘅時候無乜胃口 散點左碗麵線 勁唔抵食（侍應生有提醒過：怕你唔夠食喎、只是當時趕時間沒想太多了）份量係少的 味覺當然唔夠台灣的好吃今次又嚟到再次遇上 好喇 見到都好多人用膳中⋯再試多你一次先今次點左套餐 「三杯雞」+$15仲有杯嘢飲俾張相大家望下先🤔係咪好吸引呢淨係小食都有三款 餸嘅份量十足 味道好好 好野味呀 送飯一流 圓方嚟講總算抵食 夠飽 滿足 食飽飽仲有杯飲品 （珍珠奶茶）可以嘆下⋯午市餐牌不時會更換 不過我還是會選擇三杯雞

Night market 係中環都有，不過成日都要排好長隊。Element 呢間星期五12點15到都仲有位,同埋坐得舒服點✌🏻呢到lunch menu 會不定期轉，set lunch 價由$98到$128不等。有前菜，主菜，仲有得加$15有珍珠奶茶等特飲（岩哂九龍站冇得飲珍珠奶茶☺️）。同行朋友話呢間餐廳水準有進步，牛肉麵冇咁油，餃子🥟加左芝麻好食同香d。我叫的宮保雞丁有3道小菜，有手拍青瓜，芽菜同貓耳朵。好飽同滿足的一餐😋

雖然叫the night market，但係成件事都充滿夜市唔會有嘅精緻，唯一貼近夜市係呢度嘅熱鬧店面大，有空間感，但係一樣坐滿食客兼要等位，好在唔洗等太耐，十分鐘左右入得打開餐牌，好多樣野想食，因為台食特別啱胃口，奈何身子弱，要揀過先點小籠包，中規中舉，皮未至於好薄，湯汁豐富，肉餡唔死實，略嫌肉味唔夠濃黑醬油炒飯，飯粒分明，掛汁均勻，配搭台灣腸碎粒，入口微甜，特色欠奉滷肉飯，賣相平實，小黃瓜清甜爽脆，流心滷蛋過熟，中間蛋黃外圍都熟得變粉，感覺兩頭唔到岸，主角滷肉就相對到位，肉質嫩，皮層彈，脂肪滑，肉爽，比例適中，好容易就吃光光粟米羹，可以唔試手抓餅，唔好食冬瓜茶，唔錯，唔會覺得溝左水

Friday night有好節目，一家大小食飯看戲好輕鬆。餐廳星期五晚市不可訂座，但可以早到walk-in入座。就早到給他看。人齊了，點了糖心蛋、蒜泥白肉、新竹米粉、農村麻油雞、高湯菜膽、蛋花手抓牌、生煎包、檸檬薑茶、圓肉黑糖茶。每碟餸份量少少，味道不錯，可以多試幾道菜。生煎包裡豬肉混湯汁，很熱很嫩很有味；麻油雞汁料不錯，但沒有雞味，吃到雪藏味；檸檬薑茶，沒有甜味，純純的適合我。最後吃完，不飽不餓，沒有飽滯感覺，可以有精神看戲去~~

食物新鮮感視覺享受好，好味道也比較特別👍🏻，但是所有員工嘅態度不適合於這個位置級數工作👎🏿會拉低公司收入，客人來一次下次不會再來不想受氣老闆認真思考🤔

圓方一直都係人流比起其他既商場少 但係大到成日迷路既地方。可能我去既次數少，成日行錯路。不過聽講呢到d野食唔錯 所以就走黎試下！老實講呢間都算旺場，因為我8點左右去到都坐滿9成坐位咁我同友人就嗌左小籠包，三杯雞，新竹炒米粉同牛肉飽小籠包皮薄餡靚 多汁，不過味道就差咁d啦 遠不及鼎x豐 三杯雞真心得呢味三杯雞，首先唔講正唔正宗先，每次一件都好入味 雖然唔太嫩滑，不過還可以既 唔會話太乾身。新竹炒米粉本來係滷肉飯同埋炒米粉二揀一，最終揀咗炒米粉，後悔莫及呀我見到好似人人都有叫咁，點知 好乾身 又無乜味道 不建議叫啦牛肉飽肉味重多汁，外面就不太脆 中規中矩啦不過都幾細舊總結，埋單三百幾 咁抵不抵食就見仁見智啦，我就覺得個三杯雞真心正！其他都一般啦

今天跟我好久不見的美食朋友們約了吃飯，每次見面都聊很久很久，吃很多很多，這次也不例外。第一次來到九龍站覓食，就試了這家The night market。香炸蚵仔酥（$76）外皮挺酥脆的，但是蚵仔都炸乾了，一點都不juicy，略微失望。鮮肉小籠包（$48）肉汁挺香，皮也軟，但是味道比較普通。灌湯牛肉湯餅（$36）這個噴汁的能力真要夸一下，但是外皮不夠香酥。千層茄筍酥（$28）外皮就算涼了也很酥，內餡兒也很軟香，讚！紅燒魯肉（$88）吃下去比較油膩，瘦肉也不太滑。干貝玉米羹（$92）這個真的能吃到一絲絲干貝，而且清淡好喝。招牌三杯雞（$96）味道偏鹹，雞肉也不滑嫩。招牌牛肉麵（$98）牛肉牛筋多，湯算濃郁，麵軟身。樹子扇貝蒸豆腐（$118）這個味道真的很普通，豆腐不軟不硬，扇貝也不鮮甜。整體來說這家餐廳不難吃，但也不好吃，平均每人消費$250

小編既生日雖然過左但仍然陸陸續續有生日飯食真係好開心好感恩！有陣時覺得朋友同事比起屋企仲有心，唔知點解呢～當然阿爸阿媽就一定唔會唔理你既但兄弟姐妹結左婚既既都已經唔係自己人啦。同事朋友會買曬蛋糕同你慶祝、屋企人反而就冇lu，可能小編唔好彩啦都係講返正題先，今日以前公司同事請我食生日飯、因為我公司ｏ係中環而舊公司同事ｏ係九龍區、所以就選擇個中間位就係圓方啦！又易搵位泊車，我ｏ係中環食過呢間既外賣，印象中係唔錯既，所以今次就去試下堂食啦。因為係午市繁忙時間所以係冇得book檯既，小編大約12:30到達，拎左飛等唔夠5分鐘就入🉐️啦，非常👌🏽。與此同時，同事們都到達啦。我地各人嗌一個套餐、再加2個小食，都好夠飽，特別要讚下個酥炸蚵仔同埋宮保蝦球，超級好味又惹味，確實唔錯。個滷蛋都OK，另外同事嗌既沙茶牛肉同埋三杯雞佢地都話唔錯！不過我另外一個同事嗌既set a餐（滷肉麵）同埋餃子、賣相一般、佢話都唔特別好味道。所以大家下次去記得嗌佢地既蝦球、三杯雞同埋沙茶牛肉啦

午餐時間12點餐廳經過門口見幾靚就吸引左我入去，門口嘅牌寫住套餐$98起. 我今日揀左Set A 三鮮蒸餃+招牌牛肉麵 $108， 加凍珍珠奶茶$15. 凍珍珠奶茶（少冰，少甜）茶味幾濃，唔會過甜. 但珍珠嘅分量少得可憐. 珍珠口感幾好，有得咬下幾煙un 三鮮蒸餃皮較厚，有湯汁，味道正常招牌牛肉麵牛肉嘅分量都幾多，牛腩同牛筋都煮得好‘淋’. 麵嘅質地太軟，無口感. 味道唔係特別香濃. 整體只可以話一般，但一定唔會係難食嘅閒日的午膳時間，飲品落單未夠3分鐘就到左，快手！人手都好充足. 原本打算試雙圓冬瓜茶，今日暫停供應. 總括黎講：不過不失，不過$135食黎個午餐就略貴啦. 正常味道，可以再進步

去圓方睇戲之前搵個地方食一個快 lunch, 今次就試吓呢間台灣野啦！見佢喺圓方裏面算係價錢比較上相宜嘅餐廳！今次食評最主要真係針對我哋叫咗個兩碗野，其他我冇試過就真係唔知質素如何，因見其他食評又好似好好咁！首先講吓個帶位入去嘅侍應係OK嘅！但係落order嗰個女仔就係黑口黑面冇表情，講嘢冇尾音！正如之前食評都有人寫嘅一樣！所言非虛！好！講返我哋叫左一個魯肉拌麵一個炸雞扒湯麵，問佢可唔可以比兩杯水,佢係可以一個字都冇應你雖然佢最終都有比到。魯肉拌麵，魯肉係OK嘅，係切左好細粒並唔係碎肉嗰種！唔知係咪正如好似menu 寫咁少加味精。個面就比較淡，醬汁亦唔多！只係加咗啲蛋絲同埋青瓜 整體上都比較清淡、無味（除魯肉外）整體上唔係太差!但就一定唔係好好味嗰種! 唔會令到我再想返嚟食！男朋友叫嘅炸雞扒湯麵，湯麵個湯真係好清睇得出好淡，菜只有一塊仔，冇多餘配菜。個炸雞一放低嘅時候都眼前一亮,覺得賣相唔錯!佢配左一啲一般台灣菜食嘅時候都冇嘅酸酸甜甜醬汁！但個雞一咬落口就出事，乾爭爭好柴皮，亦唔特別脆囗，真係要靠點醬汁先可以勉強食得落！真係未喺台灣餐廳食過啲咁渣嘅炸雞扒 真心覺得<茶X>

■ 紅燒牛肉麵好食好食好食！湯也好好喝😋😋/■ 台式三杯雞 好鹹！！！愛嚟送飯就啱啱好啦？/■ 宮保蝦球少少辣 但好惹味 係原隻大蝦🤤/■ 新竹炒米粉唔想又食肉躁飯 炒米粉最適合不過～唔太乾唔太濕 家常便飯嘅味道😋/■ 鹽酥雞必嗌嘅小食 唔會好厚粉哩樣已經唔話得😋😋/■ 草莓派對（飲料）姐係士多啤梨沙冰💯

今日男友同我都放假,一於去搵下好野食啦......因為之前男友係THE NIGHT MARKET 做左PART TIME, 佢又想帶我去試一試,今日個餐LUNCH 就係呢到啦聽個名開頭我以為食美式野,原來唔係,係台灣野....一入到去,地方環境都唔錯,乾淨企理,座位唔算好迫,咁話哂都係大商場入面,餐廳都有格調既講番正題一打開MENU,感覺好似睇緊一本故事書,首先有序(即係餐廳簡介)之後先到食物,太肚餓關係,好快搞掂..Order pls我地就叫左5個美食先來個冷盤,花雕醉雞,酒香夠濃,味不咸而不膩,一口咬落去,每一口都有陣陣的酒味,而且仲夠凍我最怕街外的,酒味又不夠,又入唔到味,仲要唔夠凍,這個冷盤值得一試第二來個家鄉炒新竹米粉,配料好足夠,唔油膩,亦唔會太乾太濕,但唔算話特別好食,但都好飽肚喔再來小籠包，佢個皮唔厚，都簿既，台灣對小籠包會有一個評核準則，就係小籠包上一定要有18條摺痕才算叫做正宗合格小籠包，咁當然我就無數到係咪有18條痕，但呢...要用晶瑩剔透來形容好似都合適，絕對推介，皮薄餡靚🤗🤗再來黃金炸苦瓜，普通食天婦羅苦瓜都食得多，今次加上去係鹹蛋黃，味道都唔太咸，可能有苦瓜

今日飯局選址選左我地兩者返工中位數地點 - 圓方，圓方啲餐廳大多走貴價高檔路線，睇呢間啲comment都唔算貴。我地兩條女叫到成檯野食，叫左5食 1湯 1甜品 2啤酒，每人三百幾蚊，野食都唔錯，份量唔算大份可試多幾款，坐得都舒服，檯與檯之間有空間感，可再返兜之選。小籠包多湯三杯雞夠入味，多雞蚵仔煎係台式煎法，有粉漿底，但第一次食蚵仔煎有通菜鹽酥帶子似避風塘炒炸帶子多過鹽酥上湯津白同酸辣花枝羮超級normal擂沙湯丸熱辣辣好流心，完美結束飯局