Three Bros Chicken Pocha

营业中

休息中

好多韓國人幫襯，老細會落手幫客人燒肉。牛肋骨好好食，好林三個人$500食到好飽每台另外有六七碟免費前菜，部份前菜食完老細會另外再添加星期日中午時分去唔使book枱都有卡位坐大象湯都好好飲唔使另外點蔬菜，每份烤肉另外會有生菜，紅蘿蔔同青瓜食店環境清潔，每台另外有手套供應方便食炸雞唔會整污糟隻手不過建議晚飯時段book枱會好啲，因為就算平日夜晚都好多人，地點好容易搵，喺校長燒肉後面呢間餐廳一定要番食，食物好新鮮，性價比高

有人話好想食生菜包五花肉，見《Three Bros》價錢親民，食物種類又多，即刻外賣3款主菜嚟下，款款都好鬼大盒，好味又抵食，下次可以再encore！🥢烤五花肉⭐️⭐️⭐️⭐️份量都算幾多，肉切得薄薄好容易食，烤得幾香又唔會太油，齋蘸大醬包菜已經好味🥢香蔥炸雞半隻⭐️⭐️⭐️⭐️炸漿香脆又唔會太厚，雞肉夠嫩滑，但最好味係底部醬汁同炸雞面嘅香蔥🥢海鮮蔥薄餅⭐️⭐️⭐️⭐️薄餅好大塊而口感又超好，唔會太厚實或煙靭，材料夠豐富，最正係無切碎嘅長蔥，成個薄餅嘅靈魂所在二人共消費：$315

呢間餐廳以前喺富麗花園大窩口嗰邊都已經一直食開，後來韓國老闆搬咗過嚟新鋪呢邊，地方闊落左，坐得舒服咗，餐單又提升咗，多咗選擇，梗係要過嚟試吓！今次食一個以前從未試過嘅烤肉套餐，超級抵食，肉質可以話係我食過嘅烤肉餐廳之中，最香最淋滑，最好味嘅一間，兩個人食到尾非常飽！呢個價錢CP值好高，其實當日本身想試荃新天地嗰邊新開嘅炸雞餐廳，但係竟然要排20張枱，就轉咗過嚟呢邊食正宗韓國人主理嘅餐廳，結果喜出望外，炸雞軟骨一樣保持水準，又唔使排隊，與其要等餐死，真係不如行過兩條街過嚟呢邊食正宗韓國味道👍🏻

假期耍廢, 當然要叫外賣啦! 睇完韓劇, 好想食炸雞呀! 於是搵下荃灣有咩韓食店好先!  搵搵下見到呢間食店, 回想返上次有叫過, 想叫炸雞但叫咗燒雞。今次就真係叫咗炸雞, 仲有泡菜炒飯同海鮮蔥煎餅。醬油炸雞最期待嘅炸雞, 但係最失望。因為D 炸雞勁乾, 唔好食囉! 同我上次食另一間就兩回事....... 海鮮蔥煎餅好大份呀! 煎餅裡面有蟹柳、魷魚、蒽、蝦等, 煎到勁脆, 食完已經勁飽!味道不錯! 泡菜炒飯呢個炒飯偏辣, 泡菜汁包住D 飯, 而且有隻煎旦, 好食! 

餐廳位置比較難搵，但都算係市區～荃灣真係好多好野食～我地叫左一個～ $ 388牛肉同五花腩 包一個大醬湯/泡菜湯無限Tim生菜🥬同泡菜甜辣醬炸雞🍗岩岩炸完好熱好脆，食完燒肉都總好繼續食一路食一路有專人幫你燒埋肉😂可以輕鬆咁食 😂提你要食肉用咩醬姐姐都好Helpful 見到無晒生菜會幫你refill特別的洋蔥醬油好好食😍食食下有好多韓國人入黎食野😂個feel好似去左韓國旅行～～～所以都會想再去食多次😂👍🏿

因為朋友住呢邊，所以呢日入到黎冇咩事都唔會入黎嘅荃灣。呢條街一排都係大排檔，全部坐哂去室外，好旺場，要行到最尾先見到呢間韓國野。呢間舖面唔係好大，得七張枱左右，但聽講都可以坐出室外，但個晚就未見到有人坐。我哋第一輪叫左安東燉雞、炸雞軟骨、辣雞腳同埋蔥炸雞。嗌完先發覺我哋嗌嘅野原來全部都係雞黎，笑死。雞，全部都係雞～安東燉雞啲雞係雞肉碎黎，唔係原件雞件，冇左啃骨吸汁嘅過程，喺口感上差左啲。佢啲配菜有薯仔、紅蘿蔔、椰菜同粉絲，全部都煮到好軟同入味，不過全部野都切得有啲碎，同喺韓國食嘅有出入，賣相都冇咁吸引。加上個汁過多，有啲變左做湯嘅感覺。佢個炸雞軟骨有啲似港式嘅野食，面頭有灑左啲椒鹽炒過嘅蔥，夾埋一齊食一流。我哋有叫左米酒飲，佢個咸味最啱就係送酒。我喺韓國食過嘅辣雞腳都係去左骨嘅，但呢度係鳳爪咁樣連骨煮，雖然餐廳省翻啲功夫，但食客角度就多左啲功夫啦。佢嗰醬十級辣，同辣雞麵個辣度有得比。我食左一舊都頂唔順要叫野飲，中意食辣或者自認食得辣嘅可以挑戰下。咁多樣野佢個炸雞最好食，雞皮炸得好脆，而且雞件偏細，易食得黎啲雞肉又實在喎，唔會話得層厚粉。雞胸都唔會柴，仲保持到少少肉汁。炸雞上面有好大坨蔥

\呢間Three Bros Chicken Pocha唔係特登去搵佢都有啲難見到，個位置好隱蔽🙈店鋪主打韓式料理，由老闆到廚師都係韓國人，聽到佢地傾計都係用韓文。但係唔洗擔心，佢地都識識地講廣東話，所以絕對溝通到😌除左一啲比較日常啲既韓式料理之外，仲有燒肉可以食，夜晚黎嗌幾碟五花肉、牛肉，配埋燒酒，一定勁chill😻  今次黎就冇嗌燒肉set，嗌左唔同既鍋物同小食，質素全部都好唔錯😙而且價錢唔貴，嗌到成枱都係嘢事最後都係差唔多$500埋單。  一坐低，店員就攞左啲前菜比我地食，有泡菜、芽菜同埋菠菜，食完之後佢地仲會無限refill👍幾款前菜都幾開胃幾好食。 1️⃣醃醬辣味炸雞（半隻）（$78）半隻炸雞都有七八件，有唔同部位，食落炸得夠脆，熱辣辣炸出黎，啱啱第一啖咬落仲有啲肉汁流出黎🤤比我想像中好味好多。醬汁係傳統韓式甜辣醬，辣味唔算好強，甜甜辣辣食落好好味。  2⃣️海鮮嫩豆腐鍋（$108） 入面有好多料！除左最基本既蛋同豆腐之外，仲有青口、蜆、蝦、翠玉瓜，而且份量都唔少，畢極都仲有😂飲落夠鮮甜，帶泡菜既酸辣味。  3⃣️海鮮蔥煎餅（$78） 全部嘢事入面我最鍾意呢個！海鮮煎餅好大份，煎得夠薄脆，

環境：都坐得舒服既，環境望落都算乾淨，但可能店鋪位置較偏僻，所以人流比較少。價錢：普通韓國菜餐廳價，唔會太貴定價適合。食物：佢小菜有3碟，分別係泡菜、拌韭菜同芽菜，泡菜同韭菜都好味，所以一陣就消失左，但芽菜調味有點不足。海鮮豆腐湯都算幾大鍋，2個人倒係細碗飲可以飲到2-3碗，配料都好多（有豆腐、翠玉瓜、硯、青口、洋蔥、蝦）一般韓國菜整呢個湯都會有既配料，飲落唔似味精湯，好飲既，有正宗既味道，回頭率5分滿分我會比5分，因為荃灣區海鮮豆腐湯好味既鋪頭唔多。炸雞翼，有點普通，食落似kfc炸雞翼，好好味既，本來我都好仲意食kfc炸雞翼，有一點唔同就kfc細隻d同乾身d，呢間就會比較大隻，不過價錢都同kfc 差得小小，所以大隻d，都合理，不過88蚊有9隻左右，其實都可以接受。有一碟醃蘿白，味道比較淡但都脆口既。最後，香辣鳯爪，鳳爪煮得夠淋身，辣都幾夠辣，所以配搭一齊食係好味、惹味，但真係好辣服務：其實可以既，不過因為老闆係韓國人，都唔識講廣東話，所以就無出過聲咁

搬舖前都無食過，今曰終於試左。可能係因為韓國人開既餐廳好有新鮮感同旅行感覺。用簡單既英文落單，叫左好味既湯飯2份同韓式炸雞半份，半份炸雞都有7件甘多，都好足料。加上可以添食既3款小菜，令到我地一行3人食到好飽。宜家雖然疫情，都唔洗擔心用手食炸雞，因為每檯有哂酒精洗手液同膠手套，好乾淨衛生，今曰人流唔多，出餐都好快，而作為一個午餐，真係令到我地呢d打工仔好滿足。希望日後可以黎多d試下佢其他餐食返夠本