TicTacToe (已結業)

這間餐廳地方十分擠逼，容納不到太多人！lunch點左餐要等好耐時間才到，如果大家有幾個鐘食飯時間，或者可以挨住肚餓等....請留意，向侍應追問食物出了嗎？侍應黑面語氣十分差！我們是來消費的，不是付款來受氣的！食物質數同普通既茶餐廰一樣！同麥XX差唔多，但價錢卻貴好多!黒松露漢堡十分難食，根本食唔到有黑松露！牛角包亦不好食，軟的不夠脆！總括來說，以這樣的價錢，我們有更多的選擇，冇必要抉間連坐都不舒服的餐廳！而且以這樣的價錢食物質素實在太差了！以後都不會再去！

一家四口去食團年飯 訂左兩碟芝士龍蝦意粉可能因為冇咩人食所以環境好舒服出面九度左右，但一入去就有免費熱洋蔥湯飲♥️好warm洋蔥湯味道係好濃但連我唔鍾意洋蔥既人都覺得好好飲食過呢間第三次，第一次係因為晚餐唔知食邊間好，比老闆娘講既茶味雪糕waffle吸引到入去食每一次食都覺得全部食物都好有水準 極度推介既小店：）而且唔收服務費都有咁好既服務真係好難得！因為openrice 既龍蝦意粉半價優惠而訂位完全超值👍🏻

尋日大概lunch hr 1pm前入坐，點了一個burger同磨菇天使麵。室內環境非常擠迫，連waitress自己都唔夠位行。上菜非常之慢，由落單到食物送到檯超過40分鐘！其間催左N咁多次，問佢有無漏單，佢話無，不斷話黎緊，要知一個打工仔lunch hr只有一粒鐘，其間已經有幾個人等唔切走左。cafe本身唔大父概只有20人不到，咁既份量都要d客等咁耐，學咩野人做生意！講返食物質素，個burger個包就好大，裡面塊牛肉目測得一罐汽水既圓周咁大，味道合格。天使麵咸到爆，唔知係咪廚師趕時間無試味。整體評價：BLACK LIST!!永不光顧！！

中秋佳節翌日公眾假期，帶肥髀去利東街賞月！之後帶佢食呢間小店西餐！之前朋友食過好味！今次同肥髀試下！去到半滿！坐在2人枱！店員攞電子餐牌比我哋！落單之後有客人走！店員好好咁轉咗4人枱比我哋坐得舒服啲！因為只有一個樓面加一個廚師，樓面負責埋水吧！食物要耐心等候！炸軟殻蟹蕃茄莎莎拼菠蘿青蘋果沙律（$108）賣相靚，炸軟殻蟹香脆濃郁，蕃茄莎莎醬新鮮酸酸地解膩！沙律好大碗，青蘋果片爽脆，菠蘿新鮮酸甜，生菜撈咗醋汁，爽脆酸酸的開胃！好味溫泉蛋卡邦尼意粉（$98）肥髀食，忌廉汁好滑溜又濃，掛汁好，剛剛包裹了幼意粉，溫泉蛋非常彈！好像啫喱咁！好味Cappuccion（跟餐加$10）加了一個shot，又滑又夠濃厚！微甘易入喉！好味藍莓沙冰（跟餐加$10）肥髀話太重奶味！藍莓味唔夠！食物好味，店員又細心，對我哋包容！靜靜地享受一餐

本身想去大王東街食另一間餐廳的，但因為疑似結業，所以誤打誤撞見呢間餐廳Menu都唔差就入左去啦~~佢的set menu 有 burger pasta salad,價錢唔算好貴，最平$68就有交易，包一杯熱飲我今次點左沙律餐，包餐湯蒜蓉包同一塊自製漢堡扒，沙律好開胃，配少少橙同火龍果，light lunch嚟講份量都OK, 漢堡扒配柚子蜜sauce, 幾特別，煎完重keep到juicy!配一紅豆薏米水，出面餐廳好似比較少見，偏甜左d, 但好飲會係一間想再嚟的餐廳^^下次要試下鰻魚包先得

是日休息，想與寶寶共進午餐，因為將會有十多天碰不到面。寶寶帶我來到這家門口文青味十足的cafe--TicTacToe。文青風，當然要拍個文青照。幸好我們約了十二點半，位置隨便坐，到了一點，客滿了像下圖。店員遞上ipad，原來是餐牌，跟牆上寫的是一樣的。是日set lunch menu，價錢從68到88，在港島什麼都貴，一頓午餐都比較貴，但這cafe價錢跟其他區cafe價錢差不多。點了一個A餐美式雞扒漢堡和軟殼蟹意粉，加了一個沙律。是日沙律。跟套餐加12元，有青瓜，西瓜，青蔬果，沙律菜，配合沙律汁酸酸的，作為開胃菜剛好。薯條。即叫即炸，熱辣辣的，外脆內軟。美式雞扒漢堡。份量很大個，可惜不是牛扒，覺得還可以，麵包沒有烘過，有點乾硬，雞扒煎得挺香，配上照燒汁，加了菠蘿，甜甜的，可是我個人不喜歡又咸又甜，個人喜好，寶寶覺得還可以。軟殼蟹意粉。這個意粉似乎很受歡迎，很多人點，但軟殼蟹很腥，整隻給寶寶吃了，我只吃到蟹腳，只有蟹腳沒有腥味，其實不腥的話，味道是不錯的。意粉挺美味，加上雜菌，以茄汁和香草調味。套餐飲品，點了檸茶和奶茶，味道正常。

無意中係灣仔見到呢間小店，就入去食下，竟然得一個客🙈環境幾好，可惜位與位之間比較逼，坐得唔係咁舒服。叫左個芝士波波，一個cheese pizza，龍蝦意粉同杯波波檸檬茶。芝士波波口感好搞笑，幾香口。個cheese pizza係薄皮，芝士好多，可惜茄汁太多啦，遮蓋左芝士既味道。龍蝦意粉擺放得好靚，龍蝦上面既芝士好多加埋龍蝦食好好味。啲膏都多，但好香口，食到唔想停意粉軟硬度岩岩好，忌廉汁好creamy唔會太利。波波檸檬茶甜左少少，有啲似雀巢

大王東街這咖啡小店也許是灣仔街坊/網友另一個hea上網/工作數小時歎茶/啡enjoy free wifi的好去處；同區當然有其他咖啡店，但我揀來這兒就是貪佢夠僻靜，少人來。玫瑰花瓣朱古力幾有特色，但絶對是「中產」享受，一杯也要$53，若不是在這歎冷氣hea上網/工作，還真的不便宜，也許這是少人來的原因。若你不喜歡多人的cafe，可選擇來這兒，支持本地小店嘛！

這日難得平日下午有空，去了灣仔這家cafe與友人嘆下午茶。這份龍蝦包餐包餐飲，但知道這裏的咖啡好飲，便加錢升級了飲品一嚐這裡的latte。😋 Tea set ($68)另加錢可升級飲品。下午茶餐相當大份，原本仲有炸薯條呢，但見仍有點飽肚便走了薯條。咖啡算是不錯，所以我始終喜歡到小店cafe嘆咖啡。牛角包烤得脆熱，龍蝦肉亦算多，與龍蝦汁味道相配。沙律亦新鮮清爽，係令人滿意的一餐。👍🏻平日下午唔算多人，適合來享受悠閒下午。☺️

最近朋友介紹咗呢間餐廳俾我，所以呢日趁住放假就同朋友嚟試下。試完之後就話想再嚟食過！我地叫左波士頓龍蝦意粉同埋美國安格斯肉眼扒，另外再加咗兩杯波波冰。唔洗等好耐啲野食就到咗朋友覺得意粉稍為硬咗少少，不過塊扒就冇得彈堅好食檸檬茶波波冰都強推，啲冰唔係用水雪過，而係用檸檬茶雪成一粒球形既冰，所以就融咗都係檸檬茶，好抵飲！最後仲叫咗樣小食魚手指，肉質鮮嫩，外脆內軟，超好食我同朋友都決定左下次放假要再嚟食過！

今晚漫無目的咁樣喺灣仔行街，太多人嘅食肆，同太多人嘅酒吧，唔會係一人晚餐嘅首選。行去午餐同埋下午好多人嘅大王東街，晚上清清靜靜去到呢間餐廳，可以享受下休閑嘅時間。由於我一個人嘅關係，我叫咗一個牛扒餐，同埋杯檸檬茶，清清靜靜咁樣比我放工後回家前享受。我下次會再嚟，因為我已經鎖定目標，要試吓佢哋出名嘅龍蝦意粉！

是日午餐，試食朋友口中的平民版espuma。響呢間裝潢精緻的咖啡餐廳，佢一個人包攬左帶位、落單、傳菜、收銀同埋執枱。午市係佢嘅主場。落完單就即刻有野比我地飲住先，望住隔離幾枱嘅男士苦惱緊點樣用刀叉牙籤去食隻波士頓龍蝦，甘就過左十六分鐘。我指一指餐桌，他示意ok，然後一個轉身就比左張單我去比錢。「Errr,我地啲野未黎喎⋯⋯」佢輕拍自己的腦袋，講左句唔好意思就箭步走去攞我地期待已久的 平民版espuma 主食 - 炸魚漢堡薯條先黎試左下個薯條先！唉，炸到硬哂，唔係熱熱地我仲以為係嗰啲零食薯條。都仲有賣相不錯嘅炸魚包，炸魚有啲肉地嘅，個包都烘得香脆，不過包入面嘅醬汁香草味(唔識分係邊隻香草)幾濃下，可惜略有喧賓奪主之勢。到真正埋單嘅時候，外面突然落起暴雨，佢望住急急腳離開嘅客人們，總於露出一個 單人匹🐎 忙完成個午市嘅勝利的笑容。離開後，我記得嘅只有佢 以及張軟綿綿嘅凳，都坐得幾舒服嘅。

本來計劃星期日早上去書展，最後俾來也匆匆去也匆匆的風球，打亂了計劃，只好改了晚上，行完又餓了，又想起這間又平又抵食的餐廳，心想都未必有開，誰不知有，雖然強調只是有限服務。但老闆極力推薦菜色"朱安"，仲推介跟apple cider慢煮朱安好適中😎再配新鮮apple 調的sauce ，大滿足✌🏻最後我仲偷聽到原來他們的大廚係從半x酒店過來，怪不得有五🌟洒店水準。

今日同舊同事食飯，同事話佢嘅同事推介呢間餐廳Tic Tac Toe，未食過，就去試下新野啦 店舖細細間間，其實得10張枱左右，不過算係整整齊齊乾乾淨淨咁。店內無一本認真嘅memu，係定時店員手寫上牆上黑板嗰隻，老實講本人覺得手寫memu係好feel嘅，但大前提係要手字寫得靚先得，但呢個memu D字就真係… 所以都唔影相喇，睇到我同事都睇唔明，問我到底係乜字… 由於memu掛於牆上，字寫得亂之餘又遠，所以員工都有所準備，佢地會將每日memu拍於ipad，方便客人點菜用，不過實話實說，唔靚又寫得亂嘅字，近睇遠睇都分別不大好喇～我係黎食飯，唔係黎食memu，所以唔再講memu喇！我同同事分別各自點咗兩個晚餐。先上嘅餐湯同後上嘅餐飲就唔多講喇，因為無咩特別，就講主菜啦！同事點咗牛扒食，份量十分足夠，好大片，同事都話好唔錯！而我呢，就點咗店裡有離誌廣告嘅龍蝦天使麵，龍蝦絕不是小龍蝦，好夠肉，而且天使麵亦夠哂汁總括黎講，以二百蚊樓下嘅晚餐黎講，主菜算是相當不錯！

今次係第二次去呢間Cafe食，上次係食lunch，今次係食晚餐，今次啲嘢好正呀，強烈推介忌廉芝士龍蝦天使麵，美國安格斯肉眼扒，同埋半熟普洱茶雪糕😍😍😍份量超大份，CP值超高，會繼續幫襯的😋