Tokyo Secret 味之藝術 (已結業)

假日與太座逛街，彌補平日因繁忙工作而不能陪伴她。在橫街的一小店前，聚集了人群，太座想看看，原來是賣特色雪糕及飲品，太座愛新鮮，戀愛大過天，想重溫拍拖時的滋味吧！點了一杯楓之火焰及綠野仙踪。楓之火焰是一杯雪糕新地，頂部冒著煙，似隨時爆發的火山，但火焰則欠奉。店員建議先吃下面的雪糕，以免被冒煙的乾冰灼傷，雪糕有極香的榛子，我喜愛雪糕夠結實，而待頂部煙消魂散後，發現一朱古力小杯子盛著紅桑子汁，酸甜的味道與榛子雪糕極夾，雪糕下內藏有爆谷，這甜品很不錯。綠野仙踪是一杯飲品，要等些時間才弄好，賣相很討女生歡心，飲品上有一球棉花糖，還灑了些爆炸糖碎在上，所以入口便「爆炸」，頗特別的效果，而飲品是抹茶 latte，味道偏淡，抹茶粉打得不均勻，而且溫度不夠凍，有點可惜。

尖沙咀Tokyo Secret賣雪糕岀哂名 但野飲都唔錯紫色沖繩 $32好食指數: 4/5抵食指數: 3.8/5紫薯味同奶味配合得相當好而且飲落仲有打得好幼細嘅紫薯蓉😍唔似岀面其他飲品 只係得味但無料不過價錢略貴 平返少少就perfect😌

天氣漸冬,曾經大熱的雪糕店人流也小起來了,但仍無阻我對雪糕的熱情,今天再來`TOKYOＳＥＣＲＥＴ，依然期待無比雪糕用上北海道牛乳造成，所以雪糕非常滑溜，入口即溶，而且十分飽肚，吃了後不用吃其他東西份量方面，看似不太大杯，但其實雪糕成份十分高，所以絕對是一個人的份量，朋友反而吃不完而且美感一流，難怪仍有不小忠實支持者

楓之火焰依杯雪榚最大特點就喺個Presentation,有氣泡同乾冰煙喺個杯中霧出嚟，真喺做到好火山爆發feel,而味道方面榛子味雪糕個榛子味啱啱好，但如果個榛子味再rich會中好味。佢個雪糕面上落咗爆炸糖所喺第一啖入口個下喺口中爆下爆下咁好特别！但想講店家標榜依款雪糕有紅桑子汁，筆者就覺得冇乜特别，但依杯雪榚底部有焦糖爆谷，佢同個雪糕就真喺好match啊！所以我覺得大家不仿一試！

可可魔法$42阿女帶我黎飲新飲品可可魔法 係 朱古力特飲Vip可升級至凍飲可可 ：chocolate 幾濃郁 用上99%法國valrhona巧克力 比一般的朱奶較濃 但吾算大特別 會比較推介紫薯今次飲熱 但杯飲品絕對吾熱 但凍熱一樣大細 比較底

令人回味的京都小山園抹茶自日本回來後有一段時間沒有食有關抹茶的雪糕，香港實在沒有什麼地方食到有水準的抹茶雪糕，Tokyo Secret 味之藝術的抹茶雪糕，在香港來說萛是有水準的一間京都小山園抹茶＄３８，看起來充滿美感，其實Tokyo Secret 味之藝術的雪糕最靚的是棉花糖做的森之樹林，我之前都食過，美是美，不過棉花糖食起來比較煩，還是京都小山園抹茶比較實際，那抹茶雪糕好香抹茶味，甜美的雪糕帶點點的苦澀，而且牛奶味頗濃，店員推介下加了一份小丸子，果然和抹茶十分合襯，煙煙韌韌的口感令人回味，一下子就食光了友人點的楓之火焰，收到的時候上面還在冒煙呢，十分有趣食了一口，榛子味好香，就是金莎朱古力的味道，而且相當之滑，份量有點大，女生食完之後可以不用食飯啦～

踏入12月，天氣轉涼，又係時侯凍冰冰食雪糕了 呢間雪糕店位於利時的斜對面，平時經過已經覺得好吸引好想買返杯黎食，但一路食住雪糕行街睇衫好唔方便所以一直都未試過。今日好彩可以提早開完會，變相食飯時間長左，喺附近食完飯即刻轉場黎Tokyo Secret ，終於有機會一嘗佢的雪糕啦 由於午飯時間，只得一兩個人客人係counter 商量緊食乜，我同兩個同事即刻走埋去落order 先。選擇唔多，但杯杯都好精彩好吸引，好快我同同事都決定了要食乜 我點了一客森之樹林，價值48 大元，而兩個怕凍的同事就話唔陪我顛了，佢地各自叫左杯熱美式咖啡同熱朱古力咖啡，每杯32蚊 等的途中忍唔住裝下整作過程，見到佢慢慢地好小心咁卷個綿花糖 過一陣我杯森之樹林雪糕就出世了，嘩，好得意呀，係雪糕上面有一大舊綿花糖，好似拎住一棵小樹咁，加埋上面的脆糖就好似一棵聖誕樹咁，齋得樣值100分，女仔一定like。 咁啱一班學生大約5-6人行過見到，望左幾望我手上的森林後都一人買了一杯 相機食完，到我食了，綿花糖唔太甜，上面的脆糖微酸好似raspberry味， 但要食快啲呀因為呢棵小樹食得慢係會溶架，好在佢被設計到有大張卡紙墊係綿

.............推介：紫色沖繩$38👍👍👍👍👍❤ (5分滿分).............滿心歡喜去買野飲知道出左#special#drink難得考試期間要特登番學交assignment 馬上黎距離#尖東#尖沙咀#紅磡#理工大學 好近既@#紫色沖繩 = #沖繩紫薯#特飲Vip可升級至凍飲❤😏 #紫薯 ：#sweetpotato 好濃郁😁比其他餐廳既紫薯產品濃厚👍推介而且上面有厚厚的#cream 放上紫薯粉 連微細的野都做得好好❤#咖啡 ：#cappuccino 味道吾太特出 反而紫薯味仲特出 我中意😝大推介： 今次飲凍 下次試熱既😉凍熱一樣大細 好底😂

今日行街街，見到Tokyo Secret, 原來佢得到各大傳媒的一致好評我又想食雪糕，所以買咗個沖繩之海鹽嘆一嘆!藍藍嘅軟雪糕, 甜中帶咸, 而且用上奶味濃郁的北海道牛乳, 再加上栗子蓉同埋薄脆，真係好好味

店舖位置其實就是利時的斜對面吧，相信廿年前的潮人無人不曉。店舖內外用色豐富，未開始吃已經有種開心的感覺。看見店外長長的人龍，便知這間新店很受注目。該店只提供外賣自取而並沒有內設枱櫈供堂食。點了沖繩之藍（$42），雪糕的外表很吸引，乾冰底令整座雪糕騰雲駕霧，將沖繩海鹽加在以北海道 3.7 牛乳製作的雪糕上，雪糕入口極之滑溜，味道微鹹，而且鹹味清淡得來又不會苦澀，非常特別，值得一試。

平常食開雪糕除左味道外,賣相大多一成不變今次我遇到'它'~Tokyo Secret單看店面招牌佈置已十分繽紛多彩!吸晴到100%~有外在美同時有內在美涼浸浸的秋冬天食冰涼兼賣相咁吸引的雪糕,心情都涼快賞心悅目~想知我食左咩味?單看顔色你係估唔到有心思加玩味每款雪糕都有其主題特效及獨特味道好似呢款pink secret流心熔岩雪糕賣相十足嘩鬼,而且會出煙由多款味道而成但實際是什麼味道?真係估唔到,店員就給我賣個關子,但味道真的出眾又特別恨不得每天來吃一杯^^(原價HKD58/VIP價HKD48)沖繩之藍(原價HKD48/Vip 價HKD42)選用3.7高質北海道牛乳配上獨特的沖繩海鹽令人彷彿置身沖繩海洋般濃濃牛奶味,甜中夾著微鹹的味道,口味獨特清新賣相繽紛,看到都精神一陣仲有好多其他主題特效雪糕都好想食下次又要再黎幫襯^^

這夜，和朋友在附近晚飯過後，決定試下人氣雪糕店Tokyo Secret。由於太夜關係，沖繩之藍的味道已經售罄，店員推介我們改試楓之火焰$52，這是米芝蓮總廚的配方，用了意大利進口原粒榛子和法國紅桑子汁。接過雪糕後，那火山爆發的視覺效果非常搶眼，朱古力粒盛著紅桑子汁，酸甜交替。榛子雪糕味道濃郁，甜度剛剛好，杯邊還圍著脆脆片和爆炸糖，多種層次享受。另外還點了杯紫薯沖繩$38，是採用了沖繩的炭燒蕃薯，與cappuccino味道融為一體，紫薯味道突出，口感香滑豐富，杯面還有一層cream灑上紫薯粉。

由細到大，冬天經過街邊，見到煨蕃薯都會忍不住買個暖暖手，也愈來愈喜歡蕃薯甜甜的幸福味道 ♡ 昨天的氣溫急跌至18度，路經尖沙咀時見到有間雪糕店賣紫薯特飲，就停步點了一杯試試。紫薯在沖繩非常出名，每一次有朋友去完，都會有一大堆紫薯特產，味道方面，紫薯總是很甜很香，每一款都無得輸。點了一杯紫薯特飲，相比其他雪糕、凍飲系列，雖然熱飲賣相平平無奇，但香烤的味道很像在喝咖啡，每一啖都暖在心頭，令人立即回過神來。蠻喜歡它的甜度剛好，不會愈飲愈甜，邊喝邊在尖東海旁走，有一杯紫薯在手，暖心又暖身！經過尖沙咀不妨來Tokyo Secret試試它的全新紫薯熱飲！

總有人冬天要食雪糕, 真係寒天飲冰水點滴在心頭, 只不過我寒底, 朋友買雪糕本以為望住人食啦, 見到有熱飲我都唔執輸要杯。紫薯特飲 同 抹茶特飲 同好大路, 我就試左杯紫薯, 紫薯令到杯飲品好令, 奶紫色好唔平凡。用上了真紫薯打成, 飲落都幾似MILKSHAKE 杰杰地 , 紫薯本身都有甜味, 再加糖來提升味道。拿杯熱飲在街頭, 雙手靠飲料取著暖, 呢D就叫小幸福啦。這個冬天不太冷是否好事?雖然是溫室效應所致, 但冬天也成日有路宿者冷死的新聞, 心裡好矛盾。

坊間嘅雪糕屋開得琳瑯滿目，各有特色，名目繁多。要突圍而出，除咗要好味之外，最緊要有gimmicks 。今次係尖沙咀見到Tokyo Secret,主打藝術crossover甜品。試咗沖繩之藍，一攞出黎，不禁嘩了一聲，湖水藍色配埋煙霧效果，好夢幻，好fancy。雪糕奶味香濃，皆因用咗3.7北海道牛乳，奶味中混合咗微微海鹽味。成杯雪糕，突顯咗沖繩海洋之美。一路食，一路行，途人不禁投以讚嘆目光，絕對係扼like之選。