Tuen Mun Baguettes

营业中

休息中

前日（22-9-2024 Sun）晏晝有事要入屯門辦，辦完後就搵嘢食，由於我唔係好肚餓，而之前search過有越南法包食，於是行嚟搵，搵到喇，原來呢喥主力外賣，但見有張枱擺喺出面，於是都決定坐喺喥食，我就決定要$36.00嘅肉醬法包，跟餐可以優惠價$10.00要凍青檸檬紅茶，老公要52.00嘅越式雞肉撈檬，同樣跟餐以$10.00要凍青檸薄荷葉梳打。等咗一段時間，嘢食整好，但用膠袋裝住，老闆娘至發現我哋係堂食，而佢哋冇俾筷子嘅，我哋就自己攞。睇見我嘅肉醬法包係幾大件，見到有啲蘿蔔絲同青瓜，食落，法包好脆口，食到肝嘅甘味，但夾埋醃過，酸酸地嘅蘿蔔絲同青瓜，好好味。4.5分老公嘅越式雞肉撈檬呢？份量都幾多，佢食咗就大讚好食，從未食過咁好食嘅撈檬，佢話個檬好滑身，雞肉嫩滑juicy，個汁又好好味。到我食喇，食到雞肉有香茅味同微辣，個汁酸酸地，魚露又落得啱啱好，好味。5分至於兩杯嘢飲呢？我嘅凍青檸檬紅茶好似同普通凍檸茶冇乜分別，唔會太甜有少少澀。3分而老公嗰杯我就冇飲到。抵食係2.5分

某日在社交平台 見到有人推介屯門這小店，今天終於食到，果然名不虛傳！小店一間，應該是家庭式經營，主要做外賣，但門外有小枱及座位可以即買即食。越式法包的選擇有豬、牛、雞、扎內等，價錢均一$42，實屬抵食！飲品也不貴，越式凍咖啡也只是$15，跟餐的話，只需加$10，感受到街坊小店的老實價格。點了一個雞加一個豬，大大個，滿滿的餡料，香脆的法包，加上大量的自家製醃蘿蔔，酸酸甜甜，配合啖啖濃味的肉，以及香菜和肝醬！大滿足！屯門這邊的居民真幸福！

屯門一日遊📍緊係把握機會食返夠本，呢間都bookmark 咗好耐！之前睇YouTube介紹已經好想食🤤終於的起心肝去試～小店不設堂食主要做外賣，而且店面都不算起眼，我哋都搵咗一陣先見到，一到店舖，就見到有人等緊外賣～香茅牛肉法包🐮🌯一拎上手熱辣辣大大個，法包個面勁脆卜卜擦咗肝醬食落唔乾，牛肉腌得好入味好香🤩配上蘿蔔絲🥕加青瓜🥒勁足料，口感豐富，真心出色‼️不知不覺自己都食咗大半個，兩個人share 作為下午茶份量剛剛好～連平時挑食嘅男朋友都忍唔住要搶食🤭✨ 建議大家一定要即食‼️脆卜卜的口感實在令人難以抗拒 🩵依家已經回味緊，一定會再食🥺

唔使點等好快就有得食，星期日下午去，得2-3個人排隊(包括我)有張細枱仔，可以坐低食一陣～幾好但多人就未必有得坐～Menu上有幾款法包，我地叫咗個香茅牛肉法包，份量好大，兩個人食剛剛好，價錢上好抵食第一次係香港食越式法包，有少少期待～好足料，牛肉啖啖肉，易入口，但略嫌有少少乾同埋法包有少少硬身，可能我唔太識欣賞 所以一定要配野飲，都好抵，加$10就有得飲，當係解暑都好正值得推薦大家一試，但就未必特登過嚟屯門食luuuu

原來係屯門很得輝附近,,有間性價比又高質嘅越式小店依間小店係由越南人親自煮理我試咗個香茅豬肉法包同青檸薄荷葉梳打個法包好大個,豬肉份量幾多🐷🐷🐷包身咬落口感鬆軟唔乾個餡用自家調製既醬,,仲配搭埋酸蘿蔔絲,青瓜等🥒🥕豬肉好juicy,夾埋配料口感豐富,又唔膩兼開胃食完咸咸地,飲返杯青檸薄荷葉梳打解渴一流飲落去好香濃薄荷葉味幾清新🍋有淡淡青檸味走甜都唔會酸同梳打水好夾飲品唔大杯,啱啱好夠解渴🥤

我心目中世一嘅越南法包！我會搭個半鐘車專程過嚟食，仲要食兩個先夠🥹真係好好食🫶🏻越式扎肉法包 $39老細係越南人，正宗越南風味🇻🇳🥖法包大大份，即叫即整，拎上手好有份量，而且老細非常大方，落配菜好重手👍🏻外脆內軟又熱辣辣嘅法包，夾滿爽脆醃蘿蔔絲、青瓜、芫荽等餡料，仲有爆多肝醬，十分夠味！鐘意濃味嘅人，一定會愛上❤️而扎肉切得夠厚，咬落去爽口Q彈，好夾！雞蛋法包 $36雞蛋煎得好香口，外面脆脆地，入面有少許流心，好正！睇相都見到好多肝醬，好邪惡🤤呢個價錢絕對物超所值，好推薦大家試！

呢間屯門越南小店真係好高質，每次入屯門都必食。最心水推介係佢嘅法包，就算食咗晏都會買一舊慢慢食.....😋🌯🥒🥕配菜多首先佢餡料超級多，配菜多樣，而且非常豐富，有芫茜、肉醬、青瓜、酸瓜、醃漬酸白蘿蔔、紅蘿蔔等，配合起嚟口感非常好又爽又脆又又酸酸甜甜感覺，非常開胃、清新！🌿🐓🐖🐂餡料有三款揀有烤牛肉、烤雞或者香茅豬扒三款揀。其實三款都好食，但我自己偏愛烤雞，貪佢健康，因為配菜多，所以食烤雞都好清新，又燒得幾香；香茅豬扒都唔錯，香茅味都出；烤牛肉就普通，少少乾身。即係🐓>🐖>🐂🥖法包🥖法包烘熱，外層幾脆，句身煙靭帶嚼勁，加上大量配菜。個包好大件，絕對可以當正餐食。成件事真係好得！😍😋🤭環境🤭注意佢只有外賣，沒有堂食座位。不過可能佢太好食，無論我咩時段去，每次都有三四個客等緊食物。🤗注意🥘法包真係要即食，有次攞走10分鐘後食，法包已經有少少腍，又冇咁熱，已經同即食爭一段距離。其實佢其他檬粉都好好味，下次再介紹。🤗

最近兩次食都好重味精,食完口乾好耐春卷出品質素下降,返到屋企已經淋晒,以前都唔會...似係包裝盒問題?法包味道保持到。平時都係叫呢啲食。出品質素持續下降,店方看到請重視。不過重味精真係好難頂...

先講點餐，紅日第一天入去，門口有一枱人，我前面有兩個人點了餐，但兩個出單都有問題。因此唔好預期會快同準，香港人嘅快同準應該喺呢度係唔會出現嘅，因為真係越南人經營大家比少少耐性。麭的外皮係熱同微脆，咬下會感受到麵包鬆軟。我叫的是豬肉包，豬肉偏肥，係肥到會知道嚼緊肥膏。芫茜是食咁多間店最少的一間，酸蘿蔔配料加了沙律醬，反而唔係好酸，沒有清新爽口的感覺。麭內的肝醬，不同其他店的細滑，這店的肝醬比較大粒，似肉碎多啲。整體所感是可以的，但山長水遠專登入去食就未必有這需要了。

我叫了香茅豬扒包，友人叫了香茅雞扒包。份量很大，材料也很充足，味道還很好吃！以這個價錢來說，真的物超所值！法包烤得又香又脆！豬扒肉非常足料，由第一口到最後一口均有豬扒，味道醃得很惹味！除此之外，還有醃青瓜絲和醃蘿蔔絲，也給得很多，青瓜和蘿蔔能中和豬扒的油膩，但是不會奪去香茅味的濃郁！讓人驚喜的是，它還塗了厚厚一層吞拿魚醬，讓豬扒包的味道非常有層次感，雖然味道豐富，但配起來非常好吃！我從來未試過吃得這麼津津有味，豬扒包讓人一直想吃一直想吃，完全沒有厭膩的感覺！這麼大塊的包，我也少有地全部吃得下，可想而知它有多美味！這個豬扒包真的是我吃過最美味的豬扒包，讓人非常滿足！來屯門的人必定要試！

✨飯類都有驚喜由係未搬舖之前已經有食法包，到搬左係新舖之後覺得乾淨啲衛生啲，新舖的確遠左小小但有時都會掛住行去買。平時都主要係食法包，但今日好肚餓就決定試下佢啲飯。🐔炸雞肉飯 $52開頭叫炸雞飯以為會係有粉醬包住嘅炸雞，食落係同法包餡嘅雞肉相似。打開睇原來飯係包埋一隻煎蛋，菜心、配上小小豉油同葱油，睇落份量好似普通。一路食先知原來配醃蘿蔔絲同紅蘿蔔絲，配上飯食好清新。雞肉份量都可以，食落都有汁唔會乾。配上紅蘿蔔絲解左雞嘅油膩感。食食下就食完成碗飯，加上配料食完就好飽。凍咖啡 配餐 加 $8☕️咖啡味濃，同一般越南咖啡一樣偏甜。飲飲都都有少少上癮🙈如果平時食開法包，都不妨可以試試佢個飯。轉下口感，雖然配料同法包大致上相似，但食落都有驚喜。小店主打外賣，見到有時有比食客坐係旁邊快快食完。放飯時佢地有時都比較多單，都要等耐小小，有需要可以打去電話落單先☺️

見到咁多好評，仲講到係正宗越式法包店，所以專程從外區入來試～order 了一個香茅豬肉法包$42和跟餐加$10的越式凍咖啡。等了約5分鐘就有。豬肉料多，肉質不錯，肉質處理比越南好👍🏻 配上蘿蔔絲青瓜絲和芫荽。但法包🥖令人失望🥲 我已即場食，但法包完全不是外脆內軟，仲有啲靭，完全唔係越南正宗好食法包😫😫凍咖啡太甜，比越南仲要甜😶‍🌫️ 總評：價錢相宜，但食物失望而回，完全比唔上越南地道法包🥲 唔值得專登入去食

好鍾意食但真係可遇不可求嘅小店經過十次八次可能只係撞啱一兩次有開就算有開門都好多時冇晒我想食嘅嘢佢個扎肉法包好好食 平時都係叫呢個不過今次有啲肚餓就叫咗撈檬同飯拎走叫咗一個越式春卷撈檬一個香茅雞肉撈檬一個香茅豬扒飯佢個魚露酸辣汁好好食少少辣得嚟係好爽好惹味嗰種個香茅雞肉好好味 好嫩唔鞋口春卷都唔錯 但如果可以將一條剪成兩嚿會更加方便客人食香茅豬扒飯冇諗到佢仲加隻蛋落去哈哈就當係bonus啦連配菜都唔少㗎 夠晒飽肚三樣嘢百五蚊都唔駛 好抵又好食下次再試下佢啲撈麵先 好似未見過越南舖會有撈麵食

📍Tuen Mun Baguettes屯門達仁坊24號好運洋樓地下15號舖🐷🥖香茅豬肉法包 $39🐥🥖雞肉法包 $39🫔越式春卷 $35🍋🥤凍青檸薄荷葉梳打 +$8今日接女朋友收工之後番左屯門搵野食，今日繼續係女朋友推介系列😆呢間越式小店淨係做外賣，食物既款式唔算好多，有越式法包、撈檬、撈麵同飯。我同女朋友一人叫左一個法包，跟住叫一個小食同一杯野飲。兩個人食到飽晒，加埋都係$121😆想讚吓佢地既法包，除左足料之後，豬扒同雞扒都煎得好香脆😋法包烘熱完好鬆軟，入面塗滿肉碎同酸蘿蔔。本身擔心食咁大個包會有啲厭，但係佢地真係整得好好食😋佢地既春卷同平時既越式春卷唔一樣🤔層皮有啲似腐皮，而餡都好足料🤤雖然佢地款式唔多，但我諗我得閒都會想去食番同樣既野食😆😆#bunnytummy_新界#bunnytummy_屯門#bunnytummy_越南菜#bunnytummy_外賣 #香港foodie #食好西 香港美食 #hkfoodblogger#hkfoodie #hkig #香港好去處 #拍拖好去處

夜晚一個人收工咁啱經過呢度附近😳呢間餐廳又一直好想試🤫所以就行左過黎試試佢😜今次叫左個香茅豬肉法包加個薄荷特飲🤤即叫即整所以都等左一陣😆個法包入面好多豬肉好足料好嫩😋同時有淡淡嘅香茅味配埋佢個醬同埋脆口嘅法包仲有少少蔬菜係一個完美嘅配搭😍至於薄荷特飲幾清新幾fresh☘️加幾蚊黎講都可以試埋佢🤏不過本身比較大食所以食完一個對我黎講唔係好飽😂建議如果2個人黎可以叫3個包食🤫咁就可以試多兩款了😉但呢間係外賣店黎所以要企係到食或者坐喺街嘅長凳度食🙌🏻價錢：8/10味道：8/10服務：7/10環境：6.5/10