TWIST & BUCKLE, Churros Specialists (已結業)

【鬼佬油炸鬼。Churros】不論它的名字是肉桂條還是吉拿棒都是最愛的西班牙甜點。這次來到北角的分店, 今年也拿了米芝蓮香港街頭小食推介。店內設有少量座位，也提供churros外帶。❈ 開心果脆脆 PISTACHIO CRUNCH HK$40每天新鮮製作，現點現炸熱呼呼的Churros , 每一口都香香脆脆。表面塗滿了香濃的開心果醬, 再灑上開心果碎粒，令味道更加飽滿。如果是飯後甜點，建議可以點一份2個人share 食。

如果你係一個好鍾意食churros嘅朋友，你一定唔可以錯過呢一間churros店！首先佢舖頭提供嘅味道非常之多，無論係曲奇呀朱古力呀定還是係士多啤梨呀等等，你諗得出嘅味道其實佢都可以配搭到俾你！另外佢嘅份量十分之大，我試過一個人食係真係食唔晒嘅🤪由於佢嘅churros配雪糕係一個超夾嘅配搭，所以建議大家都係叫返呢一個Combo XD我個人最鍾意嘅，就係佢哋嘅Cookie Monster ，churros上面充滿着白朱古力同埋Oreo,再加埋佢哋嘅牛奶軟雪糕，超正！亦都超邪惡🤪

開左北角呢間分店先有機會黎到，係好開心好食既，可以返兜既😂Sundae Churro Rainbow呢個彩虹真係好靚、好吸引、好打卡able😆店員喺churro上面逐匙逐匙倒上唔同顏色既糖，係靚既，但當然都幾甜，雪糕面再淋左醬同放左好多七彩脆脆，成個甜品七彩繽紛係好靚😊小朋友見到係超開心唔好見個杯仔好細以為雪糕好少🙈但其實佢唧到好高雪糕量一啲都唔少😂Churro 唔係第一次食，但呢度呢個係整得幾好，好香脆，記得第一次黎食既時候係覺得有少少驚喜，churro好好食，唔配雪糕唔係咁靚咁打卡able，就咁買churro黎食都好好食呢間舖仔細細，有幾個座位，雖然我唔見有牌仔寫住自己清理，但食客食完都好自律會自己扔左拉圾去垃圾桶，都算乾淨

TWIST & BUCKLE, Churros Specialists 🍦📍 北角電氣道180號百家利中心地舖 （港鐵炮台山站A出口,步行約3分鐘）★★★★★★★★★★★★★★★★★★★★★話說小編尋晚食完飯後，經過呢間一直都好想試既雪糕店🍦😌，之後梗係食返杯雪糕啦😂。 呢間雪糕店最出名就係西班牙🇪🇸油條，有興趣，大家都可以試下既😄。🌟半熟香烤綿花糖及朱古力醬新地🍫 $68粒綿花糖係外脆內軟既，好似食緊BBQ 既綿花糖咁🌝，另外雪糕都算係唔錯既，有奶味。 最重點就係試呢個西班牙油條🙈，個人認為有d 甜，唔知係咪選擇味道既問題😂。整體推介指數：❤️❤️❤️🤍🤍★★★★★★★★★★★★★★★★★★★★★

同事叫外賣，一齊試食，服務好好，有禮貌。第一次食，估唔到有意外驚喜，叫左幾隻味，都幾好食，最緊要送到黎保持到脆口，唔會淋晒。每啖食落去都係脆，有醬果啲款就會甜啲，原味就好啲，入面仲有啲醬可以點黎食。都幾好味！size都幾大舊，下午茶食完都好飽！

自從前年喺尖沙咀分店食過一次之後就一直念念不忘。今次同朋友叫左2個Churro。外表真係好靚，好岩打咭，咁岩假日大概4點幾黎到鋪頭，都仲有幾個位可以堂食。▪︎Rainbow ▪︎ $68 (圖右)(七彩果味麥片 配彩色糖碎及士多啤梨醬)雪糕好重牛奶味，唔算好甜，質地幾厚幾滑，面頭仲有脆麥片，口感唔錯，churro上面彩色醬其實就食到甜甜地，唔係話太食出有果味，不過咁colourful既都大概預左係呢啲味。▪︎Cookies Monster▪︎ $68 (圖左)(朱古力碎曲奇配可可球及朱古力醬)呢個個churro個藍色醬偏甜，我個人覺得比rainbow更甜，可可球同朱古力醬都正常發揮，不過如果食微甜嘅朋友建議都可以嗌其他款。不過其實如果兩個人share 1個會好啲，2個人嗌2個真係幾飽下😂

Churros炸至金黃酥脆的外皮和柔軟內心的完美結合，讓人無法抗拒。一口咬下，外皮酥脆，內部卻極為柔軟，充滿著奶香和蛋香。Churros的配料也是其吸引人之處，這裡提供各種口味的sauce，為Churros增添了更多的層次和風味，讓人愛不釋手。今次選了cookies and cream 口味，配料有Oreo ，充滿了碎碎的Cookies，給予了獨特的口感和豐富的風味。每一口都帶來了酥脆的口感和濃郁的cream and chocolate taste! 加上口感柔軟順滑的軟雪糕，十分配合，是夏季必嚐的甜點。另還試了filled churros, 焦糖牛奶醬十分美味，lemon sauce相對沒有那麼喜歡😄總括而言，如果你喜歡churros的，可以試試這間小店❤️

店名: TWIST & BUCKLE, Churros Specialists地址: 北角電氣道180號百家利中心地舖炮台山站A出口，行3分鐘環境: 4/5價錢: 4/5味道: 4.5/5一直都好鍾意食churros，即刻炸起又夠脆，外脆內軟，甜甜地，上面再加上唔同嘅口味，絕對會再encore!😍Glazed Churros$40Crème brûlée 焦糖布甸❤️❤️❤️❤️❤️啱啱燒好，食落仲係熱辣辣，好香焦糖味🥰但由於好熱，出面層糖好快溶，比較容易整到成手都係🙈Marshmallow 半熟香烤棉花糖❤️❤️❤️❤️棉花糖燒到半溶，好似去bbq燒嘢食咁，同樣甜甜地，但個人覺得無crème brûlée嘅咁有特色🫢

🌈 超打卡彩虹西班牙油炸鬼新地🦄 之前做完尖去咗附近好出名嘅 @twistandbuckle 食西班牙油炸鬼🥰 果然冇失望！ 呢度除咗可以選擇 #churros ，仲可以配埋雪糕，仲有其他配料同奶昔等飲品添🍨我同朋友就叫咗兩個Churro Sundaes🍦🌈 Rainbow ($68)🍪 Cookies and Cream ($68)首先雪糕感覺比較light, 冇一般雪糕咁甜同膩，輕盈啲，冇咁有罪惡感🙈 而Churros就係即叫即炸，暖笠笠又超級脆！ 油炸鬼上面嗰啲係唔同顏色嘅糖，可能因為佢好粗，感覺冇平時喺餐廳食嗰啲咁甜，配埋雪糕就更均勻🥰 而且西班牙油炸鬼每條都超長，真材實㗎🤩🤩

🔸人氣西班牙油條店進駐炮台山🔸Twist & Buckle 主打churros，除左有傳統口味，都有好多款新式口味超吸引!!!!每條都大大條，個texture做得好好，炸得perfect，外脆內軟👍🏻落單後就可以係開放式廚房，見到店員即刻準備嘅過程，好細心係上面搽滿糖漿，啖啖滋味😋—— Pistachio Crunch $40依款係三款中最愛！開心果醬甜度啱啱好，本身嘅果味好襯churros，重點係一啲都唔吝嗇，沾上大量開心果碎!!!!點會唔好食😍—— Hazel Nah $40依款排第二但都好鐘意!!!榛子醬好香濃，好似食緊流心嘅金莎咁🤩同樣係外層鋪滿榛子碎，特別香烤處理過有微微焦香味，加倍香脆—— Crunchy Matcha $40 抹茶醬配上七彩果味麥片，依款抹茶味相對冇咁濃，麥片嘅味道同甜味都較重，會稍為蓋過抹茶味，依款比較啱好鐘意七彩麥片嘅朋友😂🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 TWIST & BUCKLE (炮台山)電氣道180號百家利中心地舖

Rainbow $68店員先將炸好既Churros 沾上彩色沙糖 再擠軟雪糕 淋上士多啤梨醬同彩虹粟米片 賣相已經好吸睛 churros 炸得好香脆又不油膩 帶少許咸味 本身以為加糖粒會好甜 但原來配合得幾好 雪糕都比較快溶 要快手打卡進食啊😂😂 白朱古力醬淋係面嗰啲款式就真係比較甜 喜歡甜吃嘅就可以一試~~🍽️ TWIST & BUCKLE, Churros Specialists #北角sis📍 北角電氣道180號百家利中心地舖🚆 炮台山站A出口，步行約3分鐘

《TWIST & BUCKLE, Churros Specialists》📍 北角電氣道180號百家利中心地舖呢間店最備特色既地方係佢地有西班牙油條😆，而我本來以為佢應該係肉桂條果d frd😖（利申一下小編唔食肉桂味既野），但原來佢一d都唔似喔😍。同埋d雪糕都幾快融所以要儘早食✨➖➖➖➖➖➖➖➖➖➖➖➖➖➖➖✨MOVE NIGHT2.0 M&M朱古力爆谷配黑朱古力醬$68（7/10）裡面有M&M 巧克力豆、彩虹爆米花、黑巧克力醬等等✨ S'MORES 半熟香烤綿花糖及朱古力醬$68（7/10）裡面有烤棉花糖、巧克力醬佢既裝飾都非常colourful 好適合打卡📸小編個人覺得棉花糖幾好食佢既棉花糖醬唔算話太甜，不過甜甜地既夾西班牙油條😋✨食物（7/10）✨環境（6/10）✨服務（7/10）

星期六同老公食完lunch，經過呢間專門賣Churros既舖頭，即刻心心眼入去食。除左有原味Churro，仲有升級糖衣Churros、Churro新地杯同爆漿Churros，亦有奶昔提供。我地叫左一個原味Churro同Churro新地杯。原味Churro我好鍾意食Churros，仲要係原咪個種，簡簡單單，外脆內軟，外面蘸滿肉桂砂糖，已經好好食。S'Mores牛奶雪糕配以半熟香烤綿花糖及朱古力醬，仲有塊朱古力餅乾，雪糕加上朱古力醬形成脆皮雪糕既效果，而Churro同樣好脆，外面蘸滿烤過既綿花糖，甜度相對低啲。

This has become my favorite dessert/snack place in North Point. Churros are unlike any churros you’ve had at restaurants - they are made to perfection. I had the pistachio glazed with soft-serve with the chocolate hard shell topping. Previously had strawberry glazed. SO GOOD!!!The VIBES here are awesome! Great music, great friendly staff, take pride in their work. I enjoyed just sitting there and vibing to their playlist…

每日返工放工都會經過，但一直都無買黎試下！今日終於有機會試下😋好食係好係既，個人就覺得比較甜！搽茶味/士多啤梨味，相對無咁甜！下次想試下原味配朱古力醬😋食完之後，決定俾俾家裡既小朋友試下，我諗佢地會好鐘意😋