Uncle Russ Coffee

营业中

休息中

我見最細嘅short size先廿蚊杯左右，比出面連鎖咖啡店平十幾蚊，於是買咗杯Latte，奶味濃郁，咖啡味就較微弱。奶泡好似有拉花，有少少似朵雲咁。廿蚊杯，晌唔想飲太濃味咖啡，但又想飲少少咖啡嘅矛盾情況下，算係個幾平嘅選擇嚟。

今日約咗朋友入愉景灣，等佢既時候。咖啡毒癮發作見到就買咗杯熱既short latte男員工一面很累既樣子，但一講完好快就入好機另一位女員工立刻做野，2分鐘內即刻拎得野飲不過鋪細又無咩人，所以好快。同平時去星巴克同pacific快少少。味道可接受，咖啡香味唔多，淡口。

一大早上的星期六好應該在床上倒頭大睡, 可惜我要山長水遠到愉景灣上班，真的不是味兒，所以打算好好吃一頓早餐來犒賞自己以作鼓勵。即刻你不認識Uncle Russ，也會認識Starbucks吧。一杯咖啡至少也要30塊錢，Uncle Russ也不例外，再額外加一份全份的三文治，這頓早餐承惠73元。每月一次已經覺得很奢侈吧。回到正題，我點的是Hazelnut Mocha及Cheese and Ham Sandwich。我很喜歡榛子加進咖啡的味道，很配。厚實綿滑的奶泡跟微甜的榛子咖啡滑進喉嚨，是兩種不同的層次。咖啡溫度剛好，不會很燙。至於三文治，我故意在室溫放了大概1小時才吃，畢竟剛從雪櫃拿出來是會有點硬。老實説，三文治真的很fully，料很足，我很愛那種滿口很充滿的感覺。芝士是車打，有3mm厚，火腿腸，蕃茄，生菜，蔬菜還保持很爽口，值得一讚的是麵包。用的是瓜子麥包，感覺健康不少，而且切很厚。這早餐尚可以彌補我星期六要上班的心情了。

一早要搭船去愉景灣！順便在碼頭攪埋早餐！只有三間舖開門！一間便利店，一間麵包店，仲有一間咖啡店！就試下咖啡店！門口已經聞到咖啡香，美式咖啡店格局入去仲有其他客！呢度無座位，咁我同肥髀揀咗食物比錢出門口碼頭食，自助形式，揀好埋櫃檯比錢，店員係英文人，不過我都係叫杯咖啡，咖啡即叫即沖！咖啡款式都幾多！仲有幾多款果汁！食物只有三明治！Cafe Mocha(小）：夠熱，咖啡味易入口，好香，朱古力味唔重，紙杯易攞唔辣手！好味！蘋果汁：玻璃樽裝，唔會好甜，味道清新唔假！芝士火腿三明治：預製盒裝食品，餡料多，芝士濃味，蔬菜爽口！麵包中心還好，不過麵包皮好硬，我同肥髀都無食！食物水準一般，始終預製！咖啡味道幾好！

九月中旬‧晴要坐船，但走左班船，要等45分鐘，最好就是做一做文字工作，這就是我幫襯這裡的原因~因為這裡有部電腦，兼有簡易輸入法。用這裡的設施，也當然要幫襯一點，見細杯裝的Coffee of the Day只收12蚊，絕對是茶記咖啡的價錢，那還想什麼？牌子上寫著是Moka Java來的，味道很淡，很薄身，喝起來有一點的酸味，作為咖啡味飲料，這個價錢，也似乎不可以苛求。用了4分鍾打這篇食評，還有41分鐘可以享用，雖然要企，但12蚊都算是物有所值的。