影片
相关文章
呢间系一间十分唔起眼既葵广小店甚至openrice最后既食评都系两年前令我一度怀疑佢执咗笠最近去开葵广…突登去望一望，点知有开门！呢间系阿猪妈开既韩式饭卷，虽然系小店，但望落去系十分干净同埋整洁。番屋企打开饭卷…..真系爆晒料，薄薄地一层饭包住满满既肉同蔬菜。佢系好家常既韩式味道，用料都好正宗例如有蛋丝同埋黄色既酸萝卜。总结系…我劲推荐！当然，如果你追求打卡，呢间未必适合你，但呢种人情味又好食既小店真系完全中晒我果饭
继续阅读
呢间小店由两位韩国姨姨主理正宗韩国味道，佢哋净系识少少广东话🤗平时都成日帮衬买佢哋嘅Kimchi同炒粉丝因为味道好唔错，Kimchi辣度刚好炒粉丝弹牙，份量足今次经过就买咗紫菜饭卷试试饭卷有几款味拣: 泡菜/牛肉/猪肉/芝士/吞拿鱼我哋买咗吞拿鱼味🐟饭卷非常聚手，切开大约有8旧，好足料入面包住咗红萝卜丝，腌萝卜丝，青瓜丝当然仲有吞拿鱼啦😌总结💭💭一条饭卷只系$50-$55，用嚟当一餐绝对够饱CP值高，会继续支持韩国姨姨小店🇰🇷
继续阅读
葵广食群竞争大要有水准先可以一直生存落去呢间嘅紫菜包饭劲足料一条一个女仔食已经好够食今次将个饭卷带咗去野餐同行友人都表示劲大卷算抵食味道清新饭粒唔硬如果细食女仔系附近返工买一条都未必食得晒
继续阅读
我好少用失望形容袋物，其实韩国紫菜包饭唔系难整的食物，呢度收我$50一条芝士紫菜包饭，但芝士极少，其他配料如红黄萝卜丝、青瓜丝、鸡蛋丝，再多再爆，都系好普通。我系同家人一齐食的，食完妹妹直接叫我去荃锦中心买正宗紫菜包饭，仲有间系荃湾千色汇的yellow xxxx，货比三家，都系韩国大妈整，高下立见，其中一间出名到上报，大家价钱相若，真系要小心选择。
继续阅读
🍥 原味紫菜饭卷 $45💯 评分：🌕🌕🌕🌕🌕 (5/5)💬 一条切开8大件，嚿嚿爆晒馅超足料！馅同饭嘅比例差唔多去到9:1，好少见有紫菜饭卷嘅外层咁薄仲包到咁多馅～原味入面有鱼糕、蛋、红萝卜、黄萝卜、牛蒡同青瓜，份量分布都算平均，入口爽脆感爆灯！啲饭食落酸酸哋，食落有淡淡嘅麻油香，而紫菜唔会湿到冇晒质地浆住个嘴。食咗大概2/3条已经饱饱哋，平靓正清清哋好惹味，料太多要预返个胶袋兜住～😋🥬 菠菜 $20💯 评分：🌕🌕🌕🌑🌑 (3/5)💬 麻油味唔太浓，食完个紫菜饭卷解腻啱啱好！啲菠菜水分充足条条饱满，咬落清爽又脆口，够晒健康同满足感。😀留意返小店逢星期日休息，记得唔好去摸门钉！实在令人一试难忘，有机会再买其他馅嘅紫菜饭卷同韩式小菜食先～😍
继续阅读