影片
以上资料只供参考，请与餐厅确认详情
之前经过东港城，睇住依间餐厅装修同开张，早几晚终于嚟咗帮衬，超好生意，因为性价比超高，唔怪得知顾客络绎不绝😂慢煮牛脸颊 $108配小食香烤粟米作为牛脸颊控，一见到餐牌有依个选择即刻不作他选😂肉质好软淋，配埋粟米🌽好正，份量仲好多。烟肉白酒鲜蚬阔面 $78大堆头嘅蚬，食极都有，蚬肉味甜，阔面好挂汁，仲加咗蕃茄仔，感觉好清新健康😋松露野菌手工Pizza $78食咗咁多肉，叫返个素Pizza, 松露好多好香，一啲都唔吝啬🍕依度嘅主食可以+$23配餐汤裸麦包及饮品，可以拣红汤或白汤，另外佢嘅裸麦包好好食，甜甜哋好有麦香，我想encore😂焦糖海盐雪糕牛角窝夫 +$28黑白心太软 +$28虽然好饱，但都好想食甜品，窝夫好重牛油香，配天蓝色嘅海盐雪糕，好靓好好味。黑白心太软流心做得唔错，唔会太甜。评分：最高为5分治愈度：👩⚕👩⚕👩⚕👩⚕抵食度：💉💉💉💉💉翻兜指数：🩺🩺🩺🩺UURO将军澳重华路8号东港城1楼188号舖📍坑口港铁站A1出口12分钟路程
继续阅读
行过东港城，见到呢间UURO嘅门面望落唔错，亦系同区少有嘅食西餐，加上晚饭时间都唔系话太多人，就入去睇下有咩好食。店嘅面积唔细，坐位亦坐得舒服。小食方面，我哋点咗《蜜糖芥末鸡中翼》同《超级惹味粟米》，主菜就点咗个《海鲜龙虾汁意大利饭》。超级惹味粟米睇落份量好似唔系好多，但唔知点解食极都食唔哂咁。佢味道的确系惹味，同好烧得香，可惜嘅系啲粟米有渣，影响哂成个口感。蜜糖芥末鸡中翼个鸡中翼烧得好靓，令人胃口大胃，味道亦都好香，加上丰富嘅蜜糖味同点上芥未酱，令到个鸡翼一啲都唔腻，再食多只都冇问题。海鲜龙虾汁意大利饭有唔少嘅海鲜配菜，加上刚好嘅龙虾汁，同酸酸地嘅茄汁，唔会令人食到好腻，意大利饭做到Al dente嘅口感，呢个系值得加分｜我觉得佢呢个饭做得唔错。好奇心嘅驱使下，又去揾下呢间餐厅嘅背景，原坐又系某大知名预制菜集团嘅，当然UURO系我食过佢集团其下质素最高嘅一间之一，，而价钱都合理，只系个人希望唔好食嚟食去都系果间公司嘅嘢。
继续阅读
每次lunch都好多人排队，今次12点啲人龙少啲，等咗10分钟就有得入，6个人安排坐梳化卡位，有少少逼，张台唔够位放晒所有菜。叫咗二个pizza,都好有质素，好脆而且有拉，好食过pizza hut👍叫咗一个龙虾汤海鲜天使面🍽，同埋一个龙虾汤蟹肉天使面🍛，个龙虾汤及蟹肉其实味道好淡，海鲜天使面材料高啲比较好食; 反而个海鲜炖饭好入味，好快清晒😋叫多咗两个甜品:🧁个tiramisu系海绵蛋糕底，加咗啲类似乳酪嘅物体酸酸地，煎饼𠮶个cream会会挞咗落嚟，味道一般海盐红豆雪糕窝夫系比较好食，窝夫其实系将牛角包压成窝夫，好松化，配埋海盐雪糕咸咸地几match，有红豆反而平一蚊，几搞笑😂饮品方面，特别饮够大杯，咖啡就系一般，仲要用纸杯上😑
继续阅读
整体4/5～有性价比嘅Cafe👍～主菜（鸡扒汉堡饭千层面𠮶啲）好食，不过食完冇印象😂我阅历少其实觉得还好，呢个价钱有呢个质素我会再帮衬，但系食开贵嘢嘅屋企人就好似唔系好满意了～作为蓝色食物爱好者𠮶海盐雪糕焦糖牛角包简直系天选甜品，海盐雪糕当然够海盐味，奶盖都超级好食无谓提，主要系𠮶牛角包真心超级好食，焦糖味好浓但系唔腻，而且同𠮶雪糕+奶盖好夹，一热一冻，啲雪糕融咗唔紧要佢会渗入去旧包度，连埋个奶盖食更加好味！！！晚市加十几蚊就有得食，午市普通价都系四十几，超级抵食，快啲去食⋯～服务OK！记得有个好热心嘅店员叔叔，佢好Q㗎同埋好热心服务，态度超好🙂↕️🙂↕️
继续阅读
呢间餐厅装修得几靓，听闻呢间店嘅猪鞍好食，一于黎试下🙆🏻♀️黑松露野菌义大利饭 $78Rissoto第一啖食落几好食，黑松露的香气浓郁，饭粒吸收咗浓厚的味道，口感滑顺，不过食多几啖就会有啲腻！🥲香煎有骨猪鞍 $158香煎有骨猪鞍外焦内嫩，猪肉的肉质鲜美，唯一不足嘅系啲肉太肥，基本上都系肥膏🐷蜜糖芥末鸡中翼 $38蜜糖芥末𠮶汁几好食，鸡中翼味道酸甜适中，不过鸡肉有啲overcooked😭心太软味道正常，配奶盖酱几特别，不过觉得心太软太甜🤣总结：最好食系前菜芝士烤菠菜🥰，其他菜式一半，整体味道正常🙆🏻♀️
继续阅读