V8美食軒

营业中

休息中

顧客永遠是錯的今天早餐點了$8元的腿蛋包，付款離開時聽到身後那位年長的阿姐提高聲浪嗌：吞拿魚包$9蚊!”, 我心想我買的是腿蛋包，應該不是說話給我聽吧，於是繼續前行，此時年長阿姐再擘大喉嚨重覆：”吞拿魚包$9蚊!”, 當時我雖然已經離開店舖，直覺阿姐的說話是衝着我而來，於是我拿着麵包折返店舖，確認我手上的是否腿蛋包，她告知我這是吞拿魚包。看來是剛才年長阿姐俾錯包我，還屈我講錯兼少付$1，好無辜啫！過去年半我幾乎一星期五天都幫襯V8, 但就是從沒點過吞拿魚包! 雖然是誤會一場，但整間V8丁點歉意也沒有，這樣的遭遇比起上次食到隔夜提子包更加令人氣憤！

鰂魚涌太古坊出口附近有唔少嘅麵包店同小食店，唯獨呢間店每朝都會大排長龍...今日試過終於明白點解啦😋呢間店嘅麵包都係用熱爐烘住，所以拎上手個麵包都仲會熱辣辣👍🏼咁樣做都可以令到麵包咬落去感覺鬆軟☺️今次試咗芝士火腿包，下次會試下其他🤗

呢間麵包舖每一朝返工經過都大排長龍可能因為附近冇咩其他非連鎖麵包舖既選擇今日買左火腿蛋包食買完攞上手熱辣辣既我其中一個鍾意買呢間麵包舖既原因係因為佢有熱爐熱住d麵包確保你一定可以食到熱辣辣既麵包而且你唔洗去自己夾d麵包你只需要同d姐姐講你要咩麵包佢就會夾比你咁樣仲可以確保衛生火腿蛋包之前食過都覺得好食個出面既佢個蛋有少少適量既甜味配合埋麵包同火腿既鹹味好適合而且有時朝早會冇咩胃口食d帶甜味既麵包就適合不過啦而且個包熱辣辣更加可以帶出火腿同雞蛋既味道蛋既份量都唔算太少可以接受呢間麵包舖既麥包我都覺得好好食唔同出面比較粗糙既麥包但份量較小

多人返工嘅太古城， 魚貫嘅人流，早上九時買早餐要同人爭！但見糖廠街很多連鎖店大集團食肆/便利店/ 麵包鋪在賣早餐， 這間小店算是突圍而出， 買個麵包要排隊， 很多時條龍排到要轉彎。麵包嘅味道是很普通， 但勝在熱辣辣，有時遇着剛出爐，熱到熨手， 鬆軟可口， 每朝新鮮製造， 不是大型連鎖店可以媲美。 它的價錢亦十分合理， 豬仔包四蚊， 菠蘿包五蚊， 即使要排隊等一等， 很多打工仔願意付出這小小時間。早上返工之前， 能夠吃一口新鮮焗製麵包， 返工人都醒神啲。食物的熱力就是有這些魔力， 這種熱力會傳到客人的胃中， 令工作力量充沛。

返鰂魚涌的人會好明白 - 買早餐係要排好長龍㗎！V8呢間屬於小店，無堂食，齋外賣。早餐有三文治，麵包，可配各式盒裝飲品，亦有提供基本的冷熱飲品，例如奶茶、咖啡、檸茶、檸水、華田等，個人好鍾意杯茶走，友人都覺得佢哋嘅凍檸茶都算好好飲。麵包選擇都好多，腸仔包、提子包、咸牛肉包、餐肉包、餐蛋包、菠蘿包、麥西哥包等等。好彩的話仲會係啱巺出爐熱辣辣！雖然只收現金，沒有八達通，但流程極為順利，找錢極快～ 朝早長龍都排得過！推介～ 但坦白，午餐的話太多選擇，所以一次都未食過😅

係呢頭返工，每日返工都見到好多人係到排隊買早餐，又成日見同事黎呢到買LUNCH，今日一心諗住試下啦，點知.......呢個白汁魚柳意粉，價錢算平架啦27蚊，仲要唔洗排隊唔洗等，由落單到找錢再拎埋飯盒離開前後唔洗10秒，好啦，返到公司之後打開一望.....件魚柳就軟軟的，盒意粉就熱熱的，俾隻咁軟既膠叉俾我，吉就吉得入架啦，不過無得切啫。魚柳賣相係OK，但係一D魚味都無，個汁既味道又唔出，意粉仲有D係唔熟架.....呢到唯一好處就係平同快。

幾年前係灣仔天橋番工, 就俾V8的便宜吸引, 果陣時好似23-25蚊有埋湯(冇記錯好似有湯?)但最記得D焗野係好食之後轉地點番工, 估唔到V8有分店, 第一時間就梗係仆到去食, 但加價lu, 都要3字頭埋單 V8的賣點係早餐; 三文治 10蚊搞掂, 但我無緣食, 因為我唔同人排隊搶麵包 =v=食個下午茶, 餐單好似轉左,因太耐冇食所以唔記得星期一叫左個葡汁雞意, 焗既(佢張餐單咩都係焗, 如果有飯盒相信會好D)一食, 久違的果種雞肉味番黎... 好有雞肉味 (廢話), 但有雞肉的質感, 唔似附近茶記的凍屍雞冇雞味, 而起晒骨, 冇咩皮果下先正, 意粉就唔會太過意粉味 (即係果種麵粉味cover晒D葡汁同雞味), 唔錯唯一不足係冇咩葡汁, 冇汁係唔得架不過都唔緊要, 可能食飯時間人多所以冇咩質素, 可諒解小弟鐘意飲奶茶, 暫時得維他紙包奶茶同張學友奶茶先俾到真正的奶茶味俾我, 但V8的奶茶如果30幾蚊貨仔黎講都可以話係上品, 唔會太苦, 唔會太甜, 黑白分明 , 食完, 好滿足, 因幾年前的味道再有機會品嘗到人生在世幾廿年命, 係某一個地方番工, 轉工後就好難搵番以前常食果間的味道 (好