Venchi (太古城中心)

营业中

休息中

終於有voucher喇食完飯拿拿臨去換返杯gelato先！上次食左5粒⭐️既特濃朱古力同cappuccino，今次試榛子同新味—鹽味果仁白朱古力。食鹽味果仁白朱古力就好似食緊白朱古力版金莎，唔會過甜，有3.5粒⭐️而Hazelnut就好甜，有少少拖肥既感覺，有3粒⭐️，同白朱古力算夾。最後附上您很想要的menu+最新promotion+新口味朱古力+新口味gelato如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

Venchi 既雪糕口味都算多, 椰子、朱古力丶開心果...而且口味好特別, 最終揀咗黑朱古力加開心果味💕 ($65/2球）雪糕分量係比一般雪糕店細，其實都幾貴！不過食落真係覺得好值，因為可以話係我喺香港食過最好味嘅雪糕❣️特別黑朱古力，味道好濃郁😌而且好creamy，食過絕對吾會反悔！😈😈😈雖然我好鐘意食開心果，但喺濃濃朱古力相比，真係比下去。不過值得一讚係呢隻味唔會好甜, 而且每一啖都充滿開心果既味道！！

Using the coupon for a double scoop cone, I tried the dark chocolate and vanilla. The attitude of the saleslady (the one without wearing glasses) was so poor and my scoop size was just as if it’s for kid’s tho I had to admit that the dark chocolate flavour was extraordinary. What an unhappy experience and it’d really turned me down to get another one next time.

早幾年係倫敦食過佢個dark chocolate已經覺得好好食一年之後見到灣仔都有分店不過我嫌香港有d貴所以冇食到啦跟住佢係太古開終於今日食咗啦因為有張換領券先去食正常一個regular既雪糕係要hkd65架咁貴所以如果要我俾錢食我就唔會食啦由於雪糕既口味都尚算多而我又有呢個選擇困難症所以叫店員俾先試一下自己有興趣既口味先不過最終我都係簡翻dark chocolate因為我係一個朱古力控同英國一樣咁好食真係好重朱古力味同埋好滑如果有樣野要彈既話就係個份量香港既regular其實都算細係英國要regular係大杯過香港㗎所以我先覺得hkd65係真係有d貴所以距離下次食都可能要半年後因為個價錢真係唔合乎我經濟標準

是日在太古城試試這定主打意大利雪糕Gelato的朱古力店。Venchi本是意大利朱古力品牌，但亦開設了雪糕店副線，同時售賣雪糕和朱古力。店家供應的口味不算多，每日約10款，固定的款式為朱古力口味。值得朱古力的款式也有3款，所以雙拼朱古力可以滿跳朱古力迷！筆者是日則點了特濃朱古力和熱情果口味的Gelato($62)。杯子細，其實份量不算很多，但勝在味說道好，質地軟滑。畢竟Gelato作為低脂雪糕，忌廉的份量大大減少，未必可以與普通雪糕媲美，除非是雪糕漿攪拌的過程夠快，減少冰粒聚結的情況。Venchi的雪糕正正做到以上這點，非常軟滑！特濃朱古力味道可可過苦得來甘香，熱情果則酸得開胃，平衝了朱古力的苦味（得讚讚自己點得聰明！）推薦指數：5/5店員服務態度不錯，讓客人試對口味才點雪糕。雖然價錢較高，但是Venchi還算是一家高質雪糕店。

一向係朱古力狂迷嘅我，見到太古開左呢間好開心，之前只係尖沙咀有。開左頭幾日，就即刻幫襯買左朱古力食，價錢不便宜但好味個女仔職員亦好細心介紹.....過左幾個月之後嘅聖誕節，我陪朋友去呢度買朱古力，感覺變左朋友比錢時，個男仔職員好細聲（冇厘神氣）講價錢，朋友聽唔清楚再問，男仔就好大聲講：$250！好似好唔高興嗰種，我心都嚇一嚇，唔係因為佢大聲，而係冇expect佢會咁冇禮貌，又冇笑容...近期我自己去買朱古力，繼續都係男仔職員（唔記得係咪同一人），雖然未至於上次咁嘅態度，但仍然係冇厘神氣，同其他差不多級數賣朱古力，雪糕嘅地方感覺好唔同。希望佢地會陪訓一下員工，否則同佢地高質素嘅產品好格格不入