Venchi (朗豪坊)

营业中

休息中

The gelato was delicious, as expected of Venchi! The lady sales assistant today was a bit rude, which turned my excitement into a bit of anger and disappointment. I tried the hazelnut and the chocolate - amazingly intense flavours that tantalised my taste buds 🤤

這是一次偶然的經過這店, 而又偶然地獲得了少少橫財, 這店的雪糕固然好食, 打從她還在天星碼頭那店的$38/球開始已經幫襯直至最近價位升至有點難以接受, 去少了亦吃少了, 現在轉了陣營在家吃雪糕! 這次想試一些未有買過的巧克力, 品種同口味眾多的情況下,每款只選兩粒, 大致分為片裝的純味及夾心, 本人並非太懂分析每一個味道的朱古力控,但的確每款還是表達出包裝紙上的味道特色, 果然是一分錢一分貨, 這次花費了差不多接近三百, 試了的多是濃味巧克力, 下次有機會可試有酒味的!

今日經過朗豪坊好貪心咁要左2杯mini 咁就可以揀4隻味😚 第一杯係mascarpone & caramelized figs同chocolate sorbet venchi識食一定係食朱古力味 非常濃既朱古力味又唔會好甜🍫 無花果味都好有驚喜 好清新 同朱古力味一齊食好夾😍另一杯係White chocolate with salted nuts同新出既焦糖燉蛋味 前者都唔錯 salted nuts 令雪糕更有口感 👍🏻 焦糖燉蛋就偏甜 唔太推薦😂

雪糕黎講最愛係意式雪糕🍦質地比較黏，口感綿密d扎實d🤣同埋多數有特別既味道🥰自從Grom執左之後，終於發現左好好食既意式雪糕‼️其實mini同regular都可以揀2隻味既❤️試過朱古力🍫好濃微苦🤘🏻榛子、tiramisu、無花果芝士都好好食，食得出係好足料👍🏻佢仲有雪葩既，試左芒果🥭足料到好似係緊雪凍左既芒果蓉🤤不過講到最鍾意，每次必食既，一定係開心果😚😚開心果控一定要去試💕💕唔係Dreyer‘s個種好甜既味(雖然我都鍾意🙈)真係食到開心果本身既香同原味💕💕•朱古力果仁圍邊cone加左$15先有，cone偏厚得黎都做到好脆😍但個朱古力漿搞到d果仁淋左，我就唔係好識欣賞🙈覺得叫普通cone就夠啦💕💕•Venchi唯一既缺點應該係價錢🙈但食過都明白到gelato係幾足料，就算最細個杯都好重手😂同埋可以試岩隻味先買😂😂所以我都會無限encore❤️❤️

我們統稱這種冰凍的甜點為雪糕，但為何有Gelato與IceCream嘅分別？如果想了解就可以到這裡嘗試一下。他分別有家庭裝和杯裝及筒裝供我們選擇，這次購買了Mini (120g)，店員親切地問想要紙杯還是雪糕筒，因為基本的窩夫筒不用額外加錢。*除了基本款式，也有另外幾款朱古力coating的筒因為朱古力味已售罄，選擇了榛子（下）和Tiramisu（上）。Tiramisu有著淡淡的咖啡酒香味，沒有那種人造的感覺，而榛子亦帶出果仁的香。店員「製作」Gelato時，先用雪糕勺舀起雪糕（起初以為120g份量很少，因此當我看到店員舀起的份量超出我預期，十分驚喜）Gelato的空氣感較ice cream少，細緻而綿密的口感，相比吃ice cream，更有滿足感。

Venchi Chocolate $138/100g我今日經過平時我最鐘意嘅雪糕店venchi 成日都聽到好多啲人讚佢啲朱古力好好食 所以今日就買左少少試下係咪真系咁好食 佢有大概三十幾款俾你揀 我夾左尼到咁細包就已經$255 雖然係有啲貴 但我覺得佢系值回票價既因為佢有好多吾同味揀 佢有我最鐘意嘅開心果味同60% 而且口感都好濃郁 又吾會太甜 各位中意朱古力既朋友可以去試下👍🏻

食過一次之後真係會上癮，依家去到旺角點都要去朗豪坊兜返轉就係為咗食呢杯雪糕。呢間係賣緊意大利gelato，佢同一個雪糕好唔同因為用多咗奶去打啲雪糕出嚟，所以出到嚟嘅雪糕特別滑同埋特別黏，亦唔會咁容易溶。佢每隔一兩個星期就會轉新口味，上次食完個開心果，今次去到見到有個鹽味白朱古力，覺得幾得意，咁就試吓味啦，點知對我來講都係太甜，跟住有試咗個牛奶榛子朱古力，都係太甜，所以最後都係揀返開心果。不過如果大家係鍾意食甜野的話，呢兩隻應該啱大家。呢個係最細size，但係都要$55，都幾貴架！不過真係值得㗎，因為佢好滑好有質感，食完包你返去食第二次！

意大利雪糕Gelato同一般雪糕Ice-cream有咩分別？最主要係Gelato用奶既比例比Ice-cream高其次係製作時攪拌頻率較慢，所以Gelato裏面比較少空氣，密度比Ice-cream高Venchi 全店都賣朱古力、雪糕，裝修到金壁輝煌，真係唔行近啲都唔知原來佢賣朱古力，以為佢賣化妝品或包包...第一次試佢既意大利雪糕，兩球要$65，幾貴啊～ 店員「筆」雪糕時會將啲雪糕係個盤邊推拌幾下，推鬆啲雪糕先會比客人要咗榛子味同黑朱古力味，雪糕食落口有少少黏黏的，好有質感又香滑榛子味雪糕裏面有原粒榛子，雪糕榛子味好出；黑朱古力味雪糕裏面有朱古力粒粒，雪糕既朱古力味香濃，唔會太苦，反而中和咗榛子雪糕偏甜既味道，變得啱啱好