Victoria Restaurant

营业中

休息中

我好鍾意呢間餐廳既氣氛，環境，光線，播放輕鬆既英文歌今日又來食下午茶，食左J餐黑毛豬扒配意粉好香香草和香料味，配上煎香左既牛油果份量足夠，好味道另外加左熱奶茶，奶和茶係分開上既，甘樣做幾好另外加5蚊要餐湯及餐包高質值得推薦

由於今日要係附近上堂甘我想食下午茶同西餐，於是GOOGLE MAP 揾下太子有咩餐廳就比我揾到呢間，係門口見都幾多客，但都未滿仲有位叫左個炒牛肉意粉，加$20有件蛋糕，佢蛋糕都有幾款選擇，原本叫朱古力蛋糕點知賣哂，最後叫左蘋果芝士蛋糕全個餐都好好食，蛋糕份量可以大小小就好啦環境好正，配埋輕鬆英文音樂無挑剔不過下午茶來講偏貴

因為今晚係附近上堂今次第二次來呢間食，呢次無加配蛋糕趕得到5:30前到餐廳叫左個下午茶餐，豬扒意粉配紅酒汁紅酒汁無紅酒味  周打魚湯就無咩魚味但個湯幾滑豬扒就好好食，唔硬夠鬆，豬扒兩大塊份量幾多，又有配菜不過價錢$70 唔係甘底

上年十一月喺舊鋪試過俾個女待應打瀉茄汁濺到成身都係，佢第一件事唔係拎紙巾俾客，係去拎紙巾抹個地😂 亦冇講個一聲對唔住、唔好意思。 去到俾錢都冇人道歉，嬲嬲地掉錢落個bill holder 度，另一個女待應竟然發返我脾氣，找錢時大力掉bill holder 落枱面，事後向老闆反映，佢邀請我再去。隔左幾個月先敢再去，今日再去對面街新店，又遇上一個性格巨星，上菜時藍色裇衫哥哥明明有兩隻手，但佢只會慢慢等你執好啲位俾佢擺，佢唔會嘗試自己收嘢，我老婆忙亂間整跌隻湯匙，又濺到成件褸都係紅湯。之後佢上Main 時又唔郁等我拎個湯俾佢收，於是出聲話佢，後尾佢唔高興，上兩杯檸茶時大大力放落枱，搞到啲茶到濺到去老婆個意粉入面😇，有offer 換，不過失去信心。依間野唔知請啲咩人，睇路。

疫情期間見到呢間餐廳都維持到；我覺得應該要支持下；於是約埋同學一齊去食飯然後先返學；第一次食；叫咗佢個豬扒、羊架同埋牛扒；全部都好好味；之後再返去食咗三次；好啦一次過寫食評啦；第二次去試埋個斧頭扒；本身唔鍾意意大利雜菜湯；因為洋蔥味；我唔食洋蔥嘅😅😅；但係佢個意大利雜菜湯都ok；唔重洋蔥；但係好適中好味道；我覺得佢普通嘅飲品好飲過佢嘅特飲；我每次去食；都會食佢個㗎羊架；佢跟餐上個汁係比較少；但可以再問佢攞啲汁；都好歡迎；好有禮貌

今次慶祝朋友生日，平時路過見到成日有人排隊，所以黎呢間試。我地叫左一隻豬手，一個意粉，真係唔錯。豬手有德國餐廳既水準，皮脆肉juice, 建議襯熱食，凍左會硬。意粉好creamy, 意粉軟硬度剛好。餐廳個光頭哥哥好好人，講野好funny好Nice, 問我地d野食好唔好食，又同我地傾計。服務真心到位。而家d餐廳樓面通常只係落單同趕你走。好少好少會遇到樓面會同我地交流了。整體好滿意餐廳的食物同光頭哥哥，建議大家可以試下

11月14，試咗呢間“ Victoria Restauant ” 見佢對面開多間，我特意去返松記隔離舊店，叫咗2個午餐B3和C5，包餐湯飲品價錢正常沒有感覺偏貴或平。飲品餐湯不過不失味道沒過鹹淡。檸蜜•蜜糖畀客自己加的，這樣幾好。咖啡味道似茶記的,,附上嘅奶唔係鮮奶或忌廉奶係“花奶”我自己就唔鍾意（個人口味不同）。大根個味道入味的似關東煮嘅味mix埋落去西式意粉味道又夾的。牛肉漢堡中的醬汁好味，但係舊肉就冇乜味嘅，豬牛味都冇乜，就係肉一舊，略鞋口。伴菜沙律菜新鮮。加錢換購蛋糕，當日係芒果芝士蛋糕，有清新嘅味道淡淡嘅芒果同芝士大家互不搶味，微甜。

同同事食飯落咗太子食呢間西餐廳間中經過會見到不少人排隊的今日我哋終於有機會試下～嚟到前面有幾位排緊隊等咗陣就可以入去啦-呢度裝修以西式為主灰牆配深色沙發，格調不錯店內還播著經典歌曲，可惜環境比較噪吵睇過餐牌，大家都揀好後落單-午餐set 先有餐湯係素的羅宋湯配蒜蓉包羅宋湯材料十足，味道剛好唔會太酸蒜蓉包香脆主菜揀了雞扒配薯菜雞扒都幾大塊，食落細嫩juice 薯條酥脆，仲有少量蔬菜平衡返餐茶柚子蜜就普通，杯就好靚令人會心一笑整體性價比高，食物味道不錯，可以再來～

Victoria restaurant夜晚周不時都有人龍排隊，因為佢係好食嘅平民西餐，價錢抵食，份量足，而且服務友善。*德國鹹豬手 $168豬手皮脆偏厚，肉嫩唔會太乾，唔會太鹹，份量足夠。有兩種汁，肉汁同蜜糖芥末，兩個都好食。燒紐西蘭草飼羊扒 薯菜 黑椒汁 $148羊扒juicy唔膻，肉嫩肥少，調味唔會太鹹，唔需要點汁都好食。薯菜係薯仔同蔬菜，正常發揮。海鮮香草番茄汁意大利飯 $88海鮮質素普通，意大利飯屬於偏腍嘅飯，味道係最純粹嘅茄汁味😂鮮三文魚帶子野菌忌廉汁天使麵 $88天使麵好掛忌廉汁，但又唔會太杰。三文魚、帶子都係普普通通，份量都好足。燒牛肉芝士沙律伴意大利黑醋汁 $68沙律菜份量足夠，黑醋汁唔會好酸，不過牛肉冇食到。烤美國黑安格斯西冷牛扒 薯菜 紅酒燒汁 $158牛扒煎到焦香，切開係7成熟左右。雖然我冇份食，但我負責切，唔會好韌，所以應該唔錯。芝士焗瑞典香草肉丸薯茸 $68樣子好似好唔錯，但唔知味道係唔係表裡如一😂

午後偶然路過這餐廳，發覺好多人在內進食。看看餐牌類別不錯兼價錢合理。隨即入內試試。服務態度非常好，樂於助人。食物質素非常好，值得推薦做食堂。豬牛羊都好好味。可盡情吃喝

行完花墟的極好加油站，下午茶餐也不馬虎，雞沙律啲雞肉也醃得夠味，使用餐具和環境佈置同樣精心，能感受到侍應招呼都認真和落力，最重要在旺區地鋪食肆價錢竟不算昂貴，肯定會再幫襯！

星期五的晚上，幸好已預訂，一到便即安排座位。用餐時間90分鐘，所以即落單叫了德國脆豬手先，因為要久等。羅宋湯香濃，啖啖菜蔬，少少辣，味道更吸引。蒜蓉飽幾好，不是硬掘掘。我叫了羊架，好抵啊，有三大塊，不會太肥，成塊都可食落肚😅。肉煎得很香，不會過熟，仍有點軟軟。不用汁也味道充足，醃得好，亦唔會太鹹蓋過肉味。只是一百多元，有三大件實在太抵食了。豬手真的要等多時，但送來一看，不感失望，大大隻幾吸引。層皮香脆，但食到一些位置，感有點乾硬。整體是不錯的。最後加$20便可以有甜品，非常便宜啊！選了玫瑰千層糕和tiramisu. Tiramisu就麻麻，口感同味道都令人失望，只是普通蛋糕，沒有原先應有的味道。千層糕甜度適中，釋放玫瑰味，清新、特別。這一餐性價比高，很滿意啊！只是環境擠逼，枱與枱之間沒有多空間，無辦法啦！香港地貴。

推介下午茶，3:00開始至6:30 ，不能稱得上好坐，勝在食物有質素及抵食！因為無加一，lunch 和 tea 時段都多人架！首推西冷/肉眼扒，lunch set 新出了 burger 🍔juicy wow ~~加$28有三文魚沙律，lunch 本身有湯及餐茶。

#太子 #victoriarestaurant lunch性價比超高之選😋😋#香煎美國珍寶雞扒 輕蔬 煙肉蒜香燒汁 配飯 雞扒大塊 又煎得香脆 先55蚊#雞柳煙肉野菌忌廉汁天使麵 都係$55， 不過份量有啲少🤭#餐湯 揀咗白湯，都不錯#熱柚子茶 個杯勁靚，匙羹都好靚，令我掛住日本lu😍👣Victoria Restaurant太子太子道西150-152號太子商業大廈地下B3號舖味道: 6/10味精: 6/10價錢: 7/10環境: 8/10服務: 7/10#vinainmongkok #vinainprinceedward #vinafood #cafe #hkcafe #panfriedUSjumbochickensteak #bacongarlicgravy #chickenfilletbaconwildmushroomsaucecapellini #hotyuzutea #foodporn #foodie #hkfoodie #f4follow #f4f #likesforlike #l4l #l4like

今日同屋企人去太子行街，仲諗緊食咩好嘅時候見到呢間都好多人排隊，行嚟行去都係想試呢間等咗陣就入得啦☺️呢度一個set lunch有湯有嘢飲有餐包加埋個意粉都幾抵食～質素都唔差㗎意粉又多汁，杯柚子蜜仲要咁靚，見到個匙羹咁靚都忍唔住影相🤣價錢都算抵食👍🏻加埋一都係60幾蚊咋🤪