Wendy鮮果禮品樂園

营业中

休息中

一班同事一起叫外賣下午茶, order了果盒, 果汁, 多士, 飛碟等等. 打電話order, 不用1hr便送到office, 十分快速.第一次食這裡的飛碟, 選了火煺芝士飛碟多士@$12.飛碟多士: 十分脆, 熔了的芝士加上火煺, 熱騰騰, 十分好味.橙汁: 有橙汁味, 夠冰凍.

今日突然好想飲鮮果汁，經同事提意LUNCH去左海光商場搵食，驟眼睇一條巷已經有３間果汁店，我偏偏揀左呢間！人龍好長我一路排一路諗緊食咩，未排到收銀呀嬸已經急不及待問我要咩，最後叫左甘筍汁+牛角碎旦包餐（＄２ｘ），諗多秒都被佢摧，而我同事本身想要杯藍梅汁，點知無就改要奇異果汁。好啦～佢地廚房整得都算快我盒牛角碎旦包好快整好，收銀呀嬸以為盒野係排我前面位男士，男士話唔係，之後問我，我當然答牛角碎旦包係我，收銀呀嬸之後想包埋人地（男士）杯深色果汁比我。我就話我杯係甘筍汁，（佢檯上面有幾杯顏色飲品，有綠有橙色有其他色）但唔知點解收銀呀嬸，係檯度拎左杯貌似甘筍橙橙地色ｏ既飲品收埋去另一邊！之後再大我，佢話～「唔係喎明明你話要西芹！」無奈地我被佢大到，我硬食左杯西芹汁。－－－－－－－－－－－－－－－－－－－－－－但係越諗越嬲，．如果呀嬸真係好記性就會記得o個位男士食咩，．亦唔會放左（男士）杯深色果汁比我！點解佢係要屈人，又唔寫清楚單，態度又唔係好，眼尾都唔望下人，今餐真係食到一肚氣！最後贈佢一句，記性唔好就寫低佢啦！咁樣屈客，遅早褶呀。

橙汁 - 沒有加水o既情況, 夠凍豬扒飽 - 法飽偏乾, 塊豬扒無特別 (唔係好又唔算差). 睇到貼於店前o既剪報, 有期望, 所以有少少失望木瓜 - standard 之作

係開嗰頭返工, 成日愛飲果汁既人又出動, 其實都幫襯左一段日子, 但最近俾我發現佢既橙汁係加左水!!! 飲落似果汁先生!!!雖然價錢係平 (我飲時已加價至8 蚊), 但係我寧願你貴點但唔加水.... 因為橙汁既關係, 所以我都認為佢其他果汁都有可能加水, 所以唔會再幫襯

三月廿五日(星期二)食完拉麵就去左飲番d野先!呢度係我上星期lunch既指定食肆,真係又抵又健康!12蚊有三文治+果汁!今次我飲左芒果木瓜汁,可能而家木瓜唔係當灶,飲唔出木瓜既味道,不過芒果好甜呢^^佢仲有d益力多飲品,都唔錯架!

近呢個月~ 差不多每日既早餐同lunch都幫襯佢~ 一來貧佢夠平~ 二來佢地都整得好好味~ 早餐一分雙料三文治+ 一杯大既果汁~ 都只不過係$15~ 飛碟就要$20~ Lunch推介豬扒飽~ 多汁~ 唔韌~ 個法麵好脆~ 另外果汁雜果杯都勁好味~ $10一杯咋~~~~~~~~

中學時期晌附近讀書，成日都o黎附近買果汁飲，上次到太古坊做o野，就愐懷下昔日日子啦。叫左杯士多啤利奶，$6，會問我落唔落糖，都幾細心。雖然我見佢都落左好多粒士多啤利，可惜o的味士多啤利就真係好淡，其實都幾難飲，如果落多ｄ糖會好味些少（因為我只係叫佢落少少）。或者下次試下其他配搭，可能會好ｄ。

細細地一個海光商場...已經有三四間果汁店....唯獨呢間逢lunch hour 都要大排長龍...所有果汁都係即叫即搾....standard 都係$6一杯....平時最鐘意飲木瓜奶/ 鴛鴦瓜汁.....大杯裝就$10....三文治/ 飛碟加一杯果汁$10...平到笑....我覺得香蕉吞拿魚飛碟幾好味...我幾鐘意食佢果個香芒豬柳飽...如果tea 呢....公司治就夠哂重量級...仲有楊枝甘露呀...超大杯....飲一杯都好係野....