What's Cafe

营业中

休息中

港島長沙灣區嘅餐廳，呢間絕對係數一數二！最鍾意食呢個白汁蜆肉意粉。最鍾意佢夠鹹，但係又容易入口嘅感覺。蜆肉份量夠多，蜆肉質感又好食落去舔舔脷。配搭側邊嘅蔬菜，整個料理俾人感覺有健康又好味。側邊有少少蕃茄粒粒，夾雜着一啲甜味，令成個意粉寫上嚟令人感覺更開心。🤭職員服務態度又好，有笑容。餐廳地點又近長沙灣地鐵站，交通超級方便。以前喺附近返工爸爸來都會嚟呢間餐廳食lunch。到時仲會帶啲同事一齊嚟！！！

間中lunch都會嚟呢間食，但食完今日唔會再食。1245去到，落左單之後我等個鯖魚飯都等左勁耐，杯咖啡超難飲，我好少覺得野飲難飲，真係飲唔落去，跟住個飯嚟到，我都好快手食完，食左冇10分鐘，呢個時候有人等緊位，有職員就行嚟我地位話差唔多夠鐘交枱，我望一望錶1323。因為都食完喇，就去埋單啦，跟住又冇人收銀，望住廚房職員整焗飯整左一陣，先嚟幫手收錢，我就順便問佢lunch係坐幾耐，佢話好似係90分鐘。我唔知實際係咪真係有90分鐘，可能冇，但我地前後坐左半個鐘多dd，即係連45分鐘都冇，咁即係依家午飯時間係30分鐘交枱係咪？我明白有人等位，但我都係坐左喺到冇耐，仲要等左勁耐先食物，勁快手食完就比人趕走。野食質素又唔係特別好，只係好一般，要咁樣食飯法真係唔會再嚟。

今次來到長沙灣区吃早餐，在長沙灣地鐵站旁聽到清脆的鳥聲，隨著細聲走著，來到了一家外觀是茶餐廳，但提供的食物是有點兒西式fusion的食店。餐廳裝潢很平民，屋頂還有舊式風扇，進去時有點熱氣，但坐下來不久，店員見客人多了，將冷氣打開了。那是傳統家族管理的表現。早晨的種類分中西兩種，西式有改良過的all day breakfast, 非常合適年輕人士。香茜沙爹牛肉米粉的沙爹味十足，味道濃香，再加上充滿香氣的香茜，足表現廚師廚藝。

正所謂「一分錢一分貨」，對於午餐，大部分人都不會預好多budget，所以去cafe食一餐已經算食得好好的lunch啦！呢間位處於公共屋邨之中的cafe，午餐時段都幾多人。是日點咗個西餐──薄切牛扒配薯條。牛扒雖然都預咗唔會係好似扒房牛扒咁厚身，但呢邊的牛扒真係有點兒薄，細塊咗少少，就算食埋沙律菜、薯條，分量都不太夠，有啲未夠飽的感覺咁。味道方面則平平啦，肉質都OK的，配以普通的燒汁，質素都不俗的，如果分量再多啲啲就更好、更有「滿足感」啦！

小小店鋪，lunch都滿人，應該有原因。呢到唔單選擇多，有西，台式，而且質素唔錯。今次我食左個lunch set.睇左一陣menu，唸左一輪 幾樣嘢想食，最後選擇呢個，黑椒雞扒漢堡，配咖哩角，五十零蚊。佢個雞扒不得了，煎完都仲好juicy， 一路食一路流汁。個咖哩角好有驚喜，個皮薄而脆身，個咖哩薯仔好香唔太辣，有少少咁多薯仔碎而唔係蓉，總之覺得好好味。仲有妙少沙律菜中和返個餐。特飲加$14，雖然有人會覺得朱古力唔算特飲，但對我而言，我知佢個朱古力會拉花，就係唔簡單，用14蚊買個拉花比自己賞心悅目下，食個lunch都可以打下卡，不錯。一個吸睛而好味嘅餐為一日叉叉電，到附近可以一試。

約咗朋友喺長沙灣行街.原來長沙灣食嘢都有好多選擇.今次揀咗呢間喺長沙灣東京街12號麗閣商場地下G28號舖嘅What's Cafe✨咖哩牛腩焗飯✨有薯仔,薯仔係炸過的.好香.牛腩嘅份量都幾多.上面加咗芝士.略嫌咖哩汁唔夠,如果多啲更好味.✨焗豬扒飯✨有一大片豬扒,味道唔錯.新鮮嘅番茄、青椒、紅羅白,飯面有好多芝士和醬汁一齊焗,又唔會乾,撈埋炒飯底一齊食,特別好食.熱檸水:檸檬水跟普通茶餐廳沒有分別.整體來講:食物味道都唔錯的.

正在猶豫中午食乜好，就見到呢間cafe,心諗住左呢頭咁耐都未試過，又見到好似都有幾檯客人，咁就試下啦。我叫左個All day breakfast $83 份量都算大，每一樣食物嘅品質都算正常。佢有跟埋湯，點完餐後，侍應姨姨先遞上餐湯。我見到個湯個樣有啲怪怪地，望落應該係磨菇蓉湯，但係個湯好似好稀好水，但係又有好多粒粒。飲落口第一啖覺得怪怪地，好咸，勁重蒜蓉味。我就問侍應姨姨呢個係咩湯？佢話係磨菇湯😳😳我再飲多啖試真啲，真係搞唔掂，個味道係好似你去花園餐廳食扒淋上去果啲蒜蓉汁😳😳😳😳我諗緊其實會唔會佢係俾左碗汁我而唔係俾個湯我😓我再一次同侍應姨姨確認係咪真係磨菇湯？佢話：係磨菇湯黎架，果啲係磨菇蓉同埋蒜蓉，我地嘅做法係搞碎，你係咪唔食蒜蓉架？um….我飲過攪碎磨菇湯嘅….但係真係冇飲過蒜蓉汁味道嘅磨菇湯。到埋單嘅時候，我諗住俾少少建議佢地，點知我講到一半，收銀姐姐就搶答話：唔啱你口味姐，我地不嬲都係咁煮。Well，可能係我見識少，唔識欣賞佢個湯，但係一間連客人嘅意見都唔願意聆聽嘅餐廳，我唔會再去。Btw,你地可以去朝聖一下佢地嘅蒜蓉磨菇湯

8-10-2022 (Sat)同老公走到麗閣邨睇洗衣機,睇完走人,啱啱到lunch time,由於想去長沙灣四喜encore佢嘅生朱古力(食評係2022年9月29日刊登嘅呢篇:https://www.openrice.com/zh/hongkong/review/yeah-%E4%BF%82%E6%88%91%E9%8C%AF-%E5%98%A5%E5%92%97-e4555033),所以就算唔太餓,都行返嚟經過嘅呢間睇,我哋可以叫個餐share.我哋坐低後睇完menu後,決定要$34.00嘅肉桂蘋果熱狗,加$12.00 要熱紫薯鮮奶.老公要$58.00嘅午餐,日式溫泉蛋牛脷飯,要一罐ooha汽水.冇耐, 肉桂蘋果熱狗到嚟,睇見簡簡單單咁,食落,肉桂味啱啱好,蘋果微甜,ok嘅;熱狗就普通不過,但冇烘過就有啲失望.味道:3.5分熱紫薯鮮奶,淺紫色咁幾靚,杯嘢唔太甜,飲落舒服嘅.味道:5分日式溫泉蛋牛脷飯,牛脷份量都唔算少,薄薄一片,我食頭幾件都好脆好乾,直情係柴皮,但調味係ok.之後食到件就軟身,juicy啲,係咪廚師偶一不慎,一啲煎過龍?味道:4分價錢:收我哋$110.00,我點計都計

係附近返工，冇乜野好食，哩間食過幾次覺得都好唔錯。食左午市套餐$60 Masala 煎豬扒飯，個汁整得好唔錯，豬扒都好食，唔係好乾好光嗰種，而係有咬口彈牙嗰隻豬扒。依家食個午餐好多地方都好貴，佢有嘢飲，有湯（不過湯好一般）份量唔細，味道唔錯，平民之選！叫咗杯奶茶，不過不失，都係當茶餐廳水準咁飲就可以。唔好期望咁高，當係一般嘅茶餐廳，但係比一般茶餐廳更加好食同抵食就啱！1點前埋單仲有九折添，性價比很好啊👌🏻👌🏻

長沙灣有很多特色cafe，而我因為工作關係來到這個最近的屋邨cafe。第一次光顧的時候，點了肉丸意粉，當時真非常驚喜，因為用鉄串燒肉丸上碟，味道也似是自家手打般，不過往後就再見不到那道菜了。今次揀了煙三文魚意粉，$68，味道和之前差不多，但份量偏少，再點了茶餐三文魚碎蛋牛角包，不知怎樣是甜的醬汁，感覺有點怪，而且也要$35，紫薯鮮奶跟餐再加$15，味道ok，不太甜。整體味道比茶記好，但份量略少，價錢有點進取。

呢間what's cafe 系麗閣商場。系由貨櫃組成。本身打算去食Masala豬頸肉飯，點知轉左menu，咁都無所謂就試下Masala牛肉飯。叫左個全日餐，免加一。×餐湯系南瓜粟米，有啲似粥…×因為系自助點餐所以無特別問，本身以為會系即磨咖啡，點知原來唔系。×Masala牛肉飯，都幾辣下，不覺味道真系一言難盡…應該系加左蕃茄既Masala所以酸酸地？感覺似系酸醙左既咖喱…又有啲似嘔吐物 (no offense)，但我真系唔鐘意呢種味道！整體食物都唔合我口味…

試左個Masala烤雞飯，整體而言都唔錯。呢款汁主要係辣辣地再加少少酸作陪襯既感覺，雞肉一般偏上。唔好既地方主要係個配菜，膠盒同紙杯。配菜個味真係一言難盡，寧願唔好擺落去仲好。膠盒同個杯真係好影響觀感，食下食下以為自己食緊d訂餐飯盒咁。我寧願俾多幾蚊換成紙盒&咖啡杯，提升一下整體觀感。真心唔明點解店內裝飾&堂食明明幾好，睇得出想俾顧客良好既用餐體驗，但外賣就完全冇擺心思落去。如果俾我揀應該就唔會再試。

地方幾靚幾好坐，我星期日下午茶時段幫襯，成場大約六枱客，得我未叫嘢食，自助落單好快有得食，但差杯嘢飲未到，一路食一路望住水吧，見裡面好和諧咁傾緊偈，結果真係漏咗單……之後有個照顧住小朋友嘅姐姐想要隻碗仔，樓面阿姐真係叫佢自己去自助茶水間自己攞…完全明白之前有人話［食物很好，阿姐很錯］!！！！！！！！！！！！！！！！！！！！！！！！！！！！！！！

星期日下午有事情來到長沙灣辦事。見地鐵一出附近有呢間，而且見到門面有mirror嘢，諗住試下。一入黎，播mirror歌，環境好似唔錯，有幾幅油畫掛住襯托下。Order左All Day Breakfast + 熱奶茶 + 送粟米湯 ($82)粟米湯 - 夠粟米味但略嫌比較稀。10分會俾4.5分熱奶茶 - 不過不失。正常水準。10分會俾6分All Day Breakfast - 有大啡菇，炒蛋，焗豆，牛角包，雞排，腸，生菜。整體而言我覺得係唔合格，10分會俾2分。- 大啡菇: 苦味濃，整唔到應該有果陣鮮味同口感。- 炒蛋: 沒用牛奶加滑，一睇同一食就知係就咁一隻雞蛋煎熟就算。- 雞排: 超級多油，拎起會見到一大堆油積係下面。 雞味未算突出，有少部分食到有筋。- 腸: 正常，但同上好多油。- 焗豆: 個人覺得係judge whether all day breakfast fails or not其中一個benchmark。食到口凍冰冰，已經可以fail。除左食物，仲有以下observations: 1. 個餐具盒隨手拎第一支刀，上面有好明顯的食物漬，唔知係洗唔甩定點，但擺出黎絕對唔討好。2

【印度Masala豬頸肉飯】Masala係一種印度由好多香料混合的調味料，辣辣地，但好惹味，喜歡吃辣的朋友應該都會喜歡，較小地方可以食到，不錯。【美式芝士蛋糕】晚餐只需要加$15就可以食到咁的質素的芝士蛋糕，性價比極高，蛋糕質感軟滑不膩， 亦不會過份黏口，相當好食。P.S. 晚餐有餐湯和飲品配送回頭指數：🐒🐒🐒🐒抵食指數：🌕🌕🌕🌕🌑