Wheatfield X 羅宋湯專門店 (漢宮閣) (已搬遷) 新店位置

今日冇咩胃口 想食d清淡d又開胃既野就試下睇個名就知開胃既羅宋湯專門店😋🐮鹽燒牛舌飯 清派羅宋湯配牛腩$78估唔到跟餐既羅宋湯竟然會咁大碗呢到既羅宋湯同平時出面飲既好唔同入口味道非常溫和 唔會話好酸飲到盲公開眼而且口感同一般羅宋湯好唔同 入口有種順滑感應該係餐廳落左少少奶油落去 極有新鮮感入面仲有三大舊牛腩 牛腩好淋 同個湯好夾👍🏼之後到個鹽燒牛舌飯 一黎到俾佢個份量嚇親🙀睇到成個飯都鋪滿哂牛舌已經非常滿足估唔到每舊牛舌都燒得非常香脆 入面d肉又勁淋 真係估唔到有咁大驚喜✨加上仲有一隻滷水蛋做配菜 隻蛋非常入味🍳食完個飯同埋飲埋個湯已經好飽 個餐仲跟埋餐飲飲埋落肚真係達到120%飽 整體黎講呢個飯性價比非常高👍🏼🐷豬髀肉清派羅宋湯配波菜麵 $62湯個部份就同上面冇分別 都係好好飲波菜麵冇咩特別 整體湯部比較出色豬脾肉得一塊🥹雖然表面有燒過 入口好香但份量黎計真係太少 朋友食完都話好空虛🥹整體黎講羅宋湯部份幾出色 鍾意羅宋湯既朋友都可以一試👍🏼

呢間餐廳在太古已有一段時間，平時我哋打工仔梗係去食food court啦！但由於疫情關係太古城中心嘅food court都已經暫時關閉，打工仔午餐就梗係要搵平、靚、正！呢度性價比幾高，食物質素都唔錯同埋健康滿分💯Work from Home多咗無黎一排，推出了麻辣撈烏冬啱晒鍾意食辣嘅香港人！但係我發覺同個羅宋湯唔係幾夾，下次我都唔會叫啦🤣🤣但係個羅宋湯依然係好美味、好清甜！同埋又有勁多蔬菜🥬，湯入面有幾舊牛肉，大概係半肥瘦所以個湯底好香濃。提一提如果覺得唔夠配料，係可以另外加

今日去Taikoo見完工，自己去食Lunch，揀咗呢間地舖名叫羅宋湯店，因為眼見店舖細細但午市非常多人光顧外賣！心唸一定好好味，要試下先！我聽1位女伙記介紹，叫咗份套餐，先飲一啖湯，感到羅宋湯非常厚身，而且牛脂味濃厚！嘩！有4大粒牛腩加上大量蔬菜，套餐個湯為何會咁足料呢？$78呢個價有湯有飯仲有好香口的大雞扒，其實價錢是合理！我男朋友話勁肚餓，所以我走時買咗1份外賣套餐再加多2款小食(牛扒+麻辣雞柳絲)，埋單仲有折扣添！男朋友話我傻，買咁多，不過佢最後又食完，仲話2款小食都好好味喎

見最近 𝗪𝗵𝗲𝗮𝘁𝗳𝗶𝗲𝗹𝗱 𝗫 推出急凍食材優惠價就買來試一試方便又美味❥ 豬髀肉羅宋湯 🌟必試！蔬菜和豬肉材料份量多原片豬肉大大塊湯味濃郁，飲落好開胃又飽肚❥ 紅菜頭素湯紅菜頭營養豐富、纖維低卡仲有抗氧化功效特別適合追求健康或修身嘅人飲用~以上的急凍湯包適合1~2人用另外，還有多款用秘製醃料的肉類同樣解凍後可以即時落鑊爆炒或煎香非常方便，啱晒繁忙嘅都市人自己再加啲蔬菜配料即使地獄廚神都可以美味餸菜！❥ 秘製雞翼❥ 秘製牛扒❥ 秘製豬扒❥ 秘製雞扒

普普通通，價格偏高。大概$80嘅套餐包咗羅宋湯，餐包，一個薯仔沙律同一杯熱飲。羅宋湯大概有五至六片牛腩，味道比較濃。其他嘢正常發揮冇乜特別。價格性價比偏低。冇咩特別平平無奇~

味道不過不失，ok嘅,但係未好食到要特登加「專門店」呢三隻字喺個舖頭名度，當你加得專門店呢三個字我就會對個味道有返一定嘅要求。但唯一接受唔到嘅係：冇服務都要收+1服務費😅😅😅😅茶餐廳服務質素，然後收我加一😅😅😅

天氣凍凍地經過就入去食過輕便晚餐，羅宋湯係自己覺得好傳統又有點懷舊的菜式，味道總有點兒時吃西餐的回憶。首先叫左一碗豬髀肉羅宋湯螺絲粉，份量大大碗，味道很好，開胃！豬髀肉切片，質感軟熟，有點兒似日式拉麵的叉燒:）熱辣辣的螺絲湯粉好滿足。又叫左一容雞扒套餐配海派牛腩羅宋湯，雞扒不算太大塊，煎得很香，但有少許過油，只好將雞皮切去。牛腩肉燘煮得好，一囗雞扒飯一囗熱湯，好飽。跟餐熱飲一杯。期間不斷有人落外賣，員工效率很高，亦有禮貌，稱讚一下

今日再嚟到太古城分店食下午茶落單前，一再交帶唔要肥騰騰嘅牛腩牛腩有四舊，全瘦無肥膏湯料多味濃郁黑椒味重上海麵質感一般，唔夠爽口同彈牙今次係第二次嚟，感覺比上次好，主打嘅羅宋湯味偏甜，整體水平屬不過不失，個人嫌偏甜重口味咗啲，唔係我杯茶！

星期日去到太古城食晏，試左羅宋湯專門店，間店細細地，唔算太大，冇乜人等位，試左全日首選配搭湯麵，佢分左Step1同Step2, Step1可選湯底，Step2就可選麵及白飯，我step1就選左招牌嘅羅宋湯配牛腩，step2就選左上海麵，另外就再追加左煎豬扒，首先講下羅宋湯，都幾好味，幾濃，但牛腩，非常韌，咬都咬唔開，上海麵就比例穩定，尚算彈牙，有口感，值得讚嘅係塊豬扒，煎得好香，醃得好入味，好腍，總括來說都可以一試。

今日下午專登嚟羅宋湯專門店，試下我喜愛嘅羅宋湯下午茶時間無乜人地方唔算大，食物種類亦唔多加埋一，最少70幾，啲嘢食唔平叫咗個D餐，滋味配搭系列（任選其中一款）揀嘅當然係羅宋湯（牛腩）+迷你蝦多士圖片靚好多以為叫得羅宋湯專門店，梗有返咁上下，但唔知係咪下午茶？感覺個湯無咁足料，唔夠濃郁，味道偏甜，番茄味唔突出，放幾多胡椒湯底有兩件好細舊嘅牛腩，其中一件重係肥膏嚟，得少少肉，實則祇得一件咋，失望迷你蝦多士炸到金黃色，鬆脆可惜勁油，蝦膠好少，叫炸多士啱啲反而餐飲杯奶茶幾好，有意外驚喜下午茶都有加一個侍應話掃個QR Code，登入去完成註冊就有積分，我嫌麻煩，反正唔會再嚟！

WEEKDAYS 返工日子來吃LUNCH，這間以羅宋湯做賣點的餐廳，之前每次經過都看見有人在等，今次約朋友來試試。餐廰位置不多，等了大約30 分鐘才有位。我選了經典羅宋湯套餐，我朋友選了撈面套餐，重點當然最期待試試這裏的羅宋湯!朋友和我都覺得比港式扒房優勝，味道比較濃郁，牛味比較重，材料不少，但又不至如超級超級好味，但我們也很滿意，其他配菜也不錯，我朋友的撈面也看似很好吃，他也覺得味道不錯，在這區算是性價比不錯的餐廳，可以一試。

叫了熊貓外賣，吃了牛肉羅宋湯加螺絲粉，湯的味道確實不錯，但湯內只有五件細細的牛腩和極少量的蔬菜，分量不足以填包一個普通男人的胃。最大的問題是那幾舊牛腩，全部有如擦子膠，都吃不到。叫的另一碗好少許，中有兩件尚可吃。為什麼不做得好些？難道廚師真的不知道？還是為了成本而要這樣做？在香港有太多太多的餐廳，總要令食客對食物留下絲絲的遺憾？我寧願俾貴些。現在吃了一次，以後也再不敢叫了，即是我十分懷念湯的味道。

呢間係喺太古城每次經過都想去試但係冇嘢吸引到我以為羅宋湯會有驚喜一入到去就覺得好冷清冇感覺到應有的招呼要去前台埋單員工又冇笑容但係又有加一服務費所以覺得氣氛唔好冇食到走咗即刻成間羅宋湯店扣分都幾難再去

係Openrice發現呢間餐廳有做外賣自取，所以係Openrice就直接落單。由落單至取餐都非常快速。好方便。今次order左師傳秘製撈麵，入面有海派牛腩羅宋湯配牛腩 同撈上海麵。上海麵軟硬適中，味道方面就個人覺得撈上海麵普普通通，不過羅宋湯的確好味。有好多菜同番茄蓉，非常濃味。同埋都幾大碗。因為擔心唔夠食，所以叫左兩塊燒豬髀肉（薄切）。不過因為個湯入面都有D牛腩（唔係特別好味）所以其實都好足夠。而呢兩塊燒豬髀肉雖然薄切，不過都有D厚度。

I am not a fan of food with borscht. One evening, my husband and I had to wait for my daughter finishing her painting class, we randomly chose a place nearby to sit in. I would say the price was quite low since the quality as well as quantity of the food served was very reasonable. However, I do advise you not to select drinks like milk tea or coffee. They were almost tasteless. The environment was not very comfortable, but it was acceptable since I was only expect a place to pass time. Of cours