Wing Wing 哋 (已結業)

我不嬲都好鍾意食雞翼～聽到朋友介紹葵芳附近開咗間好有特色既雞翼小店，即刻去試下！入到去見到店主好用心既裝修好鍾意“翼來順受”呢個打卡位💕雞翼有好多唔同味今次我就試咗日式芥末、鹹蛋黃、柚子同埋四川麻醉！柚子味好清新，甜甜地四川麻辣個人就覺得唔夠四川麻醉味但個日式芥末同鹹蛋黃都超級好味！！！尤其是鍾意鹹蛋黃既朋友，一定要黎食下！我仲試咗店主推介既紅白藍特飲平時我都好少飲甜嘢。但佢蝶豆花+鮮奶+草莓既味出期地配，好好味原來嗰特飲係店主自創，值得一試👍🏻

位置方便，環境舒適，近林士德體育館食物嘢飲種類選擇多，主打雞翼，食物份量合理，雞翼幾大隻蕃薯條炸得幾乾身，唔會太油膩，外脆內軟雞翼多汁嘢飲都算大杯，解渴，用新鮮生果整，果香重，食到粒粒生果總體食物質素唔錯

今天和朋友食下午茶，交通方便，有1小時免費泊車，有八款雞翼可以選擇。蒜蓉雞翼不錯鹹蛋黃雞翼好味蕃薯條，柚子雞翼正👍嘢飲好足料，尤其係芝芝芒芒，啖啖芒果肉加超好味芝士（聽店員講用philadelphia cheese) ，好飲下次要試埋丼飯

早幾日同亞媽去探親友路經呢間新開小店我地叫左兩款雞翼~鹹蛋黃雞翼&四川麻辣雞翼咸蛋黃雞翼幾好食，食落去唔會太油四川麻辣雞翼辣度剛剛好岩曬喜歡食辣既我但我媽媽佢唔食辣佢就話好辣

人生好多時都會遇到不如意事，但好多時只要樂觀面對，保持正面而接受既態度，就自然會俾自己搵到適合既出路。 Wing Wing哋呢間小店內裡招牌，就正正提醒大家遇到困難時可以邊享用雞翼邊消化自己的情緒吧。Wing Wing哋呢間新開既雞翼店，位於葵芳廣場(亦葵涌廣場對面, 葵芳邨內商場範圍)地下。如果更加詳細的解釋，就是位於前往大連排道金龍工業中心既天橋底，雜貨與麵包店旁默默既一個小單位。雞翼店除主打共8款口味既雞翼外，仲有7款罐頭式既飯盒可以選擇。如果真的每日都試味的話，都要足足1星期先可以試均! 雞翼及飯盒既套餐都唔包飲品，所以可以根據自己既口味而選擇與否。由於時值晚飯時間既關係，小編與老公就試左3款雞翼(連炸薯條)套餐($99)﹑日式慢煮豬軟骨飯($58)﹑以及白桃烏龍(+$15)。 響考慮個陣都有店員及熟客出黎介紹，仲話最受歡迎係W01鹹蛋黃﹑W04日本芥末及W06柚子。不過我地都俾W08焦糖威士忌吸引之下，決定放棄芥末而試下比較冷門既威士忌吧。由於雞翼店主力為外賣生意，所以包裝上都會以外賣用品及餐具為主。不過上菜時大家都被藍天及飛既主題吸引住，因為比較少店鋪會以淡色為包裝主題 (

間店新開不久，路過幾次都未入過去，今天下午同呀媽行過！天氣熱到不得了，見到有D特飲同小食，決定入去試試，點了幾款特飲！紅白藍印象深刻好靚，好香濃士多啤梨同牛奶味 ，黑糖珍珠奶茶個茶底係用茶葉冲製，茶香味濃，另點了蒜蓉牛油同椒鹽鷄亦share，即叫即做！都好野味。同D店員傾了幾句，聽講老闆係個失業飛機司，可能新手，係有D甩漏，，不過好friendly,,, 有heart嘅，情有可原！今次下午時間食吾到太多野，下次再可以試吓食佢地D罐頭飯！

“紅白藍”($30)葵芳廣場新開咗間小食店(係葵芳廣場唔係葵涌廣場呀🤣)小店係由一班前KA機師開立✈身為航空界同行當然要去支持吓啦💕早幾日熱熱地去到即刻買返杯飲品飲吓🥤要咗呢杯紅白藍❤🤍💙係由蝶豆花,奶同士多啤梨🍓整成個漸層好靚打卡岩哂🥰飲落帶點士多啤梨香但唔會過甜☺呢道除咗飲品仲主打雞翼同丼飯丼飯個包裝有個拉環蓋好得意😝下次過嚟要試埋先得啦😆