ZAN CHEE (新城市廣場一期) (已結業)

新城市開咗一間韓國外賣店，真係勁多人排隊我都嚟湊下熱鬧先！我叫咗個紫菜飯卷餐入邊有炸雞，紫菜卷，餃子同埋飯卷！炸雞我叫咗原味冇汁，我覺得要原味冇汁會比較好，因為呢你返到屋企嗰陣時呢啲汁唔會令到啲炸雞嘅淋哂，正如我呢個情況咁啲皮都係冇諗到嘅，仲好脆添！佢嘅炸雞又配上芥辣，點嚟食真係好好食！因為好鍾意食炸雞嘅關係，所以都叫咗多一盒炸雞！滿足晒我食炸野既慾望！另外仲叫咗中size嘅kimchi,仲要係辣嗰隻!辣既泡菜真係令到人哋食得好過癮，辣得來仲忍唔住一啖接一啖咁樣食！呢間外賣真係要大力推薦！

自己都好鍾意食韓國菜有時心思思就想食🤗今日經開見到有一間新開韓國外賣專門店 🤠門口好靚 入到去見到都有幾個韓國人，感覺非常正宗配菜勁多放喺櫥櫃，亦都有好多醃製食品，太眼花撩亂嘅時候，自己就揀咗精選便當，主菜可以選擇牛、豬丶雞丶魷魚或者排骨，再配上五種配菜，都係$75！我就揀咗牛，好快就拎到返屋企賣相相當精美🤠配菜有炸雞、泡菜丶玉子卷丶菠菜等等，所有配菜都相當有質素～仲有佢唔係用白飯係用紅米飯，感覺超級健康！牛肉又有牛味，又夠嫩，好好食，配上紅米飯食一啖一口相當滋味 夠飽肚❤️

【沙田⋄ 高質韓式外賣店】 🍽 Zan Chee 哩兩年無得去旅行 有時都會想食下正完韓國菜🇰🇷好似係韓式紫菜飯捲、炸雞同埋泡菜😍✨餐廳主打韓式料理便當 有勁多款泡菜涼拌菜私心推薦牛肉Gumbap 超級足料好多餸🤤飯捲入面有牛肉、魚糕、蘿蔔乾、青瓜、蛋絲、蟹柳等等另外叫左涼拌菠菜+大豆芽 又好味又健康👍🏻⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ✄ ⋄ ⋄ ⋄ ⋄ ✄ ❝我地食咗咩? ت ❞ ☞ Bulgogi Gimbap $55☞ Spinach + Bean Spouts (Small) $40⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ 👅味道：⭐⭐️⭐⭐👩🏻‍🍳服務：⭐️⭐️⭐💫📸環境：⭐️⭐⭐⭐💰抵食：⭐⭐⭐⭐⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ✄ ⋄ ⋄ ⋄ ⋄ ✄

疫情之下外賣店越開越多，但正宗既韓式外賣係新界都唔係咁易搵，多數都集中左係油尖旺偶然間遇到呢一間韓式外賣店，梗係要食啦我就好鍾意食韓式飯捲既，因為韓式飯捲會包含左好多蔬菜類，食落夠晒FRESH，最重要係唔肥所以就點左烤牛肉飯捲同鯷魚飯捲烤牛肉飯捲呢個烤牛肉飯捲都幾唔錯呢到既飯捲都有好多種蔬菜同配料，包括紅甘荀、青瓜、酸瓜、蟹柳、雞蛋當然唔少得身為主角既烤牛肉烤牛肉味道唔會太濃，同其他新鮮爽口又FRESH既配料配合得岩岩好而且份量都足，食一份都已經幾夠鯷魚飯捲呢個因為少人叫Ｄ，所以叫左要等一陣，但係值得既鯷魚飯捲相比起烤牛肉飯捲味道較濃，而且多左份鮮味食落有Ｄ似醃左同少少硬硬地既白飯魚，都幾得意

疫情之下多左外賣店，但係正宗韓式食物既外賣店好似唔多呢間就係少數之一雖然我黎到只係六點，但都已經唔少人過左陣仲排晒長龍，就知道應該唔錯飯捲+炸紫菜粉絲卷+炸雞都幾豐富既一個set，有齊上面咁多野飯捲係火腿飯捲同埋有蛋、青瓜、紅蘿蔔、酸瓜等等既材料食落口感幾豐富飽足度都還可以炸雞甜甜地辣辣地幾開胃雞肉都幾嫩炸紫菜粉絲卷幾特別既一個小食紫菜香濃，入面包有滿滿既粉絲炸過既外層同入面既粉絲形成唔同口感，幾特別

今日行過沙田突然想食韓國野，但又唔想食連鎖餐廳。 行行下發現新城市開左一間小店，而且裝修用左tiffany blue顏色好吸引。 一入到去就有好大個雪櫃，入面全部都係韓國小食，例如炒牛蒡、炒魚糕，辣小魚。 加加埋埋應該都有百幾種。 另外除左小食，都有其他韓國主食，例如炒粉絲，同埋韓式拌飯，炸雞，十分多選擇，估唔到小店都可以咁滿足我無得飛去韓國既癮。 最後我揀左魷魚拌飯，份量相當足夠，性價 比很高！ 我一定會再回來再試下其他小食同主食。

假日當然是行山啦！同朋友在沙田行完山，想食韓國菜～剛好在新城市廣場有間新的韓國菜外賣店，二話不說就買了外賣回家吃！雖然店鋪不大，但是食物款式又好多！全部都是自家製的韓國醃的小食，連職員都是韓國人，感覺好正宗！除了小食，還有醃的肉，可以買回家自己煮喔～向朋友一人一份韓式拌飯，一款是牛肉，另一款是魷魚。另外還加了一份醃製小食，是有魷魚同蟹子。韓式拌飯來講，這款份量是超大！真是夠 2 人吃，而且配料都好多。每碗飯都配一盒小辣醬，建議要將所有配料均勻地攪拌，這樣就吃到好豐富的啖啖韓式牛肉飯啦～醃製小食雖然細細盒，但是比韓式拌飯貴多了。加少少落飯到一齊食，夠晒咸香又好惹味！會吃多了飯呢～

最近放假和女朋友又行下街，經過見到一間韓國小店，見到食物十分吸引！雖然鋪頭唔大但內裡有很多不同的韓式食物，使好想去韓國的我們又心動了！店員都服務態度親切，會介紹一下她們的特色食物，給我一份menu 慢慢看！我們一向喜歡韓式料理的，其中一款的烤牛肉飯捲，烤牛肉新鮮製，配埋蔬菜，飯捲確實好味又飯肚，性價比高！另辣豬肉便當，豬肉嫩滑送飯一流！配合埋多款配菜和雞蛋，還有紅米飯呢，真是健康滋味！下次一定要再幫襯呢！

要喺香港🇭🇰搵地道韓式美食, 第一時間會諗起尖沙咀韓國街🇰🇷 原來宜家沙田同中環都開左一間可以一次過食勁多款式地道韓式美食嘅小店, 鍾意食韓國菜🇰🇷嘅친구들太幸福了 Zan Chee呢間韓國料理外賣店嘅店面唔算好大, 但係櫥窗有超超超超超多種韓式配菜選擇, 仲有紫菜包飯、炸雞、便當揀😍 店員好似係한국사람🇰🇷黎架😳 真係令人好掛住韓國🇰🇷🥺炸雞 💰$75]食紫菜包飯有一種莫名嘅魔力同滿足感🥰 醃蘿蔔、紅蘿蔔絲、牛蒡絲、青瓜絲, 蟹柳絲。。材料豐富足料仲好新鮮, 好似仲有玉子喺入面添呀🤤炸雞大大舊, 啖啖肉, 配上甜酸醬料超級惹味, 甜甜地酸酸地又帶輕輕嘅辣味, 夠曬開胃😋 炸紫菜包住粉絲係幾特別嘅配搭～ 便當 🍱入面仲有隻炸餃子🥟添～下午茶黎講份量唔多唔少啱啱好👍🏻 一次過食咁多款韓國美食🇰🇷真係太幸福了😌

因為疫情關係最近都多咗買外賣返屋企食，鍾意食韓國嘢嘅小編最近見到網上好多人推介呢一間係沙田同中環都有分店嘅韓國小菜專門店，店內有多款韓式小菜選擇，仲有唔同Size，非常貼心💜今次小編就買咗佢哋嘅便當番屋企食，味道都唔錯㗎👍🏻_🍱飯卷加炸紫菜、粉絲卷加炸雞$75一個便當可以試均四款菜式，飯卷配料幾足料，食落口幾惹味，小編特別喜愛炸雞，醬汁甜甜酸酸好開胃，平時比較少食粉絲卷，估唔到囗感都幾豐富😊下次有機會試埋其他小菜先

以前已經食過ε-(´∀｀; )今次帶埋朋友嚟買野-🐷原味豬手｜💰220好彈牙，番屋企解凍多陣就得ε-(´∀｀; )有生菜、辣椒、蒜頭、同埋辣醬包起來原汁原味-🥡飯卷炸紫菜炸雞｜💰75炸紫菜粉絲卷超好食！如果配埋辣湯應該仲好食炸雞同炸紫菜返到屋企都依然係趣卜卜ε-(´∀｀; )-糯米血腸｜💰50佢地又有血米腸ε-(´∀｀; )唔係到到都有血腸係我嘅最愛🤣夠濃味又唔腥皮煙unnnn-另外我仲買過好多小菜，例如： 炒魚糕泡菜菠菜等等全部都好夠味魚糕夠煙韌夠香夠惹味，菠菜芽菜麻香(⊙ω⊙)而且全部大大盒獨立包裝夠衛生！-

早前行沙田新城市廣場的時候發現新開了這間韓國小食店，終於不用再出尖沙咀買就可以食到了！小店不是很大，廚櫃內放滿一小碟的韓式小食，很吸引！這間的店員都是韓國人來的，十分地道！芝士飯捲，這裡除了韓式小食，也有飯捲可以買到！飯捲有幾個款式，而我揀選了芝士味！飯捲內包了蘿蔔絲、青瓜絲、雞蛋絲、牛蒡絲、蟹柳、cream cheese等，材料豐富，食落爽口又有流心芝士，口感非常豐富！鹽醃八爪魚，醃八爪魚一向都很喜歡食，八爪魚腳爽口彈牙，醬汁加入了生蒜片，辣辣地非常刺激味蕾，而且這裡的八爪魚是獨立包裝，方便又衛生！

經過沙田見到呢間韓國菜咁多人排隊本身諗住睇吓點知變相買咗除咗有好多款唔同嘅前菜仲有套餐同埋小食花多眼亂嘅我梗係叫套餐但佢哋好似係韓國人，主要用英文溝通，得一個識講廣東話，雖然佢講英文但係我講廣東話佢竟然唔知我要啲咩叫咗個炸雞便當份量絕對唔少，而且返到去都仲好好食有3件炸雞，一份韓式壽司卷，一件韓式餃子同埋兩件嘅韓式粉絲卷每樣少少啱晒我呢啲咩都想試嘅人唔好睇去好似唔多，其實係真係好飽，但價錢絕對唔貴，咁多嘢食加埋都係$75個韓式壽司卷真係好多配料青瓜紅蘿蔔牛蒡蛋蟹柳黃蘿蔔紅腸咁足料嘅壽司館點可以唔食

夜晚黑收工，成日都唔想煮飯，因為叫外賣take away好方便。上環唔同嘅小店都有得選擇，今次就試咗一下，呢間由韓國人主理嘅——韓國外賣店。店員全部都是韓國人，證明出品都會好正宗。試咗兩款，分別係佢哋嘅炸雞拼盤，同埋海鮮餅做dinner takeaway。海鮮餅非常之香脆，而且個味校得啱啱好，有微辣嘅泡菜，口感更加豐富。佢嘅炸盤拼盤，都非常之多樣化，有齊飯卷，炸粉絲紫菜卷，同炸雞，食落去覺得滋味十足。

local korean lunchbox set in sheungwan!行過上環見到哩一間韓國外賣店非常之有特色，店員都好正宗，平時同佢哋都係講英文，或者係韓文溝通為主，佢哋嘅款式好多種，行入去可以見到玻璃櫃入邊，全部都係唔同嘅品種菜式，可以睇住揀非常之方便，因為係中午，所以同friend就先試一下佢哋嘅lunch box,我試嘅係辣牛肉便當。配料非常豐富，我最鍾意佢嘅鵪鶉蛋，而且牛肉都好香滑，加埋健康嘅糙米飯，高纖维之餘更加營養。